|
|
|
10-17-2012
|
رقم المشاركة : ( 211 ) | ||
|
عضو
|
رد: اكتب اجمل قصيدة قرأتها
أبوس خشمه وانشده ويش لونه
محبتي له ما وراها طمايع واقدره واشاركه في حزونه واثره عدولي خبيث الطبايع فرقا وفرقا فرق الله ضعونه الحقد من قلبه على الكبد مايع اكحل عدوك لين تعمي عيونه البس له اغلى اللبس لو كنت جايع لوعشت عمر اشعيب وانت بمهونه ضايع وما تقضي من العمر ضاي العز يوم يغامر الرجل دونه واعمار غيرك مثل عمرك ودايع واليا لقيت اهل الدهر يشتكونه لا تشتكي دهرك على كل (صايع ) |
||
|
|
|||
|
|
10-25-2012
|
رقم المشاركة : ( 212 ) | ||
|
شاعر
|
رد: اكتب اجمل قصيدة قرأتها
أيامنا والليالي كم نعاتبها
شبنا وشابت وعفنا بعض الأحوالي تاعد مواعيد والجاهل مكذبها واللي عرف حدها من همها سالي إن أقبلت يوم ما تصفى مشاربها تقفي وتقبل وما دامت على حالي في كل يوم تورينا عجايبها واليوم الأول تراه احسن من التالي أيام في غلبها وايام نغلبها وايام فيها سوا والدهر ميالي جربت الأيام مثلي من يجربها تجريب عاقل وذاق المر والحالي نضحك مع الناس والدنيا نلاعبها نمشي مع الفي طوع حيث ما مالي كم من علوم وكم آدب نكسبها والشعر مازون مثقالٍ بمثقالي اعرف حروف الهجاء بالرمز واكتبها عاقل ومجنون حاوى كل الأشكالي لكن حظي ردي والروح متعبها ما فادني حسن تاديبي مع أمثالي إن جيت ابي حاجةٍ عزت مطالبها العفو ما واحدٍ في الناس يا والي قوم الى جيتهم رفت شواربها بالضحك واقلوبها فيها الردا كالي وقوم الى جيتها صكت حواجبها وابدات لي البغض في مقفاي واقبالي ما كني إلا حال مغضبها والكل في عشرته ماكر ودجالي يا حيف تخفي أموراً كنت حاسبها واللي على بالهم كله على بالي الجار جافي وكم قوم محاربها والأهل وأصحابنا والدون والعالي والروح ويش عذرها في ترك واجبها راح الحسب والنسب في جمع الأموالي نفسي تبى العز والحاجات تغصبها ترمي بها بين أجاويد وانذالي المال يحي رجالاً لا حياة ابها كالسيل يحي الهشيم الدمدم البالي عفت المنازل وروحي يوم اجنبها منها غنيمه وعنها البعد أولا لي لا خير في ديرةٍ يشقى العزيز ابها يمشي مع الناس في هم وإذلالي دار بها الخوف دوم ما يغايبها والجوع فيها ومعها بعض الاحوالي جوعى سراحينها شبعى ثعالبها الكلب والهر يقدم كل ريبالي عز الفتى راس ماله من مكاسبها يا مرتضي الهون لا عزٍّ ولا مالي دللت بالروح لين ارخصت جانبها وانا عتيبي عريب الجد والخالي قوم تدوس الافاعي مع عقاربها ولها عزايم تهد الشامخ العالي خل المنازل وقل للبين يندبها يبكي عليها بدمع العين هطالي لا تعمر الدار والقالات تخربها بيع الردي بالخساره واشتر الغالي ما ضاقت الأرض وانسدت مذاهبها فيها السعه والمراجل والتفتالِ دار بدار وجيرانٍ نقاربها وارض بأرض وأطلالٍ بأطلالي والناس اجانيب لين إنك تصاحبها تكون منهم كما قالوا بالأمثالي الارض لله نمشي في مناكبها والله قدر لنا أرزاق وآجالي حث المطايا وشرِّقها وغرِّبها واقطع بها كل فجٍّ دارس خالي واطعن انحور الفيافي في ترايبها وابعد عن الهم تمسي خالي البالي من كل عمليةٍ تقطع براكبها فدافد البيد درهام وزرفالي تبعدك عن دار قوم ودار تقربها واختر لنفسك للمنزال منزالي لو متّ في ديرةٍ قفراً جوانبها فيها لوطى السباع الغبس مدهالي اخير من ديرةٍ يجفاك صاحبها كم ذا الجفا والتجافي والتعلالي دوس المخاطر ولا تخشى عواقبها الموت واحد وبعد العز يجلالي ان المنايا إذا مدت مخالبها تدركك لو كنت في جو السما العالي ما قرت الاسد في عالي مراقبها تسعى على الرزق ما حنت للاشبالي والشمس في برجها والغيم يحجبها تقفي وتقبل لها في العرش مجدالِ رب السماوات يا محصي كواكبها يا مجري السفن في لجات الأهوالي ضاقت بنا الأرض واشتبت شبايبها والغيث محبوس يا معبود يا والي يا الله من مزنةٍ هبت هبايبها رعادها بات له في البحر زلزالي ريح العوالي من المنشا تجاذبها جذب الدلى من جباء مطوية الجالي ديمومةٍ سبلت وأرخت ذوايبها وانهل منها غزير الوبل همالي تسقي دياراً شديد الوقت حاربها ما عاد فيها لبعض الناس منزالي يا جاهل اسمع تماثيلاً مرتبها فيها معاني جميع القيل والقالي مثل الدنانير زادت في قوالبها في صرفها زايد عن قرش وريال يارب توبه وروحي لاتعذبها يوم القيامه اذا ما ضاقت اعمالي وازكى صلاه على المختار نوهبها شفيعنا يوم حشر فيه الاهول |
||
|
|
|
10-25-2012
|
رقم المشاركة : ( 213 ) | ||
|
شاعر
|
رد: اكتب اجمل قصيدة قرأتها
آخر زمان وكلّ من عاش خبّر
وبغيت اقول الميّت ارجى من الحيّ ورّد حباله في زمانه وصدّر إن كان هو ظميان ولاّ رُوي ريّ ما عاش في هذا الزمان المغبّر واحواله اللي ما عرفنا لها زيّ دنيا عجوز وغيّها ما تغيّر تضحك مع الجاهل وتعجب هل الغيّ جار الزمان وحد نابه وكشّر واسعار طارت والمخاليق في ليّ وقام الإمام وسل سيفه وكبّر واهتز من صنعا إلى باب بمبيّ والشمس دارت وجهها واقتوى الحرّ ما عاد يمنع من لظى حرّها الفيّ والنّار شبّت والحطب ساع جمّر واللي يدوس النار يصبر على الكيّ والنيل فاض وظنّتي يخرب البرّ واهل البيوت الطارفه مالها نيّ والطير الأخضر صاحب الطير الاصفر وطيور ما تعرف لها وجه وقفيّ عنوانها يخبرك عن كل مُضمر شبّت وشابت وابدلت عود بصبيّ والنّمر جنّب والحصيني تنمّر يحسب سباع الغاب من جملة الصّيّ واقيّس انّ الحب ما يشبع الذّر وعلوم باتت ما بقي دونها شيّ وراعي النصيحه ضاع نصحه وعذّر قال اسمعوا لكن ما يِسمِع الحيّ واللي حكم في سابق الحال عبّر تعبير يعقوب ابن اسحق يا بنيّ العوالي قابلت ريح صرصر وحَذف الجنادب بينهم شوف عينيّ والنمل جاله ريش والنّسر عمّر واليا استمدّ الحبل لا بد من طيّ والظلم ظلمه ون دخل دار دمّر ودنياك ما دامت لحاتم إبن طيّ منها السلامه واس مالي ومتجر واقول كنّي ماسك الشمس بيديّ ون كان الافعى نابها ما تكسّر عضت وصار السم لا تسمع الدّيّ ون كان عظم الداعيه ما تجبّر ولاّ اظلمت ما عاد يبقى لها ضيّ واختم كلامي بالنبيّ المنوّر صلّى عليه الله ما ساروا الحيّ والآل والأصحاب ما الصبح نوّر وعداد نبت عقب المطار مرجيّ |
||
|
|
|
10-25-2012
|
رقم المشاركة : ( 214 ) | ||
|
شاعر
|
رد: اكتب اجمل قصيدة قرأتها
يابارقا لاح في القطر اليماني بات نوه يقود دن الرعد وامطرا
سريت اخيله وعيني ساهره يوم الخلايق رقود والفكر ما غيرا واوجد روحي على ايام مضت ياليتها لي تعود لو كان بالمشترا ايام زلت كما قطف الزهر مجناه من كل عود يوم الشباب اخضرا واليوم عصر الشباب اقفا وانا صدرت بعد الورود واللي ورد صدرا شوقتني ياالغزال المنتحي يا ظبي ترعى النفود يالجادل الاعفرا يابو جبين كما نور القمر والورد فوق الخدود فوق الخدود ازهرا يا مقصب الهند جابتك المراكب من بلاد الهنودجديد ومشو جرا |
||
|
|
|
10-25-2012
|
رقم المشاركة : ( 215 ) | ||
|
شاعر
|
رد: اكتب اجمل قصيدة قرأتها
من أجمل القصائد التي تحمل غضب من الشاعر
فالشاعر في معظم الأحيان يغضب ولا يدري أين يفجر هذا الغضب أنظروا كيف تفجر هذا الغضب وبأي طريقه انفكت السبحة وضاع الخرز ضاع
وجيت المّه يا سليمان وازريت صار الذهب قصدير والورد نعناع انكرت ريحه مختلف يوم شميت الباب طايح والمسامير خلاّع والحب فيه السوس والفار فالبيت أمسيت اكيل الراي بالمد والصاع قِست الامور وعفتها ماتورَّيت لافاقد الحيله ولا قاصر الباع ويالله يامولاي فيك استعزيت الذيب رزقه في مبادية الارواع وانا برزقي في زماني تعنيت وانا مربّى من زماني ومطواع ربتني الايام حتى تربيّت |
||
|
|
|
11-01-2012
|
رقم المشاركة : ( 216 ) | ||
|
مثالي
|
Re: اكتب اجمل قصيدة قرأتها
جــربــت في الــدنـيا تـجاريـب شـايـب
وعـرفت خلاني وميزت الأصحاب وعرفت طبع الناس مخطي وصايب مـانـي بـ خـبل تخدعه ضحكة الناب جـنبـت أنا العالم وبـعض القرايب الـبعـض مـنهـم قـربهم عقرب وداب لـو كـان تـعطـيهـم عـيونـك وهـايـب مـايـنفـعونـك جـيدهـم عند الأجناب ناسـ(ن) يعادونك بلــــيا سبايب حط الحواجز دونهم وأغلق الباب بـعض البشر قلبه من الحقد عايب لافـيه طـب وقـلبه أسود من غراب عـنده نـجاحـك مـن كـبار الـمصـايب وإذا سمع مدحك من الغيظ ينصاب لـولا الـحيـا سـالـت دمـوعه سكايب مـسكين من نار الحسد ماكل تــــرراب الــلي يـذمـك كـل مـا صـرت غـايـب وإن جيت قدم لك تراحيب وإعجاب خـله تـرى مـثلـه مـع الـناس خـايب عـادات أبـو وجهـين يكذب ويغتاب لـو تـغرقـه بـالـطيـب مـا هـو بطايب لا تـنخدع في مثل شرواه لو طاب وتـبقى الـحقـيقة يـا زمـان الـعجايب الــروس روس ولــو يــغارون الأذناب . . القصيدةة للشاعر / ناصر الدوسري |
||
|
|
|
11-10-2012
|
رقم المشاركة : ( 217 ) | ||
|
شاعر
|
رد: اكتب اجمل قصيدة قرأتها
دخيلك تمسح دموعك ترا هالدمع يشقيني
* * * * * * * * * * * * * ليش الدمـع يا قـلبي ترى دمعـك عَلَي غالـي أنـا مـالي بهَالدنيــا سِــواك أحــدٍ يواسينـي دخيلك حتى لُو صاحَت جروحك ترفـُق بـحالي أخــاف صياحَـها يـحـي جـروحٍ مَـيِّتـَه فينـي صِعيبـه و الله هالدنيـا على مثلك و أمثالـي صغـارٍ عَالحِـزن لكن أبَت تسـتوعِـب سنينـي سِقَتني الـمُر في عُـمرٍ شرَب بَه غيري الحالـي و كِل ما صِحت يادِنيا ذِبَحني الـمُر..تسقيني وحيد عِشت اْنادي الفَرح لِجروحي و لا جالي رَحَلت بـكِل صُـوب و ما لقـيت إللي يداوينـي و تراها ما غـدَت تَفْرِق مَـعِي لُو طـال تِـرحالـي أنا أصلاً سِكَنـت الجَـرح و ضاعت بَه عَناوينـي عَشقْت الحزن مُو برضاي.. عيَّـا الوقت يصفالي و يوم إنه رِجَـف دَمعي ذِبَحـتـَه في وَسَطْ عينـي لَك الله أيش يفـيد الدَّمع و لُو هُو سِيل مِتوالي دخيلك تمسـح دموعَـك ترى هالدمع يشقـيني مِـصير جروحِنا تذبــَــل قِـصَر هالعُمر أو طالـي و إذا جرحـك أبَـى يبـرى بَضمِّـده بشـراينــي |
||
|
|
|
11-10-2012
|
رقم المشاركة : ( 218 ) | ||
|
شاعر
|
رد: اكتب اجمل قصيدة قرأتها
قصيدة قراتها الف مرة وفي كل مرة اقرأها كاني اقراها لاول مرة من جمالها وروعتها
كل ماقرأتها ازداد اعجابا بها لانه يبدو ان حكايتها حكاية وجمالها جمال القصيدة للشاعر سعد المويهي واترككم مع قمة الشعر والابداع يا بحر بسألك ليش امواجك الليله تعاني انت مثلي يا بحر قبل امس فاقد لك حبيبـــــــــــه إنت متضايق عشانك .. وإلا متضايق عشاني اسالك بالله يا بحر ... ويش المصيبـــــــــــه؟ إلا اقول:!.. اسكت وانا بحكي عن اللي لك خذاني ببتدي معك الكلام... وكل ما عندي بجيبـــــــه تذكر اللي لا لفتني بشر القلب المحاني تذكر اللي كلها حب وغرام ونهر طيـــــــبه تذكر اللي صوتها تشتاق له حتى المواني كل مينا يسأل الثاني .. اذا طول مغيبه تذكر اللي في كفوفي تشعل الدنيا اماني تذكر اللي نورها سود الليالي تقتدي به تذكر اللي سلهمتها تقلب الساعة ثواني تذكر اللي عطرها حتى طيورك تحتفي به تذكر اللي علمتني كيف اروض هالمعاني كل ما مرت عليه رحت للشعر انتخي بــــــه تذكر اللي كل صبح تمرني باحلى تهاني صار كل العمر عيد وصارت اقرب من قريبه قبل يومين تركتني ورحلت مع شخص ثاني شخص ما كانت تحبه بس مدري وش تبي به؟؟ ادري اني من سببها كاسر خاطر زمــــــــاني وادري اني اول انسان كسر خاطر نصيبــــــه وادري ان الله خذا مني مثل ما هو عطاني وادري ان الغالية راحت رضا ماهو غصيبة بس اقول الله كريم وعمر كل الناس فاني والمكـــــــان اللي خلا من زولها وش ينبغي به؟؟ مدخلك بالله قلي حط نفســــــــــــك في مكـــــــــاني وش تسوي يا بحر لا صرت فاقد حبيبـــــــــه؟؟؟ |
||
|
|
|
11-10-2012
|
رقم المشاركة : ( 219 ) | ||
|
شاعر
|
رد: اكتب اجمل قصيدة قرأتها
.
ســـولفـــــوا .. ،؛،
سولفوا تكفون لا عاد تسكتون .. .. قبل لا أهوجس وياتيني بلاي السكات يزود طعوني طعون .. .. وتنكسر لا جا على راسي عصاي سولفوا لو ما بغيتوا اتسولفون .. .. قبل لا اقعد في الحزن رايح .. وجاي واضحكوا لو بالعماله تضحكون .. .. وجاملوني لو يضايقكم حكاي لي وليفٍ راح جعله ما يهون .. .. هو دواي وداي .. أو داي ودواي راح لكن طيف زوله في العيون .. .. مرةٍ قدامي ومرة وراي وإن سكتوا جا وهو طيفه يمون .. .. رحت أهوجس له وأبين له ولاي مكسب عيوني من الفرقا مزووون .. .. تمطر لطاريه .. والبرق ؟ أصدقاي كل ما طروه لو هم يمزحون .. .. احرموني من غداي ومن عشاي أدري إنه ما تناسى الود كون .. .. تسمع إذنه في قفاي اللسن عداي وكانهم قالوا نسيته يكذبون .. .. وإلا أنا فيه أمتلك نظرة وراي كان حبه لي على خبري مصون .. .. والله ان كني بقدري .. وبغلاي ذي بقايا الحب وأطلال الجنون .. .. والله أعلم في ضميره وش بقاي غير طيعوني ولا عاد تسكتون .. .. ولا والله إن أسمعكم بكاااي ---------------------------------- ،؛، شــــطـــر حفـــــظتــــــه ،؛، ماني بمن ياتي ولا يدري به .. .. شطرٍ حفظته ما أعرف كتابه شطرٍ يناسبني لمثل الليله .. .. وآشوفني في ذا المكان أولى به أبا أتكل بالله ونعمٍ بالله .. .. اللي ما يوصد دون خلقه بابه باقول واللجنه تقيم قولي .. .. ومن كثرة الشعار ماني آبه الحمد لله واثقٍ من روحي .. .. وإن كنت ذيب فالرجال ذيابه ما أقول أنا أشعر واحدٍ في العالم.. .. لكن قصيدي كفو وأنا أدرى به الشعر جمعنا لو تفرقنا .. .. حدودنا وظروفنا الغلابة الله يبيض وجه راعي الفكرة .. .. عز الله انها تنحسب لحسابه والله يبيض وجه من يرعاها .. .. محمد الله يحفظه لأحبابه محمد ولد زايد عريب المجنى .. .. ولي عهد الديرة الخلابة الشعر تاريخ لنا من مبطي .. .. وإعلامنا يوم السنين نهابه الشعر بيت والوزن عمدانه .. .. معناه طنب وقافيته حجابه الشعر وادٍ فيه صيد واجد .. .. وكلٍ على الوادي يهج ركابه والأفكار صيد وكل شاعر قانص .. .. وكلٍ يدسم شاربه مخلابه أحد خياله حر .. وأحد وكري .. .. وأحدٍ خياله كوبجٍ بقطابه وأنا خيالي كل ما هديته .. .. حول على الوادي وصاد عقابه شاركت أمثل ديرتي وربوعي .. .. وكل يمثل ديرته وأقرابه والله إلى الله راد والله قاله .. .. إني لا أسلمها الفخر وكتابه داري قطر .. وأنا هنا أمثلها .. .. المجد مطلوبي وأنا طلابه عهدٍ علي إني لا أشرف داري .. .. ترك صبي ما يعز ترابه شوفوا دمي من حبها عنابي .. .. وحماستي من ضوها شبابه شاعر خليجي والعروبة بيتي .. .. والبيت ما ياقف بدون أطنابه وإن عودت بين القبايل فزعه .. .. أنا أشهد إني في اللوازم لابه لي في القبايل ربع .. وأقدرهم .. .. ماني بمن يجهل مقام أصحابه وإن عودت لأصلي .. فأنا أصلي مري .. .. من صلب يام أهد القنا وخضابه قومٍ لنا فوق المعالي بيرق .. .. والسيف قوة سلته بنصابه الشعر طوقني وأنا طوقته .. .. قمت آتمشى به وأفك أبوابه يا بنت ياللي تفرقين بعودج .. .. ما ألومهم لو كثروا الخطابه لامر بج دربج على خلق الله .. .. قالوا كذا بالأصبع السبابه زينج يزينه فعل أبيج وجدج .. .. وإنتي بدورج للنقى كسابه قومي تباهي بي .. وفلي راسج .. .. عليج من ستر الشرف جلبابه وإن ما سترتج بالفعول وباسمي .. .. فعقبني الفنجال يا صبابه ----------------------------------------- ،؛، .. يا قـــو قلــــبـــك .. ،؛، ياقو قلبك على الصّـده ويـا صُــــــبـرك وياوسع صدري على صدك ويا صُبري وياطول عمـرك بذاكـــــــرتـي وياكُبـرك وياشيب عيني بشيّب عــــاد ذا كــــُبـري والله لون حمل صبري فوقـك..ان تبرك والله ولو تعتذر منـت بعلـى خــــــــبـري ان ما جبرك الغلا ما اقدر على جـــبـرك ياللي على ارض الوفـا ما شبرك بشبري تـــزعل وترجع وتـلقانـي عــــلـى خبـرك وانا انكسر لك واجـــــيـك ادوّر لــجبـري طـــيفك وذكــــراك طـيلـة غيبتـــك سبـرك وشـــــوقي لشوفتك طيلة غيبتـك سبـري امـــــحق وليف ومحبه والا اقــول ابـرك حسبي عليك اعشقك وانت اتحفر قــبري ------------------------------------------------ ،؛، .. في شاعر المليون .. ،؛، في شاعر المليون للشعر مضمار .. .. والسابقة في الشوط تظهر بيدها امضمرين أبكار الأفكار شعّار .. .. وكلن يحضّربكرته في وعدها واللي تردت لا يدور لها أعذار .. .. معذورة ما دام قد ذا جهدها واللي تعوص وتضرب الحاجز يسار .. .. تشلّ ف الدنة وترجع بلدها وأنا ذلولي بنت صوغان الأشعار .. .. من حبها عندي تفحم وحدها إن جاره الله من تصاريف الأقدار .. .. جاتك وجاك الجيش كله بعدها الله عليها من مقاريد الأنظار .. .. وصلت تحست ما غشاها زبدها وتلقوفها بالعلم رمز وإشعار .. .. وصفق لها منهو بعينه شهدها ومن روبها أول ما تنصخ تمطار .. .. ياللي تزعفرها من الطاس زدها شبهت بالهجن الأصيلات الأشعار .. .. وقصيدتي تراث أهلنا مددها أعتزبه وأقبله إجلال وإكبار .. .. واحة شرف يا سعد منهو وردها أغلبنا في موجب الضيف والجار .. .. يحلب لبنها قبل يذبح ولدها وتراثنا من دونه نبيع الأعمار .. .. وبأفعالنا روس المعالي صعدها واليوم ضاق الجو من كثر الأقمار .. .. تبث حقد لي لحقده رفدها غزا الشعر قبل أمس غازين الأفكار .. .. قومن على الساحة دفعها حقدها تلفقوا ثم جاؤوا من كل الأقطار .. .. هذا يصبحها والآخر هجدها هذا يحرف في الأسف سر وإجهار .. .. وهذاك يذبح موهبة في مهدها وقفوا علم للشعر في وقت الأسحار .. .. غاروا على الساحة وعروا جسدها وصاحت بعد ما شافت سترها طار .. .. ووقّف ولد زايد محمد ساعدها قال أبشري بالستر وبردة الثار .. .. وأضفى عليها سترها ما نشدها واستل سيف في المواجيب بتار .. .. واطلب وردن في العلا من فقدها على خطى زايد خطاويه ما بار .. .. والحاجة اللي في خياله وجدها أغنى العرب من شوف أكاديمي ستار .. .. ومن شوف أمر من السخافات وأدهى شفت الشعر بستان وأبوابه أزهار .. .. وقطفت ما يسقي المشاعر شهدها قطفتها من ديرة تنبت أحرار .. .. من دار بو مشعل ذراي وسندها -------------------------------------- |
||
|
|
|
11-10-2012
|
رقم المشاركة : ( 220 ) | ||
|
شاعر
|
رد: اكتب اجمل قصيدة قرأتها
.
يـــوم المزايـيـــن .. ،؛،
من لابتي مّره الى جـدي افطيـس .. .. ربعي مطوّعة الصعـب بالصمايـل ناموس ياللـي تكسبـون النواميـس .. .. ياهـل العلـوم الغانمـه والجمايـل اهل السموت وفي الملاقا فواعيـس .. .. يقطعـك يـاهـرجٍ بلـيـا دلايــل انتو خيارينٍ علـى الخيـل فريّـس .. .. اسـمٍ ينومـس بيـن كـل القبايـل يامقلّطينٍ شـذرة السيـف والكيـس .. .. قد قالها ابن حميـد ضمـن المثايـل منصا الرجال اللي على ضمّر العيس .. .. وفالحرب نطّاحة شبـا كـل عايـل هواجـرٍ لاجـات قدهـي مقاويـس .. .. ركب الضيوف امن السرا والقوايـل تنصـا ربـاع امتعّبيـن المحاميـس .. .. مروين حـد المرهفـات الصقايـل يردون غصباً والعـزاوي متاريـس .. .. لاجـا نهـارٍ فيـه عـدلٍ ومـايـل وامسيّسين اسياسة الفـوز تسيّيـس .. .. باللبل وبالهجـن السبـاق الاصايـل تفوز في يـوم المزايـن وفالريـس .. .. من كـل منعوتـه تسمـى وحايـل ولو حصل للبل من النـاس تفليـس .. .. يكفيكم انك فالعـرب مـن لاوايـل تلبس من العنّـاب زيـن الملابيـس .. .. يوم المزاين مـع ارجـال الحمايـل يزها بها لـون العلـم تتبـع افنيـس .. .. ابـلٍ لهـا عـادات كسـب النفايـل ومدحي لبو زايد محمد بـلا قيـس .. .. مدحٍ لـو يقـارن بفعلـه .. قلايـل الله يمهّـل بـه ويخـزي لاباليـس .. .. وايدوم ذكره فـوق كـل الطوايـل ------------------------------------------ ،؛، .. لا ضاقت الدنيـــا .. ،؛، لا ضاقت الدنيا عليك وتشاويت .. .. خلق الله اللي فالرخا كان واجد ومن العرب والصوت والثوب مليت .. .. وقامت عليك هموم بأقعا تراجد فارفع يديك لخالقك لا توضيت .. .. وادعو تراك أقرب إليا صرت ساجد ووقت من أوقاتك للأوقات توقيت .. .. وسجل لنفسك في المساجد تواجد وأبشر بفزعة حامي الدين والبيت .. .. إليا هجدك من الهواجيس هاجد اللي يميت الحي ثم يحيي الميت .. .. لرضاه شف كثر البشر بالمساجد ---------------------------------------- ،؛،.. الــبـارحـــة ..،؛، البارحة ربي كتب لي ومريت .. ..دربٍ عليه بروق الأحباب لاحت جيت المكان اللي جمعنا وخفيت .. .. وقامت جروحي للجوارح وصاحت ياليتني في لفة الدرب زليت .. .. كان العيون من الدموع استباحت التم غيم الدمع من يوم لفيت .. .. وورقا القصيد لشوفة الغيم ناحت وضحكت ماأبغي الناس تدري يبالفيت .. .. لكنها غصبٍ على العين ساحت حارت دموعي في عيوني وصديت .. .. وأرمشت مابيها تبين .. وطاحت وعقبه برق في العين براق .. واسقيت .. .. خدي ووناتي بصدري تلاحت وأنا أحسب إني في فراقه تشافيت .. .. وان عبرتي من مدخل الزاد زاحت اللي يحسب إني على البعد سجيت .. .. والا ان عيوني للرقاد استباحت ياليتني من قبل لا أحبه اقفيت .. .. والا ان دروبي عن دروبه تناحت أهون علي من البكا والتناهيت .. .. وأشلا من سدودٍ على الناس باحت عرفت كيف الحي يفرق عن الميت .. .. وعرفت قيمة نعمتي يوم راحت قولوله اني عقب بعده تدانيت .. .. ورجلي عن دروب المعافين شاحت البعد نار وطاعة العذل كبريت .. .. يقصر على بعده .. ترى الكبد فاحت ------------------------------------------ ،؛،.. أنا جـــيت كـــلي ..،؛، ماهو بكيفك عقب شيٍ حصلي .. .. من ذوّق المحتاج يصبر الى احرجْه خليتني من حلو حاليك احلي .. .. واصبحت مدمن حب والقلب روّجْه بين العروق وصار مافيه " ملي " .. .. الا وله جُرّه تمرّه وتسهَجْه وذود الغلا في عشب قلبي تفلي .. .. وتراب صدري للمطر منـْك ما احوجْه يمحل الى صدّيت ويموت يا اللي .. .. صديت عنـّه والله احياه واخرجْه ولي خاطر ٍ يسألـْك من لي ياخلي؟ .. .. غيبتـْك تلعب به وشوفتـْك تبهجْه ولي عين حالي دمعها لك يهلي .. .. وانْ رحْت راحت مالح الدمع تزعجْه غالي ولا يحتاج بسّك تغلي .. .. غلاك اخذ قلبي وروّضـْه واسرجْه ولو قلت ياعيني بصدره تملي .. .. شافت خفوق ٍ حبك الذرْب توّجْه وماهو على كيفك عقب ما حصلي .. .. من ذوّق المحتاج يصبر الى ازعجْه (عطيتني وجهك وانا جيت كلي .. .. محروم والمحروم ما ينعطا وجْه) ----------------------------------------- ،؛،.. في كــــفـــها خــــاتــــــم ..،؛، في كفها خاتم وفي خدها خال .. .. وفي عينها غيم وعمارات وبيوت الخال شفته واضحٍ من ورى الشال .. .. والخاتم الماس مرصع بياقوت والعمر في العشرين كني مانيب زال .. .. والجسم كنه من جبل ثلج منحوت جبل ولكن لا طرقه الهوى مال .. .. وخطواتها ماهي بالأمتار بالفوت ماهي تشوف الشمس من ظل الاظلال .. .. ومصيافها ما بين لندن وبيروت الشمس لو تشرق على جسمها سال .. .. كنها مجسم محلبيه وبسكوت ومن صغر مبسمها شقى حالها الحال .. .. ما تاكل الا اللوز والخوخ والتوت ماهي تشوف الناس تمشي وتختال .. .. ومرٍ على جاكور ومرٍ على حوت وخدامتين وهي بلا زوج وعيال .. .. وسمعتها تدعي الدريول يياقوت وثلاث جوالات ماهو جوال .. .. ومن يوم خلقت كل شيٍ بريموت لكن قلبي مالها فيه مثقال .. .. وش قرب البشت الحساوي من الكوت ياجعلها للي خذت قلبي نعال .. .. اللي غلاها عندي الشرب والقوت حوريةٍ من فوقها الليل شلال .. .. كنها صبحٍ فوقها الليل مكتوت قلبي لها من كثرة الشوق مشخال .. .. وللسر عن كل المخاليق تابوت تنحت لي من الحب في القلب تمثال .. .. وحبي لها ينحت على الساحه بيوت في عينها ماكل رجال رجال .. .. وأقصى حدود الوصل في سلمها الصوت زودٍ على القلب وعلى الحسن من آل .. .. روسٍ لهم روسٍ على متونها بشووت الى رضت موتوا يا أهل روس الأموال .. .. وإلى زعلت جربت وش سكرة الموت من دونها رجلي وراكب وخيال .. .. والسيف والأمواج والبحر والحوت ------------------------------------------- ،؛،.. دكـــــتور العـــيون ..،؛، (يامؤمن الريفي )انا جيتك زبون.. .. جيتك على مدح اكثر الناس وعنيت جيت وتعالى الله عمّا يشركون.. .. لولاه (يامؤمن) لطبك ما اهتديت راضي بحكم الله علي مهما يكون.. .. عالج عيوني لو بعد طبك عميت ودي اخاشر فالبصر من يبصرون.. .. واشوف دربي لا سرحت ولا ضويت والى قنصت اثبت مع اللي يثبتون.. .. واشوف طيري كل ما اوميت ودعيت ياااكثر ما يضرب خويي (الطابلون).. .. من كثر ما اكلّته مطباات وكليت وودي اشوف اللي علي يعرضون.. .. وبعض الليالي ودي اسري دون ليت وااشوف ناس ٍ فالقفا ما يرحمون.. .. اما وقفت لصاحبي والا مشيت من دون نظاره ولا هم يحزنون.. .. يااا كثر ما كسّرت كشمات وشريت لكنٌ يا دكتور جعلك ما تهون.. .. ابغيك كلمت راس دامك ما بديت اسمع......ولا ابغي اللي وزانك يسمعون.. .. ربي كتب يكشف لك اسراري وجيت صورة عديل الروح عندك فالعيون.. .. واخاف تقطعها بموسك ما وعيت ولا عليك امر..اطوها تحت الجفون.. .. وعقبه لو تقطع عيوني ما شكيت هي راس مالي والعرب ما يدركون.. .. اني على باب الممات و ما حكيت ياقو قلبي يوم قفن الضعون.. .. اللي على ذاك الموادع ما بكيت ويا صبر صبري والعواذل يحسبون.. .. اني دلهت من الهوى والا سليت اسكت عساهم من سكاتي يسكتون.. .. وانا عن اللي في ضميري ما انتهيت وادور الفرحه مع اللي يسهرون.. .. وان ذكروني خذت فنجال وسريت اخذت من وقتك يا دكتور العيون.. .. عالج عيوني لو بعد طبك عميت واستر علي واللي معك لا يفطنون.. .. انت الوحيد اللي بعد ربي دريت |
||
|
|
 |
| مواقع النشر |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| اروع قصيدة قرأتها في الشجاعة ( الأسد قاتل الأسد ) | ابن محمود | الديوان الأدبي | 3 | 06-13-2009 11:14 PM |
| كلمات قرأتها فأعجبتني | تلميذ الأيام | الــمـنـتـدى الـعـام | 6 | 11-01-2008 12:32 AM |
| أجمل قصة قرأتها | ابوعهد | الــمـنـتـدى الـعـام | 5 | 02-29-2008 01:50 PM |
| من أجمل القصائد التي قرأتها | بن وافي | الديوان الأدبي | 2 | 07-24-2007 04:54 PM |
| لن تندم ان قرأتها......... قصه حقيقيه | أبو عبدالعزيز | الــمـنـتـدى الـعـام | 5 | 05-13-2006 11:15 AM |
 |
 |
 |
العرض العادي
