عميد منتدى الحياة الفطريه الشيخ سلام سلمه الله :
ما فيه أسم يجي من فراغ , وطلب العلم ما فيه حياء , وضريط النعام أستوقف ابو نقشه بعد لقيت أن كل أسماء هالشجره لها علاقه بالمسمى ألا النعامه وضريطها , على أعتبار أن ضريط النعام ظاهره صوتيه وهالشجيره ما غلب على ظني أنها تطلع أصوات .
لكني تذكرت أن أغلب أساميها (الشجره) جات عن طريق الشم ولا هو عن طريق السمع , يعني أن فيه علاقه وشبه بين رايحة هالشجره المنفره ورايحة ضريط النعام اللي ما عمرنا سمعناه ولا شميناه بعد أنقراض النعام من جزيرة العرب وأنقراض حاسة الشم عندنا .
وبعد شوية تفكير تذكرت أن المخاوي يذكر لي أكثر من مره أنه في أسفاره لأذربيجان كان يخرج مع بعض معارفه بمقناص في سهول هاك الديار اللي تعج بالنعام وغيره من الصيد , وقلت في نفسي ما للقوس ألا باريها ولا لضريط النعام ألا المخاوي , وقررت أنتدب المخاوي لسهول أذر بيجان لعله يستضرط لنا بعض نعامها ويشم ضريطها خصوصا أن حاسة الشم عنده قويه , وبعدها يجينا ويفتينا عن وجه الشبه بين رايحة هالشجره اللي أبتليتنا بها الله يسامحك في هالمنتدى الطاهر ورايحة ضريط النعام .
ورجايه منك يا شيخنا , ثاني مره لا تحرجنا ولا تجيب لنا ألأشجار اللي تجرنا بها لمواقف ما نحسد عليها..
والمخاوي ترونه تقبل المهمه بصدر رحب , وقال أنا لها ولأطقع منها , ومنكم الصبر ومني يجيكم علم الطقيع الوكاد , لأن الرجل ما يبي يسافر حتى يقلع البرد من هاك الديار وبراريها , هذا ما لزم بيانه , وشكرا ...
اضحك الله سنك يا شيخ منقاش فلو لم يأتي من تعليقك هذا الا اضحاك الاخ المقداد لكفى.
وانا لا اتفق معك في تكليف مخاويك بمثل هذه المهمات فالرجل طيب ولا نرى منه الا الطيب فلماذا كل هذا الهجوم يا شيخ منقاش ؟
03-31-2011
رد: شجيرة المريوحة
المواضيع المتشابهه
العرض المتطور
