مصــافحة أولى.. (قصيدة مهداة إلى قبيلة ثمالة ) .

[النادر]

المشاركة الأصلية كتبت بواسطة سهيل2012

بسم الله الرحمن الرحيم

الإخوة الأعزاء أعضاء منتدى بلاد ثمالة ..
يسرني -وبكل تواضع- أن أقدم لكم المصافحة الأولى ..في هذا المنتدى ..
وهي كلمات خرجت من القلب ..أرجو أن تلامس قلوبكم ..وتفي بالغرض ..
فإن لقت منكم القبول ، فهذا ما نصبو إليه ..وإن قصرت عن علو مقامكم ..
وسمو مكانتكم ..فأرجو المعذرة .

[poem="type=1 bkcolor=#CCCCCC color=#9933CC font="normal large 'Segoe UI', Tahoma, Verdana, Arial, Helvetica, sans-serif""]سلام الله سلام يفوح منه الشار والريحان = معطر من عطر ورد الهدا ويا رياحينه [/poem]
[poem="type=1 bkcolor=#CCCCCC color=#9933CC font="normal large 'Segoe UI', Tahoma, Verdana, Arial, Helvetica, sans-serif""]

سلام الله من سهيل وتحياتي على الثملان =سلام إسلام يا اهل الدار والمقدار بادينه
تحيه وافيه لأهل الوفا من ربعي العتبان =على سلم العرب والدين وكدها براهينه
صداقتنا قديمه ثابته من سالف الجدان =وجيران وعواني يشهد التاريخ وسنينه
دخلت المنتدى واعجبني التنسيق والألوان=ترى المكتوب باين ياثماله من عناوينه
ماكنه غير خيل سباق تصهل داخل الميدان=تصفحت ودخلت أقسامه وعارف قوانينه
أنا سهيل العتيبي جيتكم داخل مع البيبان=طريق ثماله المعروف بالرجلين ماشينه
سهيل اللي يبا يعرف سهيل الاسم والعنوان=يشوف أحمد عبيدالله يحط يديه بيدينه
ويلقى عنده اسمي كامل وشامل بلا نقصان =مشرفني هذاك الاسم يوم أهلي مسمينه
أبو بندر كما العد القراح ويروي الظميــان = ما ينقص ماه من غرف الدلي ياربي تعينه
مرياه للصديق وعون للمسكين والفقران =من محياه شع النور بالإيمــان يازينه
ليا جاله صديق(ن) طافي(ن)نوره وهو زعلان=يواسيه ويمد الكيف في الفنجال بيمينه
وابا أذكر بالوفا جمعية(ن)للبر والإحسـان=تغيث المستغيث وتمسح الدمعات من عينه
وابا أذكر بالوفا من شيد بناها على السيسان=يقدم حسنة بعشر حسنات(ن)في موازينه
أخيل النو يم بلادكم وأقول يارحمــان=تهل المزنه الغرا يسيل السيل من حينه
يسيل السيل مع وادي جفن ويصب في البستان=وتروى شجرة التفاح والرمان والتينه

[/poem]

أرجوا أن تحوز على رضاكم ..والسلام عليكم ورحمة الله وبركاته ..

يوم الأحد 18-11-1432من الهجرة .

[poem="type=1 title="blue" font="bold medium Arial, Helvetica, sans-serif""]هلا يامرحبا ترحيبة(ن)من خاطرٍ نشطان=معطرها بمسك وعود ويطيب على حينه
وعليك من السلام اللي بديت ورحمة الرحمان=كذا منهج رسول الله علمناه في دينه
ولعتيبه وفا ينطح وفاء ويرجح الميزان=من الثملان للعتبان والشيطان بنهينه
تجاورنا على حفظ الكرامه يومها حدان=وكان الطيب قبل العرف هو شرعة قوانينه
ولازلنا على ماحنا عليه نوثقه للان=ويبقى مابقا دم الوفي داخل شرايينه
هلا بك ياسهيل الشعر عند مروض القيفان=على سمن وسمين وقاف لابعده ولازينه
دخلت المنتدى واسمك سهيل وبنت يومه بان=تخيرت السما بين النجوم وصار لك بينه
وعنوانك مع احمد والوفاء للوافي العنوان=ابو بندر سجل الطيب ومجود عنواينه
ويستاهل نعم والفين نعم معشي الضيفان=ثمالي ماقفه مزروع مع جملة مضامينه
ذكرت الخير فاهل الخير والله يصلح الاوطان=وتشوف اهل العطا في كل ظلع وحزم ومدينه
تخيل الخير جعل الخير فالك ياوسيع بطان=ونسمع به على دارك وعود يابس يلينه[/poem]