رواه جابر

[مخاوي منقاش]

الاخ شبلي مهنا ولك منا مثنى وابشر بالشعير الدفعة الجاية وكان بودي لو نسقت معي نحط تلفونك 700 هم اللبنانيات احسن منا
سناء والله لم ولن اتجاهلك وانا ماصليت اخر الليل الا وادعي اللهم اهد ضال المسلمين اي اللي مع او يميلون لمنقاش وانشا الله بعد حصاد التمر سوف اصرخ باعلى صوتي ياغلام اعط سناء تنكة تمر وكيس دقيق وتستاهل كل خير وماعليك زود وصح لسانك 0000يكفي ولا ازيد

ابن سلمان/ انا لا اعرف كيف اعالج فيك جانب الشك تجاهي 0000 والعيب ليس في خشمي 00فهمت؟

الخ مدهش اخبرك رجال ثقيل اركد وانا اخوك وانت شعرتك بيضاء وكل يحبل لك وانا اقول خل راسك بالخرج(بكسر الراء) وانا احارب اعداء شرسين وانا معك قلبا وقالبا

[مخاوي منقاش]

المعذرة اخواني على هذا الخلل الفني اما بخصوص خلط الاشياء فانا افسر الاشياء حسب فهمي لها ولا احد يلومني
فالاعتزال معناه هو مااوردته ولو سالتني هل انت شيعي بالناكيد سوف اقول لك لا لاني لا احب الاشاعات ولا التشيع اي اخذ الاشعة ولقد سؤلت ذات مرة عن الميزانية فقلت هي ان تمشي على خشبة معلقة بين جدارين وتحفظ توازنك وقد ضحك الجميع وما ادري الى اليوم وش يضحكهم ناس ماتفهم ويضحكون يعني اننا مثقفين

[@ بن سلمان @]

المشاركة الأصلية كتبت بواسطة مخاوي منقاش

المعذرة اخواني على هذا الخلل الفني اما بخصوص خلط الاشياء فانا افسر الاشياء حسب فهمي لها ولا احد يلومني
فالاعتزال معناه هو مااوردته ولو سالتني هل انت شيعي بالناكيد سوف اقول لك لا لاني لا احب الاشاعات ولا التشيع اي اخذ الاشعة ولقد سؤلت ذات مرة عن الميزانية فقلت هي ان تمشي على خشبة معلقة بين جدارين وتحفظ توازنك وقد ضحك الجميع وما ادري الى اليوم وش يضحكهم ناس ماتفهم ويضحكون يعني اننا مثقفين

ليس على المخاوي حرج
هذا اللي تبينا نقوله و قلناه و يوم اقول العيب في خشمك تراني ادرك ان الخياشم انواع و سبحان الله فيه اللي خشمه في و جهه و فيه اللي خشمه في قفاه و فيه اللي ... فهمت ؟؟

[مدهش]

المشاركة الأصلية كتبت بواسطة مخاوي منقاش

الاخ شبلي مهنا ولك منا مثنى وابشر بالشعير

ما حسبت لك هذه النهاية يا شبلي
و ش يقصد المخاوي يوم يبشرك بالشعير

[أبو عبدالرحمن]

يبدو أن لديك من علوم وأخبار منقاش الشيء الكثير!!!

لكن المرة الجاية عطنا قصة من حسناته الحلوة!

[مخاوي منقاش]

شوف يابا عبد الرحمن اما مادام حيا يرزق فلن تسمع الا سيئات وما اكثرها واما اذا توفاه الله وانا على قيد الحياة فسوف اذكر كل المحاسن(اذكرو محاسن موتاكم) لانه يحب التنكيد سواء عامد او على السليقة 0
مدهش / انا ارسل شعير لشبلي علشان ان جاه شرواك يعشيه منه0
ابن سلمان/ ماعليك زود بس انت باي حته يكون؟
منقاش / يوم تسالني بالتلفون وتقول ما عندك مثل تشرح مفهومك للميزانية الا الخشبة الي بين الجدارين؟
فاقول لك لا عندي انا يوم كنت ابني بيتي امشي ورا المبلط واقوله كل شوي انتبه للميزانية اضبط الميزانية ترى وراك حساب وعقاب ترى السنتي الغلط تبي تحاسب عنه 00شفت اني مثقف

[سنا الهجرة]

المشاركة الأصلية كتبت بواسطة منقاش

يا مثبت القلوب ثبت قلوبنا وقلب عبدك سنا على الهدى , يا سنا تكفى لا تظل بعد الهدى , ما عهدناك الا رجال حصيف وعلمك نظيف .
يا سنا لا تمدح الرجال ولا تمدح دياره حايل , ترى المخاوي على قول أهل مكه يسكر من زبيبه .
كن ماك في سماك واذا ما تقدر تناصر منقاش وتناصر الحق والفضيله وتظفر بالنصر وطيب الذكر على الأقل خليك على الحياد ولا تروح للظلال بعد الهدى وتطرح نفسك يبن عمي في الهاويه مع الغاويه المخاوي .
أما أهل حايل ونعم بهم كلهم لكن عيبهم ومصيبتهم اللي عيبتهم وخيبتهم وتبي تقضي على باقي سمعتهم أن بقي لهم سمعه أن المخاوي منهم ومحسوب عليهم وضحك الناس عليهم . وشر البليه ما يضحك .
مدهش : أشوفك بديت تميل للأعتدال وتترك التطرف والمتطرفين ,, المهم , معسكري يستقبل التايبين العايدين وظني أنك تبي تكون منهم وهذا من بختك الطيب أن كتب الله لك شرف ألأنظمام لنا , والأعمال بخواتيمها وما فات مات.

الله يثيبك يا الشيخ منقاش ويغفر لك ذنبك ويكفيك شر لسانك


الحين انا قاعد الوم مخاوي على تجاهلي ويوم اني جبت مطلع القصيدة اللي كتبتها فيه وفي ربعه ودياره

كانت لرفع المعنوية فقط . لاني شعرت انك قسيت عليه في ردك وزوتها معاه حبتين مدري ثلاث

وانا ضامني هذا الاسلوب الجاف والرد الموجع لذلك حبيت ان أثبت له اننا رجال حق وعلوم غانمه

وأننا لا نجامل ولا نتعنصر ( من العنصرية ) واذا كنا نحب الشيخ منقاش فهذا لا يعني اننا نعينه على ظلم
نفسة بظلمه لخويه ( مخاوي )

وها أنت تستثيرني مرة أخرى بكلامك هذا اللي ما هو عاجبني( لكتابة القصيدة كامله)

وأهديها لــ حايل وأهل حايل وعلى راسهم الشيخ ( مخاوي منقاش ) تراني ما جبت منها الا بيت ونص
وباقي قد هذي عشر مرات