للوطن

[ورد الهدى]

للوطن للوطن للوطن للوطن للوطن

نهار بن ممدوح

الليل هذا شعوره غيـر والشعـر غيـر
والشوق يسري على افكاري وينتابهـا
زحمة مشاعر فـرح ماباقـي الاتطيـر
وبهّرت دلـة قصيـدي ويـن شرابهـا
أبي اليا جيت تسمع حي من لـه سفيـر
واخاف من جيّـة مايحسـب حسابهـا
يارب فضلك ومعروفك علينـا كبيـر
بأمرك جميـع الامـور تهّـون اسبابهـا
سنه وحنا يا با الافراج بـك نستجيـر
ندعيـك يـارب يافعهـا وشيابـهـا
دعواتنا تتجه لك كـل ثلـث ٍ اخيـر
لين السماء السابعه توقف علـى بابهـا
الحمد والشكر لك وانت السميع البصير
رديـت للـدار غاليـهـا وغيّابـهـا
شوفة سمو سيدي سلطان يمشـي بخيـر
فرحه وصوت الشعر واجـب تغنابهـا
والدار غنّا سعدها يوم جاهـا البشيـر
يوم ٍ رحلـة سمـوك حطّـت ركابهـا
يامرحبا وانورت بك نجد سودة عسيـر
تبوك عرعـر خُبَرْهَـا مكـه شعابهـا
والشعب كله ياابو خالد كبير وصغيـر
تباشروا والعـذارى تنقـش خضابهـا
وماهي غريبه تشوف الناس يمك تشيـر
أسرت كل القلوب وفـزت باعجابهـا
نفحات جودك يسولفها الغنـي للفقيـر
وسيرتـك بالخيـر نذكرهـا ونغتابهـا
تسرف يمينك عطا وتقول ماهـو كثيـر
وتطول فيها على العليـا وترقـى بهـا
ياسيدي وانت مالـك بالمحبـه خشيـر
غير ابو متعب عمـود الـدار وطنابهـا
أنتم هل المجد والعادات عـز القصيـر
ريف المواطن وعـز الـدار وكتابهـا
وهذا الوطن مايهمّـه ميتيـن الضميـر
اللي تدور على الفتنـه وتسعـى بهـا
شامخ بعز الرجال ولالتفـت للصفيـر
والحق نور القلوب اللـي تجلّـى بهـا
والدار من دونها حد الحسـام الشطيـر
حنا ذراهـا عـن العاديـن وحجابهـا
اما حياة يكـون الفـرد فيهـا جديـر
والا شهـاده تعـز الـدار وترابـهـا

[ورد الهدى]

عبدالله السناني

يا سيـدي جيتـك ازف التهانـي
و ابدع من جزال القوافي و الالحـان
واسجد شكر للي بـراك و برانـي
حمدٍ على منـح العوافـي كحيـلان
و اصبحت ادندن في نهـاري اغانـي
فيها من الحـب المصفـى لسلطـان
و امسيت اكتب من جزيـل المعانـ
يفرحة رجوعك سالمٍ لاغلى الاوطان
و لانك كريم الدار , زيـن المثانـي
اسمك سمو الخير في كـل الازمـان
في بسمتـك تحيـا جميـل الامانـي
و يذهب معاها كل همي و الاحزان
من همتـك حنـا عرفنـا التفانـي
في خدمة الامة علـى قـول ديـان
في مدتـك تحصـد همـوم المعانـي
وتزرع مكانه نبت حبٍ و احسـان
من جاك من جور المصيبـات عانـي
ضاقت راحب الارض عنه و الاكوان
يطلب كريمٍ فـي سجـوده امانـي
تكفيه ذل الديـن وازعـاج دايـان
قمت و كفلت الدين من قلب حاني
واشفيت قلبه من همومه و الاحـزان
ثـم ارتفـع كفـه لربـه تـرانـي
اشكرك يا ربي على كل مـا جـان
يارب انك تشفـي اللـي شفانـي
و تسبغ عليه الصحه في كل الازمان

[ورد الهدى]

صالح محمد
هلّ الخيـال وطـال كـل النواحـي
مزنٍ حقـوقٍ صـادق النّـو هتّـان
شعاع برقه في سمـا العـز لاحـي
ونور السعادة والفـرح زال الاحـزان
والدار لبست من فرحهـا الوشاحـي
يومه تعافـا سيّـد الجـود سلطـان
لبسـت حللها وازرق العـود فاحـي
وطير السعد غرّد على ذيك الاغصان
شيخ الكرم طيـر السعـد والفلاحـي
للطيـب مدهـالٍ وللمجـد عـنـوان
فضلك شمل ياميـر كـل الضواحـي
يابو المكارم والفضيلـة والاحسـان
كل المثايل عن وصوفـك شحاحـي
مايحصي امجـادك قصايـد وقيفـان
اخذت فـي راس الطويلـه مراحـي
ياراعي الطـولات ياطيـر حـوران
الشر جعلـه عـن طريقـك يزاحـي
والخير يبقى دربكـم كـل الاحيـان
انتم هلا العوجـا طـوال الرماحـي
عيال مـن حـرر بـلاده بالايمـان
عبدالعزيـز الصيرمـي ماستراحـي
" حتى جعل ذيب الخلا يصحب الضان"
كـان الحـرام بدارنـا مستبـاحـي
سلبٍ ونهبٍ والبشر حـرب وطعـان
وجاهـا وبّـدل ظلمهـا بالصلاحـي
ومشى بحكم الشـرع سنـه وقـران
والخير ساد وبيـرق الشـر طاحـي
وشعب الجزيره صارو اليـوم خـلاّن
حلّ العـدل والظلـم قفّـا و راحـي
وبعد التناحر بينهم صـارو اخـوان
بفضل العديم الحر طلـق الجناحـي
من بعد توفيق الولي عالـي الشـان
يالله يامجـري هـبـوب الريـاحـي
يصيـر مسكانـه بجنـات رضـوان
ويالله تبقـي غارسيـن النجـاحـي
انجاله اللي فضلهـم عـم الاوطـان
شالو عن الشعب العزيـز الجراحـي
وساد الهنا والعز في كـل الاركـان
أمـن وأمـان وبهجـةٍ وانشراحـي
الله يبقـي سَعْدَهـا طـول الازمـان
ولجل الوطن حنّا نشيـل السلاحـي
أرواحنـا تفنـا ولا الـدار تنـهـان
كان العـدو كثّـر علينـا الصياحـي
فعل السعودي ساعة الحـرب ينبـان
عدونـا نسقيـه ســم ذحـاحـي
وصديقنا يرقـى علـى راس مابـان
صديقنـا نسقيـه عـذبٍ القراحـي
وعدونـا يلقـى مذلـه وحـقـران
والجـار لاقلّـت عليـه المشـاحـي
يعرف صنايع فعلنـا وقـت الاكـوان
ودليـل قولـي فزعـة للصبـاحـي
فهد وعـد جابـر وعـوّد لدسمـان
انتم هلا المجـد الرفيـع الشناحـي
من ماضـي الدنيـا الا وقتنـا الآن
والمجد يبقي مامحى المجـد ماحـي
مجد يشوفه كـل مبصـر وعميـان