سجل حضورك ببيت من شعر******

[أبو خولة]

غـافـل الـهـم قلـبـي والـزمـان اسـتـدار
وشوقي اللي هويته اصبح اليوم ضدي
طـــال لـيـلـي الا ويـنــه ابـيــه الـنـهــار
وضاعت خطاي حتى الدرب عيا يـودي
يالغضي كيف اشوف الحلم والنوم طار
والحقيقـه تعـل الحيـل غـصـب وتـهـدي
كــل حــزن تلمـلـم مــن يمـيـن ويـسـار
واجتمـع فـي خفـوق بـاح سـده وسـدي
ناظر الحال والعود الخضر كيـف صـار
الشـقـى محتويـنـي والتـعـب مسـتـبـدي
خالـف الحـظ عمـري واستثـار الغـبـار
والبـيـارق تـهـاوت والهـزيـمـه بـيــدي
يالغضـي طحـت كلـي فـي دهالـيـز نــار
واستحالت دموعـي جمـرة فـوق خـدي
آه آه وشقـوة اللـي عايـش فـي انتـظـار
من كثير التعاسـه مـادرى ويـش يبـدي

[alsewaidi]

كفى بك داءً أن ترى الموت شافياً ****** وحسب المنايا أن يكنَّ أمانيا

[أبو خولة]

مـهما يقولون مهما صار مهما تم
أنـت البدايات وأخر ساحل ومينا

فـي هـرجة الناس بالعذال لاتهتم
لـو هم يحسون فينا ماحكوا فينا

ماعقب شرب الصبر والمر والعلقم
شـي عـلى طـاري الفرقا يودينا

حنا اجتمعنا وشمل العاشقين التم
خـضنا حروب الهوى فزنا وردينا

اهـواك مـاهي مواويل بها اترنم
تـرى الـمواويل هي اللي تغنينا

مـنا الـوفا يـاوفي الروح يتعلم
وكـل التعابير تبحر من شواطينا

حبيب عمري حياة القلب خل الهم
تـقسي الـليالى ولـكن ماتقسينا

وان كـان جـدت جدايد حبنا اقدم
ولاعـاش راسٍ على الدنيا يبكينا
,,,

[أستــــــــــاذه ملاك]

ياغايب إرجع خبّني وسط دفترك

.........ـــــــ عن عين جرحي / أمنياتي السّقيمة..

[تحت الصفر]

خلاص راحت عليك .. اصحك تدورني
أوجعتني .. وانت في قمة مزاجاتك

بايدك مسحت الغلا .. وتهد ما تبني
خذها مع اوجاع قلبي .. شوفها جاتك

[أستــــــــــاذه ملاك]

ياشروق الشمس من عقب المطر
يرتعش مثل الذهب فوق الغدير

ياصباح العمر طاولت السهر
في رجا الله ثم جذاب النظير

ليلتي عقبك تشوّق للقمر
ماتعوض نجومها لو هي كثير

كل ماروحت فكري والنظر
عود الخاطر على قلبي كسير

أنت لي مثل المسيلة للشجر
وانت ورد العمر يانفح العبير

ان حضرت أغلى مطاليبي حضر
وان رحلت القلب نهّض للمطير

من عرفتك ماتذكرت الحذر
بايع عمري على حد شطير

شوقتي لك هي مطاليع الخطر
وش عقب عينك على العاشق خطير

[أستــــــــــاذه ملاك]

نافق تعيش وجامل الناس
تنحــــــــــــــــــــــــــــب

وبيع الضمير تشوف كلن
يحبــــــــــــــــــــــــــبك


هذا هو الدستور في وقتنا
الصعــــــــــــــــــــــــــــب

اما تزيل الصــــــــــــــــدق
ولا يزيــــــــــــــــــــــــلك

وصار الكذووب محبوب يالله
دخيـــــــــــــــــــــــــــــك

[أبو خولة]

على البــــــــــــــــال

كل التفاصيل .. على البال
واحلى التفاصيل .. على البال
والحل والترحال .. والنار والهيل
والقمره اللى نورت ليل ورا ليل
والنظره المكسوره
والبسمه المقهوره
والخطوه المغروره
وأحلى المواويل
دايم على البال

مدري الى اليوم
ولا الزمان أنساك يا قلبها قلبي
مدري الى اليوم
توله على مضناك والا انتهى حبي
ياقايد الريم ذكراك ما غيبت عن خاطري ساعه
الروح لك يا ساكن الروح ... نزاعه
متى الوصل .. قول .. أبجيك وأسابق الساعه
ياللى على البال

كم شمس غابت وأنا أشوفك
شمس الضحى اللى تباريني
وإذا منع جيتك خوفك
نورك فلا غاب عن عيني
الحب تدري .. ما هو بيدي
سيدك تراه الهوى .. وسيدي
أبيك تبدا مواعيدك
ولا أببدا مواعيدي
ياللي على البال

أسير الشوق

نواف بن فيصل بن فهد,,,

[أستــــــــــاذه ملاك]

..شعر محــــــــــزن

--------------------------------------------------------------------------------

جاني وأنا في وسط ربعي وناسي
جاني نشلني مثل ما ينشل الناس

مني نشل روح تشيل المآسي
تشكي من ايام الشقى تشكي الياس

اثر الألم في سكرة الموت قاسي
ما هالني مثله وانا انسان حساس

جابوا كفن ابيض مقاسه مقاسي
ولفوا به الجسم المنط مع الراس

وشالوني أربع بالنشل ومتواسي
عليه ومغطى على جسمي لباس

وصلوا علي وكلهم في مآسي
ربعي ومعهم ناس من كل الأجناس


يا كيف سوا عقبنا تاج راسي
وأمي الحبيبة وش سوى بها الياس

اسمع صدى صوت يهز الرواسي
قولو لها لا تلطم الخد يا ناس

قولولها حق وتجرعت كاسي
لا تحترق كل يبي يجرع الكاس

اصبحت في قبري ولابه مواسي
واسمع قريع نعولهم يوم تنداس

من يوم قفوا حل موثق لباسي
وعني رد الروح صوت بالأجراس

هيكل غريب وقال ليه التناسي
صوته رهيب وخلفه اثنين حراس

وقف وقال ان كنت يا نمر ناسي
هاذي هي اعمالك تقدم بكراس

ومن هول ما شفته وقف شعر راسي
وانهارت اعصابي ولا ارد الانفاس

ياليتني فكرت قبل انغماسي
بالغفلة اللي منتهاها للافلاس

وفزيت من نومي على صوت ناسي
اصرخ واقول الموت واحذر الناس

توفى قائل القصيدة بعدها بيومين في حادث مروري

[سنا الهجرة]

المشاركة الأصلية كتبت بواسطة ~ملاك الروح~

..شعر محــــــــــزن

--------------------------------------------------------------------------------

جاني وأنا في وسط ربعي وناسي
جاني نشلني مثل ما ينشل الناس

مني نشل روح تشيل المآسي
تشكي من ايام الشقى تشكي الياس

اثر الألم في سكرة الموت قاسي
ما هالني مثله وانا انسان حساس

جابوا كفن ابيض مقاسه مقاسي
ولفوا به الجسم المنط مع الراس

وشالوني أربع بالنشل ومتواسي
عليه ومغطى على جسمي لباس

وصلوا علي وكلهم في مآسي
ربعي ومعهم ناس من كل الأجناس

يا كيف سوا عقبنا تاج راسي
وأمي الحبيبة وش سوى بها الياس

اسمع صدى صوت يهز الرواسي
قولو لها لا تلطم الخد يا ناس

قولولها حق وتجرعت كاسي
لا تحترق كل يبي يجرع الكاس

اصبحت في قبري ولابه مواسي
واسمع قريع نعولهم يوم تنداس

من يوم قفوا حل موثق لباسي
وعني رد الروح صوت بالأجراس

هيكل غريب وقال ليه التناسي
صوته رهيب وخلفه اثنين حراس

وقف وقال ان كنت يا نمر ناسي
هاذي هي اعمالك تقدم بكراس

ومن هول ما شفته وقف شعر راسي
وانهارت اعصابي ولا ارد الانفاس

ياليتني فكرت قبل انغماسي
بالغفلة اللي منتهاها للافلاس

وفزيت من نومي على صوت ناسي
اصرخ واقول الموت واحذر الناس

توفى قائل القصيدة بعدها بيومين في حادث مروري

الله يرحمه .. كأنه كان حاس بقرب الأجل.
يارب تغفر لنا وترحنا وتحسن خاتمتنا >> ما ندري متى ساعة الرحيل ؟؟