منقاش وش رأيك بكلام طارق

[سنا الهجرة]

أما قولتك ( حليفي سنا ) هذي قويه
لا يسمعك الشيخ ..
ولا يغرك إن عدا من عندها من دون تعليق .. تراه ما سكت الا ثقه في سنا ولا أعرفه ما يسكت على مثل هذي السوالف.

شيخنا منقاش > تروح وترجع بالسلامة ان شاء الله
وزين انك صرفت نظر عن مخاوات مخاويك .. وباب يجيك منه ريح لا تدخل معه

[كشكول]

يعطيك العافيه يا مخاوي

زكن على بداح يزين التقارير ويقلنا علوم الشيخ اول باول

[منقاش]

وانت سالم وغانم يا شاعرنا الملهم يا سنا الهجره , وبيض الله وجهك يوم كسوحت المخاوي على ماهو كسيح وخيبت ظنه يوم جا يخطب ودك , وهذي علوم الرجال اللي شروايه وشرواك , وهذي طبيعة المخاوي اللي حالما يحس بالخذلان يجيك يلحوس مثل البس ويلولس عند الرجلين يمنه ويسره .
على كل حال , ابو نقشه يعتبرك أنت والشيخ ابو سيفين ومعكم العمده المقداد أخلص أعوانه ورصيده ألأستراتيجي في الرخا والشده , وليتك يبو عبدالله تخاوي حليفك الشيخ في سفره من أسفاره , وتجيب معك الشيخين (كشكول وتحت الصفر) اللي أشوفهم هاليومين يتوددون للمخاوي وناسين أن الخروج على ولاة ألأمور وشق عصا القبيله من العلوم الخبيله .
جيبهم معك لا هنت لعلكم تشوفون أبو نقشه وهو يصيد ألأسود والتماسيح في أفريقيا السوداء , والفهود والنمور في آسيا الصفراء , والقروش والدببه في روسيا وشمال أوربا البيضاء .
يصيدها بيديه الثنتين العاريه وبدون أسلحه حتى لو كانت سكين , وحتى أظافيره يقلمها قبل الخروج في رحلة الصيد ..
والخلاصه , لا تلتفتون لأشاعات المخاوي في غيباتي الصغرى والكبرى , ترونكم تكبرون براسه أذا رديتم عليه حتى لو سبيتوه , وأفضل وسيله تدحرونه بها أنكم تستعيذون بالله منه ومن شروره حتى لو كانت شويه من زيوته وتموره ..

[مخاوي منقاش]

سنأ / لابأس من بعض التقية فأنا اجيزه قياسا بجواز الكذب على الزوجة بارك الله فيك والرسالة وصلت وانطلت على الغبي
حليفي كشكول/ لاشكر على تواضع وبداح يسلم على الجميع والتذكرة الاليكترونية بمخباه وسيصل اذا ساعدته الضروف قبل منقاش ليغطي وصول منقاش وادعوا له بالتوفيق
منقاش/اوصيك لاتنسى المرة والرشاد لا يجيك ماجاك بكاندي وانا اقدر الاحراج التي تسببها لك تقارير بداح ولكن الضغوط الشعبية تجعلنا نتجاوز المجاملات

[رويعي الغنم]

أيها المحاوي المسكين , كان بأمكانك لو كنت محترما أن تشارك الوفد الكريم في الرحلة الشعبانيه, ولكنك رضيت بالقعود مع الخوالف وأفتأت على الشيخ ونزعت يدا من طاعة , فتبا لك أيها ألأرعن ....
الصور أدناه من أحد البلدان التي سوف يتوجه الوفد أليها :

[مخاوي منقاش]

ايها المسكين هذه دول عرفتنا وعرفناها ولاتصلح الا لنا ولا نصلح الا لها وارى ان تعرج على البوسنة والهرسك وعلى قولة الجيزاني العسكري الي ودوه للصومال وهو يحسب انه للهرسك ويوم شاف الصوماليات صاح اين ام هرسك؟
فنصيحتي لك (خلك على السودان هاجم ومرتد +++ واترك ديار الروم للي غزوهم

[منقاش]

يا علماني يا مسكين يا أم هرسك , جالس عند مرتك تحت ألأقامه الجبريه , وتدعي أنك تعرف بلاد برى مثل ابو نقشه , ويا ليتك تطلع لك أول جواز سفر حتى نقول يمكن لها الأبن بطوطه المبطبط يسافر في يوم من ألأيام ...
ولا أجد يالمخاوي الرويبضه شي أرد به عليك أحسن من البيت أدناه اللي ينطبق عليك تمام ألأنطباق :
دع ألأسفار لا ترحل لبغيتها @@ واقعد فأنك أنت الطاقع الفاسي
منقاش بدر منير لست تبلغه @@ فليتك يا هذا تاكل تبنا وتسكت
لا تسأل عن القافيه , لأن هذا شعر حر القوافي موزون ألأيقاع حسن ألأبداع ...

[مخاوي منقاش]

وكلت ابو عبد الرحمن يرد عليك

[سنا الهجرة]

وليتك يبو عبدالله تخاوي حليفك الشيخ في سفره من أسفاره , وتجيب معك الشيخين (كشكول وتحت الصفر) اللي أشوفهم هاليومين يتوددون للمخاوي وناسين أن الخروج على ولاة ألأمور وشق عصا القبيله من العلوم الخبيله .

والله انها الساعة المبارك اللي نخاوي فيها الشيخ ابو نقشة
وماهو شرط لهادك الديار البعيدة مع انها أمنية آمل أن تحقق قريباً إن شاء الله >> ولكن مخاواتك شرف طال عمرك لو كان الى حد عورش

لكنك غلط الله يحفظك في اختيارك المرافقينا .. كشكول وتحت الصفر
.. وانت تخبر سلوم القبايل في مثل هذي السفرات الخاصة فـ الشوخ اللي مثلي ومثل طال عمرك ما ياخذون الجبر اللي مثل تحت الصفر وكشكول الا ان كان لأمور خاصة أنت أخبر بها .. مثل يوم انك تاخذ المخاوي معاك بعض المرات ( مع احترامي لهم طبعا ) لكن فيه بروتوكولات متبعة عند القبايل ما نقدر نخالفها