حملة مليون رد

[عااااااشقة المستحيل]

لي متى قلبي أسيرك = لي متى عيني تهلّ
لي متى أبكي هجيرك = وأنت يمي لك محل
أرتعش الله يجيرك = قلبي اللي ما يملّ
يشتكي قسوة ضميرك = كيف تخدعني وتحل
ما عطيت الحب غيرك = وأنت تجرح ما تملّ
لا تقول لي ما أبي غيرك = الكذب ما يكتمل
عاذلٍ موّت ضميرك = مبعدٍ عنه الخجل
ما له إلاّ في عشيرك = طعن وسيوفٍ تسلّ
وأنت راضي به يشيرك = كيف دربك ما يزلّ
يا حسافه طار طيرك = مدميٍ جرحه يهلّ
وانطفى نجمٍ ينيرك = وأنا بي حلّ الأجل
كثّر الله ألف خيرك = تهدي الموت بعجل

[عااااااشقة المستحيل]

تقوى الهجر ..
وش لي بقى عندك ..
تدوّر لي عذر .. لا تعتذر ..
تقوى الهجر ..
ما نجبره ..
من عافنا ما ينجبر .. لا تعتذر ..
زاح الصبر ..
لا لا تعنّى لي وتمرّ ..
و تبغى الصبر .. وين الصبر ..
جرحي عميق ..
والقلب في دمّه غريق ..
و تبغى الصبر ..
ويلاه من وين الصبر ..
مهما تقول لا تعتذر ..
مهما تقول .. من الأغاني والجمل ..
ما يحتمل .. قلبي فديا جبر الألم ..
يمشي معك درب الندم .. ما يحتمل ..
يكفي عليه .. منك احتمل كذب وغدر ..
حبك سراب .. ضيعت وقتي أتبعه ..
وسط الضباب ..
وصوتك ينادي اسمعه .. صرت أتبعه ..
واليوم في صحراء الظما ..
ترمي فؤادي وتحرقه ..
ترجع تقول ..
أبعتذر .. ليه العذر ..
دام الهوى .. ما له على قولك عذر ..
والجرح يا جرحي يداويه الصبر ..
ليه العذر ؟؟
الله كريم .. الله عليم ..
هو عالمٍ بالحال .. ولا يمكن يظيم ..
عزاه لك .. يا قلب يا أحلى نديم ..
عزّتي .. للحب لو يصبح يتيم ..
حبك يتيم .. وكلك ندم ..
وين الندم بين السطور .. عمر العدم ماله ظهور ..
ترى هذا غرور .. هذا غرور ..
تمشي بطريق ..
و أنا بطريق ..
إللي يوديني لبعيد ..
عنّك يا أول رفيق ..
البعد يعفيني المزيد ..
وين الوفى والتضحية .. وينك رفيق ..
وبتجمع أوراق السنين ..
لا تنسى تجمع جروحي .. ودمعي .. وآهاتي معك ..
وقلبي بعد ما قتلته ..
يا رفيقي .. ما عاد يقدر يمنعك ..
كل الأمر .. عاد بيديك ..
يا خلّ يا هاجر ..
ما عندك عذر ...

[عااااااشقة المستحيل]

ليتك لعيني قريبه= كان أبسهر ونومي لجفني حرام
عمري عطابه صخيبه= ما يضيع العمر ودامك له غرام
أنتظر متى على الفرحة تجين= ودنيتي في ناظري بقربك تزين
طرفي اشتكى لي شوق= بالله شسوي به
ما بقى من هالعمر كثر اللي راح= وشوفتك يإ شوق تبري الجراح
لك خافقي شراي= بموانسك تطري به
عشت لك وغير إحساسي ما أقول= وبأنتظر لو غيابك لي يطول
ردي على الولهان= لا يهون بك تعذيبه

[عااااااشقة المستحيل]

ماني على فرقاك يا شوق ناوي= مير الزّمن له وقفةٍ بين الأحباب
يشهد على ما أقول قلبٍ شقاوي= دمعٍ نثرته بان من بين الأهداب
كانك على ذبح الوفى فيني قاوي= تذبح خفوق اللي يحبك ولا تاب
واللي بقى من وقتنا ما يساوي= لحظة نعانيها من البعد أغراب
لا يا نجوم الليل ماني بهاوي= فرقى مناة الروح ولو طالت أسباب
يا ناصحين القلب ما له مداوي= غير الحبيب اللي له القلب طلاّب

[عااااااشقة المستحيل]

حقيقة فعلك ما يطاق= ومن يستحق فينا العتب
وإن كان تنوين الفراق = سهله عليك بلا سبب
قليل أحسّ بطيبتك = كثير منك اللوم
لا تتعبيني وش بقى = مرض الشقا لي دوم
ما بيننا دار الزعّل = ما أظلمك في كل الخطا
والجد أبقى من الهزل = والتضحية أصل العطا
وشلون أبمشي بطاعتك= وانتي عليّ تقسين
إخذي القرار براحتك = ما أسألك زين أو شين
من كثر خوفي والألم = ما عاد أحس بأي خوف
سرت الخطا بليل الظَّلَم = عرفت حالك سمع وشوف
إن كان لي حقٍ أبيه = وإن كان ما لي أنسحب
واللي تبينه اتبعيه= قلبك يبي منهو يحب

[عااااااشقة المستحيل]

إنتظرته وقلبي إحساسه يققول= صوت خلي اليوم ما أظن أسمعه
الخبر عندي وغيبته بتطول= وقتي من اليوم حسابه باجمعه
ضاق بي صدري وأدوّر له حلول= في ضميري نار شوقي مولعه
عشت في دنيا أدور بها وأحول= عشت فيها بضيق وعايشت السعه
ما لقيت اللي على دربي صمول= كود بعض الناس وقته يمنعه
روضتي جفّت وأنا خلي سيول= مبعدٍ عني وقلبي يتبعه
طبعها اللي يوصف بالطبع الخجول= بين كل الناس عندي أرفعه
الغريب اللي أسولف له وأقول= عن هوى نفسي كلامي أقنعه
ما يلام اللي مثل حالي ينول= لو قضى ليله يساهر مدمعه
لي على الغالي وشوفاته ميول= زود شوقي له غرامي أصنعه
لو حصل لي شوفته همي يزول= وقتها أنسى البشر وأجلس معه
أذكر إني بغيبته دايم أقول= هو حياة القلب هو له مطمعه
فرحتي يا خالد بيوم الوصول= با فرح لقلبي بهمٍّ ودّعه

[ثمالي معروف]

العلــم فــي الــصــغر كالنقش علـى الــحجر

[ابوعزام]

[ابوعهد]

يابنت انا للشمس في جلدي حروق * وعلى سموم القيض تزهر حياتي
اطرد سراب اللال في مرتع النـــوق * ومن الظما يجرح لساني لهـــاتي
عاري جسد والليل هتان وبـــــــروق * دفاي انا والبرد سمل العباتـــــي
وان عذربوني بعض خلانك صــدوق * يابنت انا عشق الخلا من صفاتــي
وشم على رمل المتاييه مدقــــوق * لا شك من منهم يسوي ســــواتي
انا(بدوي) ثوبي على المتن مشقوق * ومثل الجبال السمر صبري ثباتي
ومثل النخيل خلقت انا هامتي فوق * ما اعتدت انا احني قامتي الى فصلاتي
واذا افتخر بافعال يمناه مخلــــوق * يابنت انا فعلي شهوده عــــــــداتي
الله خلقني وكلمة الحق بوفوق * " وملكت الارض وراس مالي عصاتي "

[مزاجيه ~]

ماكل من يضحـك بوجهـك يحبـك تضحك اوجيه اقوام وقلوبهـا سـود
كم ضاحكٍ قدمك اليـا غبـت سبـك لو يعجبك هرجه اليا صرت موجـود
تركــ الـــردي عـــلاج روحـك وطبـك وملايمـه ذلـه وشرهـه ومنـقـود
طبع الـردي وقـت الشدايـد يكبـك مثل السحاب اللي بلا بـرق ورعـود
وخـل اعتمـادك واتكالـك بربـك واحرص على رفقة أهل الطيب والجود