لا يا فلوس الفلس /الحلقه الثالثه .

[منقاش]

ابو عبدالرحمن : ابن شلومو يهودي وصهيوني أصل وفصل , ولورنس بريطاني مسيحي متصهين كان عميل للصهيونيه العالميه وأستخدموه مثل الكثير من العملاء وبعد أنتهت صلاحيته رموه فقير حسير, ويوم مات مجدوه حتى يشجعون غيره من الأحياء ينخرط في خدمتهم .
وخذ في بالك , ابن شلومو شتغلته عميل عندي على ربعه الصهاينه , (يعني قلبنا الجبه على بني صهيون لأول مره في التاريخ) , شفت كيف أن منقاش يلعب بالحجر والبيضه ويضحك على الصهاينه.
مدهش : تجنن كما تبغي , بس خليك مجنون صاحي لحوايجه .
عنتر آل عنتر : نعم , الحمد والشكر لله على نعمة العقل , وعلى كل النعم ظاهرها وباطنها فبالشكر تدوم النعم ..
شبلي ابو الونات : أيش اللي أحرق رزك من رجال يحمد الله على نعمه من نعمه ,, أنتبه لا تسير مثل الحرامي المعروف في القصه اللي كشفوه يوم قالوا على مسمع من ميات السامعين الحرامي على راسه ريشه ومد يده من بينهم يتحسس على راسه من بين الناس وقبضوا عليه.
الشيهان : خلينا من الحمار وبردعته ودبرته لا عاد ولا عاد اليوم اللي عرفناه فيه ,, رضيت والا لا ؟.
وبخصوص المخاوي أنا متأكد أنه بعد في الرياض ما سافر, لكن الظن أن الرجل تغير مزاجه على المنتدى ومن فيه ونوى يرمي عليه بمية حجر , والفضل يعود لله ثم للحرب النفسيه اللي صالاها من الشيخ منقاش حتى كرهه العيشه , ولا أقول بهذه المناسبه ألا :
ذهب الحمار بأم عمر @@@ فلا رجع الحمار ولا ام عمر .
وعظم الله فريق المخاوي في هروب زعيمهم , وتستاهلون بعد تخلى عنكم المخاوي وهرب وخلفكم وراه مثل الغنم أذا غاب عنها راعيها وبتغها الذيب واكل منها اللي أكل وخلى باقيها مذعوره وجفيل في كل ناحيه ..
والحقيقه أن المشاكس مع ما فيه من عيوب أكفأ لقيادتكم من المخاوي لأن حمار عربيته يقرب لحماري من ناحية جداته , وابو أمجد كان اكفا من الأثنين مليون مره .
لكن لا تبكون على اللبن المسكوب وعوضها أرشح لكم حليفي عنتر آل عنتر حتى يعنتر بكم الى بر السلامه ويخليكم بعدها تدجون الى حيث ألقت ثم يعود علينا ...
اللهم لا شماته , وبس ...

[منقاش]

بالله أنتم ما تستحون ؟, ما تعلمتوا الأصول وعلوم الرجال ؟.
بالله بأي حق تطلعون مواضيعكم على موضوعي وتردونه أسفل سافلين ,, طوالة ذراع ؟ , هذا أنا طلعت موضوعي ولن صحت في حميتي ليجيكم أقل شي عشره أعضاء من مفتلين الشوارب أولهم رويعي الغنم وابن فنحاص .
لا بالله هزلت ,,, وانتم وينكم يا مشرفين ؟, حسبي الله ونعم الوكيل وبس ....