فنجال .. وعلوم رجــــــال .. !!

[الشيخ عبدالعزيز بن عبدالله الثمالي]

" [SIZE="5"][COLOR="Olive"]بارك الله فيك شاعر اديب مثقف- اتينا متاخرين لنلحق بالركب- نلحق الفنجال وعلوم سهيل- وخذ هذه المشاركه والتي تتعلق بالقهوه-يقولون فيه ناس سيرو على واحد بالبر يبون يتقهون عنده -راعي حلال- وصلوا وصلح القهوه السوداني -ولقط الفناجيل طبعا ماغسلها الزول-- كانت مرصوصه فوق بعض واعلاها الله اعلم به كله غبار وخلافه -المهم اول واحد اخذ الفنجال الاعلى -ماتقول الا حظ- ناظر في الفنجال اطرافه سود وسخ وغبار -والرجال مشتهي القهوه- وقام يصافق بالفنجال يمين يسار فوق تحت لعل القهوه حاره تفسله- وفعلا تفسل الفنجال وقام يتحين الفرصه يبي يكبه ويتقهوى في فنجال قد غسله- ودوب رفع طرف الفراش يبي يكبه في الارض -الا ومعزبه- يصيح عليه -يابو فلان علامك قهوتنا وش فيها-عاد الرجال انذهل وقال والله مافيها الا الزين-وهااه-ويشرب الفنجال بما فيه -وصب ياولد-
-فنجال-يقول الشاعر
[COLOR="Purple"]مآهز فنجالك ولا ارد يمناك-----------اشربك كلك واحتفيك بمكانك
طبعا الرجال كيييف

[سهيل2012]

وعندي استشهاد بالشيخ منقاش او واحد من ربعه بموضوع ناسيه يقول ان واحد من عياله كان يوم كان ساكن ببلاد ( العلوج ) يشوف ورعان الجيران كلا يجر في كلبه معه وبهذله يبي كلب والضاهر انه ( نفص , نفخ ) بمعنى ( زجر

ونعم الشيخ الفاضل .. خبره في كل شيء في الحمير والكلاب .. ما شاء الله عليه !

وينك يا أبا نقشه ؟ والله إني في حاجة لنصيحتك .. أكمل السالفة ... أم أعتذر عن اكمالها بعد

أن وعدت أعضاء المنتدى بإكمالها ..

شكرا لك أيها المونديالي .. وشكرا على نصائحك الغالية ...ومرورك وطيب حضورك .

[سهيل2012]

المشاركة الأصلية كتبت بواسطة الشيخ عبدالعزيز بن عبدالله الثمالي

" [size="5"][color="Olive"]بارك الله فيك شاعر اديب مثقف- اتينا متاخرين لنلحق بالركب- نلحق الفنجال وعلوم سهيل- وخذ هذه المشاركه والتي تتعلق بالقهوه-يقولون فيه ناس سيرو على واحد بالبر يبون يتقهون عنده -راعي حلال- وصلوا وصلح القهوه السوداني -ولقط الفناجيل طبعا ماغسلها الزول-- كانت مرصوصه فوق بعض واعلاها الله اعلم به كله غبار وخلافه -المهم اول واحد اخذ الفنجال الاعلى -ماتقول الا حظ- ناظر في الفنجال اطرافه سود وسخ وغبار -والرجال مشتهي القهوه- وقام يصافق بالفنجال يمين يسار فوق تحت لعل القهوه حاره تفسله- وفعلا تفسل الفنجال وقام يتحين الفرصه يبي يكبه ويتقهوى في فنجال قد غسله- ودوب رفع طرف الفراش يبي يكبه في الارض -الا ومعزبه- يصيح عليه -يابو فلان علامك قهوتنا وش فيها-عاد الرجال انذهل وقال والله مافيها الا الزين-وهااه-ويشرب الفنجال بما فيه -وصب ياولد-
-فنجال-يقول الشاعر
[COLOR="Purple"]مآهز فنجالك ولا ارد يمناك-----------اشربك كلك واحتفيك بمكانك
طبعا الرجال كيييف

شكرا أخي الشيخ عبدالعزيز على مرورك وهذه الاضافات الرائعة للموضوع في شقه الأول عن الفناجيل .. وحلو البيت الذي استشهدت به .. والسوالف عن القهوة وفناجيلها كثيرة وماتعة

سأحاول أن أتذكرها وأدرجها في الموضوع تباعا - إن شاء الله ..

[سهيل2012]

(( فنجـــــــال ))








(قصة عجيبة سمعتها من أحد الشياب ولا أدري عن صحتها .. )
وحدثت هذه القصة لرجل بسيط كان يجلس مع جماعته في مجالسهم ..ويتداولون السوالف وعلوم الرجال ..وإذا وصله الدور قال:ماعندي ....ماعندي سالفة ! فركب عليه الاسم .......
تعقد من هذا الاسم ، وغادر ديرته وأخذ يضرب في الأرض بالطول والعرض ........
وفي الطريق وجد بئرا ويوم جا يشرب وهاك البنت تلزم يده قائلة:حرامي! قال:ضامي! قالت ..هاك الرشا والدلو ..واشرب بيدك..رمى الدلو في البئر ويوم امتلى ..وهو يسحبه ..بخبالة..وينقطع الحبل وتقع الدلو في البئر....طوى الرشا ولحقها ويوم شافته وهي تزعل ...قالت :لو يدري أبوي ذبحك !
اتفقت معه بعد المغرب يروحون البئر ويطلعون الدلو..سروا وجو عند البئر وربطته ونزل في البير وجاب الدلو وجاك طالع ..يضحك مبسوط بهذا الانتصار العظيم ..ويوم وصل الخبيل رأس البئر وهو يتمسك في رجل البنت ....بممممم.... ويطيح هو واياها في البئر...
ابوها فقدها وأخذها بالجرة لين وصل البير وسبرها وشافهم -فظن بهم ظن السوء- والعرب كانوا على نحر شديد ..فنادى أحد عبيده وقال: هات حزم حطب وارمها في البئر لين تملاها حطب وشب النار فيها والحقنا...قام مال القوم يرمي حزم الحطب ..وكل ما رمى حزمة ..طلعوا فوقها ..حتى وصلوا فم البير ..لزمت العبد برجله ورمت به في البير وأوقدت النار في الحطب والعبد .....
خرجوا وتزوجوا وجالهم عيـــــال أذكياء جايـين لأمهم..وكبروا ..وصار الخبيل منشد(عارفة) يجونه الشيوخ وينشدونه ..والحرمة -في الشق-تسمع ..يقول لهم اشربوا قهوتكم ...ويروح ياخذ الشور من راس المرة وهكذا ومرت السنوات ، وذات يوم جاه هاك الشايب ينتشد ..ويوم جلس وتقهوى وهو يعلم بعلمه ..والبنت تسمع ! قال اصبر ذلحين جايك دخل عند المرة وهي تمسكه بحلقه ..قالت :تدري هذا من ؟ هذه أبوي ..وهو يقعد ينتفض! قالت:انعثر واسمع ..نادت عيالها ..هاك العيال الزبالحة الشياطين
قالت لهم:روحوا عند الضيف وتغفلوه..وحطوا فناجيل القهوة في حثوله ..وعلمت زوجها بحل المسألة اللي يسأل أبوها عنها ..وقالت إذا جا ماشي صيح وقول :الضيف سرق فناجيلي! راح وسوى زي ما قالت ..وطلعوا الفناجيل من جيبه ! انبهر الشايب وقال والله إنها أول مرة تحصل عليه ! قال أول مرة
أنا مضى عليه أقوى منها ..خابر البير والحطب والعبد ؟ قال :هاه !فخرجت ابنته وأخبرته بالسالفة .. (ســـالفة اللي ما عنده سالفة!! وسلامتكم .

أما بخصوص إكمال سالفة سهيل والكلاب .. فلازلت عند وعدي باكمالها .. ولكن صبركم عليّ حتى أحبكها صح وادخل السيد المخاوي في أحداثها بعد أذن الشيخ طبعا !

[الحاج سلام]

الاخ سهيل سلمه الله ومن يسمع عجبتني سوالفكم وابي اشارك يسالفه طريفه وواقعية ولها علاقة بسلوم العرب في شرب قهوة المعزب

كان في ضيافتي بدوي من الصحراء قح ما يعرف من القرآن غير الفاتحة والمعوذات المهم بعد الغداء عرضت عليه يخاويني في زيارة معرض الماني للاغذية وتجولنا وهو منبهر من الخواجات اللي يعرضون ويقدمون هدايا رمزية المهم مرينا على واحد يعرض شراب بيرة بدون كحول طبعا ويوم يشخبها من مكينته يصدر لها صوت ورغوة كنها حليب خلفة والبدوي وقف عندها وقلت له هذي ما تصلح لك قال الا والله مناسبتني وابي اذوقها وشخب له الالماني قي قوطي طوله ذراع لين ملاه ومده له ويوم ذاقه وهو مر وجفل منه وبغى يرده والالماني ملاحظه ويناظره قال هو وراه يناظرني كذا قلت لانك كزييت من طعم قهوته وشوف وجهه احمر وعيونه تطاير شرر ان ما شربتها يبي يسير علوم قال خوي انت صادق قلت جاك العلم وانا اتحدث مع الخواجه وكني اوريه انه غضب من رفيقي حاول البدوي مره ومرتين ولا امكن الا شربها كلها يوم قفينا قال ابوك يا خويي اثر سلومهم مثل سلومنا
وسلامتكم

[صقر الحجاز]

بقلمي اهداء لهذا المتصفح ومن فيه

[POEM="type=0 font="bold large Arial, Helvetica, sans-serif""]ظلام الليل والسكة يطاردها الجدي وسهيل=
وانا في سكتي ماشي يطاردني ظلام الليل
/
/
/


الماء مفتاح الحياة والصبر مفتاح الفرج =
والعقل مفتاح الذكاء والبطن مفتاح الرجال
والحب مفتاح النساء مافيه عيب ولا حرج =
والشعر مفتاحه قلم وافكار ولسان ومجال
/
/
/

لولا الشتاء ماكان للكوب داعي =
يعني الشتاء والكوب عمله وصراف
الكوب له معنى وحس اجتماعي =
واحساس في دم الاوادم والاطراف[/POEM]

ولا ياليل وش طولك ؟؟؟؟؟؟؟؟؟ ترى جمر الغضى ولع
لو ان البدر من حولك×××××××سوادك قال مايطلع
دلال الكيف من دولك*********وخويك صدق مايقلع

الناس تسرح فالخيال وتمترح
وانا خيالي فيك ياكوب الصباح
اليا شربته صار بالي منشرح
واقرا فناجيلي على نود الرياح

[سهيل2012]

المشاركة الأصلية كتبت بواسطة الحاج سلام

الاخ سهيل سلمه الله ومن يسمع عجبتني سوالفكم وابي اشارك يسالفه طريفه وواقعية ولها علاقة بسلوم العرب في شرب قهوة المعزب

كان في ضيافتي بدوي من الصحراء قح ما يعرف من القرآن غير الفاتحة والمعوذات المهم بعد الغداء عرضت عليه يخاويني في زيارة معرض الماني للاغذية وتجولنا وهو منبهر من الخواجات اللي يعرضون ويقدمون هدايا رمزية المهم مرينا على واحد يعرض شراب بيرة بدون كحول طبعا ويوم يشخبها من مكينته يصدر لها صوت ورغوة كنها حليب خلفة والبدوي وقف عندها وقلت له هذي ما تصلح لك قال الا والله مناسبتني وابي اذوقها وشخب له الالماني قي قوطي طوله ذراع لين ملاه ومده له ويوم ذاقه وهو مر وجفل منه وبغى يرده والالماني ملاحظه ويناظره قال هو وراه يناظرني كذا قلت لانك كزييت من طعم قهوته وشوف وجهه احمر وعيونه تطاير شرر ان ما شربتها يبي يسير علوم قال خوي انت صادق قلت جاك العلم وانا اتحدث مع الخواجه وكني اوريه انه غضب من رفيقي حاول البدوي مره ومرتين ولا امكن الا شربها كلها يوم قفينا قال ابوك يا خويي اثر سلومهم مثل سلومنا
وسلامتكم

صح لســــــــــــــــانك يا الحاج سلام .. وما يجي من الطيبين ألا السوالف الغانمة ..

وأذكر مره واحد من الربع اللي حدرا عزم له ناس من خوياه في محمية وأكثرهم خواجات .. وعنده مزرعة توه مسويها وغارس ٍ بها نخل ورمان .. وفرش فراشه بين الأشجار وزينه .. وجاب

مراكي كبــار ( تكايات على شكل شداد البعير ) .. حطها على أطراف الفراش ..

جوه ضيوفه سعوديين وخواجات من الموظفين في المحمية .. وهو يصيح ويرحب : حياكم الله

يالله حيهم .. صافحوا بعض .. والخواجات كل واحد يتقطمر له على شداد ( يجلس عليه ) !!

وهاتك يا ضحك ما تشوف البدو ألا كل واحد حاط غترته في فمه من الضحك .. وسلامتكم .

[سهيل2012]

المشاركة الأصلية كتبت بواسطة صقر الحجاز

بقلمي اهداء لهذا المتصفح ومن فيه


[poem="type=0 font="bold large Arial, Helvetica, sans-serif""]ظلام الليل والسكة يطاردها الجدي وسهيل=[/poem]
[poem="type=0 font="bold large Arial, Helvetica, sans-serif""]

وانا في سكتي ماشي يطاردني ظلام الليل
/
/
/


الماء مفتاح الحياة والصبر مفتاح الفرج =
والعقل مفتاح الذكاء والبطن مفتاح الرجال
والحب مفتاح النساء مافيه عيب ولا حرج =
والشعر مفتاحه قلم وافكار ولسان ومجال
/
/
/

لولا الشتاء ماكان للكوب داعي =
يعني الشتاء والكوب عمله وصراف
الكوب له معنى وحس اجتماعي =
واحساس في دم الاوادم والاطراف

[/poem]

ولا ياليل وش طولك ؟؟؟؟؟؟؟؟؟ ترى جمر الغضى ولع

لو ان البدر من حولك×××××××سوادك قال مايطلع

دلال الكيف من دولك*********وخويك صدق مايقلع

الناس تسرح فالخيال وتمترح
وانا خيالي فيك ياكوب الصباح
اليا شربته صار بالي منشرح

واقرا فناجيلي على نود الرياح

ما شاء الله تبارك الله .. على هذا التدفق الشعري ..

أحلى إهداء زاد الموضوع توهجا وحسنا .. منك يا صقر الحجاز ....

يا ليتك كنت من شعراء الشيخ منقاش .. ودخلت تحت لوائه .. فقد ظلمت نفسك وموهبتك

بدخولك تحت مظلة وعباءة السيد مخاوي !

[سهيل2012]

لم أكن وأتوقع أن ينحى الموضوع هذا المنحى .. ويتحول الحديث عن الكلاب - أكرم الله الجميع من قراء هذا الموضوع الأعزاء .. ولكن هكذا كان قدره !

والكلاب لها تاريخ .. مجيد وصولات وجولات .. فكم من كلب ٍ ساعد على حماية أهله من اللصوص .. وكم من كلب ٍ - وللاسف - أخبر اللصوص بأهله !!

ومن أشهر الكلاب كلب الفنانة أم كلثوم .. وقصته المشهورة ..

هذه القصة العجيبه وقعت لمواطن مصري غلبان اسمه اسماعين (اسماعيل) عضه كلب المطربة

أم كلثوم ..واسمه (فوكس) وكان من الكلاب المحببة والمقربة للست ..على قول المصاروة ..

فعانى اسماعين الأمرين (تصدقون ما ادري وش معنى الأمرين )جات على بالي وكتبتها ..

المهم اخذوا اسماعين وكشفوا عليه في المستشفيات ليس حبا فيه ! وإنما خوفا من أن يكون

دمه فاسدا ويتضرر فوكس كلب الست ......فقال أحمد فؤاد نجم :

أنت فين والكلب فين ......... ما أنته كده يا اســــــــــماعين ....
هو كلب الست يا ابني ..... وانته تطلع ابن ميــــــــــــــن ؟
فوكس ذا عقبال أملتك ...... عنده دسته خدامـــــــــــــــين !
يعني مش موجود في عيلتك .......شخص زيه يا اسماعين

[الحاج سلام]

مساكم الله بالخير
والسوالف عن الكلاب اكثر من ان تحصى ولكن بما انك فتحت الموضوع ياسهيل ابي ادلي بدلوي

فمما قرأت كتاب او هو كتيب بنسب للعلامة ابي بكر بن محمد بن خلف اسمه لافت للنظر وموضوعه طريف اسماه المؤف ( فضل الكلاب على كثير ممن لبس الثياب ) ولاتنفرون من العنوان فمضمون الكتاب مفيد وطريف وظريف مما جاء فيه قوله :

وسألتني أعزك الله تعالى أن أجمع لك ما جاء في فضل الكلب على شرار الأخوان ومحمود خصاله في السر والإعلان فقد جمعت ما فيه كفاية وبيان ولست أشك أنك أعزك الله عارف......

ويتمثل قول الشاعر :

لكلب الناس إن فكرت فيهم * *أضر عليك من كلب الكلاب *
لأن الكلب تخسؤه فيخسا * * وكلب الناس يربض للعتاب *
وإن الكلب لا يؤذي جليسا * *وأنت الدهر من ذا في عذاب *

والكتاب موجود على الانترنت ويستحق البحث عنه وقراءته ...

وما دام الحديث عن الكلاب تذكرت ابياتا كنا نقرؤها في مقرر البلاغة وهي لابن الجزار الاديب يقول :

لا تلمنِي يا سيِّـدي شرفَ الدينِ إذا ما رأيتنِي قَـصَّابـا
كيفَ لا أشكرُ الْجزارةَ ماعشْـتُ حِفاظاً وأرفضُ الآدابا
وبِها أضحَتِ الكلابُ تَرجينِى وبالشعرِ كنْتُ أرجو الكلابا

وسلامتكم ،،،،،،،،،