رحلتي الى عرق بنبان

[@ بن سلمان @]

المشاركة الأصلية كتبت بواسطة abonayf

يعطيك العافيه ابو هبه

باين الرحله كانت جميله والصحبه اجمل

ننتظر ماوعدت به من نشيد (يا حيد ياللي فيك انا بادي ) .

دم بخير

تحياتي ابا نايف
النشيد في منتديات التراث

[@ بن سلمان @]

يعطيك العافيه ابا سعود
لا عدمت حضورك وتشريفك

[@ بن سلمان @]

المشاركة الأصلية كتبت بواسطة ابو امجد

اولا والله اسم المحل (بنبان) مسيقي بالحيل ولو قلت الاسم ولاقلت انه في الرياض لحسبت انه في الهند
الشئ الثاني انت قلت ( لكن خوياي اذا جات الصلاة يقصرون ) انا فهمت انهم يصلون والا انت مالك فيهم دخل ارجوا التوضيح
الشئ الثالث اشوى ان الله غبر عليكم وعودتوا الرياض واضنكم لو بتوا يوم ثاني كان اشتغلت المشاعيب

عموما رحله جميله وانا احد الاشخاص الذين جربوا طلعات الرياض في مثل هذه الايام عزالله ان فيها روضات ومناطق لو ذكرت لمن لم يرها لقال انها اشبه بالخيال فسبحان الله ولكن الله يخليها لاهلها وبس

ماقصرت يابو هبه على هذا الجهد وكما ذكر ابو ملاك ان كان هناك توثيق فوتوغرافي زودنا الله يزيدك من الخير

مافيها كلام يا بو امجد الثمامة كيرلا الهند
انا اقول خوياي يقصرون لاني انا في سفر من عشر سنين ومن ذاك التاريخ وانا اقصر
طاب لي حضورك وسعدت بتواجدك

[@ بن سلمان @]

النتيف
ابا عبيده
يعطيكم العافية وسررت بتواجدكم

[الحاج سلام]

السلام عليكم ورحمة الله وبركاته --- الله يعطيك العافية أبو هبة انا احب قصص الرحلات ولو فصلت كان احسن 0ولكن قل لي وش قصة خويكم اللي تركتوه في الصحراء عندما فاجأكم العجاج انا جاني طرف العلم وبودي اسمع القصة كاملة0000

[@ بن سلمان @]

سلام
وعليك السلام ورحمة الله وبركاته
ربعي ملولة وان ما يكون كلامك قليل وذو دلالة يروحون ويخلونك
وخوينا اللي جاك لبهة علمة لا جابك الله في ثوبه
مافيه ما يعيب الرجال الا انه مخاوي واسر لي ان اللي مخاويهم مواعدينه وامارية مجيهم عج يبي يختلنا وهي علامة متفق معهم عليها وانا الله يامنا يوم تشاوروا خوياي في الروحة عزمتهم وانا ادري انه يبي يظهر الرغبة في جلوسه وفعلا قال انا بجلس وانتم الله يستر عليكم , عاد ربعي قالوا لا ما تقعد يا نروح كلنا يا نمسي كلنا , الا وذيك العجة اللي تقتلب وهي تعصف بنا يمين ويسار وهو في مكانه مثل الجبل ما تحرك , وانا اصيح فيهم سياراتكم سياراتكم وما غير نتسحب الين ركبنا وحاولناه الا انه عيانا ويوم شافنا ملزمين قال توكلوا على الله وانا في ساقتكم وحنا نمشي وانا اعرف انه ناوي المبيت .
هذا العلم وسلامتك وان بغيت عليها يمين تم .

[هذا انا]

الاخ العزيز بن سلتمان

ساعة الوناسه (ماتتعوضش) فأعباء الحياة كثيرة ومثل هذه الرحلات والمحاورات هي ما تهون علينا ماذكرت متمنيا لك السعادة في الدارين

[الحاج سلام]

السلام عليكم مرة ثانية و شكرا ابو هبة على التوضيح وكما يقول المثل ما أفة الاخبار الا رواتها اما بعد التوضيح ما أضن لاحقكم لوم ليل وصحراء وعجاج -والله يامنا - 00