اعجبت بها ياحسن عابد

[ابوعهد]

اعجبت بها ياحسن عابد اعجبت بها ياحسن عابد اعجبت بها ياحسن عابد اعجبت بها ياحسن عابد اعجبت بها ياحسن عابد

قف ياقلم مااعجزت شاعر ولا افحمت بيني وبين الشعر قوة علاقه
شرع لي البيبان منها تقدمت دخلت مضماره وباول سباقه
سلم لي اسراره وانا جيت سلمت باعذب لحوني ياوجيه الرفاقه
نهلت من نبعه ولجله تعلمت مخلص وهاوي واتخذته عشاقه
اعرف دواعي الصمت وكون في صمت للشعر موقف ماتعدى نطاقه
ولن دعاني الحال قمت وتكلمت باحساس شاعر في لسانه طلاقه
ياكم وكم اسرعت للشرد واذعنت اسرع من الخيال عند انطلاقه
ناديت باعلى الصوت للشعر واذنت واقفلت للدهما ثلاثين طاقه
ماقلت حاجه في حياتي وتندمت اهم شي اني ضعيف الحماقه
ماني على ماقيل حلم وتحلمت ولاني على ماقيل تباع ساقه
لا عشت ياشعري بلا روح او كنت ان ماحصدت من المعاني بطاقه
ولا عشت دون الفخر والعلم والبنت والتربية وسلوك راعي وناقه
يامعشر الشعار انا ماتكتمت الشعر لي صاحب وصعب فراقه 0

==========================================
سلام والتسليم سنه وافتتاح للعلم وابيات الشعر قلايده
الدله الصفراء عليها البن فاح وهجوس شاعركم عليها قايده
ماجات من طارش هواء ولا مزاح جتكم على كور الشداد الراكده
مضمونها الجزلات وانسام الرياح تمطر عليها الشارده والوارده
ثماله يااهل المكارم والصلاح يالعزوه اللي ماتهاب الكايده
يااللي تعلقتم من الماضي وشاح سمعا وطاعه للملك ومعاهده
على كتاب الله ومتون الصحاح نبقى جنودا للوطن ول قايده
سلطان يابلسم على كل الجراح اليك من عطر الولا جدايده
يالله ياعالم بما فالصدر لاح تجعل لسلطان العوافي زايده
مبروك يانايف مكلل بالنجاح يامرسي اوتاد الامان ورايده
حب الوطن ياسيدي امرا مباح لكن حبك فوق كل مزايده
قلته وانا صدري حماسه وانشراح ياجعلها في كل عام معايده
ياطايره فوق السحابه بالجناح ثاني رساله للزنود الواعده
طلابنا يااحلى مسا واحلى صباح هذا مقالي والشعر وسايده
من ماضي الايام وثماله صحاح ماعاشت بخلف السرايا محايده
ثماله والتاريخ عاشو بارتياح في قرنها الخامس عشر متعاهده
وهج من الابطال فرسان الرماح واهل السير والدين والله شاهده
النحو يزهى بالمبرد والصفاح حبلى بتاريخه وفيها الفايده
التربيه والعلم للطالب سلاح وتطبيق اركان الشريعه قاعده
التربيه ساس التفوق والنجاح يسعى لها الحر الابي مع والده
العلم نبراس الفتى نحو الفلاح ورث النبي وشيوخنا ولايده
من يطمح العليا بيارقها الكفاح يرخص لها الغالي وربي يساعده
اقول وافكاري لقاح من لقاح مافيه صعب الا ولازم نارده
ان كان انا شاعر وشعري من قراح هبو على صحن العلوم السايده

[حسن عابد]

شكرا يابو عهد
احرجتني بكرمك يابن الامير

[ابوعهد]

يسعد قلبك ياغالي
وجودك هنا مكسب لنا ياشاعرنا