قصة في حياتي

[عثمان الثمالي]

الله يعطيك العافية ................ لعمل الواجب

لا حول ولا قوة إلا بالله

نسأل الله أن يتغمد هذه الأسرة برحمته

وأن يجمع بهم في جناته..

[منقاش]

قصه حقيقيه سارت عليه الليله عصير
الليله مانا شكره يالرفاقه , وعلابيه وعكاكيني توجعني وكراعيني ما تقلني ,, آه آه واراسك يا منقاش
ما هي ألا سلامتكم : الليله عصر مريت من عند المسجد وقلت في نفسي ليه ما تصلي مع جماعتك يا منقاش لو يوم في الاسبوع , قرشت حماري في واحد من مواقف الحمير جنب المسجد وربطته بخطامه ودخلت المسجد وصليت قبل أذان العصر ثلاث ركعات سنه , وبعد قليل ألا وداخل علينا المسجد واحد قليل خاتمه من الجماعه من كرهتي فيه سرت ما أصلي الجمعه في مسجد الجماعه حتى لا أشوف وجهه والا مقفاه .
وليته دخل وتنحى عني بعيد في المسجد لكن الماخوذ وهو ما يدري جاء على يساري وجنبي في الصف وكبر وسمعته يقرا التحيات وهو واقف وانا سرحت عنه بعدها في الهواجيس واتذكر أيام شبابي وعلوما راحت.
على غفله مني الا والرجال ملتفت عليه وهو جالس وأسمعه يقول السلام عليكم , أحسب الماخوذ يرد عليه السلام واثره يسلم تسليم الصلاه , هو قالها وانا أرد عليه : ألله لا يسلمك يا سويد الوجه وياقليل المذهب والخاتمه , ثم تناوشنا بعضنا بالقتال ونطيح على الفراش ونحوسه حتى ما عاد تعرف أوله من آخره ونكسر على بعضنا عصا الفقيه اللي يخطب فيها .
فرع المصلين بيننا وفرقونا ويوم أقاموا الصلاه وانا أزيد ازرق خويي وابتركه واخنقه حتى قرب يطفي لو ما قوموني عنه الجماعه الحاضرين , هاثم طردوني برا المسجد قبل أصلي واعود أسحب نفسي حتى ضويت بيتي .
عاد أنا بكره ناوي أدعي على كل اللي في المسجد حتى لا يشهدون عليه واقول أنهم كنفوني ولعطوني ومرمروني ورموني برى المسجد ولا خلوني أصلي , والشيخ لي عليه يد في شهاده معه وظني أنه رايح يساعدني ويحكم لي عليهم .
وش رايكم يالرفاقه وسلامتكم ….
القصه فيها عبر الاوله لا تصلي العصر بالليل ,, الثانيه لا ترد السلام على احد ويا نحله لا تقرصيني ولا أبغي عسلك ,, الثالثه انك لا تصلي الا جنب رجال تعرفه وتعرف أنه صيدك على تيدك لو حصل بينك وبينه سوء تفاهم وقت الصلاه ,, والخامسه لا تصلي مع جماعتك حتى تجنب المنقود ,, السابعه اللي بينك وبينه مشكله زي اللي بيني وبين بن سلمان تقعد له على باب المسجد وخذه على غفله وطلع اللي في صدرك ,, العاشره شرك ما يجيك الا من اللي جنبك ,, خمسطعش خلك في بيتك ما يجيك مشاكل واذا جاك ضيوف لا تفتح لهم الباب ,, خمسه وعشرين خلك صبار في القتال تكسب جميل وتاخذ الحق وافي ,, خمسه واربعين صلي في آخر المسجد اذا لزمت يسير تغتفل خصومك من وراهم ,, ميه وعشره تلفت وانت تصلي لا يزرقونك الرجاجيل على غفله ,,, ميتين وعشرين كهربة الطايف ....