اكتب اجمل قصيدة قرأتها

[رعد الجنوب]

الامور البسيطه

الله من عين لها النوم مالاق

والقلب معرض حزن قصوا شريطه

عز الله اني ذالسنة خاطري ضاق

قامت تزعلني الامور البسيطه

ياناعس الطرفين يامدمج الساق

ياللي سقا زرع الغلا من محيطه

جمعت عقل وحسن واسلوب واخلاق

ومساحتك فاقت حدود الخريطه

كانك مثل مانا محب(ن) ومشتاق

قال المثل من شق شق(ن) يخيطه

لاتحسبن عيني على كل براق

برق الحفر ماشاق راعي شبيطه

[سنا الهجرة]

المشاركة الأصلية كتبت بواسطة حسن عابد

حنا العرب يــــا مدعين العروبة

وحنا هل التوحيد وانتم له أجنـــاب

وحنـــا شروق المجد وانتم غروبه

وحنا هل التاريخ وأنتم به أغــراب

يوم الفقر شلتوا علينا عيوبـــــه

واليوم عقب النفط جيتوا لنا أنسـاب

ويوم الفقر فينــــا البداوة سبوبة

واليوم صرتوا مثلنــا بدو واعراب

لو الهوى منكم منعتم هبوبـــــه

لا شك رزاق الملا رب الأربــاب

ولو المطر منكم منعتم صبوبـــه

لا شك رزق الخلق من عند وهـاب

جيش الحسد سقتوا علينا حروبــه

كل يبي يزرع على جسمنــا ناب

حرب على المحسن تراهـا عقوبة

بالله عســـاكم ما تفيدون حراب

يا ما عطينــــا ما ندور مثوبه

إلا من اللي من ترجــاه ما خاب

ويا ما نصرنـا صاحب ضيقوا به

عاداتنا نقدم الى مالردى هـــاب

ويامـــا نصانا من تعثر دروبه

يدخل حمانا من تعذرة الأصحـاب

حنـــــا بنينا دارنا من طيوبه

وانتم سلبتوا داركم كل ما طــاب

الله سقانا من بحرنــــا عذوبه

وانهاركم مثل البحر هدر تنسـاب

حنا زرعنا الحب بارض خصوبه

وانتم زرعتوا كره الأجيال بتراب

وحنــا دعينا السلم نوبه ونوبـه

وانتم حمــام السلم بعتوه بغراب

يا من دعا للحرب ما درك خطوبه

لا تحسب أن الحرب تهديد وخطاب

من شب نار الحرب يصلى شبوبه

ومن ثور الفتنة تعرض للأسبـاب

ما يستر الرجــال ملبوس ثوبه

الدين وافعال الكرامــة له ثياب

ما يقبل الرجال بحمـــاه حوبه

مـــا دام له حق وللحق طلاب

نقل رائع يابو علي تسلم يمينك

[ابو الثعالب]

يــانــور عـيــنــي طـلـبـتــك لا تـخـلـيـنـي
مـن دونـك الوقـت مايـسـوى ولا حـاجـة

انـت الـذي بـك يزيـن الـوقـت وسنيـنـي
وغيرك مـن النـاس لا مانيـب محتاجـه

اصـبـحـت كـلــي وبـعـضـي والعنـاويـنـي
واسكـنـتـك الـقـلـب واحكـمـتـه بـمـزلاجــه

أفــــداك بـالـعـمــر وأدري مـــــا يـكـفـيـنـي
لا غبت كني وحيد اشكـي مـن البينـي

ولا جيت فرحي وسعدي اطلق حجاجه
داخـــل عـلــى الله طـلـبـتـك لا تخـلـيـنـي
مـن دونـك الـحـب مايـسـوى ولا حـاجـه

[ابو الثعالب]

اليـوم ذكـرى الفـراق ومـرت اول سـنـه
اليـوم لـي عـام متغـرب وحـيـد وحـزيـن


اليـوم انـا ضيـف جرحـي جيـت باطمـنـه
اني جمعت الدمـوع وجبـت امانـة اميـن


مـا يجـرح الصـادق الا غــدر مــن يامـنـه
لا جت من احباب قلبك لا تلـوم السنيـن


مليت مـن هالامانـي دام مهـي ممكنـه
لاهي تحقـق ولا ياسـي بوجهـي يبيـن


لوين انـا وانـت مثـل الشمـس والازمنـه
مع كل صبـح يجددنـي لشمسـك حنيـن


لا قـلــت احـبــك احـبــك كـنـهـا دنـدنــه
او كـنـهـا وردة مـابـيـن اصـابــع جـنـيــن


يـا اجمـل النـاس لـك بيـن المـلا هيمنـه
كثيـر غيـرك ولكـن مـيـن مثـلـك وويــن؟


يـا عاذلـي خــذ عيـونـي يمـكـن تثمـنـه
تشوف عيبه وانا اشوفـه مـلاك حسيـن


امس افترقنا وانا احسب مرت اول سنه
يـا طولهـا ليـلـة الفـرقـا سـنـة للحـزيـن

[ابو الثعالب]

ياصاحبي الدنيا حكايات وعلوم..
قصص عجيبة تذهل الي قراها..


الدنيا لو تضحك معك دايم الدوم..
خلك فطين ولايهمك رضاها..


كم واحد تبنى له أمال وحلوم..
يفني وغيره يهتني في بناها..


ياما أفرحت قوم وأحزنت قوم..
وكم أعشقت عين وخانت غلاها..


ياصاحبي شفت أمس شف حالنا اليوم..
دنيا تقلب يكفي الله بلاها..


اليوم لامنه بغت عيني النوم..
تنكدت روحي وعافت كراها..


ماكل من علا بالأصوات مفهوم..
وماكل روح تلتقي في مناها..


وماكل من يشكي معذب ومحروم..
وماكل من يضحك همومه نساها..


بحرالحياه إن صرت ماتعـرف العوم..
يرميك في غبه بعيده مداها..


من راح يستسلم من أحزان وهموم..
يموت حي وحاجته ماقضاها..


واجه هبوب الوقت بإيمان وعزوم..
لابدماربك يهدي هواها..


وأصبر إذا شمسك حجب نورها غيوم..
الغيم بتفرق ويشرق سناها...

[azooz thomail]

اسألوا دمي .. وسعادتي وهمي

اسألوا التوفيق ..

والكدر والضيق

اسألوا الطيب في صفاتي ..

والدعاء اللي في صلاتي

واسألوا شهودي ..

الدموع اللي في سجودي

اسألوهم .. واسألوا دمي ..

عن غلا أمي

[azooz thomail]

اجمل شعر عن الوطن رووووعة




أنا السعودي رايتي رمز الإسلام



وأنا العرب واصل العروبة بلادي



دستوري القرآن قانون ونظام



وسنة النبي الله لنا خير هـادي



امشي على الدنيا وأنا رافع الهام



وافخر على العالم وأنا جني حصادي



إذا تأخر بعضهم رحت قدام



وإذا توارى خايف قمت بادي



إن جيت ساحات الوغى صرت قدام



وإن صرت بلحالي فلا نيب عادي



واظهر على غيري إذا صرت بزحام



عقيد قوم بالطبيعة ريــــادي

[azooz thomail]

يا رائعَ النَّفَحاتِ عُد مُتَفَضِّلا




بالأمـسِ رَحَّبنَـا بِـهِ إذ أقبـلا
و اليـومَ شَـدَّ رِحالَـهُ مُتَعَجِّـلا


أكرِم بِـهِ ضيفـاً خفيفـاً زارنـا
و مضى على أَمَلِ اللقاءِ مُهَـروِلا


و كأنَّهُ من عندِ ربِّ العالميـنَ..
مُبشِّـرٌ للقانطيـنَ مِـنَ الـمَـلا


حَمَلَ الرسالـةَ أنَّ ربِّـي راحـمٌ
يمحو خطايا من بِهـا قـد أُثقِـلا


و جِنانُـهُ قـد فُتِّحَـتْ أبوابُهَـا
للتائبينَ ، و بابُ " مالكَ " أُقفِـلا


غُلَّت شياطينُ الغِوايةِ ، و اكتوى
إبليـسُ فـي أصفـادِهِ إذ كُبِّـلا


للهِ شهـرٌ كالنسـيـمِ طــراوةً
غَمَرَ القلـوبَ بنـورِهِ مُتَفَضِّـلا


كم ذا تَرَقَّبـتُ البهـيَّ حضـورَهُ
أدعو ، وأسكبُ أدمعـي مُتَوَسِّـلا


حتى إذا ما جـاءَ وَلَّـى مُرقِِـلاً
و كذاكَ كُلُّ العُمرِ يمضي مُرقِِـلا

[azooz thomail]

رَمَضَانُ كيـف تركتنـا! أرأيتنـا
..كالسابقاتِ..مُضَلَّلاً و مُضَلِّـلا ؟


مثـلَ القطيـعِ يسوقُـهُ لهلاكِـهِ
من لا يُفرِّقُ بين مـاءٍ أو طِلَـى


أرأيتنـا كالعـامِ فـي نَزَواتـنـا
نبني لها صرحاً مَشِيداً مُذهِـلا ؟


تِلفازُنـا ويـلاهُ مـن تِلفـازِنـا
سُمٌّ زعـافٌ لـم يَـدَع مُتَعَقِّـلا


يَفتَنُّ في عَرضِ الخنا فـي ليلِنـا
و نهارِنـا ، متعمِّـداً مُستبسـلا


و كأنه في الحربِ يَشهَـرُ سيفَـهُ
ضـد المبـادي آسِـراً و مُقَتِّـلا

المزيد

[azooz thomail]

قالوا علامك كل ماحل طاريه.. تنسى البشر حولك وتذكر خياله..
قلت إنشدو قلب ليا غاب يرجيه..قلب بعد فرقاه واعزتاله..
قالو علام القلب متولعن فيه..دور لعل القلب يلقى بداله..
قلت الغلا ماهو على كيف راعيه ..لو الغلابالكيف قلنا حلاله.


الشوق فيني اصبح لك
عظيم وجبار
والشوف بعدك ياغلا
روحي كفيفي
مشكور ياحب دربه
مايعرف اعذار
مشكور ياحب تمنع
فيه حيفي
بعد الغياب ان جيت لاتشتكي
ولاتحتار
أنت((حبيبي)) اول
والحين أنت ضيفي



آه يا قوى قلبه تجرحني من قلب وتروح
أه قلي وربك من علمك درس الجروح
ما جاك مني يجرحك ولاجاك مني يألمك
ليه القسى قلبك نسى
اتعبتني وليه التعب
واجهني لو مره بسبب
قولي انا شسويت فيك
هذا وانا قلبي عليك
ليه الجفا وكلي وفا