جو الرياض

[النجم الساهر]

جو الرياض جو الرياض جو الرياض جو الرياض جو الرياض

[POEM="type=1 bkcolor=#33FFCC color=#00CC33 font="bold large 'Traditional Arabic', Arial, Helvetica, sans-serif""]زان جو الرياض وزان جوي=واهنا جو من جا للرياض
ياسحاب على القبلة يذوي=في مقاديم نوه برق ناض
جعل وبله على الروضه يهوي=وينبت العشب وتزبن الرياض
كل موضوع زينه بالتروي=غيرمكشات في بر وفياض
فيضة عشبها تو امتروي=من سحاب غشى كل الفياض
ثم اريح بها واشب ضوي=واتفكر بها حاضر وماضي
تسعد الوجه لو كان امتلوي=ويصبح الخاطر المحزون راضي
واحد مثل حالي وش يسوي=والتماشي تبي رجال فاضي
وش يفيد المنى والا التنوي=دام ما معك حل ولا انت قاضي[/POEM]

[أبو عبدالرحمن]

صح لسانك أخي ـ النجم الساهر ـ

على القصيدة الرائعة..والأبيات الجميلة

والحمد لله على نعمة المطر والخير..

[البروفيسور]

صح لسانك

[سنا الهجرة]

صح لسانك يا نجم .. مبدع ولا غرابه

الله يديم علينا مثل هذي الاجواء الرائعه >>>> مع اني عارف انها ما بتطول .. كلها أيام وتقلب بررررد

[حسن عابد]

صح لسانك ملايين شاعرنا الحبيب

[طالب الود]

صح لسانك يامبدع
جو الرياض يستاهل ولو ما جيته وما عرفته
يقولون بالبرد جو روعه

[محمد بن حميدان]

صح لسانك يا ابوسالم .. مشان هذا الجو نحتاج كشته مع الرجال شرواك ..

[النادر]

يزحم الغيم فكر اللي قصيده مدوي=ويتمنى من الاشغال لو كان فاضي والله اني على شوفه لسوي واسوي=بس هو يترك الاشغال لاهل المقاضي ثم ادوّج انا واياه في كل جوي=ساقيته المزون وكل غصن متروي

[POEM="type=1 color=blue font="bold medium Tahoma, Verdana, Arial, Helvetica, sans-serif""]يزحم الغيم فكر اللي قصيده مدوي=ويتمنى من الاشغال لو كان فاضي والله اني على شوفه لسوي واسوي=بس هو يترك الاشغال لاهل المقاضي ثم ادوّج انا واياه في كل جوي=ساقيته المزون وكل غصن متروي[/POEM]
امتعتني جداً وعذراً على المداخله الشعريه

[النادر]

مشكله منسق الشعر ليت يعاد المنسق الاول

[خلف بن عبدالعزيز الثمالي]

النّجم الساهر
صح لسانك يالجزل
وعساك على القوة