مدونة سهيل الأدبية ..~..

[سهيل2012]

بسم الله الرحمن الرحيم

هذه قصيدة أسندت على سهيل من شاعر شاب من جماعة الربع يقول :

سهيل ذاق الويل من حب رعبوب
راحت حياته بين وصلٍ(ن)وهجران

القلب من بين الصناديق منهوب:
والجفن طول الليل يبكي وسهران

يجاذب الونات و القلب مصيوب:
حصيله من الود لوعه و حرمان:

اليوم هو في صوب والزين في صوب
و لا حاصل(ن) له لو تناساه نسيان

راع الهوى ما تاب لو عزم يتوب:
يصبح معيف ويمسي الليل ولهان


وهذا ردي على الشاعر / مشعل بن منيف بجاد العتيبي علما بأنني لاأعرف الشاعر وإنما معرفة نت


[poem="type=1 color=#3333ff font="bold x-large 'segoe ui', tahoma, verdana, arial, helvetica, sans-serif""]سهيل ذاق الويل والنجم موهوب = والاسم نجم سهيل بطران بطران
مطلوب يا مشعل من الشام مطلوب = ترى الوعد عشرين من شهر شعبان
الحاجه اللي ما تحقق و باسلوب = صعبه وراء الحاجه ثمانين شيطان
نجيبها وبليس ملعون مغلوب = بذراع ولا مال لو هرجة لسان
يا مشعل الممنوع مرغوب مرغوب = وسهيل مهما صار يا مشعل إنسان[/poem]

[سهيل2012]

بسم الله الرحمن الرحيم


وهذا شاعر معرفه ( صابي السيف ) أسند لي هذه الأبيات :


[poem="type=1 color=#990000 font="bold x-large 'segoe ui', tahoma, verdana, arial, helvetica, sans-serif""]ان كان فزعاتنا ياسهيل تقربها= ابشر بنا كلنا لرضاك فزاعه
وان كان شيلاتنا بالشعر تعجبها=لجلك نضمنا فنون الشعر وابداعه
وان كان صيحاتنا توصل وتطربها=صحنا لها كلنا بالعون شفاعه
وان كان ودك تقدم صدق تخطبها =بالجاه والمال واهل الضي نفاعه
وان كان عيت وقالت ماتناسبها=نزوجك من بنات الضي في ساعه
حدد مدارك لنا فالجو واحسبها=والضي كله معك بالحال وذراعه
ويمم بنا وين ماقررت تطلبها =حنا جنودك لها بالسمع والطاعه[/poem]

(كيبورديه ) منتازة جدا لها معاني لا تخفى على متابعين سهيل ..
وقد رددت عليه قائلا :

[poem="type=1 color=#3333ff font="bold x-large 'segoe ui', tahoma, verdana, arial, helvetica, sans-serif""]يا راعي الفزعه علومك تشذبها = وأنا أتسمّع لها من دون سماعه
حيّا الله الفزعه اللي جيت جايبها = يمكن تساعد سهيل وتضبط أوضاعه
ما دامها نوّخت عندي ركايبها = يا صابي السيف عندي صارت وداعه
شرِّقبها يالبناخي ثم غربها = لين نتقهوى من الشاهي ونعناعه
وندسم اللحيه وتغرق شواربها = ويمسح الضامي الأشناب بصباعه
ونروّض الخود ونطلـّع مواهبها = ما دامها من حدود السيف مرتاعه
ما عاد ابا الأرض تأكلني عقاربها = شوفوا سهيل اليماني وين مطلاعه[/poem]وسلامتكم جميعا ..

[صقر الحجاز]

ماعاد ابا الارض تاكلني عقاربها
ماعاد ابا الارض تاكلني عقاربها
ماعاد ابا الارض تاكلني عقاربها
ماعاد ابا الارض تاكلني عقاربها
ياسلاااااااااااااااااااااااااام توليفه رائعه

[سهيل2012]

المشاركة الأصلية كتبت بواسطة صقر الحجاز

ماعاد ابا الارض تاكلني عقاربها
ماعاد ابا الارض تاكلني عقاربها
ماعاد ابا الارض تاكلني عقاربها
ماعاد ابا الارض تاكلني عقاربها
ياسلاااااااااااااااااااااااااام توليفه رائعه

يا سلام .. يا سلام يا صقر !

صدق : ما يفهم الشاعر إلا شاعر !!

شكرا لمرورك واقتباسك الذكي !

[سهيل2012]

بسم الله الرحمن الرحيم

بدون مقدمات ..~~

السلام عليكم .. واسمعوا يا هوامير الضي .. !
//
//
//

ألا يا ونتي ونيت ثم ونيت عشــ 10 ـــر مرار ~~
~~~ و عشــ 10 ـــر أكنـّها ما ودي العُذال توحيهــا

وبعد العشر ســالن الدموع الصــافية مدرار ~~
~~~على الخدين يا سهيل اليمــاني كيف تحصيهـــا

على طير ٍ من طيور السما ودّع سهيل وطار ~~
~~~~ عسى ربي يسمّح طرقته والله يسويّهــــا

وبعده راحت العـَشـرَه ثمان وباحت الأسرار ~~
~~~~~ تهاون النجوم ولا بقي لي غير ماضيهــــا

إله منزال في قلبي خصوصي حشمه ومقدار~~
~~~~ وتقدير النجوم الغـــالية من طيب غاليهـــا

كرهت الصيف وقدومه بدا لسهيل جوّه حار ~~
~~~~ وعفت الدار والديرة والأرض وكل ما فيها

زمان ٍ فات أنا المعصم وهو حول اليمين سوار ~~
~~~~ أولف له بيوت الشِعر وبصوته يغنيّهــــا

أسولف له سواليف البدو وش قالوا الشعار ~~
~~~ من بيوت الغزل والطيّب يوضّح معانيهـــا

ومن شانه حبيب القلب طب سهيل في الأخطار ~~
~~~ مرار يصيبها سهيــل اليمن ومرار يخطيها

أجي للصف والطلاب قدمِي جالسين صغـــار ~~
~~~~ أدرسهم دروس النحو كاتبها وقاريهـــا

ويسألني حداهم طالب ٍ فاهم من الشطــّار~~
~~~ علامك شاحب الوجه وعيونك من مبكيّها

نسيت إنه صغير ورحت أهذري وش حصل وش صار
~~~ واهل الســالفه طقطق من أولها لتاليهــــا

وافصفص للصغار اللي حصل لو العلوم كبـــار ~~
~~~ ويبكون الصغــــار وكل عين تهل صافيهــــا

ويدرون زملايــه والمديـــر يولم الإنذار ~~~
~~~ ويكتب في الورق محضر خطايه ثم يمضيهــا

شهود المحضر معمّر والآخر صاحبي عمّار ~~
~~~ عداي اللي من سنين ٍ مضت تنفخ علابيهــا

وحتى اسمي كِتب فــ اللوحه اللي داخل الدوار ~~
~~~ ارحل .. ارحل .. ارحل .. قبل تكثر دعـاويها

أبي رأي ومشوره من رجال العرف والأشوار ~~
~~~~ قبل تكبر قضيتـنا وننشب في بلاويهــــا

أنا أواصل بعد فاصل وأكمل باقي المشوار ~~
~~~ واعد نجومنا اللي في السما واسري مساريهـا

أو إني أعلن التوبه نصوح وبعدها استغفــار ~~
~~~~ عسى يغفر ذنوب سهيل فــ أولها وتاليهــا

وأختمها بذكر الله وأبا أصل ِ على المختار ~~
~~~~ محمد سيّد العالم وهــا الدنيــا ومن فيهـــا
//
//

اللهم أصل ِ وسلم عليه وعلى صحابته أجمعين
والسلام عليكم ورحمة الله وبركاته .

[سهيل2012]

بلغوا ســــت الحُسن بلغوا ســـت الجمـــــــال **** قولوا سهيل اليماني على الأرض ارتمى

طاح فوق الأرض نجم (ن) هوى بين الجبال **** بعد عَـذ ّر في الثريّا وعَـذ ّر في السمــــــا

عاش عمر(ن) فات بين الحقيقه والخيـــــــال **** ما حصلـّه من نجوم السمــــا غير العمى

يوم حُســـــاد الهوى قَطّعوا حبل الوِصــــــــال **** يحسدون سهيل ..ظامي يموت من الظما

الأدب والشِعر سمّوه بالسِحر الحــــــــــــــلال **** ربمــــا يســـــحر قلـوب الأوادم ربّمـــــا

خير منها كلهــــــــا ذِكر ربـي رأس مـــــــال **** من قرب حول الحِمى طاح كلـّه في الحِمى

أخوكم المُحب / سهيل العتيبي

[سهيل2012]

بسم الله الرحمن الرحيم


بدون مقدمات ........


وعادْ سهيل ْ يا ثماله ْ لهذا المنتدى مشتاقْ
يقول سهيلْ يا اهل المنتدى ما أطيق فرقاكمْ

سلام الله عليكم من جديد ْ وزادت ْ الأشواق
لكمْ مشـتاق حيل أفرح بشـوفتكم ولقيـــاكم

تعارفنــا على سَلْمْ الرجــال وبيـــننا ميثــــاقْ
ومـن كثـرْ الغـلا يا لطيـبين أكلــت منقــــاكم

عتيبي (ن) على وضــح النقا ياربعـنا صــدّاق
يمـجد فعلـكم لا مــن مدح ويقــدّر لحـــاكم

ومهما غـابْ بظـروفه ترى ما هـو غيـاب فراقْ
وزالن الظـروف القاسـيات ... وشغلْ وجــاكم

يحـث خِطاه لا منـّه مشى في طرقته سبّاق
علــى فــنـّه وطــاروقه بعـلمــه مــاتـعدّاكــم

بعد مرت سنه وأكــثر ما ظني عاد به مِدراق
أبا أكمل حقـوق أهل الـــوفا وأدور رضـــــاكم

بيوت (ن) عمّروها الطيــبين الهـــا ذرا ورواق
ليا منه نصاهاالضيف يا أهل الطيــب يلقــاكم

وأخص أحمد مدير المنتدى في عِلم ولا أخلاق
مِـجند نفســه لخدمتــكم أقصــاكم مع أدنـاكم

من الأعرج يديــر الصـرح ويـوقع علـى الأوراق
أبا أشهد له شــهادة حق قهـوانـي وقهــواكم

وأختمهـــا بذكـرك يا كريم الوجـه يا خـــلاق
بعد ما أغنى سهيل بنعمته يا ناس وأغنــاكم


وسلامتكم وكل عام وأنتم بألف خير

[سهيل2012]

بسم الله الرحمن الرحيم

قصيدة ( اجتماعية ) قديمة وجدتها في مذكراتي مورخة بعام 1416هـ


[poem="type=1 color=#3300ff font="bold x-large 'segoe ui', tahoma, verdana, arial, helvetica, sans-serif""]يا الله يالله يا معبود يا غافر ذنوب العباد = يا مطلع فوقنا تعلم سرايرنا وتدريبها
ياللي عذابك نزل في قوم صالح ثم في قوم عاد = يوم إنهم كذبوا بالأنبياء ما فاد تكذيبها
إنك تديم الرخا والأمن والنعمة في هذا البلاد = وإنك تقبل صلاة العبد يوم إنه يصلي بها
سر ياقلم ياقلم واكتب هجوس(ن)هيضت بالمداد = واحذر من الغلطة اللي يا قلم تبدي عذاريبها
زراعة القمح لا جت حزته تفرح بوقت الحصاد = وتبيع محصولها في السوق وتسدد مطاليبها
وأهل الدبش والغنم تسرح به من الصبح يرعى العراد = وليا أقبل الليل تضوي والسعد يملأ محاليبها
والفارس اللي يبا العليا ويركب في ظهور الجياد = يركب على ظهر الأصيلة من الخيل ويماريبها
الخيل معقود (ن) الخير بنواصيها تجيب المراد = واللي يبا الخير منها يجتهد في كثر تدريبها
أحد(ن)يبا يدرك الحاجة ويركب فوق ظهر الشداد = ديار يصبح بها وديار بعد العصر يمسيبها
وأحد(ن)ضعيف رقد عن عيشته راحت لسرب الجراد = تلقاه حول الركيب وغترته ما غار يوميبها[/poem]

[سهيل2012]

بسم الله الرحمن الرحيم

لقد ترددت كثيرا في إدراج هذه القصيدة في المدونة خوفا بأن يوصف ( سهيل )

بلقب : صاحب مشاكل !!

ولكن أخيرا قررت إدراجها من باب التنويع في المدونة .. ولا أحد يسأل سهيلا عن القصيدة

ومناسبتها .. أتركوها في القلب تجرح ولا تطلع و ....


[poem="type=1 bkcolor=#ffffff color=#3300ff font="bold x-large 'segoe ui', tahoma, verdana, arial, helvetica, sans-serif""]قبل البدايه يا ..... ثم طرح السؤال = ذكر الله أولى من علوم العرب كلها
والثانيه ياسلام الله سلام الرجال = واللي سواتك صليب الرأس ما أملها
رجال تعرف حقوق الجار ويا الخوال = وسلوم ربعك يا ........ شيخ وتدلها
احذر تسمع يا ......قوم قيل ٍ وقال = أهل الحسد بان لي فــ/ قلوبها غلها
لن كان لك حق فأبشر به يا ... تعال = وأرضيك يا لين كبدك عندي تبلها
لن كان زعلان حط عقال وأنا عقال = نرضى شيوخ العرب وتجيك وتحلها
والله ما أخبر لكم عندي جنيه وريال = من عهد أبويه وجدي وأنته أفطنلها
دارك جنوبيه وعينك تطالع شمال = هذي من الله وهبه كيف تاصلها
من فضل ربي ومصدرها حلال ٍ زلال = أودعتها الله ربي خلها خلها
شارينها بالدراهم والريال الحلال = ما هي سريقه ومغصوبه ومحتلها
وختامها يالعتيبي بعد تم المقال = صلاة ربي على المختار ما أملها[/poem]

وسلامتكم وإلى اللقاء في قصيدة أخرى بإذن الله .

[صقر الحجاز]

صح لسانك ياسهيل واعذرنا على التقصير
يااخي هذه الايام فيها كسل عجيب مدري انا سوداني ههههههه