القروش ولعبة الفقاعه / الحلقه الأولى .

[سنا الهجرة]

كلنا شوق ياسيدي منقاش .. تكفي لا تبطي علينا .. نبي نهد الجبل ونشوف وش وراه

تكفى ترى تكفى تهز التكارين ** كم مات تكروني من أسباب تكفى

[الشيهان]

ايه يامنقاش انت رجال ثقه في هذي العلوم ماهو لانك محل مصداقيه لالا والف لا ولكن على شان انك كنت عميل سابق للصهاينه وتعرف كل خباياهم واسرارهم قبل لاتنقلب عليهم بعد قامت قروشهم تطاير عن شواربك

من هذا الباب السري نبغاك بدون كثر كلام تعلمنا وش عندك من علوم موثقه والملح الخفيف لامانع منه والدرب الاقشر وينه من الدرب الزين ولاتقول لنا الربا هذا كلام قديم من 1429 سنه معروف نبغاك تقول لنا اي الفرقين صادق

هل من قال ان الكساد العالمي في صالح المواطن لان العرض بيكون اكبر من الطلب وتنقص الاسعار
والا من قال ان الكساد كارثه علينا لان البترول بيطيح سعره وامريكا بتخفض قيمه الدولار حتى تتمكن من التصدير واذا دحدر الدولار دحدرنا ومن هذا الاسعار طالعه نسب في سد نسب

[مخاوي منقاش]

لن ارد حتى يدلي عقلائكم بادلائهم مثل ابو عادل الغائب وابن سلمان المتفرج والشيهان المقلع والمنسم المعتزل والوجيه الجديده والذين يتحرقون شوقا لقبولهم ضمن فريقنا المؤدب 0
الاخ سناء /ماذا تتوقع في جعبته فسيقول ان المشكلة لها بطلان الرباء واليهود وان هذا بداية افول الزعيم الاوحد وبروز كتل اقتصادية كالهند وابران وكتل الشرق الاقتصادية وكتلة اوربا وجنوب امركا الجنوبية كالبرازيل والارجنتين 000 ارتق بولاك ياسناء

[ابوسيفين]

والله اشتقنا لسوا لفك يابو نقشه ومنتظرين تالي علومك وان كان واحد من اللي انت خابر مرسل لي على الخاص يقول

لاتصدقونه أنا شايفه يقلب فالتلفزون على اختباصه العالم والرؤسا 0 وخوياه ينتظرونه فالحده وهو جالس يغني نحمد الله جت

على مانتمنى0

[منقاش]

رفيقي سنا الهجره : أنت سيد كل اللي في المنتدى , وابشر بما يسرك ويسلي خاطرك , ويكفيني لو ما يقرا مواضيع منقاش الا أنت , وحاول تهمل مخاوي منقاش ولا ترد عليه حتى تشعره بالأزدراء وتحطم معنوياته على ماهي محطمه .
رفيقي الشيهان : ما عليك زود الا من منقاش , وتراك رجال عجل مع أنك ثعلب ماكر وغدار مثل المخاوي والا أردى .
بعدين ويش بك على صاحبك المخاوي ؟, أشوفه كم مره يستنخيك ويطلب فزعتك وانت عايفه ولا عاد تعبره . لكنك أقديت فيه لأنه لو ينشري ما أهديناه عليك , وكما يقولون المكاويه , البض الفاسد يتدردب على بعضه .
عدوي اللدود مخاوي منقاش : كلهم ما عاد يردون عليك وتخلوا عنك بعد ثبت لهم أنه ما أفشل من المشاكس ألا أنت . وبعدين روح عن سنا في السعه وخليك في حزه رحمانيه لا يهجيك بكم بيت يخليك بعدها تدسدس عن الرجال من شومها عليك .
رفيقي د مشعان : أشتاقت لك العافيه , وتراني أحب الدكاتره لأني دكتور بدو , والعلم اللي جاك ما يخلا من الصحه , والحلقه الجايه على الأبواب .