غنيمة منقاش ـ من التراث ـ

[لبشة]

ماشاء الله عليك يابوعبدالرحمن فعلاً أنا سمعت عن هذه القصة التي مضى عليها قرابة الخمسين عاما ولكني سمعتها براواية فيها القليل من الاختلاف عماأوردته ووجه الاختلاف هو أن هناك شاعر آخر في القريةلايحضرني اسمه الآن ماإن وصلت القصيدة الى منقاش حتى حملها الى ذلك الشاعر طالباً منه تفسير معانيها ولكن الشاعر رفض تلبيةطلب منقاش إلا أنه وعده بالرد على القصيدة وقام بالرد عليها بالفعل وسأوردها لكم بالنص الذي رويت لي به :

[poem="font="Simplified Arabic,5,purple,bold,normal" bkcolor="transparent" bkimage="" border="double,10,sandybrown" type=0 line=0 align=center use=ex num="0,black""]
المدح لاهله ياالمغنّي لاتلف ولاتدور=اللي تسميها مدوح انابسميها حرش
ياشاعر الشعار لوجات المدوح من النحور=امن النحر مطلاعها لكن مصدرها الكرش
ماكنت اظنك ( وانت لك هيبة ) تغار من العيور=ولياك تاخذها مطية للشعر يابودلش
ليتك تعلّم صبرها حتى نسميك الصبور=والاّ تعلم سطوة العير الشجاع اليانهش
يكفيه فخر انه يعدّي مايوقّفه المرور=واماانت لاصادوك اعرفك لاتهش ولاتنش
ويكفيه بعض امن الخصال اللي تسرّ الها الصدور=يمشي ولايغوى الطريق ولاتراجع وارتهش
حمّال اسيّة يوم غيره لابطون ولاظهور=يشيل حمله ويتحدّى بالعزيمة والدّبش
واليا زبن في راس عالي تسمع الصوت الجهور=اللي يثير اشجان ويخلي المشاعر تندهش
هذاقليل من الخصال اللي تضيق ابها السطور=لله درّ الحافر اللي لومشى به ماانخدش
مايخدم الاعمكم منقاش ونقول امعذور=اللي عرف قدر الأتان ولاتسمّع للحوش
وان صاد له مرة جحش منقاش صياد النمور =يشهد له الميدان مايحتار من ضربة فنش
ولياتصدّى لليهود يخلي دماهم تفور=يصدع بها عبري وياباني وروسي وEnglish
اصبر شويّ وتعرف ان اللي لياطبّ البحور=يغوص من شاطي لشاطي مايشاك وينتقش[/poem]


هذه الرواية على ذمة الراوي الذي رواها ، وسلامتكم.

[المبرِّد]

يا حبككم للقصص . ما شاء الله عليك يا مدير ولا الشيخ الطنطاوي (الله يرحمه)
أنا ناديت الوالدة الله يحفظها واسمعتها القصة مباشرة ومعها الابيات. فضحكت وسُرت بالقصة . وكأنها تعرفها .
قالت لي :خالتك زهور أيضا لها قصيد في هذه القصة .قلت لها يا امه هاتي القصيدة . الله يحفظها الوالدة رفضت ولم تذكر لي اي بيت .وهي تضحك!
قلت أكيد فيها أمور خاصة!

[سنا الهجرة]

الله الله الله


وش هذا كله يا مدير


الله يعينك على الشيخ منقاش وش عاد يخارجك منه


من جد ( وش وداك له )
أخبرك كنت محايد !!!!!!

[محمود عادل]

يستاهل منقاش:19:
وهذا مدح ناقص ويجب اكماله

[سنا الهجرة]

المشاركة الأصلية كتبت بواسطة محمود عادل

يستاهل منقاش:19:
وهذا مدح ناقص ويجب اكماله

ههههههههههههههههههههههههه
الحين هذا مدح والا ذم يا محمود

تراك لحست مخي

[منقاش]

مايخـدم الاعمكـم منقـاش ونقـول امـعـذور@اللي عـرف قـدر الأتـان ولاتسمّـع للحـوش
وان صاد له مرة جحش منقاش صيـاد النمـور@يشهد له الميدان مايحتـار مـن ضربـة فنـش
ولياتصـدّى لليهـود يخلـي دمـاهـم تـفـور@يصدع بها عبري وياباني وروسـي وEnglish
اصبر شويّ وتعرف ان اللـي لياطـبّ البحـور@يغوص من شاطي لشاطـي مايشـاك وينتقـش
يا لبشه صح لسانك , وكثر الله من فحول الشعار أمثالك , وتراني أعتبرك عن مية شاعر لحالك , وعسى المليون والبيرق فالك .
أما أنت يا مشاكس جاك فالك في ثفالك , واااااااعزي يا مسكين عن حالك , بعد الشيطان أوحى لك , والرحمن ما هداك لما يصلح حالك , لا بالله جاك يا بعيد فالك في ثفالك .
وكلامك يا لبشه ينكتب بماء الذهب , منك يا الشاعر اللي تلحق العطب , بكل خصم ما أحد سمى عليه وطب , مثل المشاكس اللي هوى في أكبرمطب , ويبي يلقى جزاه وهو يعرف السبب , واعتبروا الهابي أنكب بشتى النكب.
أما أنت يبو عبدالرحمن ما عليك عتب , بوم شفتك حاط في يدك خشب , وخايف من منقاش أذا غضب , وقام واقف وانتصب , وركب جواده وانطلق يمك مثل الشهب .
أنت وراك يا رفيقي تعود للركب , بعد منقاش تنازل لك عن الشرافه وهو ما أنغصب , وليه ثم مليون ليه أقريت أذنك للي يحبون النشب ؟ , يوم غواك ابو ريشه ديك وراعي النحل وحطوا عليك القتب , وبقية الشله يصفقون لك وهم شيالة القرب , هب عليك وعليهم هب , ثم مية ومليون هب وهب ....

[زهور الريف]

هههههههههههههههههههههههه
شي مو طبيعي هنا قصه رائعه وقصيده من المشاكس اروع وقصيده منقوله من لبشه اروع واروع

الشاعر اللي كتب بلسان الحمار صراحه مبدع لدرجة اني متاكده ان اخونا المبرد يتمنى ان القصيده قيلت فيه وهو المعني بها

ياسلام عليكم تهبلون كلكم بدون تحديد

[حسن عابد]

حتى حمارك صار مشهور يامنقاش
كل الشعار تغنوا به ما باقي الا يسوي له حزب لوحده مثل الحزب اللي تعرفه
ابو عبدالرحمن ما هذه القصة العجيبة التي نثرت وخطبت ورويت وخلاصتها قصيدة عصماء
لبشه ماذا صنعت بالشعر واين اوصلت منقاش وحماره
اين المخاوي من هذا كله

[مدهش]

المشاركة الأصلية كتبت بواسطة زهور الريف

هههههههههههههههههههههههه
شي مو طبيعي هنا قصه رائعه وقصيده من المشاكس اروع وقصيده منقوله من لبشه اروع واروع

الشاعر اللي كتب بلسان الحمار صراحه مبدع لدرجة اني متاكده ان اخونا المبرد يتمنى ان القصيده قيلت فيه وهو المعني بها

ياسلام عليكم تهبلون كلكم بدون تحديد

يا برد وجهك يا خالة صاحبي
عزالله انك صدقتي وقصيدة لبشة منوة الصاحب لصاحبه
ظنيتك ماتفوتين مناسبة مثل هذه الا وتتحفينا , لكن طلتك تكفي .

[راعي السواني]

أبو عبدالرحمن : السلام عليكم ورحمة الله وبركاته , واسعد الله صباحكم وبعد :
أولا : أبشرك أن منقاش يطلب منك العودة لحلفكم القديم أو على الأقل أبرام هدنة لمدة ستة أشهر كالتي توسط فيها المصريون بين حماس والصهاينة الأنجاس , ويتعهد بالبعد عن المشرف العام وبقية المشرفين ألا ابن سلمان فيقول أن الذي عوضه في الجحيش والمخاوي سيعوضه فيه .
ثانيا : بصفتكم مشرفا عاما أطلب الحق على يديكم من المشاكس الذي أدعى أن قصيدة الجحيش التي رويتها من نظم راعي السواني , وهدفه من ذلك دق أسفين بيني وبين فخامة الشيخ الشريف منقاش .
ثالثا : يبلغ حماره سلامه واشواقه الحاره لكل الأعضاء والقراء ويناشدهم دعم سيده وشيخهم منقاش .