خواطر الشيخ على هامش رحلة الوفد(3).

[ابوسيفين]

المشاركة الأصلية كتبت بواسطة منقاش

خسيت أنت والشيهان اللي قاعد تنفخ فيه وهو مثل القربه المشقوقه, ما بقي ألا تقول أنا وأخي هارون .
الشيهان لو عاد يطلع معك أسفره خروج بلا عوده الى جزر برمودا وأزيد ألحقك به ...
ملف مرفق 2787
حليفنا الكبير عميد منتدى الرحلات الشيخ ابو سيفين : صدر قرارنا الحكيم بمنحكم الركح اللي تشوفونه في الصوره , وترى أطوال أضلاعه 2كم من الشرق الى الغرب , وواحد كم من الجنوب الى الشمال , وفيه جدول ماء يخترقه مع وسطه ما يتوقف عن الجريان لا ليل ولا نهار طيلة العام, وهذا غير العيون الساهره ...
الف مبروك , وتستاهل أكثر منها .وشكرا...

بارك الله فيك شيخنا الفاضل ، ويكفي محبكم أنه محل اهتمامكم 0
ما أجمل ذلك الركح ، آآآخ لو إنه في بلاد ثماله 0
هديّتكم مقبوله وموفوره طال عمرك 0

[السيد الحسيني]

الاخوان في منتدى ثمالة
السلام عليكم ورحمة الله وبركاته
لقد كان للصدف دور في انضمامي لكم حيث كنت ابحث عن معلومات عن سيرلانكا وقد اعجبني الطرح الذي سطرة الاخ الفاضل منقاش واعجبت بالنقاشات التى دارت بينه وبين الاخ مخاوي فارجو قبولي في هذا المنتدى بارك الله في علمكم وعملكم

[السيد الحسيني]

اخي منقاش/لماذا لم تكمل حلقات الرحلة وكيف وصلت للمناطق التي فيها الصور وهل جو منهاتن الشرق تصلح هالايام وانا ارغب بزياتها وهل استطيع الذهاب الى منهاتن مباشرة من ابوضبي ارجو ان اجد الجواب منك او من مخاوي اذا عنده فكرة

[منقاش]

أخونا الفاضل السيد الحسيني : أحي بك أجمل الترحيب في منتداك وبين أخوانك ومحبيك , هذي ألأوله ...

الثانيه : كاتب الموضوع هو عضو الوفد ابن ابي محمد , والوفد مكون من ثلاثه وهم كاتب الموضوع ورويعي الغنم واخوك ألأمير (على الوفد) الشيخ منقاش ..
وسبق لنفس الكاتب أنه كتب عن رحله سابقه لسريلانكا تحت عنوان لمحات عن رحلة الوفد , ورابطها :
http://www.thomala.com/vb/showthread.php?t=69643

الثالثه , بالنسبه لسؤالك , ليه ما كملت الموضوع ؟..
الجواب , معاقبه لبعض للأعضاء لأنهم ما أحسنوا ألأستقبال ولا تمشوا بالبرستيج اللي من المفترض يظهرونه لأمير الوفد , من أجل كذه أصدرت توجيهاتي الحكيمه للكاتب ابن أبي محمد بالتوقف عن الكتابه عقاب لهم ..
وهذي ماهي أول مره أعاقبهم , وسبق أني عاقبتهم بعقاب مشابه ولا كملت لهم حلقات الرحله في موضوع ثاني وأهم من هذا بكثير وكان عنوانه , عودت الشيخ ومرافقيه من رحلتهم الى أرض الذهب والكاتب كان عضو الوفد رويعي الغنم..
وقفنا الكتابه بعد الحلقه الرابعه يوم قرب الحصاد , وبأمكانك تطلع على الحلقه الرابعه على الرابط أدناه :
http://www.thomala.com/vb/showthread.php?t=67404
وتطلع على الحلقات اللي قبلها على الصفحه الثانيه من منتدى الرحلات ..

الرابعه , بالنسبه لسؤالك عن منهاتن الشرق؟؟.
الوفد تعمد يموه على أسم البلد الموجوده فيه منهاتن من بلاد الشرق حتى نجري بعض الدراسات والتجارب على مدى صراحةألأعضاء , وكانت النتيجه أن ألأعضاء لفوا وداروا وتجنبوا المصارحه والسؤال عنها حتى يوهمون الوفد ويوهمون القراء أنهم عارفينها .
وبعضهم مكر المكر السيء وسلك السلوك الملتوي في محاولة التعرف عليها , فمثلا , المخاوي أتصل بنا مرتين بالتلفون يتراجانا نعلمه بالبلد الموجوده فيه , وهزأناه ورفضنا تلبية طلبه ألا أذا طلب من الوفد خطيا في مداخله من مداخلاته , وفيه عضو ثاني أتصل علينا وطلب نفس الطلب واعطيناه نفس الجواب وفيه ثالث جانا الى حد البيت ,, الخ ..
والوفد ما كان عنده مانع أذا سأل سائل مثلك , وناوي في النهايه يطلع القراء على أسم البلد اللي منهاتن السرق فيه حتى لو ما طلبوها ..
أما المخاوي اللي أحسنت الظن فيه, فهذا الظن للأسف في غير محله , ولاحظ مداخلاته وكما يقولون يدل على جعفر دقنه ..

الخامسه , بالنسبه لسؤالك , هل تستطيع الوصول لمنهاتن الشرق وسريلانكا عن طريق دبي؟؟.
الجواب : نعم , تقدر تصلها عن طريق دبي وعلى الخطوط ألأماراتيه , وقيمة التذكره على الدرجه السياحيه ذهاب وأياب في وقت الموسم والذروه 2100 ريال تقريبا من عندنا من جده , تزيد قليل أو تنقص قليل , ولا بد أنها من عندكم أرخص بكثير , وفي أيام التخفيض نحصلها ذهاب وأياب من جده ب 1200 ريال تقريبا ..
والخلاصه , أعطنا جواب في مداخله ثانيه متى تبي تسافر , ومعك عايله والا لا ؟؟, حتى نوجهك بكل شي , وفوقها أعطنا وعد أنك تحافظ على عضويتك وتواصلك معنا معزه فيك, وبعدها ابشر بكل ما يسرك , وشكرا ..

[السيد الحسيني]

الشيخ الفاضل منقاش
اشكر تواضعك والرد مباشرة علي وانا الوم القراء اللي ما يسالونك عن كل شاردة وواردة وها انا اسالك وين منهاتن علما انني لا اسكن الامارات انما انا من هذه البلد المبارك ومن جوار الحبيب ورحلتي ستكون مع عائلتي ولو وضعت برنامج يكون مناسب للجميع واوضحت التكاليف التقريبية ستكون لك سنة حسنه
اما موضوع المخاوي فلن ادخل بينكم ولكن حلقات بداح اعجبتني حتى كدت اصدقها واعذرني ان لم يعجبك رايي فلا اريد اخسر اي منكما

[منقاش]

أخونا العزيز السيد الحسيني ,,, لا شكر على واجب وخير الناس أنفعهم للناس , وبعد :
بخصوص سؤالك عن أنسب وقت للرحله لسريلانكا ولمنهاتن الشرق ؟.
الجواب , في أجازة الربيع أو منتصف العام (وقت البرد عندنا), والسبب أن الجو يعتدل أو يبرد في هالفتره في منهاتن الشرق , أما سريلانكا فيتضاعف الجمال أضعافا مضاعفه , وترى العجب العجاب في مناطقها الجبليه , ترى شي ما يخطر لك على بال من الجمال , لكنه موسم الذروه السياحي عندهم وترتفع أو تضاعف أسعار فنادقهم ..
أما أذا كان السفر في الصيف ما عنه مجنابه بسبب طول أجازة ألأولاد , فلا عليك ألا شرا تذاكر على ألأماراتيه على خط السير جده كولمبو مرورا بدبي بالمبلغ اللي سبق وبينته لك , ولا بد أن ألأطفال لهم تخفيض .
وفي الروحه أو الرجعه أطلب من ألأماراتيه أسبوع والا أسبوعين في دبي , يعطونك أياه بلاش , واستاجر شقه وتنقل بمشاوير التكاسي بين مولاتها وأهمها مول دبي اللي ملاصق لبرج دبي ونافورة بحيرة دبي (يعني تضرب ثلاثه عصافير بحجر واحد), ومشي عيالك على ملاعب أطفالها وكبارها المائيه وغير المائيه , وتراك تبي تشوف فيها الشرق والغرب مجتمعين في مكان واحد , هونق كونق , سنغافوره , منهاتن نيويورك , تشنقهاي وغيرها ..
أما سريلانكا فمحدثك من هواة الطبيعه البريه ولا يحب البحر , ورأيي أنك أذا وصلت مطار كولمبوا أستاجر من المطار فان كبير ونظيف ومكيف بحدود ما يعادل أربعين دولار اليوم , وعلى السايق أكله وشربه وسكنه ومصاريف السياره من وقود والا غيره كلها داخله فيها , وعلى أولك من مطار كولمبو لكاندي , بيت فيها وتمشى على ألأماكن السياحيه فيها , وبعدها بكم يوم توجه لنورليا واسكن فيها وتمتع ببرادها وجمال طبيعتها ومر على ألأماكن السياحيه فيها .وأن بغيت غيرها من المدن السياحيه , فيه مدينتين والا ثلاث غيرها أنا ما رحت لها بس قريت عنها.
أما أماكن تسلية ألأطفال فهي موجوده لكني ما شفتها ولا رحت لها لأن ما معي في سفراتي ألا الرويعي وابن ابي محمد ولا أنا مستعد أوديهم ملاهي ألأطفال , وأن كان أنجليزيتك تخارجك فأغلب الشعب السريلانكي يتحدث الأنجليزيه , وأن كنت ما تحدثها حاول أن سواقك يتكلم ولو شوية عربي ..
أغلب الفنادق , عندهم أسماء وخرايط لكل مكان سياحي , والسواقين خبرا فيها والبلد آمن وهذا الوقت (الصيف) تكون الفنادق رخيصه لأنه وقت يقل فيه السياح والطبيعه تظل جميله جدا لكنها ما تقارن بحال من ألأحوال بوقت الذروه اللي يقابله الشتا عندنا ..
التكاليف , لكل حجره أجره , لكنها أن ما كانت أرخص من ما عندنا بكثير فهي ما تزيد عليها ..
ألأكل في سريلانكا غالبا ما يجي على هواك , وأن كنت من المدمنين على الكبسات والقدوع والقهوه فخذ معك معاميلها وطلباتها وقدر ضغطها , أما محدثك فلا لي صبر على الطبخ لا أنا ولا بقية أعضاء الوفد , وكل ألأسفار اللي سافرتها آكل من ألأكل اللي ألقاه عند أهل البلد , ما عدا السفرات اللي خاواني فيها المخاوي فهذي كان المخاوي هو طباخها وغسال مواعينها , وأنا أكالها بالأضافه للأماره ومسك صندوق الرحله , وكثر الله خيري اللي تحملتها وتحملت أخوة المخاوي معها...

[منقاش]

نافورة مول دبي

[منقاش]

[منقاش]

مول دبي من أكبر مولات العالم ويبدو طرفه في يسار الصوره .
خلي بزرانك فيه يلعبون وياكلون ويتمشون , لو خليتهم أسبوع فيه وحوله ما ملوا .

[مخاوي منقاش]

اقول مالت عليك يامنقاش وانا اسالك وين منهاتن الشرق وتتكلم من ورى اذنك وثاريها دبي انت لو طلعت صورة برج خليفة كان ماترجيناك قلنا هذا ذيب اكتشف شي ما احد يعرفة طلعت لاذيب ولاهم يحزنون انما (؟)
منقاش تذكر يوم اطبخلك الكبسات في كوانزو ؟ الم تتسائل ليه ما اكل معك؟ ولماذا اترك الكبسة واكل خبزة وجبن وانت تقول ما الذ هذه الكبسة ؟اذا لم تفهمها حتى الان فسال ابو سيفين يمكن يعطيك تفسير 0
الاخ الحسيني/ خذ وخل