سجل حضورك ببيت من شعر******

[أستــــــــــاذه ملاك]

الله يرحمنـــــــــا برحمته .. موتنا معلق برقابنا ..



...............

توفيت امه فكتب قصيده ابكت من لايبكي

شاب لن أقول أنه (عاق) لوالدته لكنه من المؤكد أنه (غير مطيع) وذاك يتضح من قصيدته الحزينة جداً ..
هو أيضاً متهور في قيادته .. تعرض ذات مره إلى حادث وكانت معه أمه فتوفيت وبقي هو علي قيد الحياه وكتب هذه القصيده :

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني


وانا ابكي واتنهد وارسم بالحزن لوحات

يجبروني عشان امشي ورجلي ما تمشيني


قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني


وكنه حلم قدامي يقيدني من الصرخات

ابي اصحى ولكن مالقيت اللي يصحيني


فداك القلب يايمه ومهما قلت من كلمات

صغيره في كبر حقك بس اتمنى تعذريني


نهبت الفرحه من بيتي صحيح اني خسيس الذات

صحيح اني ول د طايش وكل ما أسمعه فيني


تجول عيونهم فيني تفصل مني قياسات

وتشيح وجوههم عني وكني غيرت ديني


يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني


نقص قدري بعد موتك وغابت نشوة اللذات

وصار الهم عكازي اباكيه ويباكيني


عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني


يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني


يايمه ما تحملهم يقولوا فات ما قد مات

تعالي غيري هالقول واطيعك باقي سنيني


واترك عادة التدخين وانفذ ما تبي بسكات

واصلي الفجر في المسجد قبل منتي تصحيني


يايمه ارجعي تكفين وطفي شمعة الآهات

ابيك انتي ولا غيرك على موتك تعزيني


وضميني وداويني مثل ما كانت الهقوات

ما ابي احدن يواسيني ابيك انتي تواسيني


دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

[مـحـمـد حـمّـاد]

[poem="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يادار عوّد ساكن القلب يادار=رجع اللذي بحسه تنور حياتي
تشرق شموس وتضوي نجوم واقمار= يوم ان تباشير الفرح مقبلاتي
وين القوافي وين عذبات الاشعار=وين القلم وين الورق والدواتي
ياشايل السامر خذ الدف والطار= وخل الحمايل بالطرب ساجعاتي
هاذا اللذي زود هل الطيب باخبار=صادق علومه كم حكته الرواتي
غايب وحنا في هواجيس وافكار=حاضر وظلك يابو خالد غناتي
سلطان ياغيث(ن) من الجود مدرار=عز الله انك سيد المكرماتي
يا معطي(ن)للمجد قيمة ومقدار=اسمك غدا رمز الكرم في الصفاتي
[/poem]

[خلك بعيد]

شخص أنطوائي مايحب المعاذيـر
صريـح واراءه بعينـه سـديـده
يهوى البساطه فالحكي والتعابيـر
ويكره فلاسفـة العقـول البليـده
عالم ولاكن بإختـلاف المعاييـر
جاهل ولابه غير صمتـه يجيـده
وحيد لو خلفه ألـووف الطوابيـر
حزين لـو أن الملامـح سعيـده
حكيم لو سنّه بعـد تـوّه صغيـر
حليم وبوقت الغضب كسـر قيـده
يعيش يومـه ماقـرب للمحاذيـر
يخاف ربـه فالحسـاب ل.عبيـده
مايحسب ارباح الزمن والمخاسير
ولا نشد دنياه كـم هـو رصيـده
في داخله برق ورعود ومعاصيـر
سماه تمطر والعواصـف شديـده
والصدر لأسراره مثل قاعة البيـر
ماباحها إلا نزفهـا مـن وريـده

[أبو خولة]

(( عيونك اخر امالي ))

عيونك آخر آمالي وليلي أطول من اليم

كيف ألقى كلام عذب يوصف دافي إحساسي

عشقتك قبل ما أشوفك وشفتك صرت كلي حلم

أبي رمشك يغطيني وأبيك أقرب من أنفاسي

يهمك تعرفي إنك قتلتي في سنيني الهم

قتلني ضحكك .. وجدك .. قتلني لينك القاسي

رميت أقداري في دربك وصرتي في عروقي الدم

أحبك كثر ماسالت دموع وما نسى ناسي

يجول الحزن في ضلوعي بردت وذاب فيني العظم

ويا كثر الحطب حولي وعندك أنكسر فاسي

سألتك بالذي زانك تحبي فيني حتى الظلم

تحبي عيوبي وغدري تحبي المر في كاسي

أنا من كثر ما أحبك أبيك كثر رمل اليم

وأبيك فوق الناس وأبي ماينحني راسي

عبدالرحمن بن مساعد,,,

[وآثقة الخطى]

المشاركة الأصلية كتبت بواسطة أبو خولة

(( عيونك اخر امالي ))

عبدالرحمن بن مساعد,,,

يــعطيك العافيه أستـاذ ابو خوله .. أطربتـنا حقاَ

عبدالرحمن بن مساعد شـاعري المفضل ..ومتابعه لقصائده أول باأول

لكن بعد ماصار رئيس للهـلال للأسف معد نزل أمـسيات

شكـراَ ..ع القصيده

[وآثقة الخطى]

الكراسي
مصدر افراح ومآسي
لا هي تبارك لجالسها الجديد
ولا هي لأهل تاركها تواسي.

الكراسي عامدة
تهزأ بنا وهي جامدة
الصرير اللي من قوائمها
يقول: ما في احد منكم أساسي

[مـحـمـد حـمّـاد]

الــعــواذل

حبيبتي كل العواذل تشابه ..... قلبٍ ظلام ووجه يشبه للأصحاب

ولا ما غدى لك صاحبٍ ينحكى به ..... لا تسمعي أن كان لك قلب وأحباب

إلى مشيت الدرب يلهث سرابه ..... وإلى سكنت الدار ناداني الباب

وشلون أنام وهم قلبي صوابه ..... والشوك ينبت بين جفنين وأهداب

تعبت امني .. الأسئلة بالاجابة ..... وانطر شروق الشمس والشمس بغياب

وتعبت أناظر والمعنى عذابه ..... أنك بعيده والملا دونك حجاب

اجمع كلام وما أعرف الإجابه ..... وعندي شعور صدق والوقت كذاب

كل النجوم اللي امطرت من سحابه ..... حبيبتي دمعك جرح قلب واتراب

واللي وقف ما بين بابي وبابه ..... قلبٍ ظلام .. ولابس ثوب الأصحاب

[وآثقة الخطى]

ألا ياويل من حب وتلوع
ولا طال الذي يرضى تريده
فلا هو يرضى ويقنع
ولا السلوى عن البلوى تفيده
ألاجا الليل كل الخلق تهجع
ونا سهران بأفكاري الشريدة
أحس بداخلي اللوعة تجمع
كأن الوجد مفتاح القصيدة
تقول الناس وش خلاك تزرع
بأرض ممحلة صبخا عنيدة
قضيت سنين ياالمسكين تتبع
ورى أحلام براقه بعيدة
عجزت أسلاه ومابه صبر ينفع
يرد الشوق وأخشى أنه يزيده
يلوموني ونا للوم مااسمع
ألين الله ...يفعل مايريده

[مـحـمـد حـمّـاد]

هرجلـي يوم صادفته هرجلــي
يبي يحكي وهو عجل(ن) وخجلي
نظرني وانتظر يبغى لسانه
يطيعه بالحكي لجله ولجلي

تلعثم بالحكي وانبح صوته
واشوف الدمع انا بعيون نجلي
يحاكني ويشرح لي ظروفه
بدمع(ن) من عيونه مستعجلي

وقفت ولا قدرت انطق بكلمه
ولا حتى قوت بخطاي رجلي
ولا حتى قدرت امسك شعوري
بكيت ولاهرجت ولا هرجلي

[خلك بعيد]

احيان فيني شيء يصعب على البـوح
واحيان فيني بـوح يكسـرسكوتـي