خريطة تسوق الرجل وتسوق المرأة هع هع

[وآثقة الخطى]

المشاركة الأصلية كتبت بواسطة ابن رابع

ودرب عمك تدللللللة

يعني العشر الاواخر برمضان ترووووح لفلفة

يـوم لفلفه ويوم شراء


تكـفيني العشرين الأوائل من رمـضان

والعشر الأواخر بالعبـاس

[ابومهنـــــد]

بالتوفيق للجميع

[أستــــــــــاذه ملاك]

أبو تركي الله يصلحكـ لازم تفشلنــــا ..

المشكله تتكلمون وليتكم عاد يارجالنـــا تودونـــا مالنا إلا السواقيـــــن بس نسكت أحسن

المشاركة الأصلية كتبت بواسطة المنديالي

كل وحده في نيتها انها الرشيقه الي مازيها ويوم تروح البيت تتفاجأ بانها ( دبه ) ومن كل جهه طالع لها بطن.
بس تصدق هذا دليل ان الرجال رومنسيين وحبوبين وعمرهم ماقالو لهم يا ( دببه ) ويتهمونا بعدم الرومنسيه والحنيه ياعيني على الحنيه

كل واحد يتكلم على نفسه ..
شكلكـ متعقد من الدببه

[المنديالي]

المشاركة الأصلية كتبت بواسطة ~ملاك الروح~

أبو تركي الله يصلحكـ لازم تفشلنــــا ..

المشكله تتكلمون وليتكم عاد يارجالنـــا تودونـــا مالنا إلا السواقيـــــن بس نسكت أحسن



كل واحد يتكلم على نفسه ..
شكلكـ متعقد من الدببه

اي سواقين الله يعطيك الصحه بدون كحه وربي ماتفر شبر بالسوق الا وانا معها ولا بيتها يضفها احسن

حلو التشكيك هذا والرمي من بعد طيب اذا قلتلك اني ماني متزوج اخيب ضنك صح

خخخخخخخخ
وبخلط بين العاميه والفحصى ( الفصحى )
وبعدين بقلك حاجه تري الدبدوبه دايما مضلومه رغم انها الافظل لدرجة ان اطباء الصحه بالدول الغربيه اصبحو ينادون بعدم الانسياق وراء الاعلانات بعمل الريجيم نتيجة ان التجربه اثبتت ان اكثر المراجعات للمستشفيات هن من يسعين وراء الريجيم يعني تبغى الصحه وفقدتها وكله من الاعلانات الله يقطعها
_ 1 _
ولاننسى ان الفروق تتمثل في التالي :

الدبدوبه تتميز بالتالي
الدفئ ـ الحنان ـ الروح المرحه ـ التواضع
بينما بتاعت الريجيم العكس تماما
بارده ـ نفسسها في راس خشمها ـ مغروره ( مصدقه نفسها انها ملكة جمال )

_ 2 _

والاهم من هذا كله في السوق
الدبدوبه معروف وش بتلبس ملابس فضفاضه لابناطيل محزقه ولا خرابيط تقعد تدور عليها فالرجل يرتاح معها اثناء الشراء
بينما النحيفه تشتري وتروح البيت تقيس ويطلع زادت 3 كيلو تقوم ترجعهم بعدين تاخذ مقاس ثاني شهر وطلع وسيع لانها ( خست ) تروح السوق تشتري من جديد مقاس ثاني والله يعين زوجها ماله شغله الا السوق .

_ 3 _

الدبدوبه سالم زوجها من المستشفيات وياكل بالبيت مالذ وطاب من الاكل وثلاجته عامره بالجذعان من الحري والتيوس الجبليه الرشيقه مثل ( ماني قايل ) .

النحيفه كل شوي يراجع المستشفى ان سلمت من الامراض ماسلم زوجها من غرورها وحب النفس الي زايد عياره عندها وراحت تراجع تبي طبيب الجلديه يعالج الترهل ولا حبة خال طالعه بضفر رجلها يشوه جمالها الاخاذ , ولا حق مدري وشهو يسويلها شفط ( شحوميات ودسوميات ) وان سلم من هذا كله ماسلم من شراء الفتمينات من الصيدليه عشان يعوض عليها والله يعوض على جيبه .

وياكثر الفوائد والفروق

وادعو جميع الشباب المقبل على الزواج ان يبعد عن النحيفه ( المصعلكه ) ولينظر بعين من يهمه القادم من الايام ويخشى عواقب ونوائب الدهر فالمصاريف في زياده والعلاجات اغلى ومراجعة المستشفيات ممله ومرهقه ومتعبه .

[أبو خولة]

ههههههههههه

لكم ثلاث ايام ورى هالمسيكينات وحبهن للأسواق!!

طبيعة خلقهن الله على ذلك..

قال تعالى:

(أوْ مَنْ يُنَشّأُ فِي الْحِلْيَةِ وَهُوَ فِي الخِصَامِ غَيرُ مُبِينٍ )



من القصص الطريفة ..في مرة كنت اتكلم مع زوجتي عن الجنة
وما فيها من نعييييم

وان فيها كل مايتمناه المؤمن فماذا تتمنين؟!

فقالت :في اسواق في الجنة!!!




فبحثت فوجدت ان هناك حديث للرسول
عن وجود اسواق في الجنة



هيا انبسطن يا بنات حوا!!

خخخخخخخ

[المنديالي]

يابو خوله

يعلم الله نعلم ذلك بل ونقدره فيهم ونحترمه

انما هي ممازحة بريئه ومجرد ردود لاتعبر عما يجيش بالقلب من حب فالمرأه هي الام والاخت والزوجه ولا غناء لنا عنها وان ارادة حليب العصفور جبناه بس ترضى علينا .

بعدين حظ موضوع ابو تركي موضوع مغفص بس سبحان الله اخذ مجال غريب

[أبو خولة]

المشاركة الأصلية كتبت بواسطة المنديالي

يابو خوله

يعلم الله نعلم ذلك بل ونقدره فيهم ونحترمه

انما هي ممازحة بريئه ومجرد ردود لاتعبر عما يجيش بالقلب من حب فالمرأه هي الام والاخت والزوجه ولا غناء لنا عنها وان ارادة حليب العصفور جبناه بس ترضى علينا .

بعدين حظ موضوع ابو تركي موضوع مغفص بس سبحان الله اخذ مجال غريب

والله يالمنديالي اني اعرف مافي نفسك

واعرف انها مزووووووح تجي وتروووووح
بس رديت وانا توني جاي من الحج<متأثر بالروحانية بالحج

وما قصدت اني انتقص من أحد

وانا فاهمك على طول واعرف نفسك المرحة

وياليت تقبل عذري
يابوحليب العصفوووووووور

[الريم]

مساكم الله بالخير00
خير ان شاءالله اشوف محشات رايحه وجايه
هذا وانت مانت متزوج يالمنديالى مابقى شى الا وفصلته
لكن روح الله يزوجك بوحده دبه ماتلقى لهامقاسات فى السوق
خخخخخخ أمزح

موضوع مشوق تشكر ابو تركى

استغفر الله

[أرجـــــــــــوانـ]

طيب يا جما عة الخير متى تفهمون الاحتياجات النفسيه للمرأه ترى اللفلفة في السوق راحة نفسيه لنا ليتكم تحسون قد ايش نحب الشوبنج والله ما تلومونا.. ترى مو مهم نروح عشان نشتري احيانا بس نشوف وش فيه من جديد بس المشكله يتغير الهدف ونطلع بأكياااااس من الأغراض كلها ما قدرنا نقاومها.. والله ما كنت ناويه اشتري بس عجبتني مررررررره.. وش أسوي؟؟؟؟
وانتم يالرجال ما شاء الله عليكم ما يتحرك احساسكم لأي محل على الطريق ويغريكم وتقولون زينا بس بنشوف مسوين فيها ثقاله...هههههههههههههههههههههههههههههه..