من هو يبلغ راعي معرف سهيل

[ابوسيفين]

[size="6"]

المشاركة الأصلية كتبت بواسطة بن داخل

السلام عليكم ورحمة الله وبركاته
الله يمسيكم بالخير
اشوف العلوم متقاربة والخصوم عراف وشيوخ لكن الخض بدون زبدة ما شفنا معاديل ولا مرضوية ولا مشرفه
واشوف ان المخاوي طلاب خير مدسوس خلوا علومه وراكم وحطوا المعادل الرزينة والتموا على امهات العصيب والحق يصيب اللي يصيب

ويمسيك بالخير يابو عبدالله

والعين ماتعلى على الحاجب ، والولد لخيلانه وخيلانك شيوخ ولايغباك العلم وانا طارح معدالي من يوم بديت العلم لاكن سهيل له راي ثاني فيما يبدو

والين يرجع سهيل ابسولف لكم عن سالفة مجلس حق بين حضري وبدوي وانا أشرت لمستهلها في أول مشاركه عندما قلت ولي فالحق مسنده

ما اطول عليكم جا مثل الشرهه بين البدوي وصاحبه الحضري عند ورعان تلامخوا وكن

عيال الحضري مخطين والبدوي ماوده يشتكي صاحبه الين يتعذّر منه على ماقالو

المهم ان البدوي نادى صاحبه وقال له ياولد عيالك اخطو على عيالي انت عندك مذهب جلسنا على ايدين الرجال ولا جرّيتك فالشرطه ، وكن الحضري طمع ان جلسة الحق تخارجه ووافق واتعبهم الين فهموه يحط معدال سواة الرجال ويرضى له مرضويه

المهم قال أنا باجلس مع البدو وراسي بروسهم ولا عندهم مخ أحسن من مخي وزي مايسوون اسوي ويوم جلسوا قالو لراعي الدعوى قص دعواك ، وقام وقص دعواه وحتى لاأحد يردّه عن الاضافه فيما بعد تحفّظ التحفظ المعهود عند اصحاب الدعاوى وقال (( هذي دعواي ولي فالحق مسنده )) يعني ان باقي علوم ان جالها لزوم

قالو هات علمك ياحضري ، قام الرجال وتحنبش على ركبه يقلّد خصمه ورد على ماسمع من خصمه باللي رد به لاكن بقي هرجه احتار وش يقابلها به وهي التحفظ فما كان منه الا التحفظ الاتي
(( هذي علومي ولي فالحق محدره )) جا في ذهنه ان البدوي اخذ مسنده ولا بقي له الا محدره وسلامتكم 0[/size]

[سهيل2012]

احسن شئ يكون عند السوداني صاحب ابو عبدالرحمن منها نعرف المكان ومنها سهيل يتذكر
الايام السوداء اللي مع السوداني الاول

قصدك السوداني اللي في حرة تربه ذيك السنيه ؟

ما شاء الله عليك ما تنسى يا صقر !

[سهيل2012]

السلام عليكم ورحمة الله وبركاته ..

عدنا من جديد ...

ويبدو بان الموضوع فرد عضلات أكثر من كونه حقوق وملازم حلوق !

وتدلف ليله أخرى ولا حس ولاخبر من صاحبنا سهيل

ومستعجل على أيه يا أبو سيفين ؟

العلوم هذي ومجالس الحقوق يومها شهر .. وشهرها سنه !!

وبعضها يشيب الغراب وهي ما انحلت !!

وأنت تبيها بين يوم وليلتين تنحل ؟

غن غن : يا ليل ما أطولك !!!!!

افرش بيتك

كلها شردة عن فرش البيت يا ابو سيفين ؟

ما أحد قلك سرمكه يا أبو سيفين !!

وأنت ذكرتني بواحد ( حضري ) وكلنا حضر ربنا كان معنا في مدرسة بمدينة الطائف وركبه

الحق مافيها كلام وقالوا له المدرسين : افرش بيتك .. الليلة جايينك يا أخويه !!

وبعد ساعة وهو يأخذني على جنب .. قال يا أستاذ سهيل : لازم الفراش هذا ؟

أنا سويت المجلس سراميك .. ولو أفرشه الحرمه تزعل علي وتسوي لي مشكله !!!

وأطمر عند الشباب قلت لهم : يا عيال : الهجه .. الهجه !!

بالحرام إن رحتوا لبيت الحضري لتنطردون شر طرده !!!!!!

يا خرااااااابي يا أبو سييييييييييييييفين !!

العلم اللي له دليل بين العرب ترى أوّل ماتلقاه عندنا

والله والنعم بك وبربعك وأنا ما سالتك عن العلوم هذي ... والعلم فعلا له دليل !!

ودليله موجود في داركم ووسط منتداكم وشهوده صقر الحجاز وأبو عبدالرحمن !!!!!!

والناس ماتلفي إلا على المخطي

ومن قال : إن سهيل مخطئ وأبو سيفين مصيب ؟؟ مين ؟؟

ليه ما يكون العكس !!

والله قالها الشيخ منقاش .. والله قالها :

أي دعوه من ابو سيفين على سهيل , ابو سيفين هو شاهدها وهو قاضيها , وبدر الدجى هو اللي يوفيه

لكن ما طعت .. ولا سمعت النصيحة .. وارخيت سموعك للمخاوي لين نكبك !!

ياسهيل حنّا من رجال ن مقابيل
وليا عقدنا علم ماحدن يحلّه
ياكم هجدنا القوم في دامس الليل
ميزه جعلها الله فربعي جبلّه
نسري عليهم مثل مزنن شهاليل
وليا اشرقت مامنهم أحد بمحلّه

صح لسانك وقد رد عليك واحد من ربعي اسمه : جبران العتيبي ..

من مبدأ (( السكين تخدم الجنبيه )) !! قائلا:


وياكثر حسادك طيوراً ابابيل
والظلع لايمكن طيوره تقله

والي يبا يقنص بخرم الدرابيل
يبعد زيادة لايقرب محله

إسهيل مايرتاب قول الرياجيل
الي تهدد كل ماجات خله

عاشق ومن حقه يقول التفاصيل
دام الفضا واسع بدقه وجله

والي تحمصق حط حره بتحليل
لازم يفرق بين مغده وبلّه

لاجل الشجر نوعين والخير تفضيل
والي تساقط في صميله يشله
:جبران العتيبي
وما خفي كان أعظم يا أبو سيفين ...

واللي يعجبني فيك إنك أعلنت راية التحدي

وقفت في وجه الإعصار وما خفت .. وهذي تحسبلك يا صديقي

سواء انهزمت .. أو انتصر سهيل !!

[ابوسيفين]

والنعم بك وبخويّاك بجاد والهاجس وكل من شاركهم وقبل ليلتين اقول علامه سهيل غاب أثرك رحت لربعك تصيح وثيابك شليح
يكفيني من الموضوع عنوانه ، هذا وانا شويعر ! كيف لو تفرّغ لك فطاحلة الشعراء من ربعي

علوم الربع ليشترك الجميع معنا على هذا الرابط حسب البحث بقوقل

http://www.daialhoroof.com/vb/showthread.php?t=8513

أما قول بجاد لاتعلّمهم بالمغد فسلّم لي عليه وقل له المغد (( من اشجار ثماله )) وقد سبق أن قدموا شرحا وافيا عنه على الرابط المرفق ولأبي سيفين مشاركه في الصفحه الاخيره من الموضوع ولا ني زايد ولاّ الموضوع انفتح ههههه

http://www.thomala.com/vb/showthread.php?t=48708&page=5

اما بقية علومك والله المستعان تقول

ويبدو بان الموضوع فرد عضلات أكثر من كونه حقوق وملازم حلوق !

ذكرتني بحكمه تقول انك اذا لقيت اثنين يتناقشون وفيهم واحد رافع صوته بكلام غير مفهوم اعرف انه الغلطان

غن غن : يا ليل ما أطولك !!!!!

ماراح حق وراه مطالب ولاكني حبيت الفت نظر المتابعين الى مراوغاتك ولا أقول عدم فهمك لسلوم العرب ، مع إني اتوقف كثيرا عند قولك

العلوم هذي ومجالس الحقوق يومها شهر .. وشهرها سنه !!

وبعضها يشيب الغراب وهي ما انحلت !!

وارجو أن لاتكون ممن يصفونهم الناس بلقب (( صعيب حق )) اللي لايعطي حق ولاياخذ حقوق على قول الشاعر

كلها شردة عن فرش البيت يا ابو سيفين ؟

ما أحد قلك سرمكه يا أبو سيفين !!

ذكرتني شايب مولد كان عند جماعتنا مات الله يرحمه كان الهرجه اللي ماتعجبه يسوي انه ماسمعها ، واللي تجوز له يسمعها لو كنت تخافت صاحبك بها
أنا قلت لك انه ليا جا موجب لوتصفون من السِّر الى القِرْ 0 شد حيلك وليا الزمتني بالحق لاتافرني 0وختاماً



أنا رجّال طارح عقالي ، من ثلاث ليالي ، وانت لاتبالي ، ياعز حالي

[صادق]

ماشاء الله تبارك الله

مجلس ماتملّه بين اعضاء حلف الشيخ منقاش وكأنهم يدفنون في باقي رفات الحزب الثاني على قاعدة هذا إذا كان بينهم ، الله يكفي شرّهم

أمّا أنا من ناحيتي فأقول إنكم وصّلتوا رسالتكم وعلمكم كملوه بينكم وشيخكم منكم فيكم حتّى لاتطول وتسير حمايا

هذا راي شايبكم إن سمعتوه وسلامتكم

[سهيل2012]

السلام عليكم ورحمة الله وبركاته ..

وأسعد الله أوقاتكم يا أهل المنتدى وزواره الكرام .. واسمحوا لأخيكم سهيل إذ نشرت رابط

المنتدى في بعض المواقع سواء بطريقة مباشرة أو غير مباشرة لأهداف يعلم الله بأنها نبيله

لم أقصد من وراء ذلك نفعا ولا شهرة ...

نعود إلى موضوعنا ونعتذر على تأخيرنا لظروف داخلة ما أدري خارجة عن إرادتنا .. وبسم الله ..

يكفيني من الموضوع عنوانه ، هذا وانا شويعر ! كيف لو تفرّغ لك فطاحلة الشعراء من ربعي

نعم يا أبا سيفين وأنا لم أقلل منك ومن اسمك سواء هنا بين ربعك أو هناك بين ربعي على مقولتك .. وكنت ولا زلت أفتخر بك وبمعرفتك وبمنتداكم المبارك ..
وسهيل ما ياخذ من عندكم إلا علوم الرجال الغانمة .. ولا يجيكم إلا بمثلها !
والهدف تبادل الخبرات والثقافات ومد عرى التواصل مع من حولنا فقد ضقنا ذرعا بالاقليمية يا أبا سيفين ..
وما فيه داعي لفطاحلة شعراء ربعك يا أبا سيفين المشاركين فيهم الخير والبركة وفي كل ديره حقها من رجالها ..

وقل له المغد (( من اشجار ثماله )) وقد سبق أن قدموا شرحا وافيا عنه على الرابط المرفق

ما أدري أخشى بأن الشاعر جبران يقصد مغدا غير
هذا فأحيانا تجد المفردة لها أكثر من معنى ونحيل
هذه الفقرة لأخينا أبي همام إن كان متابعا للموضوع ..

ذكرتني بحكمه تقول انك اذا لقيت اثنين يتناقشون وفيهم واحد رافع صوته بكلام غير مفهوم اعرف انه الغلطان

الظاهر بغيناها طرب وعودت نشب !
والحقيقة تحتاج اتنين الأول يقولها والثاني يسمعها !
فهل تعتقد بأنها ظهرت حتى نسمعها ونستوعبها يا أبا سيفين ؟
والظاهر تعود زي قصة البدوي مع الحضري وفانوسه !!

ماراح حق وراه مطالب ولاكني حبيت الفت نظر المتابعين الى مراوغاتك ولا أقول

الحقوق تبي لها حلوق .. يا أبا سيفين والقاضي ما يرضي ثنين !!

لكن لو استمعت لصوت العدل والحق شيخنا منقاش وتعوذت من الشيطان اللي على بالك وغواياه كان ما طالت القضية !!
واللي ما يأكل بضرسه ما ينفع نفسه !!

ذكرتني شايب مولد كان عند جماعتنا مات الله يرحمه كان الهرجه اللي ماتعجبه يسوي انه ماسمعها

وأنت ذكرتني بشايب مولد كان عند جيرانا ضاعت غنم عمّه وراح يدورها ولقيها مفرسها الذئب

في الضلع .. وجا يعلم عمّه ويقول : فرسها الذيب .. خليها على شأن ما عاد تعودها !!!!

آآآآآآآآآخ يااااابطني !!!!!!

أنا قلت لك انه ليا جا موجب لوتصفون من السِّر الى القِرْ 0 شد حيلك وليا الزمتني بالحق لاتافرني 0وختاماً

واحد من جماعة الربع يوم الجوع واللقوع راح عند واحد سعيدي من هذيل اسمه ( جليّل )

ومن عنده جلا لنجد واستقر هناك ... لكن الربع هداهم الله أخذوه بجرته لين وصلوه جليّل ..

واتهموه بقتله وحطووووه بالسجن .. وافتك نفسه بـــ ( 60 مايه ) تعادل 60000 تقريبا اليوم .!

ويوم طلع حضر ملعبة وتهيض :


آسالكم بالأمانة يا عوارف حرب وهذيل **** من هو كمايه عطى في لزمته ستين مايه


فأجابه شاعر آخر فاهم بالقضية :


وإن سلتني قلت جات مخالفة يا حيل بلحيل **** فكره ونكره وذبحتكم لخاطركم غواية !!

ترفق يا ابو سيفين في خاطركم وصاحبكم دامة إنها في اليدين لين ذلحين !!

أنا رجّال طارح عقالي ، من ثلاث ليالي

يا واقتي من ناقتي !!

أنت وراك تسبق المغني بطرقين ؟

وأختم بقول الشاعر :


عد الوجيه اللي معك كانت العام
نفس الوجيه اليوم يا هيه ضدك

ماغار وجهي ينتظر عدل الأيام
اسأل ضميرك وش على الظلم حدك ؟

[ابوسيفين]

نعم يا أبا سيفين وأنا لم أقلل منك ومن اسمك سواء هنا بين ربعك أو هناك بين ربعي على مقولتك .. وكنت ولا زلت أفتخر بك وبمعرفتك وبمنتداكم المبارك ..

والله مايجي في خاطري ذرة شك فيك وفاخلاقك يابو احمد لاكن يبدو ان صدور اهل نجد اوسع من صدور اهل الحجاز وان كانو ربعي

الظاهر بغيناها طرب وعودت نشب !

الله لايجيب النشب وانا هونت وبيض الله وجهك


في ضوء ماذُكر أعلاه على استعجااااال يبدو أن المخاوي بدأ يحقق مآربه أكتفي بما تم

من نقاش وان كان لأخي سهيل كلمه أخيره فالمكرفون بيده 0

حبينا ننشطكم ولاّ نرد بعض الغايبين لاكن يبدو أن برد الشتااااء أكثر من طاقتنا

وسلامتكم 0

[حسن عابد]

برد الشتاء مايرد القروم ويكفي حضوركم فقد امتعتونا بهذا القاف

[سنا الهجرة]

بغيت اشارك لكني جيت متأخر ولقيت القاف شاب

بس ما فيكم حيلة من جد.. في القصيد وفي الدعاوي والطلايب
وبرغم حرارة الخطاب الا أن المتحاوران كانوا على قدر المسئولية لإخراجة الى بر الأمان
وهذي تحسب لهم .. وقد استمتعت حقيةً وتعلمت مما قرأت هنا .. سواء من أبو سيفين وسهيل المحاور الرئيسية في إدارة النقاش
أو من المتداخلين ..... بارك الله في الجميع

[سهيل2012]

المشاركة الأصلية كتبت بواسطة ابوسيفين

والله مايجي في خاطري ذرة شك فيك وفاخلاقك يابو احمد لاكن يبدو ان صدور اهل نجد اوسع من صدور اهل الحجاز وان كانو ربعي




الله لايجيب النشب وانا هونت وبيض الله وجهك


في ضوء ماذُكر أعلاه على استعجااااال يبدو أن المخاوي بدأ يحقق مآربه أكتفي بما تم

من نقاش وان كان لأخي سهيل كلمه أخيره فالمكرفون بيده 0

حبينا ننشطكم ولاّ نرد بعض الغايبين لاكن يبدو أن برد الشتااااء أكثر من طاقتنا

وسلامتكم 0

سالم وغانم يا أبو سيفين وقد تركت الموضوع قبل يومين حيث كنت مسافرا وعدت وأنا أمني النفس بأن يكون الموضوع قد بلغ أقصى إثارة ولكن كما بينت يا أبا سيفين الموضوع أخذ حقه

وما حصل كفى والموضوع ومن خلال نسبة مشاهدته يعتبر ناجحا وبكل المقاييس ...

وإن كنا نمني النفس بأكثر من ذلك ..

ويعلم الله إني متحسف على أيام مرت على هذا المنتدى ( الاستراحه ) قبل عام تقريبا عندما

كانت المواضيع تضرب على 1000مشاهدة وأكثر ومتابعة وردود من هوامير المنتدى الذين أثر

غيابهم على المنتدى صراحة ... أسماء ومعرفات كنا نراها هنا ونستمتع بصولاتهم وجولاتهم

والتحاور معهم .. ولكن عزاءنا الوحيد أن ( الرحمة عامة ) وهذا حال أغلب المنتديات واكثرها قفل

لقد توجهوا إلى الواتس وتويتر ومعهم حق .. إذا قارناها بالمنتديات من حيث السرعة في الاتصال والتواصل .....

ولكن لا زلت أقول المنتديات أرحب وأوسع وصفحاتها أكثر استيعابا بما تجيش به الصدور ..

ولن نغادرها - إن شاء الله - وكلها ثورة إتصالات ما ندري عن نهايتها الله يخارجنا !

شكرا أبا سيفين لقد حاولت أن تحرك المياه الراكدة وما قصرت وإلى اللقاء في مواضيع أخرى

وأعتذر إن حصل بعض التجاوزات الغير مقصودة والسلام عليكم ..