مسابقة ملوك الشعر

[سنا الهجرة]

بسم الله ماشاء الله

قصيدة في غاية الروعه والجمال

مبنى ومعنى .. وسبك وحبك

إلا من هو قايلها يا شباب .. شوقتوني أعرفه .

[محمد بن حميدان]

المشاركة الأصلية كتبت بواسطة محمد بن حميدان

[center]

إسمح لي يابو علي أعدت تنسيق القصيده !

وراك يا ابوعبدالله الظاهر من العجله ما عرفت ابوعبدالعزيز من ابو علي ..

[البروفيسور]

فعلاً روعه وابداع..

واشتقنا لمعرفة صاحبها,,
والذي أهنؤه مقدماً

[حسن عابد]

ههههههههههه
تنتظرون تدرون دقايق

[حسن عابد]

المرحلة الاولى تم اختيار ثلاث قصائد

القصيده الاولى

أنا ماكتبت الشعـر ليّـه سنـه وشهـور

وعلى أكثر غيابي فيـه نـاسٍ تعاتبنـي

وأنا يا(مساعـد) لامصنّـف ولامشهـور

ولكـن قصـيـدك لاقريـتـه يرتبـنـي

وأنا ماخترت اغيـب إلا وأنـا مجبـور

بعـد مانقتـل جـوّاي حلـمٍ مصاحبنـي

له سنين يورقني ولي في هـواه شعـور

خـوي ٍ طموحـه للثريـا يقـر بـنـي

نويت آخذه للصين والصين دونـه سـور

وجواز المرورالشعـر كانـك تحاسبنـي

ولاكن حداني عن طموحي حصى الناطور

اذا جيـت يـم السوريحـذف وعاقبنـي

كأنه يقول ارجع وخلـك مـع الطابـور

مجرد وجـودك عنـد سـوري يتعّبنـي

ياعايش ٍ بالظـل مالـك ومـال النـور

لاتحلـم بأنـك يـوم تطلـع وتعجبنـي

ترى غيرك اشطر لاتحاول على الظهور

ولو كان شعرك طيـب مبنـاه يرهبنـي

بعد كل هذا شفت وشلـون انـا معـذور

على كـل ماسويـت يـا للـي تعاتبنـي

تعـدّن ثلاثينـي ولعبـي بنفـس الـدور

وعلى كل ماني فيـه منهـو يجاوبنـي؟!

وأنا يوم اشوف الشعر حاله لحقه قصـور

احـس بمصابـه فـي خفوقـي يعذبنـي

تولته ناس ٍ تجهـل انـه يجـي مكسـور

اذا منت معْيـه فانـت تبغـى تحاربنـي

تقول انها تبني وهـي توهـم الجمهـور

وهي لابغيـت الصـدق تهـدم ولاتبنـي






القصيده الثانيه

ياقلبـي اللـي لايـع الحـزن لاعـه

وامسى حزين وبين الاضلاع مرتـاع

قلبـي يحـن وداخلافـيـه راعــه

يشبه حنين الطائـره وقـت الاقـلاع

انـا فقـدت اللـي حسينـه طباعـه

فقدت فيصل نسـل وافيـن الاطبـاع

اللي تسبـب فـي شقايـه ضياعـه

يامن يعوضنـي ضياعـه بعدضـاع

اللي خذاه الموت في ظـرف ساعـه

طمعت فيـه وخاننـي فيـه طمـاع

كم زارعا يرجـو حصـاد الزراعـه

والموت حاصد مـن ثمـر كـل زراع

لـو القـدر تقـدرتـرده شجـاعـه

والله ماياخـذ منـه ظفـر الاصبـاع

ضليت اشوفـه وارتفـع بارتفاعـه

واشفق واحس ابحر جوعه لياجـاع

اشـد نفسـي وانـدفـع لاندفـاعـه

واخشى ضياعه واحضنه بين الاضلاع

واليوم حبل الوصـل فيـه انقطاعـه

سارت خطاه ابدرب مافيـه مرجـاع

وانـا جعلتـه عنـد ربـه وداعــه

اودعت به خلاق الانفس والاسمـاع

يكـون لاهلـه عنـد ربـه شفاعـه

شفاعـةً يشفـع بهايـوم الاشفـاع

اللي فقـد عمـره بسـن الرضاعـه

يعوضـه فـي جنـة الخلـد مربـاع

جونـي يعزونـي ربـوع وجماعـه

وجسمي عليل ويشتكي كل الاوجـاع

والقلب فيـه ابفضـل ربـي قناعـه

حكم القدر راضيـه والحجـر دمـاع

وانا رضايـه بالقـدر فيـه طاعـه

افتـوا بهـا كـل الامـه بالاجمـاع

يقطـعـك دنـيـا ماوراهاطمـاعـه

يرضابها المسلم على كـل الاوضـاع

يضاعـةً ياشينهـا مـن بضـاعـه

اللي يعرف اثمانها من ضحـى بـاع

اليا اقبلـت تعطيـك قـدر ومناعـه

والياادبرت واقفـت توصلـك للقـاع






القصيده الثالثه

القصيـد اللـي كتبتـه ليـت يشلـح مـن فـؤادي

ثوب أسود داكن(ن) . . وعـروق قلبـي يلبسونـه

والمجـاوب للمنـادي يمكـن يصيـر المـنـادي

والمنادي يصبـح بـلحظـة .. مجـاوب للمعونـه

لكن اللـي دوم ينـادي عايـش(ن) بيـن العبـادي

لافريـق يجاوبونـه . . ولافريـق(ن) يسمعـونـه

تـاه بيـن المتوهـات الغاديـات وصـار غـادي

يلحق الشرهـه لزمانـه وأثـر شرهاتـه مغبونـه

واوجودي وجد ذيـب(ن) مسـه الجـوع اللحـادي

والفريسه خطوه عنه وحولـه نـاس(ن) يمنعونـه

او وجود العاشق اللـي مرتـدي ثـوب الحـدادي

ليلة الفرحة لحبيبه . . قـام يضحـك مـن جنونـه

يامطاريـش المحبـه . . دام أبعـد عـن بـلادي

أحملوا . . مكتوب شفي؟ . . وأنتم اللـي تحملونـه

يم عذرا .. بيوم تسعه .. يصبـح اليـوم السـوادي

في ثمانيه من الشهر . . لأجل عرسـة يجهزونـه

ويل حالي .. شف عيني .. كيف صرت اليوم عادي

عقب ماكنـت الشجـاع اللـي أحاسيسـه تصونـه

علموهـا مـن متـى والنـار تختـار الـرمـادي

وعلموهـا هـو متـى والبحـر بأمكانـي أخونـه

وعلموها كيف يجنـي قدرهـا .. لعثـرة جـوادي

ماهي كبـوه .. وأتحمـل عثرهـا دونـي ودونـه

وذكروها فـي يدينـي وغـرس بـذرات الـودادي

وعلموها كانت تعرف .. قيمـة الحـب وشجونـه

وعلموها كيف أنظر .. وأنتظـر يـوم الحصـادي

وأسئلوها .. ليه تسمح؟ .. يوم غيـري يحصدونـه

الله وأكبـر يالعيـون الساهـرة وقـت الـرقـادي

مالقيتـي مـن يسامـر رمشـك الحيـن بجفونـه

يامراده ؟ .. عفوا أنك ..!! لاتمنـى مـن مـرادي

وش بقى بعد الفراق ..!! .. غير دمعة من عيونـه

[سنا الهجرة]

المشاركة الأصلية كتبت بواسطة محمد بن حميدان

وراك يا ابوعبدالله الظاهر من العجله ما عرفت ابوعبدالعزيز من ابو علي ..

أثاريه أنت اللي خابص الدنيا يابو عبدالعزيز >>> وانا اقول أبو علي ما يسوي كذااااااا

آسف يابو عبدالعزيز .. الموضوع لابو علي .. وما أخذت بالي من اللي منزل القصيده

العتب على النظر وأنا أخوك

[محمد بن حميدان]

المشاركة الأصلية كتبت بواسطة سنا الهجرة

أثاريه أنت اللي خابص الدنيا يابو عبدالعزيز >>> وانا اقول أبو علي ما يسوي كذااااااا

آسف يابو عبدالعزيز .. الموضوع لابو علي .. وما أخذت بالي من اللي منزل القصيده

العتب على النظر وأنا أخوك

معذور يا القرم .. ايه والله عجزت اصبر ونزلت قصيده من قصايده .. اهم شي يسمحلنا ابو علي ..

[حسن عابد]

مسموح طال عمرك

[حسن عابد]

القصائد الفائزة في المرحلة الثانية

القصيده الاولى

الـشـظـايــا بـقـلـبــي نــارهـــا مـضــرمــه

والحـنـايـا بـصــدري كـنـهــا مــوقــدي

كلمـا طـاب جـرحـي والامــل لملـمـه

بالجديـد الغثيـث المـر يشـرق غــدي

انهكتـنـي صـحـاري ليلـتـي المظلـمـه

والعواصـف مثيـره ماعرفـت اهـتـدي

سيفـي ابطـى بغـمـده والـصـدا ثلّـمـه

والـخـوي فــي زمـنـا عــاد مايـسـنـدي

وانا بعض البشر طبعـه عجـزت افهمـه

كلـمـا لاح نجـمـن صــار بــه يـقـتـدي

الحـيـا مـــات غـــدر بطـعـنـة العـولـمـه

والضـمـايـر اسـيــره مـالـقـت مـفـتـدي

صـارت البنـت تغـري الشـاب وترقـمّـه

بـيـن بـوسـه وهمـسـه ليلـهـا سـرمــدي

مـتـرفـه فـــي هـواهــا مفـعـمـه مـغـرمـه

خل يهوى خليلـه والبسـاط احمـدي

مـن يـنـادي بـثـوب الطـهـر للمسلـمـه

فـي عـيـون البـشـر مـرضـان ومعـقـدي

بعضـنـا بــات جـايــع مـالـقـى مطـعـمـه

والمنقط فـي البـارات شهـم اجـودي

الـلـيـالـي حــمــر وراوحــهــم مـفـعـمـه

لــم ينـغـص عليـهـم صفـوهـا مـعـتـدي

غنـو اهـل التـرف والعشـق والشـرذمـه

للكرسمـس وعيـد الحـب والمـولـدي

بيننـا احيـو طـقـوس الامــه المعجـمـه

وعيدنـا ماطرالـه ذكـر فــي المعـبـدي

تـاســع الـحــج لبـيـنـا امــــم مـحـرمــه

وناقص الدين طاف القبر والمرقـدي

قدسنـا حلمنـا اللـي لـم نـعـد نحلـمـه

صار كاس الامم هو حلمنا الاوحدي

مسـرحـيـه هـزيـلـه افـكـارهــا مـعـدمــه

والعيـون الجريـحـه مـلـت المشـهـدي

حسبـي الله علـى اللـي فكرنـا سممـه

واعلن الحسـم قبـل المعركـه تبتـدي

ليتنـا يـوم خسرنـا الحـرب والملحـمـه

احتفظنـا بمـجـد اخلاقـنـا الـسـؤددي







القصيده الثانيه

الاّ يـافـارع الـطـول أنتـبـه لـــي

ترى أخشى علّي يبكون أهلي

وأنــت تـصـيـر متـسـبـب بقـتـلـي

ويبقـى يأنـبـك بـعـدي ضمـيـرك

ليـالـي الـحـب وأيـــام الـونـاسـة

ترجـعـهـا عــلــى قـلـبــي تـعـاســة

إذا ماتسـاعـد المـحـزون واســـة

لانـــه مـايـحـب انــســان غــيــرك

عـلــي تـزعــل ولا تـبـيـن مــبــررّ

إذا اخطيـت أكتـب لـي وحــررّ

حــرام تـصــد وتتـركـنـي مـحـيـرّ

بــجــاه الله لا تـهـمــل أســيــرك

بعد مـا اعطيتنـي وعـد إنقليـزي

علّي تزعل بعـد وقـت ٍ وجيـزي

وأنــا معـتـاد شـوفــك يـاعـزيـزي

ولا يطـفـي ضـمـاي إلا غـديــرك

كذا على طول عن حبي تنكـر

وتنـسـى إنــي أنــا ويـــاك نـسـهـر

لحتـى الفجـر يقـول الله وأكـبـر

سهـارى يضمنـا شاطـي غـديـرك

أنــا لــي قـلــب شـفــاف ٍ رقـيّــق

ولـي صـدرٍ بتالـي الليـل ضـيّـق

وآظنـك مـا علـى مثـلـي تضـيّـق

لأنــي راضـــي ٍ شـــرك وخـيــرك

لــو أنــي ياقـمـر بـآخـر حـيـاتـي

ويـدي ترتجـف فـوق العصـاتـي

فلا أنسى ما مضى من ذكرياتي

أعيـش بدوحتـك وآسيـر سـيـرك

أكدّر خاطري من شـان ترضـى

وأشوف أشيـاء تزعلنـي وأرضـى

رضاك وطاعتك واجب وفرضـى

ولا أقــــرر قــــرار إلا أسـتـشـيـرك

خطير القلب يجتـاح الضلوعـي

يحطمهـا لجـل يمـسـح دمـوعـي

لأنـه حـس أنــك بــي قطـوعـي

وقاسي من أولك حتى أخيـرك

بعد ذاك الغـلا وذيـك الصداقـة

كــأنــي واحــــد ٍ مــالــه عــلاقــة

قسـى قلبـك علـي بعـد الرقـاقـة

بعد ما أنت الملـك وأنـا وزيـرك

لو أنك قلت لـي : روح أنتهينـا

بــآخـــر مـــــرة ٍ فـيــهــا ألـتـقـيـنــا

مـا كـان سهـرت وأهلـي نايميـنـا

ورى الحيطـان أستنشـق عبيـرك








القصيده الثالثه

علـى راســي ... أبــو متـعـب ... يشيـبـن مايجيبـنَّـه

هو الأول .. هو التالي ..أجل هو فارس الميدان

سكـن بقلوبنـا مبـطـي ... ســواد العـيـن ... يرعـنَّـه

كتبنا .. حبـه الغالـي بـدت .. قصـة وهـو .. عنـوان

تربع فـوق .. عـرش القلـب .. بأفعـال"ن" يخصنَّـه

وفـا فـي ..خدمـة الإسـلام يهـدف .. رفعـة الإنسـان

مشـى فـي .. شـرع رب الكـون .. بالـقـرآن والسـنَّـه

فرض .. كل القيم عادات والواجب ... لها تنصان

زهاه ... المُُلـك والمالـك .... يدينـه ... مايخيبنَّـه

يصافح .. حاتم الطائي ... أبد مافاتت .. الأزمـان

بعـد ... تـدرون .. والأخـلاق .. والطيبـه .. يحبـنَّـه

يموتـن عشـق فـي شخصـه بـلا والله غـدا الولـهـان

عسـى لـك ياسليـل .. المجـد ... بالدنيـا بــلا مـنَّـه

من أولهـم إلـي أتلاهـم يخاوونـك علـى الإحسـان

يحفظونـك ... وجـود النـفـس ... أفعـالـك يشـدنَّـه

هذاك وذاك إلي .. اقبـل وفـا عهـدك لهـم صنـوان

بعد..واحد..بعـد.. ثاني..بـعـد ثالث...عـلـى ظـنَّـه

بعـد رابـع بعـد خامـس علـى راس العقـد سلـطـان

إلـي جينـا !! نعـد الفـعـل سـابـق .... طيبـهـم عـنَّـه

تعـد الزيـن فـي نايـف .. علـى غفلـه ظهـر سلـمـان

وإلــي مـنَّـا ... طريـنـاهـم ... ذكـرنـاهـم... يـعـدنَّـه

كتب.. وأوراق وأقلام"ن" يحالفهن بعـض نقصـان

طلبت .. الخالق الوالي .. وعاده نطلب .. الجنَّـه

عسى القـوه... صفـه بيـدك وعدلـك منَّـة الرحمـان

حملت ... الِّلي جبال الكون .. عجـزن لايحملنَّـه

شهدنا لك ... تأديها عسـى لـك ... رحمـة المنَّـان

سحابـة خيـر .. غطتنـا .. ألا مـن فضـلـك .. الجـنَّـه

تناثـر مزنهـا والغـيـث .. يسـقـي بــه ظـمـا العطـشـان

ألا ياسيدي .. من حبْ ... ربي .. عالم "ن" عنَّـه

وأناوالله .... أحبك .... والمحبه .... مابها كتمـان

وألا .. يالحاضرات .. الِّلي .. عـن الشاعـر.. تعدنَّـه

تجن صفي تبن نكتب وش الِّلي تحمل الأشجان

تبن نكتب .. لابو متعب .. سواليـف"ن" شهدتنَّـه

تـبـن ... نـذكـر مشاعـرنـا ... بـأنَّــه سـيَّـد..الأوطـان

وبأن ... القلب ... بـه مغـرم .. ومعجـب.. لاتخفنَّـه

أنا ... الأولى ... بحبه والرضا منِّي لمـن ...زعـلان

[سنا الهجرة]

يعطيك العافيه يابو على على المتابعه المستمره

وننتظر الباقي