اكتب اجمل قصيدة قرأتها

[واثق الخطوة،،،]

‏​‏​‏​‏​‏​‏​نطوي مع الأيام عـام ٍ ورا عـام
وتمر ساعات الفـرح فـي دقايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
أيام راحت بالعمر مثـل الأحـلام
يوم ٍ بهـا زعـلان وأيـام رايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
درست من دنياي وأتعبت الأقـدام
وبدلت عن بعض الطرايق طرايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
وكفخت بأفكاري كما الطير لاحام
وماعاقني عن ماكـر العـز عايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
ياصاحبي خذني معك سيف وحزام
وياك في وقت الرخـا والظوايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
أخوك بالفزعات ضـاري( وعـزام)
يشوقني للطيـب والخيـر شايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
وترى البشر ياخوك منقسمه أقسام
بين الردى والطيب شفت الحقايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
لقيت من صلى وزكا ومن صـام
ولقيت منهو لأقرب النـاس بايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
ولقيت من قلبه حقـود ٍ ونمـام
ولقيت من قلبـه يعـز الرفايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
ولقيت من يبني الأمل فوق الأوهام
واللي يموت ولايعـرف العوايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
ولقيت من يملك بساتيـن وأنعـام
واللي من الحاجه ينـام إمتضايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
الله خلق هالخلق سـاده وخـدام
ذي دبـرة الرحمـن رب الخلايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
وآخرك يابن آدم ترى قطعة الخـام
أمـر ٍ أكيـد ومايبيلـه وثايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
يالله عسى ماكون قطاع الأرحـام
وعساي من عقب القبر في حدايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
جاك الكلام وخذ معه بصمة إبهـام
أن العمـر كلـه مجـرد دقايـق

[حسن عابد]

هذهـ قصيدة للشاعر محمد بن أحمد السديري رحمة الله

يقول من عدى علـى راس عالـي ===رجم طويل يدهلـه كـل قرنـاس
في راس مرجومٍ عسيـر المنالـي===تلعب به الأرياح مع كـل نسنـاس
في مهمةٍ قفر مـن النـاس خالـي===يشتاق له من حس بالقلب هوجـاس
قعدت فـي راسـه وحيـدٍ لحالـي===براس الطويل ملابقه تقـل حـراس
متذكر فـي مرقبـي وش غدالـي===وصفقت بالكفين ياسٍ علـى يـاس
أخـذت اعـد أيامهـا والليـالـي===دنيا تقلب مـا عرفنـا لهـا قيـاس
كم فرقت ما بيـن غالـي وغالـي===لوشفت منها ربح ترجـع للافـلاس
يقطعك دنيا مـا لهـا أول وتالـي===لو اضحكت للغبن تقرع بالأجـراس
المستريح اللي مـن العقـل خالـي===ما هو بلجات الهواجيـس عطـاس
ماهوب مثلـي مشكلاتـه جلالـي===أزريت أسجلهن بحبـر وقرطـاس
حملـي ثقيـل وشايلـة باحتمالـي===واصبر على مر الليالي والاتعـاس
وارسي كما ترسي رواس الجبالـي===ولا يشتكي ضلعٍ عليـه القـدم داس
يابجاد شـب النـار وادن الدلالـي===واحمس لنا يابجاد ما يقعد الـراس
ودقـه بنجـرٍ ياظريـف العيالـي===يجذب لنا ربعٍ على اكوار جـلاس
وزله إلى منـه رقـد كـل سالـي===وخله يفوح وقنـن الهيـل بقيـاس
وصبه ومـده يـا كريـم السبالـي===يبعد همومي يوم أشمـه بالانفـاس
فنجال يغـدي مـا تصـور ببالـي===وروابع تضرب بها اخماس واسداس
لاخـاب ظنـي بالرفيـق الموالـي===مالي مشاريهٍ علـى نايـد النـاس
لعـل قصـر مـا يجيلـه ظلالـي===ينهد مـن عـال مبانيـه للسـاس
لاصار ما هـو مدهـل للرجالـي===وملجا لمن هو يشكي الضيم والباس
بحسناك يامنشـي حقـوق الخيالـي===ياخالق أجناس ويامغنـي أجنـاس
تجعل مقـره دارس العهـد بالـي===صحصاح دوٍّ دارس مابه اونـاس
البـوم فـي تالـي هدامـه يلالـي===جزاك ياقصر الخنا وكر الادنـاس
متـى تربـع دارنـا والمغـالـي===وتخضر فياض عقب ما هيب يباس
نشـوف فيهـا الديدحـان متوالـي===مثل الرعاف بخصر مدقوق الالعاس
ونثير على البيدا سـوات الزوالـي===يشرق حماره شرقة الصبغ بالكاس
وتكبر دفوف معبسـات الشمارلـي===ويبني عليهن الشحم مثل الاطعـاس

[حسن عابد]

يالله وانا طالبك تغفر لي ذنوبي يا غفور=



ارجيك والجا لك وانا سالك واعيد المسأله
لوما تطهرني بعفوك ما تطهرني البحور=


جيتك وذنبي قد تعلاّ غاربي يا مثقلهأنا من الطين انخلقت , أخطي ولانيب معذور=
قامت علي الحجّه بدعوة رسلك المرسله
مؤمن بتوراتك و إنجيلك و مؤمن بالزبور=


و بسنّة محمد وآيات الكتاب المنزله
لكن خُدعت بزخرف الدنيا وزادتني غرور=



أبدت مفاتنها و ورتني من العمر اجملهطبعاً بما إني بني آدم حصل منّي قصور=


واذنبت يا مولاي ذنبٍ بالخفا ما تجهله
أسألك تغفر لي و تستر موقفي يوم النشور=

اليا القفت خلقك صحايفها وهي مستذهله
من يستلمها بالشمال افلس وهو يدعو
ثبور=


ومن يستلمها باليمين افلح لخير المنزله
واسألك يا ربي تعاونّي على نيل الأجور=
أحيا حياةٍ مكسبي فيها من البر افضله
واسألك جاهٍ مع هل الدنيا وحظٍ ما يبور=

أيضاً وعرفٍ مع هل الحكمه ورزقٍ تكفله
من لا تهيّا له مقامٍ مع طويلين الشبور=

يبكي على ما ضاع من عمره وخيبات عمله
وان شاب راسه لا ترجّى فيه تجبير الكسور=

لا خير في تالي زمانٍ ما تغانمت اوّله
ومانيب ناسي قصةٍ صارت وانا ازورالقبور=

لازلت افكر في غرابتها وبالي تشغله
ساعة ظهر لي شايبٍ له حول قرنين محجور=
في جوف قبرٍ عن هل الدنيا طواه ويعزله
سلّم وجا صوبي يقول : ابنشدك يللي تزور=
عن حالة الدنيا وعن وضع الزمان وعن هله
أنا مضى وقتي ومرّت بي طويلات الدهور=

والباقي بعمري بعيشه بينكم واستكمله
قلت : الزمان اللي يبارينا على خبرك يدور=

الوقت نفسه ما تغيّر ماشيٍ في جدوله
أما البشر , , , لا والله الاّ غير من حد الجذور=

صار انتقالٍ من يمين الى يسار المنقله
استغرب الشايب من اللي قلت وبليّا شعور=

حط اليمين اعلىالشمال وخاطره فيه اسئله
قال : افتني عن حالة الشيبان والشيخ الوقور=

أهل الخبر والراي والحكمه وضرب الأمثله
القدوه اصحاب الأمور اللي تطاع بكل شور=

اللي يفضّون النزاع ويحكمون المشكله
قلت : البعض منهم على ما قلت في وصفك وقور=

قدوه ولكن رايهم ما ينفرض في مسأله
الطاعه العميا بقا منها مجاملة الحضور=

اللي تلاقيها مع اوّل فرصةٍ متنصّله
والبعض لا عبدٍ يخاف الله ولا عبدٍ شكور=

لا زهّده شيبه من الدنيا ولا هو جمّله
بهيمةٍ يرجع على منحاه الاوّل ومحصور=

في لعب بيلوته وريح زقارته ومعسّله
والبعض الآخر شابت رموشه على درب الفجور=

ينقل جوازه للسفر من مزبله لا مزبله
أشيمطٍ زاني قضا عمره بحانات الخمور=

والعايله ورعٍ يغرّر به وبنت مهمّله
قال : افتني عن حالة الخفرات ربّات الخدور=

اللي تصان ببيت عايلها و بابه تقفله
شيهانةٍ تشمخ عفاف وتصقل فروخ الصقور=

بين الفريق ببشتها الضافي وثوبٍ تسبله
قلت : العذارى في زمنّا ببغاوات الطيور=

تقليد هرج و عرض ريشٍ خلفها تستخمله
تلبس عباةٍ ضيّقت حول الردايف والخصور=

فضيحةٍ تكشف جسدها من علوّه لأسفله
وموضة شيالٍ تكشف الوجنات والوان الشعور=

والمحرم تبدّل بجوالٍ بيدها تحمله
لا فوّحت صفر الدلال ولا عرفت غش القدور=

تطبخ لها خدّامةٍ بالعايله متوكله
الأم ما صانت عفاف البنت من عمر الزهور=

والأب ديّوثٍ تحكمه حرمةٍ مسترجله
وشلون يتربّى عيال ام التبرّج والسفور=


الاّ خنازيرٍ دماها بارده ومغفّلهقال : افتني بحال الشباب الصلب صيّاد النمور=

الفارس اللي ينطح خصومه بزندٍ يفتله
الوافي الشهم الغيور اللي لعرض الجار سور=

البار عند امّه وابوه وعلم ربعه يشغله
قلت : الشباب بوقتنا وجهه مثل بدر البدور=

والجسم من زود الرخا ما تنفتل فيه عضله
قصّة شعورٍ صيّرتهم لا إناث ولا ذكور=

والثوب راح ولا بقى الاّ عالمٍ متبنطله
ناسٍ ( فلنتينو ) وناسٍ تلبس ( كرستانديور )=

صار التنافس بينهم في لبسهم والجنتله
من كان يشرب من قرار البير مشروبه ( بيور )=

والبل راعيها غدا يشرب حليب ( النستله )
مامنهم اللي قام دون اعراض جيرانه غيور=

من قام قالو , , وشملقّف حضرته ؟ وشدخّله
والوالدين حقوقهم ضاعت وعنهم في نفور=

ان غاب عنهم لا تذكرهم ولا جاه الوله
بدّا عليهم شلّةٍ تهوى الوطا بين الجحور=لو تعزله عنهم تبي له شان كنّك تقتلهما راح يوم يشارك ربوعه بحزن ولا سرور=

حتى ابن عمّه يعرفه بالوجه واسمه يجهله
بدّل حكاه وضيّع سلومه وحاله في دبور=

وان شاف ضيف يخش حتى انّه يفارق منزله
ناظر لي الشايب بعينٍ تجمع السبع البحور=

يقول : انا لا يمكن ادخل مجتمعكم واقبله
انتم لكم وقتٍ تصدّع من بلاويه الصخور=

ما يقعد الجمّال به ساعه ولو ضاع جمله

[حسن عابد]

لوّ إن عندي مثل ماعند الوليد بن طلال



شريت برج الفيصليه لجل اغيظ المملكه
ماهو على شان الجنيه ولا على شان الريال




لكن على بالي طرى شيٍ تمنيت أدركه
غروٍ غريرٍ غرّره زينه ومطغيه الدلال




لاشاف له شيٍ يبيه فظرف لحظه يملكه
اللي سواته وبسهوله يملك قلوب الرجال




اليا لمح له درب في قلب الرياجيل سلكه
هذا وأنا ماشفت منه إلا التمنّع بالوصال




كفي من الحسرات لامني تذكرت افركه
يحبني وأدري بحبه مير ماجالي مجال




أجلس معه جلسه وهذا الوقت ما فيه بركه
يطري علي مع السهر وأخذ ثلاث/أربع ليال




تقول كن العين ظبي وحضرة الليل شركه
صوته ليا جاني ظما يسقيني الميّ الزلال




وساعة غيابه تدخل عيوني ونومي معركه
شفايفه جمرٍ وأنا شاعر سريع الإشتعال




الله شغلني به وغيري ما أشغله إلا كبكه
لبّا عيونه والشعر لاحط شال وشال شال




إن طوّله وإن قصرّه وإن سعوّده وإن أمركه
ولبّا النحيل اللي تحمّل شيلة حمولٍ ثقال




ولبّا الثقال اللي ولو وقّف يجي فيه حركة
إليا قفل جواله أظلم كل ما حولي ومال




فكري لتيار العذاب وكل طاروق إمسكه
وأصبحت أهوجس ما تقول إلا الوليد بن طلال




مع إني أفقر شخص عايش في حدود المملكه

[حسن عابد]

فى خفوقى لك حكايه ضمها كتاب المشاعر..


وفى عيونى لك مدينه ياحلوها من مدينه ::


انت لوتامرعلى روحى من غلاتك بس تامر ..


فدوة روحى من غلاتك والله ماهى بالثمينه ::


شفت وش قد غالى ولاعندى شى اخر..


كل هالعالم بدونك اشبه بدمعه حزينه ::

احنا قصتنا قديمه وحبنا صادق وطاهر ..


انقى من حبه رذاذ فوق خد الياسمينه ::


احنا لونكتب عشقنا ضاقت اوراق الدفاتر ..


وان كتبنا شى تبقى اغلب كنوزه دفينه::


انت تبحر فى عيونى وانا فى عيونك اسافر ..


فوق غيمه من محبه لاشراع ولاسفينه ::


جيت لك كلى وضوح بلا قناع ولامظاهر ..


وجيتنى من طيب اصلك لا غرور ولا ضغينه ::


تذكر بأول لقانا كيف خانتنا الحناجر ..


والحكى عيا وحروفه فى خناجرنا سجينه ::


وكانت عيونك مرايا بعثرت اوراق شاعر ..


وكنت اقرا فى عيونك رعشه الشوق وحنينه ::


كانت الفرصه دقايق عشتها مثل المغامر ..


مرنى فصل العواصف والهداوه والسكينه ::


تصدق انى من بعدها صارت ضلوعى منابر ..


كم تعلاها خفوقى يشجب البعد ويدينه ::


بصراحه فى غيابك تنغلق كل المعابر ..


كل هالدنيا بدونك تنقلب صحراء وشينه ::


افتدى نظرة عيونك واشتريها بألف خاطر ..


ومن غلاتك بس عندى عينى صارت لك مدينه ::

[d9d9]

شلتكْ منْ وسط نارْ آلهمُوم ، وعآلم آلجمره ..
وسقيتك من غلآي ومآ نفَعْ طيبي وتقديري ..

مثل زهره قطفْها آلوقت وقلبيّ شالَهآ حسره ..
لأني شفْتَهآ تَحْتي وأخافْ " يدوسهآ " غيري ..

رسمتك لينْ مآشفتك مثل صوره بلآ فكرهـ ..
ألوّنها ولا يبيّنْ بعينْ آلصفحه ، تصويري ..

أكلّمْ صفحتك / عيّتْ تدور ونهتني بكره ..
وعاف القلب هالصفحه وأيّدْني بتدويري ..

وغلآتك . . / مو أنآ اللّي تهزّه غلطة آلبذره ..
" صعب " آتأأثر بغــيري و غيـري فيه تأثيري ..

[واثق الخطوة،،،]

‏​‏​اللھ يذكـر زمـان ( اللعـب ) واسـرارھ
ومـدرس لآ زعـل يرمـي ” طباشيـرھ “

عقب العشا نوم والسهران فـي دارھ
يحــل وآجــب وينــسى وآجـبٍ غيــرھ

فـي كـل هوشـه أحـد (منقطـعٍ زرارھ)
والصبح مـا لـ آلزعـل مـن بيننـا سيـرھ

حلم الصغيـر ان كبـر ” فلّـه وسيـارھ “
ياخـذ بهـا لا طفـش .. لـفّـه وتـدويـرھ

وبرادة المسجد اللـي فْ آخـر الحـارھ
أطعم من (الببـسي) للّـي قَـل توفيـرھ

كلٍ يسولف عن ( التفحيط ) واخطـارھ
ولا جا ( مفحّـط ) غدينـا مـن جماهيـرھ

من يشتري الخبز ما ينسـى ولد جـارھ
من ضيقـة المخبـز و زحمـة طوابيــرھ

حافـيـن و ( زفلتَـنـا ) مـا همّـنـا قــارھ
واللي معه ( جزمھ ) يا قـوّ تكـسـيــرھ

والملعب اللي(حصاه) أقشر من غبـارھ
بابَه من ( الشـوت ) منهـاره مساميـرھ

(من شوط) نلعب (حكَمنا)سهل نختارھ
إلـى أذّن المـغـرب نخليــه ( صفّيـرھ )

كـل لـھ اسمــھ وكـل عنـده ( عـيَـارھ )
ومع كـل ذا ما نعـرف الحقـد والغيــرھ ‏

اللـھ يـاهـي سـنـيـن بـجــدّ ( دوّارهـ )
تفـرّق ” الاحباب والأصحاب والجيــرھ

[حسن عابد]

يانسانيس الغلا اللي عطّرت كل الزوايا بلغي حبي وشوقي للعنود الغشمريه
معك امانه ياهبايب نجد ودّيها التحايا بلغيها بالسلام وبلغيها بالتحيه
الهنوف اللي حلاها غير عن كل الصبايا فتنةٍ تسحر ملامحها طفوليه بريه
جادلٍ من جابها الله ما مشت درب الخطايا شيخه وبنت الشيوخ اهل الوفاواهل الحميه
فتنةٍ تمشي على القاع وغلاها فالحنايا الله اعطاها الحلا والملح من عنده عطيه
خصّها بالزين خلّاق الملا جزل العطايا مابقا للزين عنها لا كثير ولا بليه
ويش اقول وويش اخلّي فالوصوف وفالحلايا حسنها وهبه من المعبود خلّاق البريه
وجهها مثل القمر فيه اجتمع حلو المزايا والخدود مورّده فيها جمال وجاذبيه
والعيون مكحله والموت في حمر الشفايا واهني اللي بعينه مانظرها واهنيه
جيتها عمري وشوقي واجمل ايامي هدايا واهدت الخفّاق جرح وجيت راجع بالهديه
رحت منها والوله والشوق سوابي سوايا زادت حروق الخفوق ونقّضت جرحي عليه
في خيالي باقيٍ من صورة اللقيا بقايا اتخيّلها واهيجن باللحون السامريه
يالهنوف الفاتنه يابنت قادات السرايا لا تجافيني دخيل الله بلا ذنب وخطيه
لاتزيدين الجروح ولا تعرقين الكوايا مالغيرك في حياتي ياحياتي قابليه
فعلاً انتي جوهره مالك شبيهٍ فالبرايا بنت عز وتستحقين الحياه المخمليه!!




والظاهر إن الغشمرية مقصد كل الشعراء فهذا يقول :
ياعضيدي وين جبت الغشمرية العنود اللي يديها في لاهاتي
والله أني ما تعمدت الخطية ولابغيت العلم يتعدى شفاتي
اقبلت وبعيونها عشرين نية وكل نية تكتب اسباب ال ..وفاتي
اوصفت لي الدرب واعطتني المطية وقمت اهيجن ناسف فوقي عباتي
ارسلتني للبعد ........ وللمهمهية واتركتني غادي(ن) بمغامراتي
انتخيت الوقت وادركت القظية ثم طلبت الرب يسهل لي ثباتي
ويوم جتني واشتكت مني عليه واشرحت لي ليه مرة في حياتي
قلت أمانة ارفقي ياحلا ابنيه والله اني ذاكرك حتى بصلاتي
بالدعاء والمغفرة والمقدريه والعفو يابنت للتايب غناتي
لعنبو جد الاساءه والاسية كانها ذنبي ومضمون احسناتي
ياعضيدي لاتقول اصبر اشويه العلم ذره والزبده نواتي
وان بغيت العلم قل للاجوديه شاعرك يابنت مجنون الصفاتي

[حسن عابد]

يانسانيس الغلا اللي عطّرت كل الزوايا بلغي حبي وشوقي للعنود الغشمريه
معك امانه ياهبايب نجد ودّيها التحايا بلغيها بالسلام وبلغيها بالتحيه
الهنوف اللي حلاها غير عن كل الصبايا فتنةٍ تسحر ملامحها طفوليه بريه
جادلٍ من جابها الله ما مشت درب الخطايا شيخه وبنت الشيوخ اهل الوفاواهل الحميه
فتنةٍ تمشي على القاع وغلاها فالحنايا الله اعطاها الحلا والملح من عنده عطيه
خصّها بالزين خلّاق الملا جزل العطايا مابقا للزين عنها لا كثير ولا بليه
ويش اقول وويش اخلّي فالوصوف وفالحلايا حسنها وهبه من المعبود خلّاق البريه
وجهها مثل القمر فيه اجتمع حلو المزايا والخدود مورّده فيها جمال وجاذبيه
والعيون مكحله والموت في حمر الشفايا واهني اللي بعينه مانظرها واهنيه
جيتها عمري وشوقي واجمل ايامي هدايا واهدت الخفّاق جرح وجيت راجع بالهديه
رحت منها والوله والشوق سوابي سوايا زادت حروق الخفوق ونقّضت جرحي عليه
في خيالي باقيٍ من صورة اللقيا بقايا اتخيّلها واهيجن باللحون السامريه
يالهنوف الفاتنه يابنت قادات السرايا لا تجافيني دخيل الله بلا ذنب وخطيه
لاتزيدين الجروح ولا تعرقين الكوايا مالغيرك في حياتي ياحياتي قابليه
فعلاً انتي جوهره مالك شبيهٍ فالبرايا بنت عز وتستحقين الحياه المخمليه!!




والظاهر إن الغشمرية مقصد كل الشعراء فهذا يقول :
ياعضيدي وين جبت الغشمرية العنود اللي يديها في لاهاتي
والله أني ما تعمدت الخطية ولابغيت العلم يتعدى شفاتي
اقبلت وبعيونها عشرين نية وكل نية تكتب اسباب ال ..وفاتي
اوصفت لي الدرب واعطتني المطية وقمت اهيجن ناسف فوقي عباتي
ارسلتني للبعد ........ وللمهمهية واتركتني غادي(ن) بمغامراتي
انتخيت الوقت وادركت القظية ثم طلبت الرب يسهل لي ثباتي
ويوم جتني واشتكت مني عليه واشرحت لي ليه مرة في حياتي
قلت أمانة ارفقي ياحلا ابنيه والله اني ذاكرك حتى بصلاتي
بالدعاء والمغفرة والمقدريه والعفو يابنت للتايب غناتي
لعنبو جد الاساءه والاسية كانها ذنبي ومضمون احسناتي
ياعضيدي لاتقول اصبر اشويه العلم ذره والزبده نواتي
وان بغيت العلم قل للاجوديه شاعرك يابنت مجنون الصفاتي

[حسن عابد]

يسألونـي ليـه احبـك حـب مـا حبـه بشـر
و ليه انتي في حياتـي شمسهـا و انتـي القمـر
و ليه صوتك لا وصل صحراي يملاهـا الزهـر
علميهـم يالحبيـبـه اه يــا اغـلـى حبيـبـه
يسألونـي و ليتهـم مثلـي يعيـشـون الـهـوى
الاصابع في الايديـن الواحـده مـا هـي سـوى
عندهم حبك طبيعـي و عنـدي فـوق المستـوى
اعذريهـم يالحبيـبـه اه يــا اغـلـى حبيـبـه
يسألوني و فـي شفاتـي يرتعـد حـر الجـواب
ما دروا أنتي بحياتي راحتـي و انتـي العـذاب
و أنتي حلمي اللي عشقته و طار بي فوق السحاب
خبريهـم يالحبيـبـه اه يــا اغـلـى حبيـبـه
يسألوني و انتـي اكبـر مـن سوالفهـم جميـع
و أنتي اجمل ما خلق ربي في هالكـون الوسيـع
و اني اتلاشى بـدون عيونـك الخجلـى اضيـع
علميهـم يالحبيـبـه اه يــا اغـلـى حبيـبـه