فنجال .. وعلوم رجــــــال .. !!

[سهيل2012]

المشاركة الأصلية كتبت بواسطة الحاج سلام

ماهي غريبة انا اعرف انسان ولد في البير وعاش فيها اكثر من ثلاثين سنة .والان هو حي يرزق وعمرة فوق الثمانين وصحته ممتازة ويضرب ركب ايضا .

الله يكفينا شر الركب والعراقيب يا الحاج ..

وقد قرأت هذه الأبيات للشاعر سعود المطيري يجسد فيها الفقر والعوز في أقسى صورة وأحببت أن أنقلها

لك هنا لعلها ترضي ذائقتكم ..


البنك لولا لوحته ما عرفناه !!




سعود جمعان المطيري
أعجبني هذا الشاعر لما في شعره من واقعيه وخفه نفس ،،
له بعض القصص الفكاهيه والابيات الثمينه منها :

في يوم من الايام وهو بالمسجد بعد ماسلم الإمام قام شحاذ
يشتكي أموره على المصلين لعلهم يساعدونه
وهو يتشكى كان مركز بعيونه على سعود ..

قال له سعود هالأبيات :



يا ابن الحلال اللي تشكى علينـا - حنّا لنا بوضع على الله مشاكيه



كانـك تحـرى للعطـا مـن يديـنـا - عزالله إنك عندنا مـا أنـت لاقيـه



ماهو ردى بس أرثع الوقت فينا - ماعنـدنـا ماناكـلـه دون نعطـيـه



وفي قصه ثانيه كان طالع من المسجد ولقى بنت تشحذ ورافعه
يدها الى الناس .. فقال :



يابنت ياللي بالمساجد تطوفيـن - كفـي يدينـك قبـل نـأخـذ ريـالـك



حـنـا تـرانــا كـلـنـا مستحـقـيـن - ماهو أنتي اللي مستحقة لحالك



لو لا الحيا شفتي وزانك ثلاثين - أحـد يميـن منـك وأحـدٍ شمـالـك



مرفـعـيـن إيديـنـنـا ومتقـاعـيـن - الموجب إن أحوالنا مثـل حالـك



وله هذا الموقف مع صرافة البنك :




أنــا لـقـيـت الـبـنـك مـثــل اخـويـايـه - مايقضـي الحاجـة إلـى جــاه محـتـاج



أمـس الضـحـى مـريـت كــل زمـلايـه - وكــلٍ عـطـى لــه بالمعـاذيـر منـهـاج



وضنيـت باقـي فــي رصـيـدي بقـايـه - وحركت نـاصٍ حـارس البنـك هجـاج



ودقـيـت رقـمـي صــح مـابـه روايـــه - طلع على الشاشة : لا داعي للإزعاج




ويقول عن البنك في قصيده له شهيره :




يـا أهـل الوظايـف قولـوا الحمـدلله - على معوشتكم ولـو رزقهـا ضنـك



أنـا وجنسـي رزقنـا لــو وصفـنـاه - حوذ الحنك مافيه زودٍ عن الحنـك



ماطـاح قـرشٍ فـي يدينـا قرشـنـاه - ودايم طفارى الله يجيـرك ويامنـك



البـنـك لـــولا لـوحـتـه ماعـرفـنـاه - من قل ماندخل على موظف البنـك



ماغـيـر نـقــرا لـوحـتـه ونـتـعـداه - وإن قيل هذا البنك قلنا اتركه عنك



لاوا هـنـيــك يـالـغـنـاوي هـنــيــاه - تـرقـد وحـنــا بـالـدراهـم نـمـونـك



نفرح إلـى مـن المعـاش استلمنـاه - ويـهــج مـنــا قـرشـنـا ويـتـزبـنـك



والله يالوتصـرف ربـع ماصرفـنـاه - ليصيبك السكر مع الضغط والتنك



ولولا جهدنا وجهدنـا اللـي بذلنـاه - ماتنفـخ ذروبــك وتـمـلأ مخـازنـك



ميـر المقـدر مالـنـا غـيـر نـرضـاه - مرزقـك منـا وسقمـة أرقابنـا منـك






وله قصيده مشهوره أيضا :





لاصـار جــدك مـاتـرك لــك ملايـيـن - ماهـوب لازم تشـتـري لــه ضحـيـه



قل له ياجـدي جعلـك مـن المناجيـن - والله مـاتـسـوى قـيـمــة الـبـربـريـه



عقبتـنـي للـديـن ومـصـارع الـبـيـن - ومن زين طبعك كاتـبٍ لـك وصيـه؟



لو أنت ما أخذ لك من الخد حوشين - يـوم الأراض بـلاش وســط العلـيـه



إن كـان تلقانـي مـن أهـل الدكاكيـن - مطـنـطـخٍ هـالـحـيـن مــيــة بـمـيــه



لـكــن يـاجــدي ضحـيـتـك بـعـديــن - إن سـهـل الـمـولـى ثمـنـهـا عـلـيـه



حنا بوقتٍ شين وأشين مـن الشيـن - فيـه الـخـوي مـاعـاد يـاثـق خـويـه


تراه منقووووووووووول وسلامتكم يا جماعة العربان .