|
|
|
|
|||||||||||
|
|||||||||||
|
|||||||||||
| الديوان الأدبي للمواضيع الأدبية المتنوعة المختارة والمنقولة |
 |
|
|
أدوات الموضوع | انواع عرض الموضوع |
|
رقم المشاركة : ( 1 )
11-27-2008
|
|||||||||
|
|||||||||
قصائد منقولة
قصائد منقولة قصائد منقولة قصائد منقولة قصائد منقولة قصائد منقولةيالله يـا الّلـى كـل حـي يسألـك يـا واحـد كـل يخافـك ويرجيـك ياقاسم أنـوال المـلا مـن نوالـك وقبضة نواصى الخلق كلّـه بياديـك إتفـك عقـد إحبـال عبـد شكالـك مستبـرم حبلـه بعقـد الشّرابيـك بعيد عن الدّانى دعـا والتجـا لـك يامن هو المالـك وحنّـا المماليـك أرمـى بحالاتـى لذيـك التّهـالـك تفرج عن القلب الّذى فيـه تشكيـك ما له من الحرفـات إلاّ الدعـا لـك والحيـل قصّـر والأيـادى مفاليـك فيلا انقضى عسرى بحسن الرّضالك فاجعل لنا صبر على العسر يرضيـك ناشدت داعى البيـن مالـى ومالـك من كل صـوب كاثـرات دعاويـك قال إن هذا الأمـر لا لـى ولا لـك أمر قضـاه إلهـك اللـىّ مسوّيـك لا تعترض أمر القـدر فـي جدالـك ولا تحسب أن اللى مصيبك بيخطيـك قسّمت أحضوض الخلق قسم السّوالك ومكتوب حظّك بالفتى فـي نواصيـك جـفّ القلـم باللّـوح فيمـا ينالـك إمّـا سعيـد الحـظ ولاّ مشقـيـك وأنا اشهد ان اللى قد كتب لك ينالـك يالعبد ربـك باسـم حظّـك يناديـك كـل بتقديـر الولـى طـاب فالـك إصبر علـى مـا قـدّر الله يأتيـك ولا تلوم النفـس فيمـا جـرى لـك تبور غالـى سلعتـك بيـن أياديـك ويلومك اللّى مادرى عـن حوالـك ولا درى ويش الدّهر محـدث فيـك محد درى ويش الّذى صـاب حالـك وما جرى لك مع صديـق معاديـك بمكايـده يبلـن الايّــام حـالـك وعـن المـوارد قاصـرات مداليـك مشى بك من ديرتـك عـن عيالـك وما جنّبك درب الخطـر والتهاليـك وين أنت والأقـدار يـوم ارتتحالـك فى وسط غبّات بها المـوج عاليـك مرذه يميـن ومـرة مـن شمالـك والعـرب والأتـراك تأخـذ بياديـك إ ن قيل رد الجيـش واربـط حبالـك ضاقت على أاحرارهـا والمماليـك فاعزم وشم ولا تضيـق المسالـك ولا تسـوّى يافتـى شومـه الدّيـك وفهم نبا ماقـول لـك طـاب فالـك سعود الفتى بالحظ من غير تشكيـك إن جاد حظك باع لك واشتـرى لـك فوائـده مـن كـل الابـواب تأتيـك ون بـار بـك دلا يهـزل حـلالـك باردا الثمن لزما يبيعـك ويشريـك ون جاد حظّك بالمجالس حكـى لـك وصدق مقالك كل من لـك يحاكيـك ون بـار بـك دلا يكـذب مقـالـك وتصير كذبات المـلا كلّهـن فيـك ون جـاد حظـك بالمنـازل بنالـك بيت رفيع شامـخ الطـول يذريـك ون باربـك خـلاك تنقـل عيالـك مـن دار إلــى دار ودار يجلـيـك ون جاد حظك كـل شـىء صفالـك واقرايـب الخـلان كـل يصافـيـك ون باربك بين جميـع العـدى لـك وصار المحب أعـدا عـدو يعاديـك ون جاد حظك كـل شـيء عنالـك ويباشـرك عنـد المـودة ويعطيـك ون باربـك طلبـت ماحـد بحالـك ولا بفنجـال مـن البـن يسقـيـك ون جاد حظك قام واطلـق عقالـك ومشى معك في كـل درب يباريـك ون بار بـك جـود متيـن الثنالـك وعن كـل درب يعقلـك ثـم يثنيـك ون جاد حظك كـل شـيء زهالـك حلياه بـارواح المجالـس تزهيـك ون بار بـك شيـن حلايـا خيالـك ليا اقبلت تغضى كل عيـن تراعيـك ون جاد حظك كـل شـىء أضالـك يشبـه قـم القنديـل نـوره يقديـك ون باربك عـزي لحالـى وحالـك أرذل رذيـل هافـى الجـد يوذيـك يالعبد لـو كثـرت حـث ارتحالـك وعرضتها درب الخطـر والتهاليـك تـازى بـلا حـظ بعيـد محـالـك وقلوص عزمك بالمهامـه إتخليـك تسعين عـام يافتـى مابـدى لـك ولا ح فـى بالـك لـزوم يصافيـك قل ول يا حظى على ماجـرى لـك إلى قلّ عونك ما اجتهـادك بيغنيـك أكتـب مكاتيـب الشّقـا والعنالـك قل ول يا حظ الشّقا اتعبـت راعيـك يا حظ لو ذيب المفالـى عـوى لـك في مجلس حاويه صـوت يعاويـك يقول لـو حظـك سعيـد نمـا لـك لو عشـرة أولادك عضيـد يكفيـك واليـوم لا تأمـن يمينـك شمالـك يخونـك أصـدق صديـق يماليـك ولا يغـرك إن لقـاك وحكـى لـك ولو عطا لك من المواثيق يرضيـك إحذر الحذر كل الحذر لـو صفالـك عيب على انك تأمن الخصـم ياليـك تحصّن بسوء الظّنّ وابصـر بحالـك واحذر جليس ضايع الـرأى يعميـك من سوء طبعه إن حكا بك حكالـك يرضى عدوك بالنميمـه ويرضيـك راعى المكر والكذب والبوق سالـك وراعى الثنا ضاقت عليه المساليـك يمشـى ورأيـه ضايـع بالمهالـك لا شاف من دونه على الوكر عاليك ما تنظر الأقـدار فيمـا جـرى لـك شيوخ القبايـل يتبعـون المماليـك فاعزم بعون الله علـى مـا بدالـك واقصد إله العرش حسبـك ويكفيـك يا قلب هيـد عـن تذكـر حوالـك واصبر عسى رب الملا يعتنى فيـك إصبر عسى تعطى خلف ما غدالـك رجل إليا سامتـك الايـام يشريـك يـارب تجبـر واحـد قـد رجالـك عند الشدائد مزبـن الّلـى يواليـك في يوم ما تعطـى يمينـك شمالـك مثقال حبـة خـردل مـن حسانيـك تعطين مقصودي وانا الّلـى أسالـك يا سمع مـن جـا ببابـك يناديـك والختم صلّو عـدّ مـا قيـل فالـك على النبي المختار ما روجع الديـك واختام ملفوضى لنـا فـى مقالـك أزكى صلاة إلى هادى الرشد هاديـك وسلامتكم للشاعر محمد بن عون الشريف
|
|
11-27-2008
|
رقم المشاركة : ( 2 ) | ||
|
مشرف الأقسام التعليمية
|
رد: قصائد منقولة
يالله وانا طالبك تغفـر لـي ذنوبـي يـا غفـور
ارجيك والجا لك وانـا سالـك واعيـدالمسأله لوما تطهرنـي بعفـوك مـا تطهرنـي البحـور جيتـك وذنبـي قـد تعـلاّ غاربـي يـا مثقلـه أنا من الطين انخلقت , أخطـي ولانيـب معـذور قامت علي الحجّـه بدعـوة رسلـك المرسلـه مؤمن بتوراتـك و إنجيلـك و مؤمـن بالزبـور و بسنّـة محمـد وآيـات الكـتـاب المنـزلـه لكن خُدعت بزخـرف الدنيـا وزادتنـي غـرور أبدت مفاتنهـا و ورتنـي مـن العمـر اجملـه طبعاً بما إنـي بنـي آدم حصـل منّـي قصـور واذنبت يـا مـولاي ذنـبٍ بالخفـا مـا تجهلـه أسألك تغفر لي و تستر موقفـي يـوم النشـور اليا القفت خلقـك صحايفهـا وهـي مستذهلـه من يستلمها بالشمال افلس وهـو يدعـو ثبـور ومن يستلمها باليميـن افلـح لخيـر المنزلـه واسألك يا ربـي تعاونّـي علـى نيـل الأجـور أحيا حيـاةٍ مكسبـي فيهـا مـن البـر افضلـه واسألك جاهٍ مع هـل الدنيـا وحـظٍ مـا يبـور أيضاً وعرفٍ مـع هـل الحكمـه ورزقٍ تكفلـه من لا تهيّا لـه مقـامٍ مـع طويليـن الشبـور يبكي على ما ضاع من عمره وخيبـات عملـه وان شاب راسه لا ترجّى فيـه تجبيـر الكسـور لا خير فـي تالـي زمـانٍ مـا تغانمـت اوّلـه ومانيب ناسي قصةٍ صـارت وانـا ازورالقبـور لازلـت افكـر فـي غرابتهـا وبالـي تشغلـه ساعة ظهر لي شايبٍ له حول قرنيـن محجـور في جوف قبرٍ عن هـل الدنيـا طـواه ويعزلـه سلّم وجا صوبي يقول : ابنشـدك يللـي تـزور عن حالة الدنيا وعن وضع الزمان وعـن هلـه أنا مضى وقتي ومـرّت بـي طويـلات الدهـور والباقـي بعمـري بعيشـه بينكـم واستكملـه قلت : الزمان اللي يبارينا علـى خبـرك يـدور الوقت نفسـه مـا تغيّـر ماشـيٍ فـي جدولـه أما البشر , , , لا والله الاّ غير من حد الجـذور صار انتقالٍ مـن يميـن الـى يسـار المنقلـه استغرب الشايب من اللي قلـت وبليّـا شعـور حط اليمين اعلىالشمال وخاطـره فيـه اسئلـه قال : افتني عن حالة الشيبان والشيـخ الوقـور أهل الخبر والراي والحكمـه وضـرب الأمثلـه القدوه اصحاب الأمور اللي تطـاع بكـل شـور اللـي يفضّـون النـزاع ويحكمـون المشكلـه قلت : البعض منهم على ما قلت في وصفك وقور قدوه ولكن رايهـم مـا ينفـرض فـي مسألـه الطاعه العميـا بقـا منهـا مجاملـة الحضـور اللـي تلاقيهـا مـع اوّل فـرصـةٍ متنصّـلـه والبعض لا عبـدٍ يخـاف الله ولا عبـدٍ شكـور لا زهّـده شيبـه مـن الدنيـا ولا هـو جمّلـه بهيمةٍ يرجـع علـى منحـاه الاوّل ومحصـور فـي لعـب بيلوتـه وريـح زقارتـه ومعسّلـه والبعض الآخر شابت رموشه على درب الفجـور ينقـل جـوازه للسفـر مـن مزبلـه لا مزبلـه أشيمطٍ زانـي قضـا عمـره بحانـات الخمـور والعايلـه ورعٍ يغـرّر بـه وبـنـت مهمّـلـه قال : افتني عن حالة الخفـرات ربّـات الخـدور اللي تصـان بـبيـت عايلهـا و بابـه تقفلـه شيهانةٍ تشمخ عفاف وتصقـل فـروخ الصقـور بين الفريق بـبشتهـا الضافـي وثـوبٍ تسبلـه قلت : العـذارى فـي زمنّـا ببغـاوات الطيـور تقليد هرج و عرض ريـشٍ خلفهـا تستخملـه تلبس عباةٍ ضيّقـت حـول الردايـف والخصـور فضيحةٍ تكشف جسدها مـن علـوّه لأسفلـه وموضة شيالٍ تكشف الوجنات والـوان الشعـور والمحـرم تبـدّل بـجـوالٍ بيـدهـا تحمـلـه لا فوّحت صفر الدلال ولا عرفت غـش القـدور تطبـخ لـهـا خـدّامـةٍ بالعايـلـه متوكـلـه الأم ما صانت عفاف البنت من عمـر الزهـور والأب ديّـوثٍ تحكـمـه حـرمـةٍ مسترجـلـه وشلـون يتربّـى عيـال ام التبـرّج والسفـور الاّ خنـازيـرٍ دمـاهـا بــارده ومغـفّـلـه قال : افتني بحال الشباب الصلب صيّـاد النمـور الفـارس اللـي ينطـح خصومـه بزنـدٍ يفتلـه الوافي الشهم الغيور اللي لعرض الجـار سـور البار عند امّـه وابـوه وعلـم ربعـه يشغلـه قلت : الشباب بوقتنا وجهه مثـل بـدر البـدور والجسم من زود الرخا ما تنفتـل فيـه عضلـه قصّـة شعـورٍ صيّرتهـم لا إنـاث ولا ذكـور والثـوب راح ولا بقـى الاّ عـالـمٍ متبنطـلـه ناسٍ ( فلنتينو ) وناسٍ تلبـس ( كرستانديـور ) صار التنافـس بينهـم فـي لبسهـم والجنتلـه من كان يشرب من قرار البير مشروبه ( بيور ) والبل راعيها غدا يشـرب حليـب ( النستلـه ) مامنهم اللي قام دون اعـراض جيرانـه غيـور من قام قالو , , وشـملقّف حضرته ؟ وشـدخّله والوالدين حقوقهم ضاعت وعنهـم فـي نفـور ان غـاب عنهـم لا تذكرهـم ولا جـاه الولـه بدّا عليهم شلّـةٍ تهـوى الوطـا بيـن الجحـور لو تعزله عنهم تبـي لـه شـان كنّـك تقتلـه ما راح يوم يشارك ربوعه بحـزن ولا سـرور حتى ابن عمّه يعرفه بالوجـه واسمـه يجهلـه بدّل حكاه وضيّـع سلومـه وحالـه فـي دبـور وان شاف ضيف يخش حتى انّه يفـارق منزلـه ناظر لي الشايب بعينٍ تجمـع السبـع البحـور يقول : انا لا يمكـن ادخـل مجتمعكـم واقبلـه انتو لكم وقتٍ تصـدّع مـن بلاويـه الصخـور ما يقعد الجمّال به ساعـه ولـو ضـاع جملـه |
||
|
|
|
| مواقع النشر |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| قصيدة ذم | البحتري | الديوان الأدبي | 3 | 08-29-2008 06:53 PM |
| قصة واقعية ........ منقولة | alsewaidi | الــمـنـتـدى الـعـام | 4 | 08-13-2008 03:12 AM |
| قصة و قصيدة | مناهل | الديوان الأدبي | 1 | 06-17-2008 12:38 AM |
| يا أمة في خضم الذل تعتذر /قصيدة /منقولة | رويعي الغنم | الديوان الأدبي | 9 | 07-02-2006 06:47 AM |
| قصيدة اعجبتني | أبو علي | الديوان الأدبي | 11 | 05-08-2006 02:02 PM |
 |
 |
 |
العرض العادي
