بمناسبة قدوم الصيف

[ABO TURKI]

بمناسبة قدوم الصيف بمناسبة قدوم الصيف بمناسبة قدوم الصيف بمناسبة قدوم الصيف بمناسبة قدوم الصيف

الصيف على الأبواب وفيه ناس بدت صيفيتها عموما موضوعي هذا للحذر والحيطة
هذي قصة حصلت معي شخصيا في إجازة الربيع تذكرونها
دقيت سلف أنا والعائلة الكريمة متجهين لجدة كهلة البحر طبعا ما عندك ولا عروس لكن
قلنا نغير جو والاولاد ينبسطون المهم وصلت جدة الساعة 6 المغرب أخس وقت توصل فيه انسى تلقى شقة مفروشة اللي يبي يروح يحاول يوصل الساعة 2 الظهر لأن الناس وقتها مغادرين ممكن تلقى شقة ما علينا المهم قعدت أفرفر إلى الساعة 12 منتصف الليل أبي شقة أبي غرفة أبي أي شي وبأي مبلغ مافيه يفتح الله أساسا تلقى مكتوب على باب الشقق لا يوجد شقق واحد لقيته كاتب والله العظيم مافيه شقق فاضية طفش من الناس خخخخخ
المهم رحت لرحيمي ونمت عنده وقلت بكرة يحلها حلال جا اليوم الثاني ودقيت سلف ادور شقة لقيت أسعار خيالية لشقق زبالة المهم أخيرا لقيت شقة معفنة لكن تمشي الحال إيجارها الليلة 600 ريال ماصدقت بس واستاجرت وكلمت واحد من العيال قال لي أسعار الشقق محددة من هيئة السياحة وكأني صاحي من النوم والمصري اللي في الاستقبال فاقع قلبي قلت ما بدهاش
المهم نمنا واليوم الثاني فايق رايق واتصل على المجاني لهيئة السياحة وأكلم الموظف وقال حبيبي كل الشقق مسعرة من الهيئة وعندهم ورقة مكتوب فيها كل شي لازم تتعلق أمام الزباين اسأل الموظف عنها المهم قلت عموما هذي شكوى مقدمها أخذ بيانات الشقق وكل شي عنها واسمي الخ وانا رحت للمصري وأخذت منه إيصال بالمبلغ قبل ما أسوي شي بعدين قلت وين التسعيرة يالحبيب قال مفيش تسعيرة المهم طال الكلام بيني وبينه وحلفت ومسكت معي ان الإيجار اللي أخذته أطلعه من عيونك وما راح اطلع الا بعد ما أجيب الشرطة واذا لي شي آخذه والتسعيرة راح تطلعها غصبا عليك تعوذت من الشيطان طلعت شقتي اتغدى الشرر يتطاير مني ناوي اتصل على الشرطة ما فيها كلام إلا والباب يدق وافتح وأحصل البنغالي اللي مع المصري ارسله عليه يهدي الوضع لأنه عارف انه حرامي المهم البنغالي يقول اس فيه كلام انته مدير كبير اش تبغى طلع البنغالي واصل خخخخخخ قلت أنا أعطيك إيجار اليوم 250 ريال وتراها صدقة من عندي والباقي يرجعه المصري والزبالة شقتكم بطلع منها ما أبيها قال خلاص ما فيه مشكلة أنا أكلم مصري راح عني شوية وهو راجع ومعاه 350 ريال وأكيد عارفين ليه مرجعها لأنه كذاب وسعر الشقة هذا هو حتى أكثر من حقها
مالكم في الطويلة
مايستفاد /
اذا دخلت تبي تستاجر شقة أطلب الأسعار الرسمية من هيئة السياحة واذا شفته يتلكع معاك اعرف انه حرامي ونصاب ولا تكثر معاه اعطيه المبلغ اللي يبي عشان تدخل شقتك وترتاح وبعدين شوف شغلك
رقم هيئة السياحة
8007550000

أنتظر تعليقاتكم وأراؤكم

ملاحظة /
مافيه شقة على وجه أرض المملكة إلا مرتها هيئة السياحة وصنفتها ضمن قواعد معينة وبناء عليه تم تحديد الأسعار

[منقاش]

حسبي الله عليك يا شيخ , حسبي الله عليك , هي سياحه والا نياحه ؟؟.
حبيبي أبو تركي , الموضوع يحتاج لسعة بال ورويه وشوية تخطيط واستشارات حتى تكون التمشيه على أصولها..
وبلدكم مافيه مكان يوسع الخاطر ألا أمكنة العباده , مكه والمدينه , وهذي منحه ربانيه ما لأحد فيها منه ..
أما السياحه فلا تدور لها ألا أن كان فيه شي من أمور الغيبيات فهذا خافي علينا ..
وحتى ان لقيت أماكن ترفيه وألعاب لأطفالك بعد تكبد المشقه والعناء , من هو اللي يضمن لك أن صيانتها جيده والسلامه فيها أخذت حقها؟ من اللي يضمنها حتى لا تجيب كارثه لأبرياء وضعهم الله في ذمتك ؟؟.
طبيعه ؟, ما عندكم طبيعه؟.
لي جار يقول أنهم يقتنصون التذاكر المخفضه على شبكة النت على جميع شركات الطيران سنويا , ويسافرون لبلدان فيها التسالي البريئه للكبار والصغار , ويزعم أن والده أخذ التذكره لأستنبول ب600 ريال , وهو أخذها ب900ريال , ولا سألته هي ذهاب وأياب والا أتجاه واحد ؟, لكني أظنها ذهاب وأياب ..
واللي منكم يرغب في التواصل مع الرجل يتعرف على زميله ابو علي , وابو علي عن طريقي يعرفكم عليه والا على ابو نقشه ,(الرجل من بيت عرب ومن زملاء ابو علي) ..
وأذا تبون اللي يطلع كل ما في روسكم وروس بزرانكم ونسوانكم وروس الروس معكم , هذي هي منهاتن الشرق (دبي)جنبكم , وان كنتم من عشاق الطبيعه عليكم بنورليا في سريلانكا ..
واياكم من ألأسفار لبلدان الخليج والا غيرها بالسيارات كما حصل من بعضكم في السنين اللي مضت , روحوا بالجو والا أجلسوا في بيوتكم , واللي له نيه في التمشيه بدون عايله يرافقني بعد كم من أسبوع , بس بشرط , شرط واحد وهو , لا تسألني عن شيء حتى أحدث لك منه ذكرا , وشكرا...

[رفيق دربه]

يهيب المصري النصاب !!!
ولماذا لايكون هناك توعية للمواطنين بأن هناك أسعار من هيئة السياحة ؟؟؟
ع فكرة اول مرة اعرف بهذا الشيء
مشكوووور وجزاك الله الف خير

[H Y T H A M]

بيض الله وجهك ياصقيقي يابوتركي معلومة هيئة السياحه أول مره أعرفها - أما حكاية إني بروح جده أتمشى وإلا أروح أبها وإلا الباحه فكثر منها بقوة
مكه يومين والمدينة يومين وصلى الله وبآرك - الوآحد يهج ماليزيا وإلا أندونيسيا ويشوف السياحة الحقيقية على أصولها ( جو وبرآد ورخص يالله من فضلك - شوآطئ ورحلات بحريه - سفاري وحدائق ورد وحدائق فواكه وحدائق طيور وحدائق فراشات - جبآل وضباب وتلفريكات - أنهار وكهوف - متاحف وأسوآق وسينمات ومطاعم ماتخطر على البآل )

[ابوسيفين]

مشكور يابو تركي

تمت إضافة الرقم الى سجل الأسماء 000 والله إنك جنيت عليهم 0