ماني وأنا عيضه ردي(ن) وقطاع

[عيضه بن مساعد_البدوي]

ماني وأنا عيضه ردي(ن) وقطاع ماني وأنا عيضه ردي(ن) وقطاع ماني وأنا عيضه ردي(ن) وقطاع ماني وأنا عيضه ردي(ن) وقطاع ماني وأنا عيضه ردي(ن) وقطاع

السلام وعليكم ورحمة الله وبركاته
هذه القصيده رد على قصيدة الشاعر الذيب .

[POEM="font="Arial,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياذيب أنا بشكرك في حسن الأطباع = شكر جزيل وينذكر بالجزاله

مير انتبه ياذيب في كل الأوضاع = والذيب قالوا ذيب قاله وطاله

وأنا أدري إن الذيب ماهو بخداع = واليا غزا يغزو ويزبن جباله

أُخذ جراز الحزم نزله ومطلاع = واحذر من الجاهل ورمي الجهاله

جدي سواتك سبع ومعقب سباع = والسبع فالغابة يعشي عياله

ترى البديوي مايقاتل ليا جاع = واليا شبع ياذيب صعب(ن) قتاله

يوم الربوع ويوم فيه الأمل ضاع = ضيعت كل أحلام قلبي وماله

ماكن لي بالأرض مصيف ومرباع = ولا كن لي بالوقت هذا عماله

عز الله إني صرت خايف ومرتاع = وخوفي من اللي ماعرفت احتماله

أحسب حسابي قبل مطلاع الأرواع = وقول(ن) بليا فعل مالي وماله

لولا الفصيلة الدم يشرى وينباع = والدم غالي والفصيلة رياله

راح الريال وباقي أنصاص وأرباع = وراعي الهلل ذا الوقت باع وشراله

اللولو والمرجان في غبت القاع = قاعة بحر يصفق على كل جاله

الله على اللي لزرق البحر شراع = ولاَّ نبيه ينتبه للرساله

ولاَّ شجيع في مغازيه ماتاع = ينشد ويلقاني بديرة ثماله

بين الرجا والياس والمد والصاع = أُما صفالي الكيل ولا صفاله

قابلت فالأيام موجات وصراع = والوقت معرف ميلته وعتداله

بغيت اطيع الوقت والوقت ماطاع = لو طاعني ماكل واحد لحاله

بغيت أزوع الدلو والدلو مازاع = وراح الرِشا والدلو سد المحاله

راحت كما من راح بالمتر والباع = وقال المثل بعض الشكاله فشاله

ماني وأنا عيضه ردي(ن) وقطاع = قطعا ياقاطع رفيقه وخاله

اليا بغيت أنهج مناهيج وساع = واليا بغيت أجلس جلوسي رجاله

ماني على المقفين مشفي وطماع = يقفي ويلقى يبيض الوجه فاله

ولاني مدور شكد من عند زراع = ولا ترفد واحد من حلاله

سبحان من هو خالق الراس وكراع = ربي خلقها في بن آدم عداله

الراس يحمل عقل والعقل شفاع = والرجل تحمل جسم خف وثقاله

يالله ياللي للملبين سماع = سامع دعا من طاف له واستعاله

تلطف بقلب جظ مابين الأضلاع = بين الضلوع ولا عرف وش بقاله

[/POEM]

[@ بن سلمان @]

المشاركة الأصلية كتبت بواسطة عيضه بن مساعد_البدوي

[poem="font="Arial,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياذيب أنا بشكرك في حسن الأطباع = شكر جزيل وينذكر بالجزاله

[/poem]

يستاهل الذيب الشكر وأنت مدرسة شعرية كل يستفيد منهاو صح لسانك
لك معرف سابق يضم بعض القصائد في مناسبات أخرى ليت سنا المنتدى يتفضل ويدمجها تحت معرف واحد

[الذيب]

يا مرحبا يا ابو فهد وحياك الله انت والد ومدرسه نتعلم منها
بيض الله وجهك ولا عليك زود
انا شهد انك وافي وان اللي يجاريك في الطيب خسران
وسامحني على القصيد تمنيت أني كتبت لك قصيده مافيها بيت أخير
ولا تنتهي .

صح لسانك قليله في حقك
وأعذرنا على القصور

[سنا الهجرة]

صح لسانك يالبدوي

شاعر ما فيك حيله
أنت كفو ,, والذيب يستاهل

[قيس]

ماني وأنا عيضه ردي(ن) وقطاع = قطعا ياقاطع رفيقه وخاله

//

حشا حشا يابو فهد ماهي بلبسِ لك هذه الصفه
أنت أبو فهد راعي الفزعه والوزعه شراي للرفيق صوان للدم واللحم
فزعاتك للرفيق وللصديق علم ساطع للقاصي والداني ومعلوم هذا عنك وعن جميع ربعك ثماله أهل القاله والطاله وصح لسانك .
سلامي ..

[عيضه بن مساعد_البدوي]

سلمتو ودمتوا

يستاهل الذيب ماجاله

وكلم تستاهلون ياربعنا

ومتابعتكم لي شرف لي

وابشروا


بطيبة الخاطر

أبو فهد ( البدوي )

[سلطان الثبيتي]

صح لسانك يابدوي شاعر ولا هي غريبه عليك

[الخلاوي]

صح لسانك يابو فهد شاعر كبير ومعاني غزيره وذيب شاعر ويستاهل القصيده

[المتميز]

صح لسانك يابدوي

والله كلامك زين وخطير

يستاهل الذيب مدحك

والله يفكنا من شرك