وسعوا صدوركم ((( 1 ))

[سهيل2012]

يابنت ياللي ماستر راسك الشال
وبزعمك انك من كبار العوايل
أنا بقول الحق والحق ينقال
اللي تستر هي بنت الحمايل
ماهو في كشخه وخاتم وسلسال
الستر لعيال الحمايـل دلايــل
يابنت لو قلتي لي المهر بريــال
والله فلا اعنز عليك السلايــل
والله لااخطب اللي على راسها جلال
لو كــــان مطلبها ثمانين حايل
انا ليا مني خطبت أبغي عيال
أبي العيال اللي تشيـل الثقايل
وليا خطبت أختار لعيالي الخال
والدين عندي هو سيد الفضايل
قالت قسم بالله ماشفت رجال
مثلك بغى حجر السنين الاوايل
قلت الصحيح يصح لو مرت أجيال
ركب الكدايش غير ركب الاصايل
ماهو بذنبي ماعرفتيلك رجال
ذنب الزمن خلا النشاما قلايل
ولاني بلا رجعي ولا جيت خيال
ولا شايلن سيفي وصايل وجايل
إنسان متعلم ومن ناس عقًـال
وفتحت عن نهج الحضارات فايل
أنا حضري ماني بنازل ورحال
لو أن ربعي بين ضلعان حايل
وأنام في بيت ومكيف جنرال
وأسوق سياره وعندي موبايل
ترا البداوه فعل ماهي بالاشكال
والسلم مانرضى عليـه البدايـل
وتبعت سلم العود وأصبحت وبال
ونقيت لي من الذود دق وجلايل
الطيب لاأهل الطيب يبقاء ولا زال
وأعرف سلوم الطيب والشك زايل
ولا شفت انا عقال السناعيس مال
غصب علي عقـال راسي يتمايل
السالفـه ماهي بتمييلت عقـال
السالفـه دمٍ بها العـرق سايل
يابنت دام الدم بعروقنـا سال
كلٍ على عقله من الفكر شايل
لكن لو قلت لي المهر بريال
والله فلا أعنز عليك السلايل

* عبد الكريم الجبآري .. ♥

صح لسان الشاعر وشكرا أبا سيفين على منقولك الطيب ولا هنت ..

[مخاوي منقاش]

نحن هنا نبغى هدايا لا المنقة طايلينه ولا الخرفان لاحقنا منها شي حتى السوالف محرومين منها

[أبو عبدالرحمن]

المشاركة الأصلية كتبت بواسطة مخاوي منقاش

نحن هنا نبغى هدايا لا المنقة طايلينه ولا الخرفان لاحقنا منها شي حتى السوالف محرومين منها

صح بووووحك

[ابوسيفين]

المشاركة الأصلية كتبت بواسطة مخاوي منقاش

نحن هنا نبغى هدايا لا المنقة طايلينه ولا الخرفان لاحقنا منها شي حتى السوالف محرومين منها

يارحبا يامخاوي الشيخ ، والحقيقه إن قيمتك إرتفعت لدينا باعتبارك الباقي من (( ريحة )) الشيخ
أنا عاكف على البحث عن هديّه لائقه بمقامكم

[ابوسيفين]

المشاركة الأصلية كتبت بواسطة أبو عبدالرحمن

صح بووووحك

اهلين سعادة المدير وغياباتك طالت

سأحاول البحث لكم عن هديه (( عالم ماتمشي الا بالبلصه ))

[صقر الحجاز]

ههههههههههه
عذبوك يابو سيفين لكن العوض عندي في الصيف ان كتب الله

[سهيل2012]

بعد أن أطل المخاوي وخرج من سباته

لا بد من هدية مناسبة له .. !!

وارى استشارة شيخ الشيوخ ابو نقشه

فهو الوحيد الذي يعرف هوى نفس المخاوي !!

فهلا خاطبتم الشيخ عن طريق الرويعي أو أبن أبي محمد ..

لنسمع توجيه الشيخ في الهدية اللائقة بالسيد المخاوي !!

[ابوسيفين]

الى أن تصل توجيهات الشيخ بما يُمكن إهدائه للمخاوي اترككم مع هديتي لسعادة المدير يمكن يمدد فترة التمييز

[YOUTUBE]4fEBjnfj7Gk[/YOUTUBE]

[رويعي الغنم]

ايها الأخوة الأماجد والأخوات الماجدات ..
جرى العرض بما أقترحه شاعرنا سهيل , جرى العرض يذلك على انظار صاحب الزمان وحجة العصر والأوان الباب العالي فصدرت توجيهاته الكريمة والحكيمة التي قضت بالتالي :
لآ مانع لدينا من منح المذكور بطانة مليانه الى فمها , وافهامه بأن البطانه هي البطانه , وان اما في بطن البطانه غالي هالأيام , لكن من غلاوته علينا ما رايحين نستخسرها في امثاله , والله ولي التوفيق ...

التوقيع : نحن ابو نقشه ...

[سهيل2012]

المشاركة الأصلية كتبت بواسطة رويعي الغنم

ايها الأخوة الأماجد والأخوات الماجدات ..
جرى العرض بما أقترحه شاعرنا سهيل , جرى العرض يذلك على انظار صاحب الزمان وحجة العصر والأوان الباب العالي فصدرت توجيهاته الكريمة والحكيمة التي قضت بالتالي :
لآ مانع لدينا من منح المذكور بطانة مليانه الى فمها , وافهامه بأن البطانه هي البطانه , وان اما في بطن البطانه غالي هالأيام , لكن من غلاوته علينا ما رايحين نستخسرها في امثاله , والله ولي التوفيق ...

التوقيع : نحن ابو نقشه ...

الله يرحمك يا صدام حسين .. ما أدري وش ذكرناه !!

وبالنسبة لإهدائك للسيد المخاوي فشيء متوقع منك أيها الشيخ منقاش .. والغريب بأنك لم

تصرح بالاسم كعادتك وإنما استخدمت ( البطانه ) كرمز لهديتك .......

ولم توضح سَعة ( البطانه ) وكم (فغيرا) هي ؟ هل هي أم ثنين أو ثلاثه !!


شيخنا منقاش يوم أصدر قراره
يم أبو سيفين من باب الميانه

خط واضح والهدف يقدح شراره
للمخاوي ياصله جوف البطانه

سببت للسيد مخاوي مراره
ما يصد السيف عِود الخيزرانه


..


..

وسلامتكم