اكتب اجمل قصيدة قرأتها

[واثق الخطوة،،،]

إسمعها بـ الـصــوت رووووعــــهhttp://q9aid.nayf.in/mn-6aa7/

[حسن عابد]

المشاركة الأصلية كتبت بواسطة واثق الخطوة،،،

إسمعها بـ الـصــوت رووووعــــهhttp://q9aid.nayf.in/mn-6aa7/

تسلم يمينك ياامير

[حسن عابد]

دَعوتـُكَ للجَفــن القريـْــحِ المسهـَّــدِ
لــديّ، وللنـــوم القليــل المُشـــرَّدِ
ومـــا ذاك بُخــلا بالحيــــاةِ وإنهــا
لأولُ مبــــذولٍ لأولِ مُــجـتـــــــدِ
وما الأسر مما ضقت ذرعا بحمله
وما الخطب مما أن أقول له قـَـــدِ
وما زل عني أن شخصا معرضــا
لنبل العد ىإن لم يصب فكأنْ قـَـدِ
ولســـت أبالي إنْ ظفــرت بمطلبٍ
يكونُ رخيصًا أو بوسْــمٍ مُــــزوَّدِ
ولكنني أختــــار مـــوت بنــي أبي
على صهوات الخيل غيـــر موسدِ
وتأبى وآبـــى أن أمــــوتَ مـُـوسدًا
بأيدي النصارى موتَ أكمـــدَ أكبدِ
نضوت على الأيام ثـوب جــلادتي
ولكنني لـــم أنـض ثـــوب التجلــدِ
دعوتك والأبــواب ترتـــجُ دوننـــا
فكن خيــــرَ مدعــــوٍّ وأكرمَ منجدِ
فمثلك مــن يـُـدعى لكــلِّ عظيمــة
ومثلي منْ يفدى بكــــلِّ مُسـَـــــوَّدِ
أناديكَ لا أني أخافُ من الـــرَّدى
ولا أرتجيْ تأخيرَ يومٍ إلى غَــــــدِ
متى تـُخلفُ الأيامُ مثلي لكـُــمْ فتى
طويلَ نجادِ السيف رحبَ المقلـَّـــدِ
متى تلدُ الأيـــام مثـلي لكــــم فتى
شديدًا على البأســـاءِ غيـــرَ مُلَهَّـــدِ
يطاعنُ عن أعـراضكم بلســـانـِـهِ
ويضربُ عنكمْ بالحســـامِ المُهنــَّـدِ
فما كلُّ منْ شاء المعالي ينــالهـــا
ولا كل سيَّارٍ إلى المجد يَهتــَـــدِي
وإنك للمولى الــذي بــكَ أقتـــدي
وإنك للنجمُ الــــذي بـــه أهتــَــدي
وأنت الذي عرَّفتني طـُــرقَ العلا
وأنت الــــــذي أهويتني كلَّ مقصدِ
وأنت الـــذي بلغتني كـــل رتبــة
مشيت إليهـــــا فوق أعناق حُسَّدي
فيا مُلبسي النعمى التي جلَّ قدرها
لقد أخـْـلـَقـَتَ تلـك الثيــــابُ فجَـدِّدِ!

[رعد الجنوب]

هنا مقتطفات من قصائد الشاعر سليمان بن صالح القصيري :

احدٍ ينـام وحـدر راسـه مخـده=وأحدٍ همومه حطته بيـن ناريـن
القلـب كنـك تشعطـه بـام رده=لا واهنيـك ياقلـوب البعـاريـن
تطلع رياجيـل الرخـا كـل شـده=اللي تحـرر بالسوالـف فلسطيـن
يا دار وين اهل الوفـاء والأشـده=علامة استفهـام مابيـن قوسيـن
ما شالـت الدنيـا حشـا ماتـرده=الأدمي من طيـن ونهايتـه طيـن

================

ياشينها لا جاتك من ميت احساس=كلمة بسيطٍ بيحـت كـل مكنـون
وصديت وانت تشوفها بين الأقواس=ومنين مافكرت فيهـا لهـا لـون
لو إنها من الراس للراس لابـاس=لكن إنها من هينٍ عـاش بالهـون
مابه نعم ياكود كشخـات الألبـاس=وإلا قصير ذراع عايش على الشون
قال المثل هذا بلا ابـوك يادبـاس=اليا ضونك زرق والكـل حـرذون

==========================

أنا كل ما أعلن توبتي للولي واتـوب=نظر لي بعينٍ تحـرم المسلـم التوبـه
ليا شفتها كن القدم ياعلي مقضوب=ابمشي وكن الرجل بالقاع مقضوبـه
ياليته رحمني يوم زاد الذنوب اذنوب=لكنه يريد الذنب والنفـس مذنوبـه
وسلوم الرجال اتحدني ماعليها دروب=لكن صابر ٍ والنار بالقلب مشبوبـه
ولاني ضعيفٍ بين هذي وذيك ايلوب=شجيع اللسان اللي نوايـاه مقلوبـه
عيوبه يخفيها وبالناس يلقى عيـوب=ونصيبه مبدل مجلس العـز بالكوبـه

==========================


ياسرع دمع العيون اليا تخيلتـك=واليا انشدن قلبي المجروح ينشدني
يشره عليه وانا والله ما اهملتـك=اموت واحيا بخيالك وانت مبعدني
عساك ما تموت لو تموت قابلتك=فدتك روحي عساك اللي تشهدني

==========================


دكتور عالجني عسى الهم ينـزاح=دور علاج إلهـم قلبـي يزيحـه
همي كبير وزود افراحي اتـراح=ولا ارتاح لين اشوف هاك المليحه
جوي تعكر والبلا الورق لا ناح=زاد الهضايم والضمايـر جريحـه
زاد الجروح اللي قديمات بجراح=واللي رمتني بالمواصل شحيحـه
الله يامرهم على الخير بإصـلاح=والله يجنبنـا دروب الفضيحـه

==========================


ياشين الوداع ويـوم قفـى وانـا قفيـت=مشيت التفـت يمـه وهـو يلتفـت يمـي
دخيلك لا تحسب صدتي كـل ماصديـت=علشـان اصـد وماتبـي تامـر وتـمـي
عزيزك عزيزك كـان بينـت وإلا اخفيـت=وغلاهـم معاويـن الدهـر نشفـن دمـي
عسى الله يعين الشارع اللـي يـود البيـت=تقل مالكه في صـك والبيـت هـو همـي
ترى ان قمت وإلا نمت وان رحت وإلا جيت=هو الثالث اللي بعـد ابويـه وبعـد امـي
هلا بإسمها اللـي كـل مـا مربـي فزيـت=لو إنه يسمى بـه ولـد جـن مـا اسمـي

===================================

قصدتك طلبتك وانت ماترد لي مطلوب =آبي منك حاجه تجبر القلب عن كسره
لا تساعد عليه وقتي القاسي المنكـوب=مدام المواجه بعد جده عـن البصـره
انا من سببك بصوب والمسلمين بصوب=تقل منهزم والناس بالحرب منتصـره
يابو غرةٍ بيضاء وردفٍ يشيل الثـوب=انا بوجه ربي لامشى ينهزع خصـره
يقولون توب ومن نظر به حرام يتوب=لو اتوب صارت حسرتي زايده حسره ..

===================================
بوقت الجهل عقالنا الضحـك قالـوا عيـب = وبعد مـا فهمـت تقولـي عيـب الأيامـي
أحد ياصـل الستيـن مـالاح فيـه الشيـب = وأنا شبت في واحد وعشرين مـن عامـي
رصيدي قبيلة حرب ماهـو رصيـد الذيـب = حـرامٍ عليّـه بينهـم عـضـة إبهـامـي
حزامي ذرايه تـاج راسـي رجـال الطيـب = ومادام باقـي راس حربـي هـو وسامـي
فدينـا الخـوي بأرواحنـا بالليـال الشيـب =وتنشّد نويشـي عـن محطمـة الأرقامـي
طرقت الصحيح وصح وأبعد عـن التعقيـب =وعلى كل سطـر وحـرف وقعـت ببهامـي
دام الصدق ساس الطيب والكذب ساس العيب = عن الصـدق مـا والله تزلـن يـا قلامـي
===================================

أعرف رفيق الرخاء لا درهمت يمـه = ليادرهمت بي تدرهم بي على أصحابي
نـروح للطيّـب اللـي همنـا همّـه =ماقال مانـي هنيـاء صكّـوا البابـي
شرهاتنـا ماننصّيهـا شويـر أمّـه =من خاب في شبّته في شيبته خابـي
أروح للـي تفـوّر صيحتـي دمّــه =يحوّل لزومي من حسابه على حسابي
ياذيب شرواك دايـم ساكـن القمّـة = وسود الحفر منزل(ن) للخايب الهابي
والله ماقلتـهـا هـزبـه ولانـمّـة = ولانـي بكـذّاب يلعـن كـل كذّابـي
صكّاتهـا علمتنـا الـرس والجمّـة =وخلتني أعرف صداقة عوج الأرقابي
ياجاهل العلم به شـدّة وبـه ضمّـه =ه سم حيّه وبه سم(ن) مـن الدابـي
أخص مـن بندقـه ماتخلّـي الزمّـه =مراية(ن) لو يتوب إبليـس ماتابـي
يكره لياشـاف نـاس بعـز ملتمّـه =وظيفة إبليس دايـم بيـن الأقرابـي
وهذي حركات دايـم خـارب الذمّـة = من شب بالمهزلة بالمهزلـة شابـي

[رعد الجنوب]

ليش ذاب الصدق بقلوب الرجال ؟!


ليش انا قبل الزواج كنت اناديها " الغلا "
وكنت اناديها " الغرام "
و " بعد أُمي وابوي "
و " ضحكتي ... وابتساماتي ... وبلسم جرحي المفتوح وجروحي "


وعقب ما ربي جمعنا ...~
واجتمعنا
وصرنا أُسرة
وصرت انا واياها جميع
نصحى وننام
ونشرب بكاس الغرام
ويوم اناديها تجيني ما تأخر
وتقول " ســم ...! "
و " لبي قلبك يا بعد قلبي انا "





صرت اناديها عقب ذاك الغلا
" هيه... وينك يامره ...؟!"





ليش انا قبل الزواج كنت اكلمها
واسولف
واقضى ساعات وزمان
واحتريها
وحتى لو تأخرت ... او اخلفت ميعادها
ما ازعل عليها



لاآآآآ



ولا حتى اعاتبها شوي
وكنت اشوف عيوبها بعيني جمال
ونقصها بعيوني هو معنى الكمال


ويوم صرنا مع بعضنا
لو حكت لي كلمتين
او سولفت ... او مازحتني وضحكت
قلت : كافي ... بس ... ما ابي قلة ادب
" واعتقد يكفي كلام وبربرة ...!! "



يااااااااااااااااااااااهـ !!
بعد ماكان الحكي بشفاهها ينقط عسل
صار بتاليها حكي...؟!
لآآآ
وليته حكي ...
صار اسمه " بربرة ... أو ثرثرة ...!! "


ليش اراضيها جهوني يوم تزعل
وما آتحمل بس لو لحظة زعل
وكنت ادللها
واموت بضحكها
واقول " آسف يا غلاي "
واكتب [ اجمل بيت شعر ] لعينها لين ترضى


وعقب ما ربي جمعنا


من تزاعلني اقول لها
" في بليس ... طقي راسك بالجدار أنتي حي الله بقرة ...!! "


وربي احنا صدق [[ مرضى عشق ]]
واشواق
ومشاعر
وعشقنا من دحدرة في دحدرة
ماعرفنا وش معنى البنت ~
ولا عرفنا قدرها
ولا وفاها بصدرها
وما حكينا عن غلاها
ولا صفاها
ولا هواها
ولا دفاها



بس نتكلم على
ثرثرتها
وبربرتها
وحكيها السامج


ما نخاف الله يعاقبنا وهي
عطر دنيانا وهوانا ~
بدونها تظلم سمانا ... بدرنا في خدها ~
وصبحنا في قدها ~
وشمسنا بكفوفها ~
وربي وردة ... يا سعد من شمها ~
وغيمةٍ تمطر حنان ... والحلا في دمها ~
وشكل بسمتها جنان ... والكرز في فمها ~
وبن عمتها المطر ... وغيمة الشوق أُمها ~
و ولد خالتها الربيع ... والزهر هو عمها ~
وخصرها دنيا لحاله ... حظ صدرٍ ضمها ~
وريقها نكهة عسل ... والعطر في كمها ~



وشهي الدنيا اذا مابه بنات ...؟!

صحراء مافيها ربيع !
وعيون كاسيها الوجل !
و وجيه ما فيها امان !
وطفل يبكي !
وشيخ يشكي !
ودنيا مافيها رفيق !
وصحبة ما فيها وفاء !
وقلوب ما فيها حنان !
وما احدٍ يرحم احد !



برحمتك يارب ... " خل لنا البنات "
بضحكهم
وهبالهم
وخبالهم
ودموعهم
وشموعهم
ويا حلو تدليعهم
ويا حلو تدليلهم

[رعد الجنوب]

يــاالله ياعـالـم خفـايـا غيـوبـه=ياللـي بذكـرك زايـد الهـم يـنـزاح
يـا كامـل الرحمـة شديـد العقـوبـه=ورضـاك فـي كـل الموازيـن رجـاح
اللي هـل التقـوى صحيحـاً حضوبـه=واللي حضـى برضـاك لاشـك نجـاح
واللي عصـاك وتـاب مقبـول توبـه=ومن يتكل بـك يالولـي نـال الافـلاح
والشمس بأمرك تختفـي فـي غروبـه=وبأمرك ظهور الشمس في وقت الاصباح
للمعتبـر خلقـك شـديـد العجـوبـه=يـارازق اللـي بالجناحـيـن لـفـاح
بأ مرك قـدوم الـرزق مابـه صعوبـه=وبأمرك من الالحـاد تبعـث لـلأرواح
والشعـر يأتـي بالـلـوازم وجـوبـه=ياصار له واجب وخـصٍ بـالا مـداح
والخيـر هبـت للمـواطـن هبـوبـه=من غير رأس المـال يجنـي للأربـاح
من الخير صـارت بالتتابـع اكسوبـه=و الأرض تنبت دام زود المطـر طـاح
جـاه المطـر نوبـه ونوبـه ونـوبـه=من طيبٍ ماهـو علـى المـال شحـاح
الل،يـث زيـزوم الـبـلاد محبـوبـه=شوفه لقلوب الشعـب يزيـد الأفـراح
لو صورتـه عبـر الجهـاز نظروبـه=بشوف أبو متعب كـل الأنظـار ترتـاح
محبتـك يـا شيـخ مـا تـا جروبـه=شعبك وفي وأكيـد عطـوك الإيضـاح
يـا قائـدٍ بالخيـر تعـرف ادروبــه=يا تاج روس الشعب يا وسام الإصـلاح
الشعب دربك يـا بـو متعـب مشوبـه=مـع البحـر وإلا صحاصيـح الابـراح
عـز الملـوك أكيـد عـزة اشعـوبـه=وقصرٍ بدون الساس لـو يرتفـع طـاح
واعـداك يانـزه الجـنـاب امغلـوبـه=لايهمكم مـن هـو ورا السـور نبـاح
الله يظـهـر للـخـلايـق عـيـوبـه=وبعض المرض ما يفيد به طب جـراح
لـوزاد صوتـه شعبكـم مـا شقوبـه=محسـوب مـع ميـةً قبـل مـدةً راح
مـن خـان عهـد الله مـا فكـروبـه=الملتحق مع جمـع الأشـرار الأشبـاح
وعدلـك بعيديـن الديـار شهـدوبـه=والكـذب دايـم لأهـل الكـذب فضـاح
وكل العـرب سمـوك صقـر العروبـه=يامزبن اللـي مـن وزا موقفـه صـاح
يابن الزعيـم اللـي مسيـره اعجوبـه=صـدق مـع الله وفقـه ويـن مـاراح
أسس حكـم علـى الشريعـة رضوبـه=وحكم العدالـة للبشـر خيـر وإصـلاح
صقر الجزيـرة سيرتـه مـا جهلوبـه=اللي لهـم فـي سيـرة المجـد ميـلاح
وعيال أبو تركي مشـوا مـع دروبـه=كـلٍ يقـوم بواجـب أخـوه يــاراح
الخيـر فعـلـه للمـواطـن سعـوبـه=والبرق يثبـت ناشـي المـزن يـالاح
المجـد فـي كـل الـدروب اجهدوبـه=أعزهـم مجـري بالأجـسـام الأرواح
وإعـداد مابيـت الـحـرم كبـروبـه=صلوا علـى اللـي سنتـه خيروإفـلاح

الشاعر:سميحان فهد السويدي الشمري....

[واثق الخطوة،،،]

إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد تاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما أقدره

عوّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب

واللي ماهو بقد الظلام ووحشته لايسهره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعلام ٍ ماتستحق المغفره

انا أكثر أنسان تعلم من كثر ماأخطأ وصاب
انا أخر لسان يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليا من جاتك الغلطه من الناس القراب
الصاحب اللي ماكسبت محبته ماتخسره





[YOUTUBE]IM2ZuJUaLno[/YOUTUBE]

[واثق الخطوة،،،]

[YOUTUBE]N5FilHGI91M[/YOUTUBE]

[حسن عابد]

بغداد)


عساها فاتحة برد و سلام و خاتمة وقّاد
على "دار السلام" الله يروّع من يروّعها
حضارة سومر و بابل .. قبل تشريفة الميلاد
عروق الرسل و العلم و هل الشعر و روايعها
هوى سيف الله المسلول يوم ان السيوف حداد
مساري سربةٍ كان المثنّى في طلايعها
عروسٍ زفّها المنصور و الدنيا لها سجاد
و دلّعها الرشيد .. الله عليها يوم دلّعها
بدت بالسندس اللي يهوّس الخلاّن و الحسّاد
و كثر ما هزّها التاريخ ما اهتزّت روابعها
بقت خضرٍ مرابعها .. بقت تنجب لنا الأمجاد
بقت بيضٍ صنايعها .. بقت سودٍ وقايعها
ورى ما تستميت قلوبنا معها و هي بغداد
يا كبر العار لو ما تستميت قلوبنا معها
عليها الله .. و أمان الله بلاد الرافدين بلاد
هجد صوت القنابل جنب تهليلة جوامعها
دهاها من ورا الحملات ليلٍ لو نقص يزداد
أهلنا في مدامعها و أهلها في مطامعها
هل الحريّة اللي لا غشا أصحاب البيوت رقاد
تفرّق بينها مندوبة الهاون مضاجعها
هل الحريّة اللي بعدها صاروا بنات الضاد
ينوش المنتشي حشمة ملابسهن و يرفعها
هل الحريّة اللي قصّت أجنحة أكثر الأولاد
ما دام يدينها ما ترفع اثنين من أصابعها
تعوّدنا على حرق النسل و الحرث .. و الأصفاد
تعوّدنا على نارٍ يطفّيها مولّعها
يبس بكفوف أهلنا غصن زيتون و كما المعتاد
عناقيد الهدايا جاتنا من كف صانعها
عسى المقبل مثل صيحة ثمود و مثل صرصر عاد
عشان أهل البيوت الخاربه تبرى مواجعها
على وين المراكب سايره في حضرة الرواد
عساهم للدواير لين تدرجهم منافعها
مصير أمصار و أجيال و زمن و جموع بيد أفراد
لها التاريخ بالمرصاد و إن خانت ودايعها
محبّتنا عداوة و القلوب قريّبات بعاد
بعد ما نصنع الكذبه نصدّقها و نتبعها
خذتنا العنتريّات الله يبيح من ابن شداد
وضعنا بالخطب ليت الخطب نقدر نضيّعها
تواعدنا مع الوحده و صرنا نخلف الميعاد
مذاهب و أنظمة و أحزاب من يقدر يجمّعها
تصهين دمّ ناسٍ طايرين بعجّة الأوغاد
تصاغرنا مثل ما استصغر الكرسي مراجعها
أخيراً .. كم بقى طاغي و كم باغي و كم جلاّد
و كم لص و كم أصنام و كم أوهامٍ نصارعها
و كم صورة تظن "الروح و الدم" أغنية و إنشاد
و هي كلٍ هناك يدوسها و إلا يقطّعها
لعل الليلة اللي جابت الكابوس ما تنعاد
و بسم الله على بغداد من شي يروعّها

[حسن عابد]

تراها الصورة اللي جا عليها بالوداع علوم
فديتك ما سواها حرّك الخفّاق و أوجاعه


عسى يا أحلى هدايا الكون ما انت بمن حلال القوم
عسى يمّي يجيبك من تركتك عنده وداعه


معاك أضيع يا عمري .. و أبي لو ساعةٍ من يوم
تضيّعها معي .. و أنسى وش اليوم و كم الساعه


عشيرك من يد الترك ليد الفرس ليدين الروم
هذا هو يعربيٍّ لا نسى حلمك و لا باعه


تعال الكل ينشد عنك و طيور الخيال تحوم
و أنا ما بين طيف و صوره و دفتر و سمّاعه


من أوّل ما أصبح استفرد بنكهة سرّك المكتوم
و أهيم بكل شارع و أندهك و أخرج على الطاعه


أطارد شمسك اللي لآخر الدنيا بدون غيوم
و الى منّي ذكرت عيونك و مغناي و شراعه


أجي جنب البحر و أحكي له أوّل ما عرفت العوم
و فوق الشاطي أرسم وجهك اللي سافر شعاعه


و الى جا الموج يمّي ضمّت ايدي وجهك المرسوم
و طاحت نجمتينٍ مرّت الخدين مرتاعه


و أعوّد للحدايق ما بقى من زادي إلا اللوم
أفتّش عن عبيرٍ كم و كم نسمه من اتباعه


أداعب وردها و الفلّ و الريحان و اليشموم
و لا هو ملمس الورد الطبيعي يا أجمل أنواعه


و أنشّد عنك أناشيد و عصافير و شجر و كروم
و كرسي باهتٍ لونه و سبع خيوط لمّاعه


و أشوفك في فساتين و ذهب و معلّقٍ منظوم
و أخبّر بك سرايا كل سوق و غالي بضاعه


و أشيل أوراقك أمّ حروف و قلوبٍ تشيل سهوم
و أغنّي ما طرى و أطبع عليها الطاري طباعه


و أعوّد للوساده في مسا ما له قمر و نجوم
أصحّي صورتك من نومها و تفزّ فزّاعه


أنام بحضنها لين الصباح يقول (صحّ النوم)
و أفيق بوجهٍ أجمل من (صباح الخير) مطلاعه