كشته في الشعيب

[H Y T H A M]

المشاركة الأصلية كتبت بواسطة ابوسيفين

ماشاء الله ياهيثم واثاريك قريب منّا وراعي وناسه 0

من باب الغيره سأشي بك عند الحاج سلام فلتلك المنطقه بالذات مكانة عنده

العين مآتعلى على الحآجب يابوسيفين
أنتم كفو ونعم

الله يخآرجنآ من الحآج سلآم
تشفعلي عنده وبلغه إنهآ الأوله والأخيره ولاعآد أتعودهآ

[ثماليه والعز ليه]

مـآشـآء الله تبـآرك الله,,
كشتـه ارووع منهــآ مــآفي

تدووم هالكشتـآت والفـله والونــآسه يــآرب

لاهنت

[«Šά๗ëêŘ«]

اخس ياهيثم طلعت حق كشتات وانا احسبك حدك ديوانيات وبس والله منت بهين

على فكره لازم تجينا صوب الشمال نكشت بك زيييييين

بالتوفيق

[الحاج سلام]

المشاركة الأصلية كتبت بواسطة H Y T H A M

هلآبك يالسنآفيه

القصدير كـ فكره ماهي جديده
بس الجديد إنو المحلآت والبقالات صآرت تبيع ( القصدير الجآهز ) مثل إللي بالصوره
سابقاً كنآ نلفهآ بقصدير عآيدي ونسكر أطرافه ونرميه على النآر
لكن جت هالقصادير الجديده وريحتنآ


الله يخارجنا من الحآج سلآم
أولاً وأخيراً غرضنا من الأحتطاب كآن ( شريف ) لا حنا إللي نبي نبيعه ولاندور من ورآه رزق
نبي نشب ونتدفآ إذا خرجنا للدوريه الأسبوعيه في ليآلي البرد القآرص
وبحكم إني رحت مع أهل الديآر هذيك فـ الوضع إن شاء الله طيب ومطمن

الله يسعد ايامك اخي هيثم :

الآن اطلعت على موضوعك الشيق حقا انه شيق لانه مختصر ومعبر وخفيف ظريف مثل العشاء الخفيف الذي اعددتموه ، وكأنني اشم في الموضوع رائحة العبيثران ( العبيثران في اللهجة النجدية هو البعيثران في لهجة ثمالة )
وشجيرات العبيثران البرية متواحدة بكثرة في هذا الشعيب وقد شاهدتها بنفسي .

وكم تمنيت ان اكون معكم في هذه الرحلة .

مشكور علي ذلك ولكن هذا الشعيب من المحميات في المنطقة واكيد انك لاحظت وجود بوابة في بدايته واللوحات تمنع الاحتطاب وانا عاتب عليكم في اخذ الحطب ومخالفة التعليمات .
عموما الذي حصل قد حصل ولكن ان كان الحطب بقي منه شيئ لزوم تحضره لي ادقق في كونه يابس او اخضر وانا ارجح انه يابس لذلك لن يطالكم الا مصادرة الحطب وانا سوف اكفلكم عن عدم المعاودة ، المهم الا يكون اخضر لان المسألة تتعدى التعهدات والله يستر لأن الموضوع عندها يتطلب حضور الشيوخ وقد تذهب فيها ارواح عدد من الخرفان .

ملاحظة : لم يكن سبب تواجدي هنا وشاية من الاخ ابو سيفين .

[المنديالي]

ماشاء الله تبارك الله

طلعه حلوه

تعجبني الطلعات اللي زي كذه

مختصره ووقت قصير يستغل باقصى درجه

والقصدير غير


بس عاد حماية البيئه مدري وينهي عنكم

الله كيف بيسير شكلك وهم مكلشينك في واحد من العيدان اللي قصيتها لا ويقلك هالحين ياخذونك بالحطب للمحكمه خخخخخخخخخخخخخ

موضوع وكشته كايفه

[H Y T H A M]

المشاركة الأصلية كتبت بواسطة ثماليه والعز ليه

مـآشـآء الله تبـآرك الله,,

كشتـه ارووع منهــآ مــآفي

تدووم هالكشتـآت والفـله والونــآسه يــآرب


لاهنت

حيآكِ ربي ثمآليه
وموفقه بـ أختبارآتك إن شاء الله

[H Y T H A M]

المشاركة الأصلية كتبت بواسطة «Šά๗ëêŘ«

اخس ياهيثم طلعت حق كشتات وانا احسبك حدك ديوانيات وبس والله منت بهين

على فكره لازم تجينا صوب الشمال نكشت بك زيييييين


بالتوفيق

كل يومين وأنا في شعيب .. وش تعرف يآسمير
بس تحمست ذآك اليوم وأدهرت تصوير

بطلت مآنيب جآيكم ..!

[H Y T H A M]

الله يسعد ايامك اخي هيثم :

الآن اطلعت على موضوعك الشيق حقا انه شيق لانه مختصر ومعبر وخفيف ظريف مثل العشاء الخفيف الذي اعددتموه ،

ويسعدك أستآذي الفآضل
شرف كبير توآجد معرفك بمتصفحي المتوآضع،

وكأنني اشم في الموضوع رائحة العبيثران ( العبيثران في اللهجة النجدية هو البعيثران في لهجة ثمالة )
وشجيرات العبيثران البرية متواحدة بكثرة في هذا الشعيب وقد شاهدتها بنفسي .

صح لسآنك ..
( عبيثرآن ) أنا سمعت الأسم من أخويآي إللي معي وسألتهم مره وثنتين عشآن أتأكد من أسم الشعيب
يالربع ( عبيثرآن وإلا بعيثرآن ) قآلو عبيثرآن يالحجآزي

وكم تمنيت ان اكون معكم في هذه الرحلة .

مشكور علي ذلك ولكن هذا الشعيب من المحميات في المنطقة واكيد انك لاحظت وجود بوابة في بدايته واللوحات تمنع الاحتطاب وانا عاتب عليكم في اخذ الحطب ومخالفة التعليمات .

صدقني ماخالفنآ التعليمآت .. البوآبات موجوده ( من طرف شعيب حريملآء ) الى طرف الشعيب الآخر ( عبيثرآن )
بعدين في منطقه مفتوحه من مفرق ( ثآدق ) تقريباً الى حدود ( رغَبه - لست متأكد ) وإللي تعتبر تكمله للشعيب المذكور
حنآ نزلنآ بالمنطقه المفتوحه وما أخفيك إن الطلح كآن بـ أعداد متوسطه وآثار الأحتطآب موجوده
عكس شعيب حريملاء المغلق - ماشاء الله ماوصلته المنآشير

عموما الذي حصل قد حصل ولكن ان كان الحطب بقي منه شيئ لزوم تحضره لي ادقق في كونه يابس او اخضر وانا ارجح انه يابس لذلك لن يطالكم الا مصادرة الحطب وانا سوف اكفلكم عن عدم المعاودة ، المهم الا يكون اخضر لان المسألة تتعدى التعهدات والله يستر لأن الموضوع عندها يتطلب حضور الشيوخ وقد تذهب فيها ارواح عدد من الخرفان .

الونيت بالحطب إللي فيه يفدون عيونك

ملاحظة : لم يكن سبب تواجدي هنا وشاية من الاخ ابو سيفين .

عيني في عينك أشوف

[H Y T H A M]

المشاركة الأصلية كتبت بواسطة المنديالي

ماشاء الله تبارك الله

طلعه حلوه

تعجبني الطلعات اللي زي كذه

مختصره ووقت قصير يستغل باقصى درجه

والقصدير غير


بس عاد حماية البيئه مدري وينهي عنكم

الله كيف بيسير شكلك وهم مكلشينك في واحد من العيدان اللي قصيتها لا ويقلك هالحين ياخذونك بالحطب للمحكمه خخخخخخخخخخخخخ

موضوع وكشته كايفه

الأكيف مرورك يالمنديالي
ماشفت توقيع ابوتركي الجديد وش يقول فيه . . .

أن تكون فرداً في جماعة الأسود خير لك من أن تكون قائداً للنعام

مين يقدر يربطني في عود وانا معي ذيآبه وشقرديه

[كبريـــآء]

مآشــآء الله
حلوهـ آجوآء هالطلعآت

دآيم تكون >> ضحك وسوآليف وسهر ومزوح وبسآط آحمدي
^
^
لاهنت هيثم .. الله يديم عليكم هالونآسه