طلبناكم يبو عبدالرحمن

[@ بن سلمان @]

المشاركة الأصلية كتبت بواسطة أبو عبدالرحمن

ايه يا شيخ منقاش..لا تكثر علينا..

وخلك رسمي في كل شيء..

شوف من غلاك حطينا لك وسام جديد ..شوفه على اليمين وتحت صورتك بكم سم!!

تهب البل يا بو عبدالرحمن
و يهب منقاش هباه الله وان ما بعد عن المشاكل وخلا المخاوي و مدهش في حالهم ابي أستقعد له عند كل شرهة ينويه بها ابو عبدالرحمن
الا قرب راسك يا منقاش
الاثنين يبي يجي صاحب اصحابك ان كان ودك تجي الرياض تسلم عليه يمكن يدحس في جيبك كم دولار ويوقع معك عقد يشفط به بيارتك اقصد بترولك بعد ما تنتهي ولايته

[مدهش]

المشاركة الأصلية كتبت بواسطة منقاش

بلشت فيك يا مخاوي أنت ومدهش
.

اقول يا منقاش
ترى بيني و بينك وقفة نحر والى الان النفس من يمك ما طابت و لا اظنها تبي تطيب قريب
وانا احب الرجال اللي مثل المخاوي وشرواه

[منقاش]

ابو عبدالرحمن : ما قصرت أنت والمشرفين بعد شفعتوني في المخاوي والمدهش , لكن لي عليك كثير العتب يوم أنك تعطي المخاوي وسام مثل حقي , وليتك يوم غلطت أعطيته وسام مهول مثل حق ابن سلمان ابو ريشة ملطوشه من ذيل واحد من ديكة الديره .
ابن سلمان : يخسى صاحب أصحابي ما أتنازل أقابله وأنا ابن الأكرمين , والسبب رايح أخصص له كم حلقه في المستقبل وتعرفها أن شاء الله .
مدهش : لا تقول شي ,, ما فيه دم منثور ولا عظم مكسور , ولو في قلبي عليك شي ما توسطت لك حتى ردوا عليك عضويتك وهذا أنت تكتب ولا حذفنا أو غيرنا في كلامك شي , ولو في قلبي شي ما توسطت لصديقك المخاوي حتى رفعوه نجمتين وهو ما كان يحلم بها ولا في المنام.