يشمــــــــــومهـــــــا،،

[البروفيسور]

يشمــــــــــومهـــــــا،، يشمــــــــــومهـــــــا،، يشمــــــــــومهـــــــا،، يشمــــــــــومهـــــــا،، يشمــــــــــومهـــــــا،،

( يشمومها)
.
.
.


[POEM="font="Simplified Arabic,5,darkblue,normal,normal" bkcolor="deeppink" bkimage="" border="inset,7,gray" type=2 line=0 align=center use=ex num="0,black""]يانديم الجرح واللـي وصتـك بارقامهـا=عارف انك ماتعرف الا شذى يشمومهـا
لا تعلمني عن اخـر ماحصـل بأيامهـا=من رسالتها عرفت اليـوم كـل علومهـا
ادري ان الوقت شمّر عن يديه وضامهـا=وادري ان الحظ الاقشر صار مثل هدومها
وادري ان الهم وقف في طريق احلامهـا=لين صار الحزن اثرها والشقى مقسومهـا
بس تستاهل هي اللي طاوعت من لامهـا=وباعت اللي كل ذنبه مادخل في سومهـا
خلهـا تدفـع ثمـن غلطاتهـا مادامهـا=هملت قلبي وراحت واسرفت في حومهـا
ويبتعد مع كل خطوه صوت وقع اقدامهـا=وتقرب الضيقه وتصحى دمعتي من نومها
لين غابت عن عيوني وانجلـى هندامهـا=ليلة تغفى على صـدر الظـلام نجومهـا
كنت احس بشي والله ماتشيـل عظامهـا=لو تحس بشي منه يمـر وسـط حلومهـا
كنت احس ان الضلوع العوج مثل ايتامها=واشعر ان القلب نبضه منتهي من يومهـا
والحياه اللي تدور شهورهـا واعوامهـا=وقفت واليـوم دور رماحهـا وسهومهـا
ياكثر ما اغرقت نفسي في بحور اوهامها=ويكثر ماضعت بين اوهامهـا وهمومهـا
ماجداي الا احلـم انـي واقـفٍ قدامهـا=واتخيلهـا تعاتبـنـي واروح الومـهـا
يانديم الجرح خلـك مـن علـوم ايامهـا=مابقى في القلب رغبـه يلتفـت لعلومهـا
والرساله ردهـا للـي زمنهـا ضامهـا=وقلها كلمـه وتفهمهـا حسـب مفهومهـا
والله ان اقص كفـي قبـل ادق ارقامهـا=والله ان اشيل قلبي قبل اشيـل همومهـا [/POEM]

لشاعر المدينه/
فهـــــــــد المســــــــــاعد