أصحاب الأصحاب

[ابو عادل]

أصحاب الأصحاب أصحاب الأصحاب أصحاب الأصحاب أصحاب الأصحاب أصحاب الأصحاب

[poem="type=1 title="أصحاب الأسحاب" font="bold x-large arial, helvetica, sans-serif""]ياالله يامنشي القنوف المزابير=وتسوقها في كل ديرة بمقدار
أسقت هماليله صحاري مقافير=واخضرّت الصحرا بعد كانت قفار
تطلق لي افكاري بزين التعابير=اللي جرسها يعطي السامع انذار
تنبّه الغافل قبل حذفة السير=وتصحى قلوبِ تغفي مرار ومرار
ونسقيه فنجال الدلال المباهير=ولاقرّت الوزنة يوقّع لي اقرار
يابن مساعد لاتذبّ الدحادير=الموجز اقصر من تفاصيل الاخبار
اركاب فكرك ناشبة فالمعاسير=والخيزرانة عود والصوت مزمار
اللي تقوله غير واللي حصل غير=وزن الوقيّة مايعادل بقنطار
أما المرض لك ربّ يشفيك ويجير= واجب عليّ اقول لاباس ومجار
والمدح كبر البحر والا قطاطير=يخصّكم ما انشد عنه كل مرار
مانلحق المقفي بقطع المناشير=ولا نصفّه مع غريبين الاطوار
ولاننكر الاصحاب والساير يسير=والسارحة تضوي ولو تالي عصير
الثانية عرّضتها مخلب الطير =اللي مقرّه في زبينات الاوكار
والوكر مايوصف بعشّ الدبابير=والصقر مايغوى الطّريدة ليا طار
حنّا حملنا المسك ماننفخ الكير=للكير نفّاخة وللعطر عطّار
قوم المبادي والسيوف الشواطير=لانقطع السّاقة ولانهدم الدار
وانته سواة اللي يلوفه زمهرير=بعد حجب شمس الضحى دونه غبار
إرقى سنود وسطّر العلم تسطير=تلقى الثمر والفيّ في ظل الاشجار
ترى العتب يبري شكوك المشاهير= اللي لها بين العرب رمز وشعار
كلّ القضايا خاضعة للدّساتير=ومثمّنة عند العوارف والاخيار
اللي توفّيها سمان المعاذير=معذارها ياصلك والدول مادار
وتبشر بما يشفي الصدور المضارير=ناصل لياحدّك على قبّ الامهار
واللي لها عندك ثبوت وتقارير=ويجي لها بين الرياجيل مسعار
وترضى بها مابين فزّاع ومشير=ويطيب خاطركم بلا لوم وانكار
حنّالها لوهي بمليون وبعير=ولاتغيّرنا ضعيفات الاشوار
لكن وراها علم يخفى الجماهير=نفتّشه لوهو ورا باب وجدار
المختفي من دون حجّة وتبرير= يمسح على الجرّة ولايترك آثار
لاجتني اخباره ولاخطّة السير=وحنّا نبشّر من يجينا بالاذمار
مانتركه لو ينتحي يمّ خرخير=والاّ جنازة تحت تصريف قبّار
قدّام تاكلنا كبار الهوامير=اطرح عقال الحقّ والثار بالثار
والمستحيل انّك تشيل البواكير =واحد نفر تضرب بها تسعة انفار
والاّ تغنيها لحون ومجارير=وباقي العرب تضرب على الطّبل والطّار
أما بنيناها على قمّة النّير= والاّ نواريها الثّرى تحت سنجار
خطّينها بالحبر ماهي طباشير=هلّت على وجه الورق غيث مدرار
واقبل تحياتي ومعها التّباشير=واحسب حساب الوقت والوقت دوّار[/poem]

[سهيل2012]

صح لسانك .. وأنا أشهد إنك ماقصرت ..

وتقبل مروري وكل عام والجميع بخير .

[أبو عبدالرحمن]

واش ذا الزين يا أبو عادل

مضطر للرد عليك ...بفرحتى ومشاهدة مشاركتك
كوني حامل راية المقاطعة لشعراء ثمالة!

قصيدة رائعة وجزلة مبنى ومعنى

وأبو فهد ننتظره

[ابو عادل]

المشاركة الأصلية كتبت بواسطة سهيل2012

صح لسانك .. وأنا أشهد إنك ماقصرت ..

وتقبل مروري وكل عام والجميع بخير .

أخي سهيل
صح بدنك وشهادتك شرف لي
أشكرك على المرور وكل عام وأنت بخير

[ابو عادل]

المشاركة الأصلية كتبت بواسطة أبو عبدالرحمن

واش ذا الزين يا أبو عادل

مضطر للرد عليك ...بفرحتى ومشاهدة مشاركتك
كوني حامل راية المقاطعة لشعراء ثمالة!

قصيدة رائعة وجزلة مبنى ومعنى

وأبو فهد ننتظره

شكرا لمرورك وتمييز القصيدة يبو عبدالرحمن لكن ليه المقاطعة
اش دعوة
كل عام وأنتم بخير وتقبل الله حجكم

[سهيل2012]

لازلنا بانتظار الشاعر أبو فهد ..

والظاهر ما عنده خبر عن القصيدة !!

يا ليت من يعرفه يخبره بالقصيدة ..

[ابو عادل]

المشاركة الأصلية كتبت بواسطة سهيل2012

لازلنا بانتظار الشاعر أبو فهد ..

والظاهر ما عنده خبر عن القصيدة !!

يا ليت من يعرفه يخبره بالقصيدة ..

مرحبا بك ياسهيل وشكرا ﻻهتمامك وعودتك للمتصفح مرة أخرى
وللمعلومية القصيدة رد على قصيدة اﻻصحاب ﻻبوفهد لذلك فالرد ﻻيحتاج الى رد .

[حسن عابد]

استاذ كبير صح لسانك