رحلة د\مشعان وصحبة الى جازان (( ح 3))

[النجم الساهر]

اخي الدكتور
الله يعينك على هالحلف
كل يوم واحد يطلع لك بمشكله
وانت تسدد هنا وتسددهناك
لكن اقول الله يوفقك

اما اخي منقاش شيخ المشايخ
وعرعرة المنتدى وبدر الدجى
الشريف ابو نقشه
فأقول له

سر ياقلم واكتب على وزن اشي
ابيات شعر من قراها درى ليش

تمشي كما مشي السحاب الرهاشي
من عالية نجد المسمى ليا بيش

وتمر بالطايف وتلقى التماشي
بمتابعة بدر الدجى راغد العيش

من شان حلفي راسي اليوم شاشي
شاشت علومي كلها دون تفتيش

منقاش يا منقاش خل النقاشي
مادام حلفك مايبي زود تشويش

واطلب رضا ربك ترى الحق غاشي
ولاتعجبك يابدر كثر التباليش

انا ادري انك زحت كل الغباشي
وحنا معك ونجيك حلف مغابيش

واللي تقوله يالخوي نقول ماشي
علمهم انا بالملاقا مباليش

دون الحليف الروح تجلب بلاشي
اللي تقول يصير مانقول لك ليش

ماهمنا من قال قول غشاشي
وماهمنا قول الخصوم الدراويش

اكرمني الله بك وانا تو ناشي
انت وحلفك يالرجال المداغيش

وسلامتك ايها الحليف انت ومن حالفكم

محبك وحليفك النجم الساهر

[منقاش]

صح لسانك يا وزيرنا ويا نجمنا الساهر وشاعرنا الطاهر
وليت أبو نقشه شاعر حتى يرد عليك يا حليفي بمثل ما قلت من الجواهر والدرر , لكن العين بصيره واليد قصيره .
أشكرك يا شاعرنا وافر الشكر , واستسمحك في تأخر الرد لأني دوبي أطلعت على القصيده , واستاذنك أنقل نسخه من المعلقه وأعلقها في منتدى الحياه الفطريه ......