مخاوي منقاش تعال .. رحلة إلى هجرة الطيري

[@ بن سلمان @]

المشاركة الأصلية كتبت بواسطة بلاحدود

بن سلمان

بدون كلام وبدون سلام
واحد ناوي شر
الجعيد ماهو راضي عن الي صار منك ومن منتداك لماذا لم تستأذنه في نشر الصوره
وليش ما ساويته ببقية الشقرديه ربعك الي انا اعرفهم وانت ما تقدر تنشر صورهم
الرجال معلق عاني على ناس من جماعتك يطلب المذهب اما رجال بشره بالحق
والا سيضطر لرفع دعوى عليك وعلى منتداك وفقا لنظام المطبوعات بوزارة الاعلام
قلي يابن سلمان ليش ما اخترت الا صورة ابوفهد من بين عشره وزياده موجودين معك في شعيب

الطيري يالله فرك ايديك واعرف الي عليك ولا يغرك انك مشرف اشرافك حدوده المنتدى الجعيد وراه قبيله يملون وادي شقصان واطراف بسل احسب حسابك .

بلا حدود قف على الحدود
وعليك أن تعرف أن للدخول آداب و أمامك رجال تشهد أن لا إله إلا الله و أن محمداَ رسول الله و أهيب بمنقاش و بمخاويه إيقافك على الحدود , أما أبو فهد فله العتبى حتى يرضى و طلب الإذن منه حق له , وأنا على قولة ( وأنا في ذيك الساعة اللي أكون محقوق لأبي فهد ) يبشر من هنا لين وادي شقصان بما يرضيه .

يا منقاش و يا مخاويه عندكم الرجال أبيكم ما تخلون منه عضروط من عضاريطه و لا عكنون من عكانينه إلا و يصيح منها و لا يغركم بصوته و بالخط الأحمر اللي يكتب به ( وتروا مكانه في المنتدى محجوز و كرسيه شاغر في الاستراحة بعد تقاعده ) .

[بلاحدود]

يابن سلمان

لا تلاقي الصياح بالصيا ح عشان تسلم

منقاش ومخاويه ان شاء الله انهم رياجيل عقال ولا تسوي مصيبه مع عتيبه وتحاول توقع الرياجيل معك

ان ادري ابو فهد ونعم لكن ماراح يروح حق ووراه مطالب والشغله ما هي هروج وعزاوي وبس

العلم فيه دق خشوم ان كان يوم انك تتعزو بمنقاش وخويه وهم رياجيل بينصفون العتيبي منك اقول بيض الله وجيههم

وان كان الدعوة فزعه وبس فحنا لا في صخفه ولا في ضعفه ’’لكن طيع شوري وخلك عاقل , انت رجال يقولون انك شاعر وعشان ترضي ابوفهد انظم لك قصيده وامدح ابو فهد وافتخر بأخوته وبين ان امير القوم خادمهم ما هو الي جالس على المركى ويصدر توجيهات

والعلم وسلامتك

[أبو عبدالرحمن]

حياك الله أخي الحبيب ـ بلا حدود ـ

لا تشتكينا على أحد ..ولا نشتكي عليك!!

ولا تحشرنا بيننا وبين خلق الله..

لو تحاسبنا على مشاركات الأعضاء ...فكفى بمشاركات منقاش التي فيها مافيها من جانب السياسة او من جانب الفن الآخر!!!

فنحن نخلي مسؤوليتنا عن المشاركة والمواضيع ...وعلى المتضرر حمد الله على العافية..

[منقاش]

زبنت يبن سلمان بجبل وجمل (الجبل الشيخ منقاش , والجمل المخاوي بس للأسف جمل مقصر).
يا بلا حدود مساك الله يالخير بلا حدود
وثاني مره أعرف حدودك ونسب لجدودك واعرف درب مروقك وخروجك وورودك وصدورك .
واللي بعدها خذ في حسابك أن هذا الكنفيوتر واللي فيه صغير والا كبير من مشرفين والا أعضاء مثلك أنت والمخاوي عساه يخوي كلهم يرجعون في فصل خصوماتهم للشيخ منقاش .
واللي بعد اللي بعدها مرحبا بالجعيد والجعده كلهم أرحام وعواني واللي ما تاسعه الأرض منهم تاسعه عيوننا , والجعده ما خبرتهم أهل صخفه والا ضعفه حتى يقلطونك تدور حقوقهم وتهرج عنهم في صايبه والا خايبه , وان كان وكلك الجعيد هات الوكاله ونص دعوتك عليه وجهز بيناتك واثباتاتك لكل ما تدعي به ومجلسي الشرعي رايح ينصف المظلوم من اللي ظلمه كما أنصف ناس من قبلكم ورايح يأدب أهل الدعاوي الكيديه اللي يشغلون بها المراجع والكنفيوترات .
والمخاوي لا يفتح فمه والا يبربس في أمور ماله فيها حظ ولا نصيب , وتكفى يبن سلمان نزل نجمتين من اللي حطيتوها له وخلوه بنجمه واحده لأنه ما هو كفو أصلا ولا حتى لمريره يقيدون بها حمار من حمير حايل.

[@ بن سلمان @]

أنا رجل محظوظ ومخدوم من منقاش و من المخاوي و مفوضهم في أمرك يا بلاحدود و إن معك دعوة تراهم وكلاي يقولون عني و يطولون رغم إني ما أنكر حق أبو فهد , لكن ودي يعلمونك سلوم خليتها و تخليت عنها .

شدوا حيلكم في الرجال

[@ بن سلمان @]

تكفى يا مخاوي يالشوردي عفوا اقصد الشقردي عليك بالرجال اللي تجاوز الحدود ( بس عن الفضايح وعلومك اللي تحت الحزام ) تراني معتزي بك .

[مخاوي منقاش]

اسمع يبن سلمان انت رجال عزيزو غالي وانا في هالموضوع مادام ولغ به منقاش فاسمحلي اتجنب لسبب ارجو ان تعذرني فيه وهو ان الجعده اهلي من الرضاع وفيها احراج وخاصة ان بلا حدود يبدو شري وانا احب الاشرار ينظمون للمعسكر( حقي) هذا من جهه ومن جهه اخرى ان عجز منقاش لاينطحهم ابشر وكلها 10 علب نيدو اعطيها بلا حدود بدل مارضعت منهم 0 وانت لا تفتج كل الجبهات مرة واحدة ففي التكتيك العسكري مايسمى قوات الاحتياط تزج فيها في الوقت المناسب لترجبح الكفة وهي النخبة اما المرتزقة كمنفاش فقدمهم ولا تاسف على من مات منهم0

[منقاش]

يبن سلمان أبك جنه ؟.
أنت زبنت في جناب الله ثم جناب الشيخ الشريف منقاش ثم بعد وصلت بر ألأمان تستنخي المخاوي اللي ما علمه الرمايه الا أنا , ولا علمه نظم القوافي الا منقاش .
يا عيباه ويا شق جيباه ... ما أنت عارف أن السيف ينقص قدره أذا حطيت جنبه قطله (عصى) مثل المخاوي ,, ولا أنت عارف أني رجل بألف رجل من أمثال المخاوي واضرابه .
الله خيرك بين الأحتماء بحمى الله ثم حمى منقاش ,, ومنقاش لا غير ,, والا روح للمخاوي وخليه يسقيك شربة ماء أن كان يقدر , ووقتها تراني عليك من الشامتين .

[مخاوي منقاش]

يامنقاش/ تراك على مرمى حجر من الجعدة والله ان بغولونك وعيونك طايرة وابن سلمان بالرياض ما راح احد ياصلة وهو رفيق لبو فهد وبينهم خروف ماهو بس عيش وملح وقرص نار لاتصير غبي وملعابة تضحك على نفسك انا الشيخ منقاش والمصيبة الشريف ؟؟ شوي شوي تقول انا (؟) او تروح للنبية اليمنية وتصير مسيلمة وتتزوجها ومهرها تسقط صلاة العصر عن اليمنية اركد يامل الغنيمة وابن سلمان ياكل عشرة من امثال بلاحدود ويخلي حدودة متر في متر بس هو يقول ليه اتعب نفسي وانا عند ي المصرقع منقاش ولا انا يعرفني لنا سنة اصدقاءوما طلب مني الفزعة الا علشان يثير حميتك يابرجنيف

[بلاحدود]

اثبت بن سلمان للجميع انه ما صار مشرف من شئ بسيط بن سلمان رجل سياسي

والدليل انه بسياسه وشوية تطبيل اوقع كبيرهم الي يسمونه الشيخ منقاش في شر اعماله


انا اعرف ان الشيوخ دائما فطينين ويعرفون متى يدخلون في الموضوع لكن بن سلمان لعب على شيخه

وكما تكون يولى عليكم ومنقاش على قد بن سلمان .. لكن الي عجبني خوي منقاش شكله عارف خويه

وعشان كذه تبرى منه ومن اعماله وحافظ على شعرة معاوية الي قطعها مع كل الآطراف والحمد لله انا رجال اعرف

العلوم كلها ونهار العيد بين من عصاري لكن ودي اسئل شيخكم يابن سلمان من متى الرياجيل يطلبون

وكاله من رجال معلق عليه عاني من طلاب حق والجعده قلطوني لأنهم يعرفون من انا وعشان يخرجون

مني ومن امثالي من الرياجيل بعذر عشان لا نلومهم بكره واذا كان هذا عارفتكم وكبيركم وهذي علومه

بكره لا تلومون الجعده اذا طبوا عليكم في المنتدى واخذوا حقهم بيديهم ساعتها قولوا شيخنا منقاش

قال