|
|
|
12-02-2011
|
رقم المشاركة : ( 421 ) | ||
|
شاعر
|
رد: مـقـهـى ثمــالـة الادبـي
خواطري جات في لحظه وترجمها
والترجمه شعر ماهي هرج هراجي ياليت من يدعي التوضيح يفهمها ويحط مدخال لفكاره ومخراجي حتى ليا قال معلومه وعممها مايخسر الصح ويشوه لنا انتاجي خواطري شعر اهذبها وسلمها لهل العقول السديده بعد الاخراجي ماجبتها عور ولا زور اتممها وماهي مراويح مد وجزر الامواجي هيه تكلم معي وانا اكلمها وشروطنا واحده والدين منهاجي عفت بمضمونها والقلب صممها وجينا دول مانحه لهرام وابراجي عيبا عليه اواجها و اسممها وعيبا عليه مايوضي دربها اسراجي واللي يقول الحقايق عكس يظلمها ماحد للظلم حد وسور وسياجي |
||
|
|
|||
|
|
12-02-2011
|
رقم المشاركة : ( 422 ) | ||
|
شاعر
|
رد: مـقـهـى ثمــالـة الادبـي
احيان تدعوني هواجيسي الى
نظرة خياليه وفكرت المعي وقول ياحلم الفكر اهلا هلا اقلط على المعنى ودفه باصبعي خلك خوي الجنب في اوة ولا يكون موضعك المبجل موضعي خل السحابه في اليمين ومن على نجم الثريا والنجوم السبعي اطلع مطاليع الكبار وما تلا وهذا الهدف ومبتغاك وموقعي ربع على كيفك وذوق من الحلا وعند الطلب تلقى سندك مربعي اللي من الماضي فؤاده ماسلا واللي فؤاده جاك قدامه سعي ماوجه افكاره ولقاها الخلا ولا يتم الفاظه وتنعاها نعي جمل وكمل بالقفاري والفلا واليوم في حضرتك هل الادمعي خلك معه والسوق غالي في غلا والباقيات الصالحات الارفعي |
||
|
|
|
12-02-2011
|
رقم المشاركة : ( 423 ) | ||
|
شاعر
|
رد: مـقـهـى ثمــالـة الادبـي
ياقاضي الحاجه سعيد وجيتك
مالي خصم عندك ولا لي دعوه ماقول حظي جابني ولقيتك اقول قدر من كتب لي خطوه ياللي تلالا في العلالي صيتك بالذات في حسم القرار ونحوه لاتقول عني جيت لك وامليتك انته امامي في مكانك قدوه ماودي اطول واضيع وقتك ولاودي يحصل من كلامي هفوه ياسيدي القاضي انا بديتك تدفعني الايام مدري النخوه فكرت وافكاري جسام وليتك تهبني من وقتك قليل وقهوه ابكشف المستور لو غثيتك حتى الحقايق ماتروح عنوه هذي مضاريفي وانا سديتك في النص والتحليل صدق وسطوه اقراها ياقاضي العرب في بيتك وفكر بتحليلي وعقد الندوه شواهدي لو جيتني خاويتك حفاظ للذمه وحفظ الثروه |
||
|
|
|
12-02-2011
|
رقم المشاركة : ( 424 ) | ||
|
شاعر
|
رد: مـقـهـى ثمــالـة الادبـي
اشغلتني بالقصايد نعلبوها
نعلبوها نعل ابوها نعلبوها ويش اقول ووين اروح وكيف اسوي دامهم في كل حاجه قدموها من لبنا من بحرنا من هوانا شربوها الجن شربي واطعموها ان سقتني ماسقتني الا نكاده وان شكيت الحال قالو قدروها كيف اقدر من عصت موسى وربه وكيف اقدر واحده ماادبوها لو ادين الوضع واشجب ماتسوي كذبوني الحمر وهيه صدقوها ولو اقدم حجةِ من عصر ادم صرفو لي حجتي ولا نفوها رسبوني رسبوني اعيال قيصر والبيليده في الدراسه نجحوها عشق في بنت الزراعة نعلبوها نعلبوها نعلبوها نعلبوها |
||
|
|
|
12-02-2011
|
رقم المشاركة : ( 425 ) | ||
|
شاعر
|
رد: مـقـهـى ثمــالـة الادبـي
من شرب من موج فكره واستراح
نام نوم الكهف ماحس بأحد ومن لطمه الموج غازله الصباح بين مد وجزر مايلقى ستد يسري به الهاجوس من قو الرياح وظلام من ليله يداعبه الرعد تخاطفه فالبحر زرقات الرماح ويهاجمه قرش الهوايل بالنكد بين الاماني والحقايق والجراح تشرب عيونه ملح ويزيد السهد دامه على صدر البحر وضع انبطاح ينسى استرح ياعسكري ولا استعد هذا البحر والموج مامعها مزاح حتى السفن تشكي منه في كل رد |
||
|
|
|
12-02-2011
|
رقم المشاركة : ( 426 ) | ||
|
شاعر
|
رد: مـقـهـى ثمــالـة الادبـي
اسمع حبيبي لا تنقدنا بعد
ماعاد باقي للحسابات اخشرى اختار من كيفك نكد ولا سعد انا حبالي اطوال واطول من كرى الصدق هذا واعتبر هذا وعد وعدا يداوي كل جرحا مابرى ولا تقدم لي عهد وخذ العهد والعهد سنه طبقت بام القرى ان هب نسناس المخيله والرعد تحمد الله فالبيوت ام الذرى لا تشتكي مر المعيشه والسهد واذكر الاها للمعاصي يغفرا اهل المديح تدف روحك للنقد ولا همهم لو طحت من طلعة كرا احذر على السمعه وسايف فالبلد خلك طبيعي كل شي مقدرا الهلس خيمه طايحه بلا عمد يجلب على راعيه عار ومصخرا اهنا مع الدنيا بضحكه من برد وارتاح مما راح في يوم وجرى افش السلام ولا تقرب للحسد والفرض لا تنساه زاد المقبرا من يزرع المعروف مايحصد نكد يعيش قيدومه ولا يرجع ورى الخير كل الخير في قلبا زهد والشر في هرجه بلا زم وعرى الصدق فاعل ماملكه الا اسد مثل الشرف مافيه بيع ولا شرى السبت مايفرق عن اثنين وأحد وبالنهايه كل شي وله سرى سبحانه المعبود قدوس وصمد احسن صور ادم وفي كونه يرى يحب عبده ان رقد ولا سجد يعفو واظن العفو عند المقدرا |
||
|
|
|
12-02-2011
|
رقم المشاركة : ( 427 ) | ||
|
شاعر
|
رد: مـقـهـى ثمــالـة الادبـي
لولا الظروف وحاجة الناس للناس
مابان مد الطايله والقصيرة ولولا الشهامه والمواقف لها راس ماشفت اهلها فاللوازم كبيره ولولا الحسد وصدور بايع وبلاس ماحطت البدوان وسم وعقيره ولولاك شاعر ياقحطاني وقرناس ماصدت من شعري بكبر الشعيره ولولاي شاعر مانظمته بقرطاس ولا سمعت اصداه في كل ديره الناس سود وبيض واعراق واجناس مايضمن المخلوق منهم مصيره لكن يعمل والعمل خير مقياس مقياس لطموحه ومقياس خيره ان صار له في ساحة الطيب مرواس سده ربوعه فالدروب العسيره واذا شرب من مر الايام في كاس يصبر وصبره فيه خير وخيره وان عاش من كثر المعاذير محتاس والراس شايب والايادي قصيره يلقى هل الطالات فالعسر نوماس ويلقى العوارف للشدايد عشيره معرب السيسان يمشي على ساس ساس من الرحمه وحسن البصيره اللي خلق له روح وعروق واحساس لا بد مايحتاج وقفات غيره وهنا تبان المرجله وطرد الانفاس اللي بعز البرد واللي هجيره وتبان مدات اللألي واللماس تصغر كبار وتكبر اللي صغيره يعني الظروف احيان وسواس خناس واحيان تنبينا بطيب السريره شكرا لها في كل حاله ومجلاس وشكرا لمدات الكرم والجزيره |
||
|
|
|
12-02-2011
|
رقم المشاركة : ( 428 ) | ||
|
شاعر
|
رد: مـقـهـى ثمــالـة الادبـي
يادار جينا وارض الله وسيعه
0000000000000000000نقريك يادار سلم المسلمينا ماصار يادار هجران وقطيعه 0000000000000000000ولا هو بتكريس للواقع مدينا يادار دنيا العنا ماهي مطيعه 0000000000000000000000ايام ناتي لها وايام تاتينا بشراك يادار حنا فالطليعه 00000000000000000فوق الاشده على طول السنينا اهل الودايع ولا عشنا وديعه 00000000000000000ورد العزايم على الجنب المتينا حقوقنا كامله مثل الشريعه 000000000000000000ماتنقص من شمال ومن يمينا يادار جيناك والخطوه سريعه 000000000000000000حب وغلا في رياض الصالحينا ماجيت يادار ومدور ذريعه 000000000000000000000لكن عوايد ونهج الغانمينا اذا رحل قوم ماترحل طبيعه 00000000000000000000000بقدرة الله رب العالمينا |
||
|
|
|
12-02-2011
|
رقم المشاركة : ( 429 ) | ||
|
شاعر
|
رد: مـقـهـى ثمــالـة الادبـي
يكفي ان القلب معنا لو كحيل الطرف مغضي
وانت ياقلبي تصبر واحتمل طول التغاضـي دام قلبه عند قلبي امر مفرح لي ومرضـي وان غرز عينه بعيني قلت انا ياقلب راضي وانت ياطلق المحيا نظرتك طولا وعرضـي كل مافيها يصلني ماعلى العيـن اعتراضـي بس قلي ياحبيبـي وكـل ماتهـواه يمضـي ليه سلهمت المناظر في زمن ماهو بماضـي كان يالمحبوب تامر امرك امطاع ومقضـي لجل عينك يامنايه صرت في دنياك قاضـي لا تعذبني وانا اللي مالك شعـورك وحظـي مارماني بالخيانه فـي سمـوات واراضـي كل ماسنيت سنه وكـل ماصليـت فرضـي مد وصلك وافتراضك واعتبر هذا افتراضي احسبنه لـه مشاعـر مايهوقـل مـن ندايـه للمواقـف والحقايـق والعهـود المحبريـه واحسبنه فاهـم اسبـاب الكتابـه والقرايـه للمعارف والعـوارف والقـلاع المحوريـه اثره المقفي وانا طراد مقفـي مـن عمايـه والطبايع عنصريـه بئـس تلـك العنصريـه غمض عيونه عن اقـوام يجيـدون الروايـه مادرى انه في يدين السبع كاللقمـه الطريـه وعن زحول في بروج الحق ودروب الهدايه ماحصل منهم تعدي ولا حصل منهـم زريـه ماعرف خـط البدايـه والله اعلـم بالنهايـه يمكـن الايـام تهديـه المدينـه السومريـه كان طرقه هم عدوانـه مـن العالـم عدايـه واليوم متناسي وناسي لا شعـور ولا دريـه خابر الايـام وحـدود المواقـف والولايـه كل ماحوله مزيـف مـن طوابيـر السريـه صحيح انا خسران لكن العزى ماهو عزايـه العزى من بـاع ورده واحتفـظ بالمزهريـه والله اني مانسيته مخلـص لـه فـي ولايـه والليالي شهـود والدنيـا حظـوظ ومقدريـه ولا انا مافرض وصايه او اقلل في عطايـه لو يروح الغرب وبـلاد الزنـوج البربريـه مابرحت الدرب لعيونه وبرمي لـه حصايـه ولا زهمت الطيب وانا اكذب على رب البريه ياطيب السيره ترى الطيب مامـات باقي ويبقى مابقـى الكـون سيـار ياما وياما شفـت بالعيـن هامـات تشوم عن درب الرديـه والاشـرار ماتحمـل الاضغـان ولا اتهامـات مجدافها صدق السجيـه والاسـرار معروفهـا واحسانهـا فالمهـمـات يحـي قلوبـن غافـلات وعـبـار كسابة الطـالات بـرق الجهامـات ومرويات الصعب شـلال الانهـار ذباحة الحايـل وربـع الشهامـات الخير في ماطـا قدمهـا وفالـدار للحق عز وحـق فعـل ودعامـات امواج بحر(ن) لو تسلط على النـار ياطيب السيـره عطيتـك علامـات يامعرب الجدين من نسل الاحـرار لكم مقام (ن) فـي علـو المقامـات مقام نسل ودين وصفـات واشعـار والحمدلله بعـد صـارت سلامـات اللي حصل مما حصل ماهو اضرار خلك مع اهل الطيب راس الزعامات مبرقعـات الشـر للخيـر معمـار ياضد ضـد الضـد والانقسامـات ياهيبـة التاريـخ ياعـون الاخيـار ياسائلـي مانـي نبـي الكرامـات يادامـح الزلـه وياطنخـة الجـار ياسائلـي تلـك الاجابـه بكلمـات زخرفتها بالقـول حشمـه ومقـدار افرحـي يابنـت والشعـر مـرواس نعزف عليه اجمـل لحـون الامانـي طبعا انا شاعـر هـواوي وحسـاس احس بـك بيـن الضلـوع المحانـي بالـدم والعينيـن والقلـب والــراس فـارض عليـه ياحبيـبـي ثمـانـي حضرتك تسوى جمع من حضرة الناس وشغلتنـي ياحـب طـول الزمـانـي ماكنت وسواسي ولو كنـت وسـواس اخسر علـى شانـك وقـدم رهانـي صورتك في عيني من اللول والمـاس مـن دون شوفـك ماتقـر العيـانـي اشعرتنـي بشعـور بكـرا لجسـاس دفـاع لاخـر قطرتـن مـن كيانـي اخاف المطرقه وقول ياخوفي من السندان سهام الحظ ترميني وثرها بين الاجفاني زماني راح مابين النصيب وحبة النيشان وانا اللي ماكسرتك يالوفا في نون الاعياني انا مديت يمنايه معزز للبنا سيسان ومريت المدينه اللي بها ضامي وجيعاني يالزمان الصعب مالي فيك ليمه كيف الومك وانت قاسي يازماني والله ان النفس والنيه سليمه صادق الاحساس ماني عنفواني ماطلبت الا الستر والله يديمه ولا طلبت الا القناعه في مكاني ماعشقت الحرب وادور غنيمه ولا جردت السيف لجل اللي رماني يارجال المعرفه سيمه وقيمه العشر في حسبتي ماهي ثماني السيول الجارفه لو قلت ديمه ماتطاوعني ظروفي ولا لساني يااجمل نساء الارض عقبي تونين حالك برى ومن الكرى دون غاليك صحيح انا عاشقك عشق المحبين واقدر اشخص داك واقدر اداويـك مادخلني فيك يافارس هواجيس و شكوك انـت راع الاولـة والتاليـة واللـي بعـدهـا ياحكيم الراي قلنا لـك مـدد لا فـض فـوك ياكريـم ابـن الكـرام اللـي عرفـنـا سـدهـا شرواك في الدنيا محدد عددهم وانا خوك انـت بانـي امجـاد يـوم ان غيـرك هـدهـا ياخوي الصدق فخـر القصايـد والسلـوك للزعـامـه جــد وانــت الزعـامـه جـدهــا مالي مكاسب من ورى البعد يافلان لجل كذا قررت انوخ ركابي بكره تلاقيني على العد ضميان تسقيني عينك سلسبيل الشرابي ان كان لي قدر ومكانه بالامكان يجاوب المحبوب دعوة حبيبه مجنون ليلى قدم الورد بستان لو ان ليلى في زمنها صعيبه وعنتر بنى للحب ياعبل عنوان وبالنهايه كان غدره نصيبه جميل وش يلحق من الحب يااخوان وبثينه في بحر الحزن بالغصيبه اصلا وجودك غايتي ومرادي =مالي على بعدك مرام البته صورتك من سفح الجبل للوادي=واثرك عاهدني وانا عاهدته لو كنت طالب ثالثه اعدادي=راحت شراييني معك منفته |
||
|
|
|
12-10-2011
|
رقم المشاركة : ( 430 ) | ||
|
شاعر
|
رد: مـقـهـى ثمــالـة الادبـي
[POEM="type=2 font="bold x-large Tahoma, Verdana, Arial, Helvetica, sans-serif""]مش مهم اللي تقوله مش مهم =المهم انا فهمنا وش تقول[/POEM]
|
||
|
|
 |
| مواقع النشر |
|
|
 |
 |
 |
العرض العادي
