ترنيمة حب(لو عاد الزمن)

[النادر]

ترنيمة حب(لو عاد الزمن) ترنيمة حب(لو عاد الزمن) ترنيمة حب(لو عاد الزمن) ترنيمة حب(لو عاد الزمن) ترنيمة حب(لو عاد الزمن)

بدون مقدمات .....................


[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو الزمان يعود بي خلف وخلاف=واقرا كفوف القادمات المقابيل
ماخترت غيرك يابيض القلب ميلاف=حتى ولو صكت علي البهاذيل
ياخوط ريحان ٍ على جال مهياف=لاينقطف وان هبه الغربي يميل
اودعتني سجن ٍ بلا قيد وكتاف=اجر من فرقاك ليلي مواويل
سجن الغلا والحال من عقبك انصاف=غديت مثل مقرقعات الفناجيل
العظم يصفق عظم والدمع مذراف=ودموع عيني ماحتواتها المناديل
غدا لنبت الهجر منها تغرياف=نبت ٍ بلا زهرٍ قليل المحاصيل
واودعت روحي دو خالي ومتلاف=وادوت من الفرقا كما ادواي برميل
حذف بها من عالي الشعف حذاف=في صدع ماتلحق مداه الدرابيل
ماغير رجع الصوت لا ناش الاطراف=ونين مثلي لاذكر نافل الجيل
عليك يالي تعجز لحسنك اوصاف=ياعين ريمٍ مارعى بالمداهيل
وعليك يالي فوق حسنك تلطاف=في خف روح وزين طبع وتعاليل
والله لو ان الزمن يرجع خلاف=ماخترت غيرك لو سقيت البهاذيل
[/POEM]

[فارس الكلمة]

بيض الله وجهك
والله انها قصيدة تبرد الكبد
وتروي الظميان
سجل مروري واعجابي
لاهنت

[بن داخل]

صح لسانك يا النادر
رائعة ليست بمستغربة

[شبلي أبو الونات]

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]العظم يصفق عظم والدمع مـذراف =ودموع عيني ماحتواتهـا المناديـل[/POEM]

فعلاً أعذب الشعر أكذبه
واللحم ما منه فايده على العظم ما غير ثقل وقل عافية
يعطيك العافية وصح لسانك

[سنا الهجرة]

صح لسانك يالنادر

جميل جميل كما عهدناك

[أبو عبدالرحمن]

صح لسانك..يا ابو عماد

وان كانت المقدمة ...حافظينها(:d)

تغيب...وما يمسح غيابك..إلا هذا الإبداع والتميز

لا عدمناك..

[النادر]

المشاركة الأصلية كتبت بواسطة فارس الكلمة

بيض الله وجهك
والله انها قصيدة تبرد الكبد
وتروي الظميان
سجل مروري واعجابي
لاهنت

فارس الكلمة

انت بين يدي محب

لك من الرضا ماتشاء


النادر

[النادر]

المشاركة الأصلية كتبت بواسطة بن داخل

صح لسانك يا النادر
رائعة ليست بمستغربة

ابو عبدالله

تضل همهمات

امام قامات شعرية فارهه


النادر

[النادر]

المشاركة الأصلية كتبت بواسطة شبلي أبو الونات

[poem="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]العظم يصفق عظم والدمع مـذراف =ودموع عيني ماحتواتهـا المناديـل[/poem]

فعلاً أعذب الشعر أكذبه
واللحم ما منه فايده على العظم ما غير ثقل وقل عافية
يعطيك العافية وصح لسانك

شبلي

يعطيك العافية ...قل آمين

النادر

[النادر]

المشاركة الأصلية كتبت بواسطة سنا الهجرة

صح لسانك يالنادر

جميل جميل كما عهدناك

ابو عبدالله

صح بدنك ....الجمال ماهو بداخلنا من احاسيس لامانقراءه

انت راقي ......


النادر