|| يآبــــويـــــه ||

[|| خليّكـ بآلجوٍ ||]

|| يآبــــويـــــه || || يآبــــويـــــه || || يآبــــويـــــه || || يآبــــويـــــه || || يآبــــويـــــه ||

يابويه ليه تبكي كل ما شفتك وعينك لّــي
تخاف اموت يا بويه وقبل الموت تبكيني


كفى يابوي لا تبكي وانا موجود معك وحّــي
اجل بعد الرحيل وشلون في قبري توطيني

يابويه لو تموت الناس ما تسوى دموعك ذّي
وانا يابوي ميت قبل اموت وانت محييني

قسم بالله يابويه لجل عينك شربت الغـّــي
جرعت الهم والحرمان وبحر الويل يسقيني

تحملت السنين الي طوتني في عذابي طّــي
وصار الجمر بكفوفي وتحت اقدام رجليني

يابويه ما على عمري حسافه ولا بقى بي شّــي
ولكن بطلبك يابوي تكفى لا تخليني

يابويه ما ابي غيرك يغسل جثتي بالمّــي
وتكفى قبل لا تكفن يابويه فك لي عيني

بامر الله يمكن المحك وارحل في عيني ضّــي
وودع وجهك الطاهر مع دنياي وسنيني

وخل الناس تحملني وترفع راسي ورجلّــي
وتاخذني على قبري وتكسب اجرها فيني

واذا جيت للقبر يابوي نزلني شوي شوي
ووجهني لبيت الله وقبلة المصليني

اذا تقدر ابي صورتك امانة حطها بيدّي
لعل الله يشفع لي اذا صورتك بيديني

وحط الطين وادفني وعز الي يعزي فـّي
ثلاث ايام يا بويه يجونك المعزيني

ورابع يوم يابويه تذكر ضحكتي وعنّــي
تذكر ويش كنت اقول يوم انك تناديني

تذكر يوم كنت انام في ظـل النخل والفـّي
تجي يمي تصب الما على وجهي وتصحيني

تذكر جرة الموال وصوتن في حباله تّــي
تذكر يوم اغنيلك قصيدي وانت توحيني

تذكر ضحكتك لا قلت لك يابوي عشقي هـّـي
تذكر كم قصيده خافيه ما بينك وبيني

تذكر كل شي كان واذك يوم جابر حّـي
ولكن اسالك بالله يابويه لا تبكيني


( القـصيدة للشــآعر جـآبـر الروقـــي ) ...

دمتم بــود ..

[أبو عبيدة]

يعطيك العافيه