مطبخ العضوات .... (( السنعات))

[ملكة بلا مملكة]

نبغى نششششششششششششوف طبخ استاذه ملاك وواثقة الخطى

[السنافية]

السلام عليكم ورحمة الله

اليوم جبت لكم طريقة السينابون مثل ماوعدتكم ..وبصراحة في البداية تكاسلت ويوم شفت اصراركم عليها وبعد كبرياء مجوعه عمرها وماغير عندها شاهي وشابورة حزت بخاطري وقلت استحي على دمي وأسويها ..

عموما مالكم بالطويلة هذي الطريقة حتى اللي ماعمرها سوتها تضبط معها لأنها مقادير محددة .. ولو فرضا فرضا يعني ولاسمح الله ماضبطت معها معناته هذي مافيها أمل تدخل المطبخ مرة ثانية >>>> تحطييييييييم

السينابون

أولا طريقة العجينة:

*كاستين دقيق أبيض ويفضل كويتي
*كاسة ونصف مويه دافيه وترى يمكن ماتستهلكين النصف كاسة الثانية كلها يمكن شويه منها بس
*فنجال شاهي زيت
*فنجال قهوة سكر
*رشة ملح
*3ملاعق حليب بودرة
*ملعقة صغيرة باكنج باودر
*ملعقة صغيرة خميرة فورية
ظرف دريم ويب وهو اختياري وهو يقوي نكهة العجينة ويخليها هشة

الطريقة :

أضيفي الخمائر أولا ثم الزيت والملح والسكر والحليب وكاسة ماء واحدة فقط في البداية وظرف الدريم ويب وحركيها بيدك وبعدها ضيفي الدقيق واعجني واذا حسيتيها قاسية شوي زيديها مويه من نص الكاسة الثانية لين تتماسك ..وبعدها غطي عليها بنايلون أو سفرة وخليها ساعة كاملة تخمر ..

وهذي صورتها بعد العجن ماراح تطلع قاسية راح تطلع رخوة شوية

وبعد ماتخمر جهزي مقادير الحشوة وهي مثل اللي بالصورة :

سكر مطحون
قرفة مطحونة
زيت
نشابة العجين(( فرادة ))
مصفى صغير

والحين نقسم العجين بيدنا نصفين وهي بنفس الوعاء وناخذ نصف منها :

ونفردها بحيث مانفردها مرة يعني تكون شوي سميكة وندهنها بالزيت ونرش السكر على جميع أجزائها وبعدها نرش القرفة ..طبعا بالمصفى نرش السكر والقرفة حتى يسهل توزيعها ونثرها ..

والآن نلفها مثل السويسرول..

وأيضا هنا ننتهي من اللف..

والحين نقطعها بالسكين وهنا يكون لك حرية الإختيار بحجمها البعض يحبها عريضة والبعض يحبها صغيرة ..وأنا أحبها صغيرة حتى يكون سهل أكلها عند التقديم بالملعقة ..

وبعدها نرص الحلقات بالصينية بعد دهن الصينية ولازم نكون مشغلين الفرن من أسف أثناء فرد العجين حتى يسخن..

والحين ندخلها الفرن وإذا حمرت من أسفل نولع الفرن من الأعلى ونحمرها وبعدها نطلعها ..

والحين يجي دور الصوص ..

وهو مثل اللي بالصورة:

ثلاث حبات جبن كيري
نصف علبة حليث مكثف كبير
نصف فنجال قهوة حليب سايل
نضربها بالخلاط ونصب منها على السينابون
وبعدها نزينها بشوكولاتة الهيرشي

والحين الله يحييكم...

وانتظروا القادم فالقادم أحلى ..

ولاتنسون التقييم ..

[كبريـــآء]

آخيييييييييييرآ تحسنتي عليه

مآشآء الله .. الصلآهـ على النبي
تسلم يدينك يَ سنآفيه .. والله مآقصرتي
وان شآء الله ماتعبنآك وغثينآك
بالفتتترهـ الأخيرهـ فجأهـ حبيت السينآبون لاني ماكنت افكر اذوقه
بس انا شخصيآ مآقد سويته
^
^
آي شي فيه نستله وقرفه يكون لذيذ

تحدآني مآ آسويه <<رآحت تعجن

تستآهلين التقييم

[دفء الحنين]

ماشاء الله .. عمل متعوب عليه .. تسلم يدينك ...

[الدانه]

يعطيك العافية يا السنافية
بصراحة حلى متميز وفاخر جدا ...
وبالهناء والعافية

ونقول للبقية اشدوا الهمة ( دفء الحنين . ملاك الروح , ثمالية والعزليه , وآثقة الخطى ,حروف , الداعية الراقية , دموع الأقصى )
حتى يتم التصويت لأفضل طبق .....نحن بانتظاركن

[أستــــــــــاذه ملاك]

اقتباس: المشاركة الأصلية كتبت بواسطة الدانه     ونقول للبقية اشدوا الهمة ( دفء الحنين . ملاك الروح , ثمالية والعزليه , حروف , الداعية الراقية , دموع الأقصى ) حتى يتم التصويت لأفضل طبق .....نحن بانتظاركن

لازم الإحراج






عآدي الوالدهـ تساعدني ؟؟

^

^

^

^

يالغآليه (الدانه) .. أطلبي وأتمنى ملآك بين يديكـ عشآن أجهــز المقاديـــر ..

راح أحوس وأقلب المطبخ ..<< بطلع لكمـ بطبخة

عشآن عيونكـ بس ..
الله يعوض على أهلي بمطبخ جديد

[ملكة بلا مملكة]

يووووووووووووووووه شهيتيني يالسنافيه عاد ان عشقي السينبووون

زعلانه عليك ليه ما ارسلتي ليه وانا قبل فتره عطيتك عنوان بيتنا ههههههههههه

تسللللللللمممممممممي

[الدانه]

اقتباس: المشاركة الأصلية كتبت بواسطة أستــــــــــاذه ملاك     لازم الإحراج عآدي الوالدهـ تساعدني ؟؟ ^ ^ ^ ^ يالغآليه (الدانه) .. أطلبي وأتمنى ملآك بين يديكـ عشآن أجهــز المقاديـــر .. راح أحوس وأقلب المطبخ ..<< بطلع لكمـ بطبخة عشآن عيونكـ بس .. الله يعوض على أهلي بمطبخ جديد

تسلمين أختي الغالية ما تقصرين ..
الله يحفظ لك والدتك ويحفظك ..اللهم آمين .

[الدانه]

غاليتي وآثقة الخطى ...نحن بانتظار طبختك الحلوة

[السنافية]

كبرياء
الله يسعدك وشاكرة تقييممك ومرورك الأجمل وبصراحة ماعاد بوعدكم بشيء >>>>أمزح

دفء الحنين

شاكره إطلالتك الدافئة لاتحرمينا تواجدك

الدانة :

أسعد الله قلبك دوما أسعددني مرورك وشاكرة لك تحفيزك وأنا بانتظار البنات اشوف طبخاتهم >>>تدرون سووا سندوتشات جبنة ماعليه بس انتم سووا >>>>يائسة

ملاك :

وين طبخك مانبي كلام نبي صور

ملكة بلا مملكة :

أسعدني وجودك وطلتك دليني على البيت وأنا اجيبلك السينابون لين حدك>>>>حشرتك