وينكم يا شعار المحاورة ؟

[سهيل2012]

شاعر الحلف المظفر النجم سهيل : وعمرك يطول مع حسن العمل ان شاء الله , والله يحيك ان كان قبل والا بعد التقاعد , واذا ما وستعك ارض القوقاز تاسعك عيون حليفك ابو نقشه , واذا احتاج وطنا واهلنا في المستقبل للحوم والحبوب نشحنها لهم بالبحر على متن السفن عن طريق بلاد ثماله (اهم شي حثوهم يخلصون لنا كبري التقاطع اللي على خط الجنوب حتى سفن الصحراء تمخر من خلاله بيسر وسهوله) ..

الله يبقيك يا الشيخ .. ويعينك على الأجواء البارده ها الأيام .. تغطى زين وكثر من شراب الزنجبيل .. ويا حبذا مع حليب الأبقار الطازج ..

وإن كان تبي تربطنا بالكبري ومتى يخلص المشروع قول علينا السلام ..

مع تزايد الضغوط شغلك مزبوط والظاهر الشغلة تبي تعود جدّ !

لكن يا حسافة !

لو الموضوع هذا جاي بمقدم فصل الصيف ما كان أحسن يا مناقيشو ؟

الجماعة خائفين من برد الشمال !!

[سهيل2012]

المشاركة الأصلية كتبت بواسطة منقاش

نشكر شاعرنا المفوه اللي هو احد اعيان شعراء حلفنا الأماجد , الشاعر النادر اللي تهيض بقيفان ننقلها لكم من الأستراحه لمكانها الصحيح :
العولمة ماخلت الشيخ منقاش
يهجد ويمسك راس عود السلامه
خذته من داره على دار الاحباش
ثم طار منها بعد طش العمامه
جاها وهو شايش وغادر على ماش
وراحت مشاريع الشعير بعدامه
والبن والبقران والفول والماش
تسربت من عقب كبر الغمامه
وحول على الطايف وهو معه مكداش
اثفية(ن) يجترها في حزامه
ثم نطح الشرقي وفي خشمه عراش
يبغى يعيد المجد لابو دلامه
وحول على باكو بمنجل ومحشاش
ولقى الثمر ماينصرم في تمامه
لقى ثمر يعصر وينحط بغراش
وتغيرت حسبة كثير الفهامه
ماهي بهوريه تغطى بالاخياش
والا فغير وينفدم بالفدامه
ولقى طيورن ماتطير وتنهاش
وجاوب على كبره طروق الحمامه
وغير بقلبه خارطة بعض الاحواش
وثلث بعد ماشاف مابه لثامه

صح لسانه واعتلى شأنه النادر ..

يبدو بأنه وضع يده على الجرح !

وما يعرف رطني إلا ولد بطني !!

لكن الجديد في السالفة ان الشيخ منقاش كان في الحبشة !!

ومنها انطلاقا إلى أقصى الشمال ...

ما هذا يا ابن بطوطه ؟

ما شاء الله عليك !

ويبدو من كلام النادر أنه يناصبك العداء وغاضب من شغلة الأثافي !!

ويبي له عرض مغري يا الشيخ ..

وشاعر يرد عليه .. ننتظر والشعراء المتواجدين إلى الآن في الموضوع واجد

يمكن ينبري أحدهم للرد عليه ..

[سهيل2012]

المشاركة الأصلية كتبت بواسطة جساس

سلام عليكم ياأهل الحلة والدلة
علومكم زينة وجذبتني وحبيت أشارك على قدي واستجابة لدعوة الأخ سهيل للرد على
سنا الهجرة والموضوع باين انه واسع أكثر من مافهمت لكن اقبلوا ردي على قد فهمي
وسامحوني


الهرج ياهونه على قايلينـــه ____ والفعل مايحري به الا السنافي
مافيكم اللي مطلقات يدينه ــــ ___ ياشايلين الخوف بادي وخافــــي

وعليكم السلام ورحمة الله وبركاته ..

وحياك في حلة ثمالة اللي نارهم تشب ودلتهم تصب ..

ويبدو للجميع أنك جاااي ومتعني يا ضيف الرحمن مخصوص لهذا الموضوع والمشاركة ..

فحياك الله وأقلط وردك وافي .. ونستأذن من الشاعر عزيز اللي رد بعدك .. فالأولوية صارت لك

بحكم الوصول للموضوع أولا ولك الحق بالتواجد في المحاورة مع الشاعر سنا الهجرة ..

والمحاورة ستكون إن شاء الله بين جساس والزير أقصد سنا الهجرة ..

ننتظر إلى الغد ووصول مشرفنا وشاعرنا.. والرد عليك وإكمال المحاورة ..

وفي حال عدم تمكن سنا الهجرة من الحضور لظروفه ساكون أنا من يكمل معك المحاورة

حسب ما قطعته على نفسي من وعد !

ننتظر للغد - إن شاء الله .. ولكل حادثة حديث والله الموفق .

[سهيل2012]

المشاركة الأصلية كتبت بواسطة عزيز";603959][size=&quot

كلن تكلم وهرج السعة يازينة

......... وأظنكم يالربع كلن يخافي
لوما الفضايح والعلوم السمينة

...لقول منقاش في جيبه سنافي!!

[/size]

صح لسانك يا شاعرنا عزيز ..

مشاركة ورد وافي من شاعر معروف من شعراء المنتدى ..

ولكن : من سبق لبق !

وسبقك بها جساس ..

نعتذر منك ونترك المجال لجساس بن مره .. والمهلهل بن ربيعة التغلبي ..

ويا خوفي تقوم حرب البسوس الثانية على صفحات منتديات قبيلة ثمالة !

والسبب / منقاش بن مره ..

وتابعنا لا تروح بعيد يمكن نفتح متصفح جديد ونقيم محاورة جانبية حول الموضوع .. !

[سهيل2012]

المشاركة الأصلية كتبت بواسطة حسن عابد

متابع بالجوال

والله إنك على البال .. والخاطر

وتوقعت حضورك من بدري وكنت ناوي أسوي إثارة

وأوقع بينك وبين سنا الهجرة ..

ولكن الغائب عذره معه وأول ما توصل بالسلامة

عطني يدك !

حاس إن الموضوع سيخرج عن السيطرة !

ويارب جملها على خير ..


الخلاصة /

طرفي المحاورة :

الطرف الأول : الشاعر سنا الهجرة

الطرف الثاني : ضيفنا الشاعر جساس ..

والبيت والدور الآن عند سنا الهجرة ..

وعلى شعراء المنتدى وضيوفه إعطاء شعراءنا الفرصة وعدم التشويش عليهم ..

وأنا معكم في المدرجات نتفرج !!

[سهيل2012]

بسم الله الرحمن الرحيم

للتذكير يا إخواني :

المطلوب الآن الرد على أبيات جساس :

الهرج ياهونه على قايلينـــه ____ والفعل مايحري به الا السنافي
مافيكم اللي مطلقات يدينه ــــ ___ ياشايلين الخوف بادي وخافــــي

من قبل الشاعر سنا الهجرة ..

وإذا لم يحضر لاحقا ولم تسمح ظروفه سأنبري للرد على جساس كما وعدتكم ..

وينك يا جساس ؟

سجل تواجد وطمنا إنك موجووود !

[سهيل2012]

المشاركة الأساسية كتبها جساس








سلام عليكم ياأهل الحلة والدلة
علومكم زينة وجذبتني وحبيت أشارك على قدي واستجابة لدعوة الأخ سهيل للرد على
سنا الهجرة والموضوع باين انه واسع أكثر من مافهمت لكن اقبلوا ردي على قد فهمي
وسامحوني


الهرج ياهونه على قايلينـــه ____ والفعل مايحري به الا السنافي
مافيكم اللي مطلقات يدينه ــــ ___ ياشايلين الخوف بادي وخافــــي

بما أن مشرفنا وشاعرنا سنا الهجره لم يرد على البيتين .. توكلت على الله ..
والصدق إن الشاعر سنا الهجرة اعتذر لظروفه الخاصة ومقدرينها يا أبو عبدالله ..
واستلم يا جساس :


النار شبت في بيوت المدينه

مايخمد النيران غير المطافي


جساس بن مره ويا قو عينه

طعن كليب وجايني بالقوافي

[حسن عابد]

اشتغلت المحاورات من جديد
متابع بصمت

[جساس]

سلمت ايدك ياسهيل والطارف منكم سداد يااهل المنتدى وانا عابر سبيل ومثلك كفو ناخذ ونعطي معه
واستلم:

[poem="type=1 font="bold large tahoma, verdana, arial, helvetica, sans-serif""]جساس جاي وكلكم عارفينه=ماجا على جرة غشيم متعافي
أبنشد الدّلاّل وموكلينه=وش له براس الكوم معلوم صافي[/poem]

[سهيل2012]

المشاركة الأصلية كتبت بواسطة حسن عابد

اشتغلت المحاورات من جديد
متابع بصمت

متابعتك شرف لنا يا ابن عابد ..