ارجو التفاعل (( ماهو شعورك اذا لم يرد أحد على موضوع كتبته ))

[فتى ثماله]

هلا والله بابو حنين

يالغالي جواباً على سؤالك اقول (انوااااع التحطيم)
لاكن يالغالي في نوعين النوع الاول وهو الموضوع المنقول
وهذا بيكون فيه احباط الناقل قليل لانه ما تعب في الموضوع
الا في نقله فقط لاكن قوة الاحباط تكون عند كاتب الموضوع
يعني يكون العضو تعب وهو يكتب الموضوع ويختار الكلمات الرائعه والمناسبه
ويبحث عن المعلومات المفيده وينسق الموضوع من ناحية الالوان وزيادة حجم رؤوس الاقلام
ووضع خط او لون احمر عند الكلام المهم يعني بالعربي يكون تعب على الموضوع تعب غير طبيعي
ويكون الموضوع اخذ منه وقت طويل جداً في هذا الوقت يكون هناك تحطيم لهذا العضو مما يجعله يتكاسل
في طرح موضوع جديد لاكن ولله الحمد مثل ما قال اخوي ابو ملاك اما ان الموضوع طويل جداً أو ان الموضوع ليس بتلك الأهمية.. ودائماً تكون المواضيع حلوه وترغم الاعضاء بالرد على الموضوع والله يديم الحال

وشكراً لك كثير الشكر على هذا الموضوع والسؤال الرائع

ننتظر جديدك ياباش مهندس

تحياتي

[بلاحدود]

أبو حنين

الموضوع سهل جدا وقد ذكر الأخوان بعض المبررات المعقولة فمن وجهة نظري أن لذلك أسباب واقبلها على نفسي منها :

1- المواضيع المكررة التي كل ما دخلت إلى منتدى وجدتها .
2- المواضيع العلمية التي تحتاج لمن يرد عليها أما سعة اطلاع وثقافة عالية وهذا قليل بالطبع أو ألجوء للبحث وهذا مضني للكثير .
3-الشللية كما ذكر على ما اعتقد رويعي الغنم فبمجرد ما أن يرون موضوع بأسم أحدهم إلا وتهافتوا عليه للتعليق والرد والمزاح حتى ولو خارج الموضوع .
4- شخصية الكاتب فبعضهم وأنا منهم متسلط جاد أكثر مما ينبغي وكأن الناس أبنائه أو هو مدير وهم موظفون عنده اقصد ثقيل طينه ومثل هذا النوع يصمد في العادة أمام جفاء الآخرين .
وأنا أرى إن عدم الرد ليس محبطا بالدرجة التي ذكرت فانا انظر إلى الجزء المملوء من الكوب واستذكر فوائد ألكتابه وخصوصا إذا أنا من قام بجمع أطراف الموضوع فقد استفدت الاطلاع ونميت مهاراتي اللغوية إلى آخره من المحفزات الذاتية .
وكم نلاحظ يابو حنين من كتاب مشهورين في الصحافة والإعلام يضعون عناوين طنانة رنانة تجذبك لقرأة مواضيعهم لأنهم يدركون إننا لانحب أن نقرا وبالتالي يستخدمون مهاراتهم لجذبك لقراءة مواضيعهم ولا يحبطون أو يتوقفون عن الكتابة , وإذا كنت مهتم يابو حنين بكثرة الردود ادخل في المواضيع الهزلية ستجد زبائن كثيرون ولكل ضريبة .
ومع الاستمرار في الكتابة سيظهر لك لا شك معارضين وخذ تجربتي على سبيل المثال ففي ثاني موضع لي بالمنتدى بعنوان أسلاك شائكة على شكل حلقات وفي غفلة من أمري ودون سابق إنذار وإذا بذلك الفارس الملثم الذي اقبل لا أرى الاغباره وانزل موضوع جديد جعل عنوانه بلا حدود يعود نسيت العنوان بالضبط تناول بلا حدود فيه بلا حدود همز ولمز قرأت الموضوع ولم افهم شيئا لاشك أني صدمت بهذا الهجوم الغير مبرر من شخص لا اعرفه وأنا على يقين انه لايعرفني فكرت قليلا وأول خطوة استشرت أبو عبد الرحمن هدأ من روعي والخطوة الثانية شاركت معه في الموضوع نفسه إلا أن هذا الفارس اختفى فجأة وقد يعود كما يقول روعي الغنم بمعرف آخر المهم أنت في منتدى أبناء عمومتك ولك في كل موقع محب

ودمت بألف خير بلا حدود

[منقاش]

أخواني , أبو حنين , فتى ثماله , بلا حدود :
* ألعرض على قدر الطلب , ومنتدى ربعكم فيه عزوف عن الجديات وعزوف عن التطويل , لجل كذه كثروا من الحلمنتيشيات وقللوا من المواضيع الجاده .
* أستخدم معرف غير أسمك الحقيقي حتى لا تكترث بالردود .
* قوم بحملة علاقات عامه وعلق على مواضيع الأعضاء , وبهالطريقه يخجلون على وجيههم ويعلقون على مواضيعك (خلوا في بالكم مواضيعي في ألأستراحه).
* أستخدم أسلوب ألأثاره مثل يوم هاجم منقاش حلفاه وخصومه دفعه واحده وخلى عباس ياطى دباس ومثل يوم يطول لسانه على القراء .
* نكش ولكش على بعض ألأعضاء حتى تسحبهم للهوشه والطوشه .
* أملح الجد بشوية هزل , وعزز الهزل بشوية جد .
* أبحث عن ضحيه وافتك فيه ,, يعني لو جاء فرصه لك على واحد أفتري فيه وألعب في عفشه , كما سويت أنا مرات في أبو تركي وحسن عابد وابو أمجد وابن داخل وابو عادل وابن عزاب وابو خالد والأقزوز وابن سلمان وما فيه فرامل والنتيف وابو هاشم وخلف عبدالعزيز والآدمن ,حتى أصبحوا يخافون مني خوف الفار من البس حتى لو تظاهروا بالعكس , وبعضهم يرسل على بريدي التكروني ويطلب الرحمه ..
* أذا كتبت أو نقلت موضوع تبغي فيه رضى الله لاتكترث بردود الناس وخلي نيتك خالصه لله ..
* الموضوع الجاد مطلوب حتى لو ما قراه ألا واحد لأن المنتدى يزوره القريب والبعيد وينتقدون القبيله ومنتداها أذا ما لقيوا فيه الا السفاسف .
* خفف من الجديه والطموح في كل شي في الحياه دون التقصير في العمل حتى ترتاح , وخذ في بالك أن اللي يجيد الكتابه المنثوره غالبا لا يفلح في الرياضيات, والشاعر قد لا يجيد النثر , والفاشل في الدراسه ربما هو بطل مكانه في ميادين القتال , , يعني الحياة موزعه فيها المواهب والممارسه تصقل وتنمي الموهبه .
* تذكر أن المنتدى للتواصل ولا هو شرط الكتابه فيه , ويكفي أحيان نقولات جيده وتعليقات على المواضيع المكتوبه .

[@ بن سلمان @]

المشاركة الأصلية كتبت بواسطة منقاش

* تذكر أن المنتدى للتواصل ولا هو شرط الكتابه فيه , ويكفي أحيان نقولات جيده وتعليقات على المواضيع المكتوبه .

يا ليت قومي يعلمون
الان جنبي وانا اكتب الرد
جريدة الرياض والجزيرة وعكاظ
امامي التلفزيون وفيه اكثر من 400 قناة
وتحت يدي جهاز الكمبيوتر وبدعسة زر اخذ اللي ابي
ياليت تريحونا وتغنمون وقتكم بشيء ينفعكم

[منقاش]

لا تعتب عليه يا حليفي يبن سلمان ,, وترى أسمك سقط سهوا بين أسامي القشران اللي فوق ,, وبعدين وش دراني أنك تبي ترجع وتقرا الموضوع بعد رديت عليه ؟؟..
بس قول خير لا يدرون الباقين ويطلعون عليه طلعه ما هي زينه ....
الخلاصه : تراني أحبك يبن سلمان أنت وجميع ألأخوان ...

[@ بن سلمان @]

المشاركة الأصلية كتبت بواسطة منقاش

لا تعتب عليه يا حليفي يبن سلمان ,, وترى أسمك سقط سهوا بين أسامي القشران اللي فوق ,, وبعدين وش دراني أنك تبي ترجع وتقرا الموضوع بعد رديت عليه ؟؟..
بس قول خير لا يدرون الباقين ويطلعون عليه طلعه ما هي زينه ....
الخلاصه : تراني أحبك يبن سلمان أنت وجميع ألأخوان ...

منقاش ما هو عتب
ولك من الحب مثل الذي منك
ترى قصدي اني معك ومؤيد لك هدفنا التواصل مع بعض وتنومسني وانومسك
القراية والاطلاع والعلوم اللي يبون يعلموناها نبي نلقاها مثل ما ذكرت لك في الجرايد والتلفزيون والنت , بس قومي يبون يتميلحون يعني ان حنا مثقفين ومطلعين ونقرأ ..و...و...

[المشتاق]

يا بن سلمان
الله يصلحك الحين انا متاكد انك تاخذ الجرايد عشان تتفرج على الصور
وتطالع التفزيون عشان الحريم اللي فيه
وتدخل النت عشان تتمشكل مع خلق الله
وانا ما درست وتعلمت واخذت الجامعة الا عشان القى لي فرصه بينكم اكتب لكم واثقفكم وافيدكم بدل سواليف منقاش ورويعي الغنم وراعي السواني, ثم يجي المدحدر اللي ما فيه فرامل ويكملها .
ادخل على الله ثم عليكم تخلونا نبدي امام المنتديات الاخرى بوجه حضاري , ويمكن بكره يجي مني والا من احد الاخوة الاعضاء كاتب بارع وصاحب قلم يتداولون اسمه في المنتديات .

[فتى ثماله]

المشاركة الأصلية كتبت بواسطة @ بن سلمان @

بس قومي يبون يتميلحون يعني ان حنا مثقفين ومطلعين ونقرأ ..و...و...

ههههههههههههههههه

[فتى ثماله]

المشاركة الأصلية كتبت بواسطة منقاش

لا تعتب عليه يا حليفي يبن سلمان ,, وترى أسمك سقط سهوا بين أسامي القشران اللي فوق ,, ...

خخخخخخخخخخخخخخخخخخخخخخخ

الحين صار اللي يقول رايه بصراحة صار اقشر

خخخخخخخخخخخخخخخخخخخخخخخ

[منقاش]

ألمعذره ما قصدتك والله يافتى ثماله لا أنت ولا أبو حنين ولا بلا حدود.
اللي قصدتهم بالتحديد اللي في هالفقره من أجابتي أعلاه :
* أبحث عن ضحيه وافتك فيه ,, يعني لو جاء فرصه لك على واحد أفتري فيه وألعب في عفشه , كما سويت أنا مرات في أبو تركي وحسن عابد وابو أمجد وابن داخل وابو عادل وابن عزاب وابو خالد والأقزوز وابن سلمان وما فيه فرامل والنتيف وابو هاشم وخلف عبدالعزيز والآدمن ,حتى أصبحوا يخافون مني خوف الفار من البس حتى لو تظاهروا بالعكس , وبعضهم يرسل على بريدي التكروني ويطلب الرحمه ..أنتهى ....
وتقر تضيف عليهم رويعي الغنم وراعي السواني وابو أمجد وابو أمجد وابو أمجد والشيهان والمبرد وساري الليل والمشتاق وابن عواض وفاتن حمامه وشارون وحسني وولد حياة عباس والمشيلحي وابن أبي محمد ثقيل الطينه اللي شوفه ما أحد يرد على مواضيعه في المنتدى العام ..
كلهم اللي سميتهم لك قشران مقشرين منتهين ويخافون من منقاش ويشوفون صورته في المويه الجبناء الرعاديد ,, وسلامتك أنت والأخوان الباقين وانا (منقاش) معكم .