اكتب اجمل قصيدة قرأتها

[سهيل2012]

لوكان ماالقى بين الاعذار معذار
ماصد وجهي عن هبوب الذواري

ابقى على ماكنت حشمه ومقدار
مالي ومال اعذار باب الطواري

اشوف في بعض المعاذير
مرارلا هي تجملني ولا هي مزاري

وشلي بها الدنيا ولو صار ماصار
الا النواايا الصادقه في اعتذاري

ماني على بحر المعاااااااااذير زوار
الله ولا عذرا -يهد (اعتباري )


الشاعر / حسن عابد

[سهيل2012]

طابت اوقاتكم



:::

::


جيت أزرع الخطوة وجيت أصنع من الصبر الحِذا
وأطوي على متن الرجا مشوار يتحـدّى العبـور

" أيوب " صاغ الصبر في (حِكمه) .. ومثله يُحتذا
حتى لو أن الصبر يرحل بك على عمق القبـور

طاوع زمانك يا طويل البـال وأرقـب وأشحـذا
لابد للفرصة تطق البـاب فـي لحظـة سـرور

حتى شروط الجزم تبطـل لـو تقـول إلا " إذا "
مادام خُفّك من جلود الصبر فأدعس يـا صَبُـور

لا تلتفت للريح لو تعصـف علـى عينـك قَـذا
طبع الجبل ما هزتـه ريـح ٍ ولا منهـا يمـور

مثل الجبل مثل الجمـل مثـل الصمـود وهكـذا
مثل البحر مثل الشجر مثل المطر مثـل الزهـور

الورد ما هو ورد لا مـا صـار عابـق بالشـذا
خلك شبيه العود الأزرق لأحترق فـاح البخـور

لذا .. وهذي من وصايا العَـوْد يسبقهـا "لـذا"
كنّه ورث " لقمان" وانا أبنه وصاحبنـي غـرور

ألبس ثياب الصبر يا أبْني وألْهم الحمكـة غِـذا
واللي تَودّه صار بيدك دام فـي بـؤرة شعـور

وخلك على الفرصة حريص ولا يجي منك الأذى
لا تدمي الصيدة ليا صـارت بمخـلاب الصقـور

الصبر يا هو مـرّ يجـرحْ ، والعـلاج المنقـذا
يجرح ويمرح كل علة فـي معاليـق الصـدور

يـا حبـذا جـرحٍ تداويـه المَـرار و حـبـذا
وخزٍ من الأشواك يتحالف مع حـاوي العطـور

^^^

وسلامتكم مع أطيب التحايا من محبكم / الهاجس

من أصدقاء سهيل ( شاعر غامدي من بالجرشي )

[سهيل2012]

مما راق لسهيل //

ماكل دخان في المجلس يجيله قبول..
من قال دخان عود الطيب مثل البكت ؟

ولا كل قافٍ سمعته قلت ليته يطول..
قيفان ماهزت احساسي ولا حرّكت

ما كل راعي سوالف ملتزم بالأصول..
كم سالفه من خيال الراوي تفبركت..

يامضحك الناس مايطري عليك الفضول ؟
الناس تضحك معك ولا عليك ضحكت

ان كان منت بقايل شي يملى العقول..
الصمت خيرً لك من ترديد بعض النكت

محد بقايل لراعي الصمت ليته يقول..
لكن كم قيل للهرّاج ليته سكت

لو القصايد تقدم للقضايا حلول..
ماكل ساعه نزف جرحك وعينك بكت ..

في سكة الوهم ماتلقى محطة وصول..
كم ضيّعت ناس قدامك وناس اهلكت

قبلك ترانا مشيناها طلوع ونزول..
سقنا الركايب بدرب الجهل لين بركت..

حتى وصلنا بعد مرت علينا الفصول..
لنهاية الصيف وأيام الخريف أوشكت

من هرجنا وش مكسبنا بعد مانزول ؟؟
ياما حكينا وياما الناس عنّا حكت..

الهرج من دون قال الله وقال الرسول..
جسماً بلا روح لو ان العقول ادركت

م/ن

[صقر الحجاز]

هههههه رهيب ياسهيل رهيب لكن استلم نقض جرير للفكرة لا للقصيدة والشاعر فلهما مني كل الاعجاب
---------------------------------------------------------------------------------------------------
---------------------------------------------------------------------------------------------------
---------------------------------------------------------------------------------------------------
[poem="type=3 font="bold x-large arial, helvetica, sans-serif""]لا بله الا استفاق الراس بعد الذبول =حتى صدور الذياب من العرب وكوكت
يامن توقع لشجرة ثابته باالافول=الجبهة جاتك بها يالشيخ وتحركت
هذي حقول السنا ماهي بأيت حقول=مداتها خير ماتقدر تقول اشركت
ماثبت اقوال فارس نجد غير الفعول =يوم الثريا قهر بسنونها صرصكت[/poem]

[سهيل2012]

صح لسانك يا صقر ..

وهذه قصيدة راقت لي قرأتها منذ يومين /

ياللي تواعدني من الصيف للصيف

مابيك هذا الصيف تحسب احسابي

انا تعبت من السفر والتكاليف
البنك لولا القرض سكر حسابي

يعجبك لو دنياي جتني على الكيف
عليك ماوالله يطول غيابي

لاجيك في لندن وباريس واجنيف
من وين ماتذهب احدد ذهابي

اصرف وكن الي صرفته تناتيف
من مالي الي ماتشيله اركابي

واعطي بعد بخشيش كثر المصاريف
عندي ملذات الحياه بشبابي

اخرب الدنيا من السيف للسيف
حتى الهضاب اكتب عليها هضابي

وفي الفله الي فوق روس المشاريف
كن السحاب استغفر الله .....

اللي درايشها تبطل على الريف
اجلس معك واحكي حكاية اعجابي

واختار لي غيمه وغيمه مواليف
اكتب عليهن في حضورك كتابي

بالاوله اكتب هلا فيك يالضيف
انت المعزب تحت امرك جنابي

و بالثانيه اكتب احبك ولا عيف
حبك ولو كان السبب في عذابي

شف وين ودتني معاك السواليف
وانا فقير وراس مالي ثيابي

فقير مال اسرح مع الحلم والطيف
كرامتي لسود الليالي زهابي

عزيز نفس ولا انحني للصواديف
في عز جرحي كنت ناقل صوابي

لكن معك عانيت بعض المواقيف
غير الغياب وحبك اللي صطابي

منك تبي تعرف متى وانذبح كيف ؟
بسؤالك الي ضاق منه جوابي

لا قلت حاجز وين بتسافر الصيف
تحسبني وسط البنك فايض احسابي

وانا علي اقصاد غير المصاريف
الوقت مايرحم سهرك وعذابي

لـ / الشاعر ثامر شبيب الدقباسي

[صقر الحجاز]

احمد الناصر وتركيباته الفريدة سحرت عيني فشلعتها من ديوانه
--------------------
البارحه واليـوم عينـي

البارحه واليـوم عينـي طواريهـا كثيـره= عيني طواريها كثيره وش اسـوي بعينـي
ماجا خبر وعلوم وطروش من ديره لديـره= وطروش من ديره لديره يسلـون االحزينـي
من ينصر المظلوم كوده الى سمع السريره=كوده الى سمع السريره حكم بينـه وبينـي
هجر وسهر وهموم ضاقت على كل الجزيره=ضاقت علي كل الجزيره وانا ضلعي متينـي
لاهل الغرام سلوم ومصيبه الفرقى كبيـره=ومصيبه الفرقى كبيره عساهـا ماتجينـي
عيني تعاف النـوم بالليـل يالله الستيـره=بالليل يالله الستيـره يبـا الخافـي يبينـي
نادو عقيد القوم ياقـوم ملـزوم استشيـره=ياقوم ملزوم استشيره لـو انـه مايبينـي
يازارع اليشموم ليتك تبيع بحسـن سيـره=ليتك تبيع بحسن سيره علـي او تشترينـي
ان بعت باول سوم سموك ابو خير وخيـره=سموك ابو خير وخيره وابو قلـب فطينـي
رضيت بالمقسوم سافر عساها لك سفيـره=سافر عساها لك سفيره وانا وش في يديني
انا له المحكوم ماهمنـي مخلـوق غيـره=ماهمني مخلوق غيـره بحبـه مشترينـي
لو قيل لي منجوم راضي وخلوها قصيـره=راضي وخلوها قصيـره ولا بّيـح كنينـي--------------------------------------------------------------------------------------

[صقر الحجاز]

صالح بن رويجح الهذلي وعلى جزءين الاول مخومس والثاني مروبع


سلام من شاهز نشى برقة من القبلة مشى ومع الرشى مابات ليلة ورمشى وتقال عين الذيب برقة
والبرق يقفاة الرعد ينهل بالماء والبرد من كل حد من الاحد لين الاحد ويسيل من غربة وشرقة
ومن السماء والسيل ماء مايدحم حدود وحمى مايدحمة غير العمى والضلع عد الضلع وارقة
هذاك حنا يوم جينا حروة الي محترينا فازعينا للرجال الطيبينا رحمة الله والسلام




عينت بنت ام الرسن وظروسها الي سوسن ماعاد يبقى غير سن السوس نابة ناش عرقة
الله يعوظها بدل ظرساً بظرساً في المحل وان ماحصل والزين عيى يكتمل لاعاد نتعب فوق طرقة
الصبح تبشر بالسعة لاراد ربي واقلعة لايعدم الباقي معة ترتاح من همة وحرقة
حنا هذيل نقول هاك افهم وعلم من وراك العلم جاك احرص ولايبدي خفاك الطيبة مسك الختام

[صقر الحجاز]

يا وجودي كل ما هب نسناس الشمال
وجد من حده زمانه على اللي ما يبيه

و يا وجودي كل ما أضحيت ثم مال الظلال
لا غفت عيني و لا ذقت شي مشتهيه

وجد من قفى و هو في رجا كلمة تعال
و التفت من عقب ما أقفى و لا احد لد فيه

و يا عذابي لا دنا الليل من روس الجبال
و أنتهى يوم من العمر ما عاد أرتجيه

و أنتي أبعد من سما الحلم و وصالك محال
يا بعد من هل دمعي ضحى الفرقا عليه

يا غناتي لا تحسبين دمعي يوم سال
ضعف و لا خوف و لا كذا ولا كذيه

و الله اني من رجال يضدون الرجال
لكن الحظ الردي ساق دمعي كل أبيه

و الله اني كل ما دار حواليك الجدال
قمت كن الموت يشر على قبري بديه

و الله ان قد لي و أنا أصد لا جالك مجال
صدة اللي لا تضايق تذكر قبر أخيه

و من سألني قلت مدري و اذا عاد السؤال
قلت له تكفي سؤالك ترى ما هو وجيه

وش تبي أقول عمن ترى ذبحي حلال
و الخطا منها علي صرت أحبه و أهتويه

عذرها لو ما تعذر مثل و أضرب مثال
واحد ما يعرف الحر الأشقر يشتويه

و أن رجعنا للتواصيف لله الكمال
لنتهى ليل المزايين جاتك تبتديه

كنها غفل مع البدو طاويها الحيال
ما يميز وصفها الا نبيه من نبيه

واهني اللي وصلها وذاق الزلال
رشفة مع غفلة الناس من فيها لفيه

و عزتي للي سواتي عشق ما لا يطال
و يوم طاله ضيع الحلم بين أمه وأبيه

يا أول أحلام الطفوله على حد الخيال
الرجا بالي حمى البيت من حملة بريه

حال دونك سيف عنتر وتاسع الحول حول حال
بثر حول حال دونك و أنا أدعي هيه هيه

هيه ياللي غرك الحسن و أطغاك الجمال
و الله ان اموت ما شفت لأوصافك شبيه

لو يسام الحسن والتيه بجنيه و ريال
ما بقى في سوق غيرك ريال ولا جنيه

كيف أهدك للمقادير و أنتي راس مال
راس مال و مال و المال ما يعطى السفيه

حافظك حفظي لعيني و رمشي لك جلال
و أنتي تشحين بالما و أنا شفي مويه

شايف ظلمك و ساكت و طال الليل طال
لا تركتي طعن قلبي و أنا ما قلت ليه

لو بقى للهيل صبر على فوح الدلال
ما بقى للقلب صبر على شي يجيه

كنت أحسب أن الغلا زال و أثره لايزال
فالحشا ما كنه الا دخيل في وجيه

ساقني حبك على الموت و سنيني هزال
و الظروف أقسى من الظلم للعرض النزيه

و أنتي تسوقين عقلي على حد الهبال
تحسبين أن من بغى شي يقدر يشتريه

ولا أنا يا وجد حالي وجود ما يقال
وجد من ضحى بغاليه لرضا والديه

و يا وجودي يا أول العمر قبل ألبس عقال
وجد من باع آخر العمر في رغبة ذويه

و يا وجودي كل ما هب صوتك من شمال
وجد من حده زمانه على اللي ما يبيه


ضيدآنّ بنّ قضعَـآنّ

[سهيل2012]

يا مرحبا بالحاضر اللي كان في حضن الغياب
غبتي وجيتي في زمان ٍ كنت أدوّر غايبه

هايم على وجه الصحاري وامتلى شوفي سراب
كنت أرسل النظرة وترجع كل نظرة خايبه

واليوم أنا اشوف الخيال اللي تجسّد في ثياب
شفْتُه ملأ عيني .. ونظْراتي تجاهه صايبه

مثل الطفل حالي .. ليا شاف الحلى سال اللعاب
وأيضا .. مثيل العاشق الملهوف روحه ذايبه

فيني براء الطفل والحكمة وبي نزْق الشباب
والحب في نفسي غريزة ما تشوبه شايبه

الظن في مثلك حسنْ ما أظن ظني فيك خاب
وأنا اشهد أنك في عيوني ما تعيبك عايبه

ودي بمن يسرح بفكري فوق هامات السحاب
وأغوص في عمقه وادوّر كل فكرة سايبه

يمكن تقولي لا نظرتيني هلا به ويش جاب
واقول مثلك لا نظرتك مرحبا وش جايبه

مناي تحملها كتوف الصدق في درب الصعاب
والعذق ترقى له متون النخل لأجل أطايبه

شُوف الأماني كيف تنبت بين جلمود الهضاب
لا صارت الغيمة عليها كل ليلة آيبه

ولو تسأليني وش سبب ترحيبتي جاك الجواب
لكنْ على ماقيل .. خلّ الغايبه للغايبه

***
الشاعر : الهاجس .. شاعر غامدي من أصدقائي ..

إهدا لأخي أبي عبدالرحمن لأنه ميّز الموضوع ..

[حسن عابد]

من كثر ما طحت بحياتي تعلمت
ما يسمع اقوالي سوا اللي نشدها ..
مالي ومال القيل وان قلت تممت
واللي جهل باسباب صمتي نقدها! ..
الصمت بعضه ما يوفي عن الصمت
آشوح عن بعض السوالف واردها ..
وان كانها عالحق لا جيت سلمت
وان كانها عالفضل فاحسب و عدها ..
عشت الحياة اللي سببها تألمت
و النفس حابسها تبيح بسدها ..
أكبر عن الهذره و حتى لو انلمت
واصحاب ما تسوى عقبنا بلدها ..
ان كان ما شاب الشعر كثر ما همت
شاب الخفوق اللي شكا من صددها ..
الجادل اللي من هواها تسممت
ما كني الا ناقص احمل نكدها ..
أوضاع بلدان العرب توجب الشمت
وللا الحميه مات فينا ولدها ..
و الوقت ما رد الردي يوم ما نمت
اطلب من ايامي تعجل سعدها ..
الحظ مايل و المواقف تبي صمت
واحوالي ابديها لرجل(ن) نشدها ..

حمزة الهاشمي