(بعد إذن الإداره والمراقب والمدير)( /م/ش/ي/ل/ح)

[abonayf]

رد : (بعد إذن الإداره والمراقب والمدير)( /م/ش/ي/ل/ح) رد : (بعد إذن الإداره والمراقب والمدير)( /م/ش/ي/ل/ح) رد : (بعد إذن الإداره والمراقب والمدير)( /م/ش/ي/ل/ح) رد : (بعد إذن الإداره والمراقب والمدير)( /م/ش/ي/ل/ح) رد : (بعد إذن الإداره والمراقب والمدير)( /م/ش/ي/ل/ح)

بعيد النظر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أقول بعد إذن الإداره والمراقـب والمديـر=والضيف والزاير ليا شرّف على كلمة هلا
نادوا مشيلح يحمي الماقف ليا صاح النذير=ماني مجامل والمعارك كلها شـر وبـلا [/POEM]

ابو عادل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تكفون جيبوالي الكلبشة والسلاسل والخفيـر=دامت عبيدالله علـى كيفـه مسويهـا حـلا
أنته من اول وانت شرك فوق راسك مستطير=لكن ابااهجدك واوريـك شغلـك مـن الـى[/POEM]

بعيد النظر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أصلاً علاقتنا معك لجل السفـاره والسفيـر=ماعاد نبغى لك سفاره مع جواسيس عمـلا
عزالله إني لأكوي مشيلح على الضلع القصير=ألا أني ألقى في بني ساعـد رياجيـل عقـلا [/POEM]

ابو عادل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أصلك صغيّر والسفارة للكبير مـع الكبيـر=واليوم اباابصّمك واعلن لي خضوعك والولا
مقبل عليك الويل واليوم العبوس القمطرير=وان كان ودّك بالسلامة عطني اثنين كفـلا [/POEM]

بعيد النظر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الهرج لوغيّر وبدل كـان يمديـك الوزيـر=ترعد ولابه سيل وادي خوف يصفر من خلا
ياشاعر الثملان يقلون العمى غير البصير=أثر المقدى والمقـدي مايصيـرون عـدلا [/POEM]

ابو عادل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عندي من الله نور مايطفي وبالله استجيـر=والاانت لوودك تحلحـل حيـد مايتحلحـلا
ارجع وراك ولاتندّر يظهر اللـي فالجفيـر=وان جات هوشة والله ان تجفل كماريم الفلا [/POEM]

بعيد النظر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]آنته تقوله مير نسمع هرجة الجمع الغفير=يقلون عشت بدون كبد ولاطحال ولاكـلا
ياقوّ باسك وإن ضِرب راسك تظلي تستدير=أعرفك إبن بركي لياقلنا حجر قلتوا جـلا [/POEM]

ابو عادل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماكل مرة تسلم الجرة عطبهـا والكسيـر=والا على بالك تبـا الثانـي سـواة الاولا
كل يبا يحسب حسابه وانت راسك يستدير=وان جيت تطلب راي عاقل قولته لاوالف لا[/POEM]

بعيد النظر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بعض العلوم اللي على خاطرك مطلبها عسير=وآنت الهدف ودك يجي من بعدها شرب وكلا
كم حسبةٍ راحت على حسّابها فى جناح طير=إن كان ما تقدر ضمـان حسابهـا ولا فـلا [/POEM]

ابو عادل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]رميت في دربك حجر يابوسعد عند القطير=والله لتنسى قولتـه يامرحبـا يامسهـلا
هذا خلاف اللي يجينا من تباشير البشير=انك لياوريت تحزم نص عفشـك دلـدلا[/POEM]

بعيد النظر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]نارك براد ومنطوي بطنك على سمن ومضير=يارب جنبنا البلاوي وإشف من هـو مبتـلا
اثر البلا من تحت راسك يوم حطوك الشوير=هدمت بيرٍ تروي الظامـي وتقطّعـت الـدلا[/POEM]

ابو عادل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ترى يدك تحت الحجر ياراعي القرص الخمير=لاتقطـع حبـال المـودة ثــم ماتتـوصّـلا
وان كان جبت الغايبة فالوضع بالمرة خطيـر=تفقد حشاشة جوفك اللي شلت له حب وغـلا[/POEM]

[حسن عابد]

محاورة ممتعة بكل المقاييس واعتذر عن التاخير
مشكور ابو نايف على ما قدمت لنا من تسهيل في التصفح

[بن داخل]

أسجل حضوري وإعجابي الشديد ومعذرة
على التأخير لظرف خارج عن الإرادة

[أبو عبدالرحمن]

للأسف لم يكن عندي خبر...

كنت أتمنى أن أكون أول المتابعين..لهذا الامتاع

لا بد من محاورة أخرى!

[ابو عادل]

حسن عابد
مرة ثانية ماعاد نرسل لك كرت دعوة حتى تتوب ماتأخر.

[ابو عادل]

حياك الله يابن داخل
وان كان حضورك متأخرا الا أن فيه البركة .

[ابو عادل]

أبو عبدالرحمن
ترى احنا نسرق المحاورة سرق خايفين منك انت والجدول لاتقول انتم قاطعين الاشارة
واذا تطمنا ولاشفنا اسمك المكتوب بالأحمر دخلنا نتحاور بسرعة ونهرب واذا شفنا الاسم
باللون الأحمر توقفنا .

وترى احنا حاضرين لوبغيت محاورة ثانية أبشر غالي والطلب رخيص وتامر الله يسلمك..

[ابو عادل]

أبونايف
انته حتى لوجيت متأخر لابد أن تترك لمسات طيبة من طيبك
مشكور عزيزي على التنسيق والله لايحرمنا منك.

[العائد]

وانا أيضا اسمحوا لي ما دريت عن المحاورة الا بعد ان انتهت .
لكني استمتعت بها كثيرا واعجبت بطريقة الشاعرين وقدرتهما على تحويل (الغشمره) الى عمل فني رائع .
أما كوني لم اتابعهما لحظة بلحظة فليس مهما . ما اخفيكم سر انا احب اللحم البارد .