النتيجة : لم ينجح أحد ..!!

[سهيل2012]

المشاركة الأصلية كتبت بواسطة ابو فهد

لا بالله الا يبقى ويميز وفكره غير مسبوقه بالمنتدى على الاقل

صار ( تحارشون بين ورعانا ) يضربون بعض وتقول بالغلط

الله يسعدك ياسهيل كم اضحكتني

طيب خذ عندك بعض مامر باولياء الامور

يوم ( هبت براس اخوك ) يروح ( يشأر ) على ورعانه بالمدرسه وأخذ احدهم لموعد بالمستشفى وقد تكون ( كلمة ورعان كبيره ) بحقهم فهم بالثانويه العامه ولكن ( جرت على لسان اخوك ) المهم جيت الوكيل قال باي صف علمته تقريبا الحصه الرابعه او الخامسه قال خلاص هذي ورقه روح لفصل الطالب وخذ الطالب يوم جيت الفصل الباب مقفل دقيت وفتحت الباب على طول ( على اساس هم بحصه ) يوم فتحت الباب لقيت المعلم ( نايم ) والطلاب نصهم نايم والنص الثاني ( قرقر كثير ) واضرب الباب بقوه صحى ( الافندي ) عفوا اقصد المعلم مادرى وش يقول يطالعني عيونه كأنه ( شارب فمتو منسدح ) قال نعم قلت نوم العافيه ممكن اخذ ولدي عشان تقدر تكمل نومك طالعني وعيونه تطاير شرر مدري هو زعل من كلامي ولا من تنغيص نومه لكن خرجت وانا اتحسر على تعليمنا ومعلمينا ومن يومها وانا غاسل يدي ......

ولك ان تستنتج ماتريد من القصه

وفقك الله

هلا وغلا أخوي أبو فهد ..

والله إني فاقدك لي فترة ..لأنك من الرجال الذين إن غابوا يُفتقدوا ..

تعليقك ذكرني بقصة المعلم اللي كان إذا دخل الفصل ..تغطى بالجبّه ( الفروة ) العباءة ..

ونااااااااااااااام ...

وذاك اليوم ..وهو يغط في سُبات عميق ..إذ بالتلاميذ يهمسوووون : إحم ..إحم ..يتنحنحون !!

ويوم لد في الباب ومدير التعليم مع مدير المدرسة مع مدير بقعا ..كلهم بالباب !!!!

فصاح بصوت ٍ عال ٍ مسموع ( وهكذا يستيقظ الأرنب من نومه ) !!!

فصفق له مدير التعليم قائلا : (ونِعم الوسيلة) !!!

الله يخارجني من هذا الموضوع ..شكله سينحو منحى آخر ويشمت بي الشامتين ..

وينقدني مع زملاء الحرف !!!