|
|
|
04-26-2013
|
رقم المشاركة : ( 281 ) | ||
|
شاعر
|
رد: اكتب اجمل قصيدة قرأتها
وهذه من طرائف ابن جدلان
جاء يوم من الأيام وصله رجل لمشوار وسيارته ددسن قديمه يوم وصله وجاء بن جدلان يبي ينزل قال له الرجل : يابن جدلان أنا سويت فيك معروف وو صلتك مشوارك أبيك تمدح سيارتي فأضطر الشاعر / بن جدلان أن يوافق لأنه يبي يرد الجميل فقال : يا راكب اللي دركسونـه دركسـون,,,ومكينتـه تحـت كبوتـه مكيـنـه وسويكه سويك والطبلـون طبلـون,,,ويسـاره يسـاره ويمينـه يميـنـه وان كان كفراته برجستونٍ برجستون,,,واللي ماهي زينـةٍ ماهيـب زينـة يمشي على الهون لا مشوه بالهـون,,,وإن كنهـم شاحطينـه شاحطينـه ــــــــــــــــــــ.....ــــــــــــــــــــ..... ــــــــــــــــــــ......ـــــــــــــــــــــ ويقولون كان معه مرسيدس من الأولات وقابله في الخط سيارات مرسيدس من التاليات اللي مقصوص خشمها من قدام (الفنس) و يوم شافها تعدته هو وموتره قال: وخري يالفنس عن سمح الاقبالي,,,,,,لعنبوا ذاالوجه وجـه الفلبينـي ماضهرتي غير في جيلنا التالـي,,,,,,في غلا المعزا ورخص البعاريني ــــــــــــــــــــ.....ــــــــــــــــــــ..... ــــــــــــــــــــ......ـــــــــــــــــــــ كان أبن ( جدلان ) معزوم عند تاجر معروف في البر . وكان هذا الرجال يحب (السلق) عنده في بيته أكثر من 6 سلق. يوم حضروا كل الضيوف قال أبن جدلان للمعزب : انا عندي قصيده فيك ودي أقولها. قال المعزب: تفضل يأبن جدلان: يوم خلصت القصيده!! حب المعزب يمزح مع أبن جدلان قال له: ماودك تقول قصيده في السلقه!! قال له أبن جدلان: القصيده كانت في السلقه. بس يوم شفتك قلت أنت ولا السلقه!!! ــــــــــــــــــــ.....ــــــــــــــــــــ..... ــــــــــــــــــــ......ـــــــــــــــــــــ سألوا بن جدلان عن الحداثه في الشعر الشعبي وهل يستطيع أن ينظم بيت على الاقل من الشعر الحداثي : قال بن جدلان : على جناح الباميه وقّع الفـول,,,,,,,,,والكوسة الخضرا تحب البطاطه الوقت غدار أقول في وقتي اللي معك ما يكتمل = الوقت غدار و الدنيا قليلة حلا من شاف و جه الغلا يضحك بوجه الملل = و الله ان يخلي لزومه و يتلقى الخلا آهات روسنا شابت و دنيانا على زمة صباها = و امتلينا آهات من بعد الطموحات الصعيبه كثرة الآهات من كثر الجروح اللي وراها = كل جرح منه آه و كل آه من شيبه هوى النفس عز الله ان آخر هوى النفس الاقناع = مهما يكون النصح و العذل و اللوم لا واهني بعض العرب يكبر بساع = و يزود علوم و يزتاد بعلوم و حنا كبرنا غير في بعض الأوضاع = و الله ما كنا كبرنا و لا يوم ياحبيبي يا حبيبي و اتحاشا منك كلمة يا حبيبي = لأنك أكبر من مجال الحب كله و المحبه الحب دخلت في الحب تصنيفه ورد أعتبار = وأجتزت كل المراحل .مرحله. مرحله غلطان توي دريت أن المحبه دمـار = تأثر على حاضر العاشق ومستقبلـه سويت مثل العرب الأفغان في قندهار = أن حاربو مشكله وأن عودوا مشكله |
||
|
|
|||
|
|
04-30-2013
|
رقم المشاركة : ( 282 ) | ||
|
شاعر
|
رد: اكتب اجمل قصيدة قرأتها
يا مصيبة سهيل من آفة الأخبار
بلغوا صادق الراوي وقولوله شايب المنتدى لِهْ حِشمه ومقدار لا حضر كلهم قاموا ووقفوله لا يصدق رواة الكذب والفجار هذي رواية ٍ ما هي بمعقوله كان به علم صدق وما علاه غبار وين منقاش شيخ الحزب نادوله يجتمع حزبنا ويواجه الأخطار يعلن الحرب حرب ويقرع طبوله قائد المعركه منقاش لا تحتار بإذن رب السماء والأرض محلوله معركه طاحنه بارودها والنار شوف منقاش داس الجمر برجوله يعرف إن المعارك والعلوم كبار جمّع الملح والبارود ف حثوله صفّ صفه معه نخبه من الشعار طاروا مع السما والبدر وصلوله ثم حطّوا خلال بعينه ومسمار لين طاح متساوي ثم أخذ طوله الثريا بعد موت البدر تختار واحد (ن) من حدانا مثّل الدوله كان منقاش والله يستحق الجار شيخ مطنوخ في فعله وفي قوله وإن سهيل العتيبي يلفت الأنظار نجم ما فيه نجم ٍ يشبه لزوله يمكن تقول صادق ف آخر المشوار شايب المنتدى اللي ماخذ ٍ دوله وإن تغلّت نقول إن الحياه أقدار تاخذ الشيخ أبو سيفين وأدعوله |
||
|
|
|
10-27-2013
|
رقم المشاركة : ( 283 ) | ||
|
شاعر
|
رد: اكتب اجمل قصيدة قرأتها
(( فنجال وعلوم رجال ))
هذا سلمكم الله جندي شغال خفير عسكري على بوابة في دائرة عسكرية في مكة المكرمة , الجندي اسمه حسن المطيري وكان مستلم خفارة وجاه في ذاك اليوم ولد عمه واسمه الحميدي وكان الحميدي رجل كبير في السن وحسن كان في عز شبابه المهم قام حسن كعادة ابناء القبائل بواجب الضيافة للحميدي وفي اثناء ذلك حضر الضابط المناوب ولم يجد حسن واقفا في خفارته رغم انه في نفس المكان ولكنه كان جالسا ، فدار الحديث التالي بين الضابط وبين الجندي حسن المطيري : الضابط : اشبك سايب الخفارة وقاعد ؟؟ حسن : لقد حضر ابن عم لي وانا اقوم بواجب الضيافة نحوه الضابط هو ابن عمك مايدري ان هذا مكان شغل ؟؟ حسن : ان هذه من عاداتنا وتقاليدنا في اكرام الضيف وليس للضيف مكان او زمان عند العرب الضابط : هيا سيب القهوة وروح امسك الخفارة فقاطع الحميدي الحديث وقال انا منصرف وعندي بعض الاشغال (يبي يقصر الشر ولا يريد لحسن المضرة ) فذهب الحميدي ونار حسن متأججة لما فعله الضابط الذي لايعرف سلوم القبائل فجاشت قريحته بهذه الابيات التالية : يالحميدي كان طاري لك طواري سل سيفك واسرج الصفرا الاصيلة الزمان الشين شفناله شواري وان عصانا الوقت مابالوقت حيلة نصبر لصكات دنيانا جباري حكمة ماعندنا فيها وسيلة كن في قلبي مثل زرق الشباري شب في جوفي مثل حام المليلة يوم اميز سلطة عيال الحواري كيف نرضاها وحنا من قبيلة نمتثل لامر المولد والبخاري لامرهم ننصاع بنفوس ذليلة وربعنا راحو مثل برق الحباري واصبح المقلط لبياع البليلة وان سكتنا ليت تاكلنا الضواري خذ يمين الشرع مافينا عقيلة والختام اعمار خلق الله عواري من يموت بعز خير من الفشيلة فرد عليه الشايب بهالقصيدة : ياحسن ليتك بما في القلب داري كان ماشبيت في راس الفتيلة راح وقت السيف وحزام السواري يوم كلن ساعده تشفي غليله عقب صوت الخيل جا صوت البواري وكل شي جابت الشركه بديله والفرس ماتلحق الجيب السفاري وارد اليابان يومٍ فر ويله والدبش ماعاد له بالسوق شاري ياخذوها منك باسعار قليلة والجمل لو صاحبه جوعان عاري ماتساوي قيمته ثوب وفنيلة تحسب انك شيخ لاقالوا مطاري راح وقتك ياولد وش تعتزيله يعتزي من راجع البنك العقاري تاجرن كل العزاوي تستويله ذاك شيخ شيوخ لو اصله بخاري دام معه فلوس مايوجد مثيله والزمان اللي تبي ماله مواري راح مع جدي وجدك لا تخيله مالك الا الصبر يالنجم الزهاري عقب نورك حال من دونه مخيله والختام اللي يريد الله جاري مايموت الادمي والله كفيله م / ن آخر مواضيعي توقيع » سهيل2012 وداعا من سهيل وسامحوني وإن طالَ الغيابُ تذكروني أودعكم وقد ذرفتْ دموعي وأنتمْ يا رفاقي ودعوني |
||
|
|
|
10-29-2013
|
رقم المشاركة : ( 284 ) | ||
|
شاعر
|
رد: اكتب اجمل قصيدة قرأتها
وهذه قصيدة للشيخ تركي بن حميد العتيبي في وصف القهوة يا ما حلا يا عبيد في وقت الاسفـار جذب الفراش وشب ضـو المنـاره مع دلة تجـذا علـى واهـج النـار ونجر اليـا حـرك تزايـد عبـاره النجـر دق وجاوبـه كـل مـرار ما لفه الملفـوف مـن دون جـاره في ربعة ماهيب تحجب عن الجـار لامن ولد الـلاش مـا شـب نـاره وأخيـر منهـا رقعتيـن بالأسحـار لا طاب نوم اللـي حياتـه خسـاره تلقاه فـي يـومٍ يضيعـن الأفكـار يومٍ على المخلوق ما أطول نهـاره وقم في قصير البيت حشمة ومقـدار لو جار فإدمح له ولو بـه خسـاره ترى النبي وصى على الجار لو جار خذ الحذر يا عبيـد عقـب النـذاره رافق قوي الديـن حفّـاظ الأسـرار ينفعك في يـومٍ يجـي بـه كـراره ترى الهوى والغي هن شر الأشرار ومن داس عار الناس داسوا لعـاره جنب ردي الكـار مـا فيـه تعبـار ما فيه مـن فعـل المناعيـر شـاره واسلم ودم بالخير يا طيـر غيمـار وصلوا على المختار ما غار غـاره |
||
|
|
|
10-30-2013
|
رقم المشاركة : ( 285 ) | ||
|
شاعر
|
رد: اكتب اجمل قصيدة قرأتها
ياوجودي وجد من صفق على ماضي شبابه
بان شيبه والسنين اللي يبيهن خالفنه غرته خضر السنين وراح عمره ما درى به وغوته وارفعنه لين سج وحولنه ياوجودي وجد عودن لا عيال ولا قرابه ما جداه الا يون ويردف الونه بونه ما لقي فزعة رفيق ولا دعاةٍ مستجابه كل ما أمسى له بظن خيبت الايام ظنه هذا وجدي في غياب اللي نزح والله جابه صح فرض الله فرض وسنة الرسول سنه |
||
|
|
|
11-01-2013
|
رقم المشاركة : ( 286 ) | ||
|
شاعر
|
رد: اكتب اجمل قصيدة قرأتها
ياللي بسطت الارض تحت السموات ياللي القضا في يدك زينـه وشينـه يامن لوجهك ننحني كـل الاوقـات وكتبت رزق الادمـي فـي جبينـه ترحم سليل المجد رجـل المهمـات اللي رفع شان العرب فـي سنينـه اللي رسم تاريخ فخـر وبطـولات وعـز وحمـاس كننـا عايشيـنـه هذاك (( فيصل)) لاتداعو بالاصوات تقدم علـى كـل المراجـل يمينـه وقالوا ان فيصل مات واقول مامات من شاف خالد شاف فيصـل بعينـه نفس الشجاعه والنظر والطموحـات متـورث ٍ عزمـه وحزمـه ولينـه ياخالد الفيصـل لاشفنـاك بالـذات كـن المليـك الفيصلـي شايفيـنـه يامير لك في شدة الوقـت وقفـات تاطا علـى وجـه العـدو وتهينـه يامير لك في ميلـة الوقـت مـدات تقضـي مطاليـب الفقيـر وتعينـه ياميـر ياميـر الشيـم والمـروات المجد ماحـدٍ حـال بينـك وبينـه عن مدتك تقصر يديـن ٍ طويـلات من طاولك يفشـل وتقصـر يدينـه وامارتك مارت جميـع الامـارات وصارت تفاخربـك مدينـه مدينـه عروسـة ٍ كسيتـهـا بالجنيـهـات وراحت تمخطر بالرضا والسكينـه وشاعر ورائد فكر ومنيـن ماجـات تشيلهـا شيـل البـحـر للسفيـنـه شخصية ٍ تحكي بها كـل الامـات يكفيك شر اهل الحسـد والضغينـه تزهابك حروف الشعر والعبـارات هـذا الصحيـح وكلنـا خابريـنـه والشاعر اللي ماصخر فيك الابيات ماعاد ابي شعـره ودينـي ودينـه واقبل يابو بنـدر سـلام وتحيـات ومشاعر ٍ هاضـت وكانـت دفينـه ومن قال فيصل مات تـراه مامـات من شاف فعلك شاف فيصل ابعينـه |
||
|
|
|
11-01-2013
|
رقم المشاركة : ( 287 ) | ||
|
شاعر
|
رد: اكتب اجمل قصيدة قرأتها
سلامي سـلامٍ يدفعـه صـادق التقديـر من أبواب حث النفس في فعـل واجبهـا سلامي على نجد وعلى المجمعه وسديـر وسلامي علـى ديـرة تميـم ومضاربهـا وسلامي سلام الود لتميـر وأهـل تميـر أهل وقفةٍ لا زال يحكـي الزمـان إبهـا وبعد السلام الله يمسـي الجميـع ابخيـر علومـي معـا نظـم القوافـي برتبـهـا دعاني مساعد والحقيقـة مساعـد غيـر معرفة مساعد عـام الأول ظفـرت إبهـا انا اريدحامل مسك , ماريـد نافـخ كيـر ومـن نظرتـي هـذي معرفتـه كاسبهـا رعى الماقف اللي من زحم به لقى التوقير ورعى السمعة اللي من عرفها يشيد إبهـا زبون الضرير اللي عليه الزمـان إمغيـر ورعى كرمةٍ حتى الصواني تضيق إبهـا وهذا طرف حايل , وهـذا فقـار بعيـر وهـذي يقلّطهـا , وهـاذيـك يندبـهـا بشبهه شط النيل , ما هـوب جمـة بيـر ينقـص بهـا الميّـاح دلـوه وجاذبـهـا اله نظرةٍ منهـا عقـول الرجـال اتحيـر وإذا عوّدت للمعرفـة .. جـاك بأطيبهـا وأنا والله إن ماني بمستغرب اللي يصيـر لحيثـه مـن رجـال عـزازٍ مناسبـهـا تميم الزحول اللي لـدرب العلـي تسيـر ولدهـا الشجاعـة والكرامـة لشايبـهـا أهل سطوةٍ يشبع بها بطـن ذيـب وطيـر وأهل هيبةٍ يآمن بهـا اللـي يلـوذ إبهـا تواريخهم من قبـل عنتـر وقبـل الزيـر بطـولات والله يلعـن الـلـي يكذبـهـا على صفحة الأمجاد سطّر لهـم تسطيـر وفناجيـل فرسـان المياديـن تشربـهـا ومدحي تميم .. أطلق لساني .. وله تبرير كبـار البخـوت اللـي كبـارٍ مناصبهـا لأجل دعوة مساعد لذا اليوم أحث السيـر ما غير أنظر الساعة وأسابـق عقاربهـا وساعة وصلت تمير .. كنّي من أهل تمير لقيت الرجال اللـي تضاحـك حواجبهـا تمنّيت تسقيهـا المخاييـل كـل عصيـر وتمنّيت يصبح جوّها .... مثل جـو أبهـا هـــاتـــوا الــمـــصـــحـــف000000000 هاتوا المصحف وخلوني اقـرا سورتيـن وامتنع من ضيقةٍ جاتنـي عقـب العشـا ذكر ربي والتعـوذ مـن ابليـس اللعيـن اتخذها لـي عويـنٍ ليـا ضـاق الحشـا لان ربي مـدرج الكـون رب العالميـن بيـده ارزاق الخلايـق ويفعـل مايـشـا هازم الاحزاب مهلك جنـود المشركيـن وبامره ايسير المطر في السحاب اللي نشا وفي الصراط يمر ربي بخلقـه اجمعيـن وكل عبـد مـره امـا بـرك والا مشـا الله الي خـرت اجباهنـا لـه ساجديـن وان غصبنا نسجد لغيـر ربـي لاحشـا فـيالله انـا طالبينـك وباسمـك نستعيـن ياعوينٍ ترجي النـاس عفـوك واتخشـا نسالك ياخالق العرش نصـر المسلميـن وانك تشرح خاطـر زاد همـه واحتشـا لو تهل العيـن شـي يكنـه مـن سنيـن سيلت وادي حنيفـه معـا وادي الرشـا ويعذلونه عالـمٍ فـي الزمـان مرفهيـن همهـم بـس الغـدا ياكلونـه والعـشـا فوالله اني مااتطـرق طريـق الجاهليـن والله انـي مااتسمـع لواشـي لاوشــا والصلاة اعلى محمـد شفيـع المومنيـن عـد مانبـت السنـا والخزامـا والنشـا يـــــــــا ضـــــيــــــــف 00000 الليل شكله يجذب الهـم ويخيـف وفيـه الثوانـي والدقايـق ثقيلـه حل الظلام وقربت حزة الضيـف ضيف يشارك وحدتي كـل ليلـه ياضيف قبل اتزورني قولي كيف القى لصداتـك وفرقـاك حيلـه ياضيف جياتك عذاب وعجاريـف وابغى اتخلص منك بائيت وسيلـه ياضيف منك ادموع عيني ذواريف وعسفتني عسف المهار الاصيلـه وشليت قلبي شلت النـود لريـف وشبيتنـي شـب الزنـاد الفتيلـه لاجيت تفتح لي ملفـات لرشيـف وتكشف لي اجروح الزمان العليله عذبتني وانا ادمي قلبي اصخيـف وشليت حملك والجمل 0مايشيلـه ياضيف بشرني عساهـا تخافيـف ياخوفتي لو انك راعـي طويلـه من ميلة الدنيا ومن سطوة الضيف انـا جويـر آلله ونــا دخيـلـه |
||
|
|
|
11-01-2013
|
رقم المشاركة : ( 288 ) | ||
|
شاعر
|
رد: اكتب اجمل قصيدة قرأتها
ويـــن الـــخــوي اللــي علــى بالـــي000000000000
ياحظ كثر العنـا وشهـو علـى شانـه ووش هو مصيري معك في وقتي التالي من ضيقة الصدر كني وسـط زنزانـه لي عام واكثر وانـا متغيـرٍ ن حالـي نفسي على الخايـع الممطـور ولهانـه وعن زحمة الناس ودي بالخلا الخالـي تغيب عنـي همـوم القلـب واحزانـه لاغاب عـن تغطيـة لرسـال جوالـي وتوانـك الجيـب للمطـراش مليانـه لكن وين الخـوي اللـي علـى بالـي اللي آصول الصداقـه معـه منصانـه ماهوب مـره رخيـص ومـرةٍ غالـي بينـي وبينـه صـداقـة ود وميـانـه وان ماتهيـا قطعـة الفرجـه اِلحالـي مادام نفسـي علـى المنهـاج نشطانـه بهدي لها جُل وقتي وارخـص ريالـي واقطع فجوج الخـلا واشـوف حيانـه واسج في كـل خبـتٍ مابـه ازوالـي الخبـت عنـدي ولا السـوده وشيبانـه خص ٍ لياجيـت روض نبتـه اشكالـي وسمعت طير الحمام ايكوسـر الحانـه وشمس العشي مالت وخالفني اضلالي وارتاح لارخى ظـلام الليـل جنحانـه وجريت جمر المناره تحـت معمالـي اسج واسري بفكـري واطلـق اعنانـه يحلالـي الليـل والتفكيـر يحـلالـي افكـر بصنـع رب الكـون سبحـانـه ويمضي بي الوقت وانـا دالـه سالـي يومٍ ن بعـض الاوادم صخـر السانـه لمجالس اهل الخنـا والقيـل والقالـي زين له ابليس عرض افـلان وافلانـه يبهت ويهتـك عسـى مافالـه ابفالـي صحيح بعض المجالـس مالهـا خانـه والبعد عنهـا بجـو الوحـده اشوالـي تغيب عنـي همـوم القلـب واحزانـه لاغاب عـن تغطيـة لرسـال جوالـي |
||
|
|
|
11-10-2013
|
رقم المشاركة : ( 289 ) | ||
|
شاعر
|
رد: اكتب اجمل قصيدة قرأتها
حداياهذيل مع العتبان
عـداد مانـادى المنـادي مـن طرفكـم ياعـتيــبـه سلام من ربعي هذيل اللي لها قـدر(ن) وهـيــبه مـد الوفـا مابينـنـا ياصحابـنـا مـاهـي غريــبـه والله يـدوم افراحنـا وافراحكـم فـي كـل عـيـد ابا انشد العراف عن ورع(ن) صغير وعود شيـــبه العود مشتال الولـد والـورع عـوده جـوف جيـبـه عود(ن) ليـا منـه فقـد ورعـه خسـاره مـن يجيبـه واللغز ماهو صعـب ياهـل الفكـر واراي السديــد الرد من عتيبه عـداد همـال الخيـال اللـي يخيـل شـرق والا فالمغـيبـه حياكم الله في محل الطيب والتكميل وعلوم(ن) عجـيبه حنـا عتيبـه نحتمـي الميقـاف يالهـذلان ونسـد الطليـبـه نـرسـي كـمـا تـرسـي الجـبـال وفالمـواقـف مانـحـيـد لغـــزك يقــص الـراس فـي وقـت اللــوازم والغـصيـبـه والا القلم يكـتب به الــتاريخ واللي ما درابه قد دريـبه وان كــان ماصبـنـاه مافـيـهـا بـخــوص ولا غــلـيـبـه الله يحيـيـكـم ولـيــل(ن) جـابـكـم لـيــل(ن) سـعــــيـد هذه حداية للشاعر صالح بن محمد بن رويجح المطرفي الهذلي الملقب ب(دكتور الحداء) ســـــــــــلام رديـــــــــــــــة تــــــــــــشرفــــــنا لـــــيا مـــنا نـــــــهجنــــــا للــــــصاحب اللــــــــي عــــن لـــــــــــزومه ما نــــــــصد ولاســــــهـجنا أنشهد أنــــــــــه يـــوم طــــــــــق الــــــباب فــــــزينــــا وابـــــتهــــجــنا لـــــيلة فـــــرح نــــفرح بــــــــها وتــــــــعيش بـــــــيــضان الـــــقـلــوب حـــــــنا هـــــــــــــــــــذيل اللي كـــــما ســـــرب الـــــــذيــاب الــيا نــــــــهجنا تـــــاريخـــــنا تـــــــــقـــراه بـالتـــــفـصـيـل مــن واقـــع حــــــــــجــجــنا مــاتـــــــلـتـــقي فـــــي عـــــــلومـــــــنــا نــقــص وزود الــيا هـــــرجنا وأمــــــــة مــــــــحمد مـــــــا عــــــــليها زود فــي كـــــــل الــــــشعوب حداية الشاعر محمد السناني لقبيلة الشيوخ من حرب يوم الخميس ليلة الجمعة بتاريخ 9/4/1428هـ سلام للي قدم الدعوةوجينـا مـن ديرنـا //////// ليادعانا راعي الواجب لماجوبه حضرنـا يستاهل التكميل شيخاً عن لزومه معتذرنا //////// جسر العلاقة بيننا مبني على الضلع الزبين جينا على بيرق ولد شيخاًشهرنا واشتهرنا ///////// ليا دعانا الماقف الغصاب مايقصر نظرنا حنا رجال جهينة اللي تعرف العالم خبرنـا //////// من سابق الأيام عند جهينة العلـم اليقيـن هذي حدايه من جزءين ومااعرف لمن هي له ولااعرف الردّ عليها : سلام والطيّب يحسب حساب ربعه وتحسبله مادام سلم الطيب يجري في دمه والعز سبله واللي تيّمم للصلاه ويمّته من غير قبله ماينغفر له ذنب لين يتوب ويحلف اليمين والثانيه صح ان مال ابناادم الا ماكتبله لو كان اشوف الوقت بين الناس يشد حبله بغيت اباري له وراع السبل ماله غير سبله واليّنها تبعد حصاة رزاح بين الطيبين وهذي حدايه من جزءين عباره عن ترحيبه ولغز ومااعرف ردّها : منّا سلام ومنك عذر تقول للشعار انا ماني بقاصد ولا نوديك النجوم اللي تحاربها مريكا بالمراصد ولانوديك البحور اللي لها امواج ً تناصد اسبح على جال البحر ولا على سطح النجوم والثانيه وش بنت تمشي لالقت محصود حاصد ولها رفيق بجنبها واصحى العلوم الها مفاصد يشهد لها التاريخ لايعصدك دون العلم عاصد بنتن لها بطن وظهر يحسب لها وقت اللزوم وهذي حدايه للشاعر صالح بن رويجح الهذلي وعلى جزءين الاول مخومس والثاني مروبع سلام من شاهز نشى برقة من القبلة مشى ومع الرشى مابات ليلة ورمشى وتقال عين الذيب برقة والبرق يقفاة الرعد ينهل بالماء والبرد من كل حد من الاحد لين الاحد ويسيل من غربة وشرقة ومن السماء والسيل ماء مايدحم حدود وحمى مايدحمة غير العمى والضلع عد الضلع وارقة هذاك حنا يوم جينا حروة الي محترينا فازعينا للرجال الطيبينا رحمة الله والسلام عينت بنت ام الرسن وظروسها الي سوسن ماعاد يبقى غير سن السوس نابة ناش عرقة الله يعوظها بدل ظرساً بظرساً في المحل وان ماحصل والزين عيى يكتمل لاعاد نتعب فوق طرقة الصبح تبشر بالسعة لاراد ربي واقلعة لايعدم الباقي معة ترتاح من همة وحرقة حنا هذيل نقول هاك افهم وعلم من وراك العلم جاك احرص ولايبدي خفاك الطيبة مسك الختام |
||
|
|
|
11-11-2013
|
رقم المشاركة : ( 290 ) | ||
|
شاعر
|
رد: اكتب اجمل قصيدة قرأتها
سلام الله خصوص لكل شاعر
يخدم الذوق من حده لحده سلام الله على بحور القصايد وسلام الله على جزره ومده وسلام الله على الموروث كله على الطرح القديم ومستجده وعلى الذوق الرفيع بحد ذاته وعلى عطره وريحانه ونده وانا من حقي الشرهه واعاتب على كل الرجال اعتب بشده يقولون الهجي شعر الشجاعه به الشاعر يصد اللي يصده واقول الهجي من عطر الزواحف وغدد انكان بالاشعار غده واذا قلنا فتامين العداوه واشد أفه على قتل الموده هبوط الشعر مافيه اضطراري هبوطه من هبوط اللي يعده عويذا من التاعمل بالقرافه وفقر الذايقه واسباب عده وتحكمه السذاجه والتطفل تحسبك صف ذاتك ونت ضده يموت الذم مايخدم قضيه يثير الانتباه ولايشده لان الشعر ياشاعر رساله تخدم المجتمع وتنال وده رخيص الشعر من عمله رخيصه بها المليون مايقضي مسده ينزل من شموخك ونت شامخ دخيل الله شموخك لاتهده ترى اللي ينحسب فن التعامل الى منك بليت بذاك عده راع المترديه لامن خصرته كأنك صافعه من فوق خده دع المترديه تلقا النطيحه وباب(ن)جاك معه الريح سده لانه بالادب ماله علاقه بري(ن)منه ويدينه بشده فرزدق مات ماخلد مكارم ورحل بعده جرير بدون رده على عروق الشجر تطلع غصونه وعرق الادمي من عرق جده اذاكان الفتى شهم ومهذب يقولو عرق ماخذها بيده كذلك عكسها نفس الطريقه مضويها مضويها لجده وخلاف الراي للراي المعاكس مجرد راي مايفسد موده |
||
|
|
 |
| مواقع النشر |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| اروع قصيدة قرأتها في الشجاعة ( الأسد قاتل الأسد ) | ابن محمود | الديوان الأدبي | 3 | 06-13-2009 11:14 PM |
| كلمات قرأتها فأعجبتني | تلميذ الأيام | الــمـنـتـدى الـعـام | 6 | 11-01-2008 12:32 AM |
| أجمل قصة قرأتها | ابوعهد | الــمـنـتـدى الـعـام | 5 | 02-29-2008 01:50 PM |
| من أجمل القصائد التي قرأتها | بن وافي | الديوان الأدبي | 2 | 07-24-2007 04:54 PM |
| لن تندم ان قرأتها......... قصه حقيقيه | أبو عبدالعزيز | الــمـنـتـدى الـعـام | 5 | 05-13-2006 11:15 AM |
 |
 |
 |
العرض العادي
