منقاش الرياضي / الحلقة الثالثه

[منقاش]

منقاش الرياضي / الحلقة الثالثه منقاش الرياضي / الحلقة الثالثه منقاش الرياضي / الحلقة الثالثه منقاش الرياضي / الحلقة الثالثه منقاش الرياضي / الحلقة الثالثه

كما ذكرت لكم في نهاية الحلقه الماضيه (الثانيه) , أني سيطرت على ظهر ألصندقه وكانت كورة الرجلين في واحده من يديه ومكبر الصوت في يدي الثانيه , وتذكرون الخلايق اللي كانوا تحتي , وكيف كانوا كما طيورالوج لهم جوجاء ومعهم الحكومه والعمده ,,, وتذكرون انه بسبب شجاعتي واستماتتي في القتال على ظهر الصندقه جنحوا للسلم وحولوها الى مفاوضات بعد عرفوا أني ما أنا صيدهم على تيدهم , وتذكرون أن البث المباشر أنتقل من ميدان الصبان لظهر صندقة الصبان , وكان مسلط على طويل ألذراع محدثكم الشيخ منقاش ..
بعد اللي ذكرته لكم خرج واحد من العسكران من بين الحشود الحاشده ونادى بالمكرفون بصوت يعلى على جميع ألأصوات : يا هذاك الغاوي اللي على الصندقه , ويش أسمك لا سمك شر؟؟ , وويش اللي دهاك يوم الله بلاك تشرد بالكوره وترتكب العلوم ألمنكوره وتعطل مباراه الكوره ؟؟ ويكون في علمك أنه لو ما وايت الدفاع المدني خربان كان نزلناك بخرطوم الماء من مكانك كما الهرس الصردان ..
رديت عليه بالمكرفون من على ظهر ألصندقه وقلت : ألاوله أسمي منقاش اللي ما ينحاش , ثم تهيظت بالأبيات اللي مدحني بها أبو عادل واللي مدحني بها قبله الشيخ القرني , ثم قلت : أسمعوا يا من حضر , لا يغركم كثرتكم وتحسبوني وحيد وصنبور رقبه بينكم ,, ترون ورايه الهوايل والفي المايل , ورايه شرابة الدم اللي لو مشى جيشهم من الطايف يصلكم أوله في الصبان وآخره بعد ما مشى من الطايف , ورايه ثماله اللي ضافيه ومتعافيه وينوسون مثل الدبى (الجراد الصغار) , ومن وراهم عزوتهم ربعنا ثقيف صلاب الروس أهل الحلال الراسيه واهل ناموس ,,, وترونكم لو رشيتوني بقطرة ماء تبي ثماله وثقيف ترشكم بالدم والندم..
خرج ألعمده واخذ المكرفون من العسكري ونادى يقول : ياواد يا منقاش , يبن الذين آمنوا , أش اللي جرالك ؟, رجع الكوره أحسن لك ريحنا , وأنزل من عندك### , أنته منته عارف أنته فين ؟, أنته في طرف عروسة البحر منته عند جماعتك في ديرة البدو ,,,, قلك تماله؟ ,,,, عساك البلا في وشك أنت وجماعتك ..
رديت عليه : أعقب يا طرطور يا مضيع حق الرفيق وخوي الطريق ,, وترون ما قريبكم كوره حتى تجوزوني عروس البحر وتطلعونها لي هالليله على هالصندقه ... رد العمده , يا واد أنته أتجنيت ؟؟ عروس بحر أيه وجوزوني أيه وكلام أيه ؟؟ , أنزل , أنته أكيد سار في مخك بلا , وجع في خشتك ,, قال تور قال أحلبوه ,, يا واد يعني ما أنته عارف أن جده هيه عروس البحر؟ ,,,, أقول رجع الكوره وأتعذبل من أخوك ,, والعروس عندي , أجوزك بنتي غزاله لمن نرجع مكه ...
أستبشرت خير , ورديت على العمده وقلت : أن كنت صادق يا عمده تبي تعطيني بنتك عاهدني أنك ما تغدر بي والا تكذب عليه والا تفدحني بمهر ما هو في يديه ,,, رد العمده : أشهدوا يا من حضر أني موافق أجوز بنتي غزاله على منقاش البدوي أزا رجعنا من جده , واللي تطلبه العروس وامها الوليه كله عليه , وعليها عهد الله ...
رديت عليه : لالالا , على من يا عمده ؟, أول قول : الوليه طالق بالثلاث أن ما جوزت بنتي غزاله على منقاش ,,, رد العمده : أفااا , عيب عليك يا واد منقاش , أنا رجال ما أرجع في كلامي ,,, أسمعوا يا ناس , أسمعوا يا أهل الشبيكه وسوق الليل والقراره , واسمعوا يلا تشاهدونا على البت المباشر , واشهدوا يا من حضر أني جوزت بنتي غزاله على منقاش وان ما وفيت بكلامي الوليه أمها طالق بالتلات ..
كان يلج ملعب الصبان بالصفير والتصفيق والتغريد وغطرفة المشجعات , ونزلت الناس الميدان اللي يهني واللي يغني , مثل أغنية اهل مكه : عريسنا يا بدر بادي .... دامت لياليك السرور ... أخذتها وانت الموفق ,,,, حوريه من بنات الحور ,,,, واللي يلعبون مزمار ويتقاشعون بالنبوت (بالشون) ,,, والقبايل نزلت بشعارها وشبت نارها وابتدت ملاعبها وقصيدها ...
ناديت بالمكرفون : أسمعوا يا من حضر ,,, على مهلكم , ولا تقولون بر حتى توكون عليه ,,, أول يملك لي العمده وانا على هالصندقه والكوره بيدي , وتروني ماني راعي خنبقات ودبلات وشبكات ونكبات , هذا ماهو دلنا ولا طبع أهلنا..
ما قصر المشجعين , طلعوا من وسطهم 50 مملك و200 شاهد واملكوا لي على بنت العمده الست غزاله ,,, وبعدها نادى عليهم منادي العمده بالمكرفونات أن زفاف غزاله على منقاش القابله في نفس المكان في ملعب الصبان,, ونادي مناديه : كلكم ضيوف يا من حضر , ويا من يقدر يحضر من المشاهدين واولكم أرحام العمده جماعة منقاش, والشاهد منكم يبلغ الغايب ...
ثم نادى منادي نادي الصبان يقول : مبارات اليوم فاتت وماتت بسبب فتن منقاش ,, ومبارات بكره مؤجله بسبب جواز منقاش ,, والمباراه بعد بكره بشرط ما يحضرها منقاش ..
وانا على ألصندقه أتفكر في العروس غزاله تذكرت أني متزوج سبع نسوان على عدد ليالي ألأسبوع ولا يجوزلي الثامنه ,, وحتى لا أخالف الشرع طلقت السابعه حتى يخش مكانها الست غزاله , واعطيت الكوره رفسه طارت معها مداسي وعلى أول الكوره هدف في بوابه والحذا هدف في الباب الثاني ,, ثم نزلت على أكتاف المهنين ...
حفل الزفاف وباقي العلوم يبي يرويها لكم عمي العمده مروق المنقه , ما أحب أتقدم عليه في الهرجه ,, وترون السالفه كانت مخالفه لكن عودت للدرب يوم شفت اليوم تهديد من العمده .
وترون بنت العمده قد تجوزت قبلي مية عريس وبقيت كما هي بنت , واثر ما فيه عريس تجوزها قبلي وقعد عندها ساعه ألا خرج له نويح وثيابه شليح وتاب ولا عاد تزوج بعدها يحسب كل النساء مثلها, واثر أبوها ما كود يكلفتني فيها, يبغي يملطشني ويربيني على يدها , وسلامتكم ...

[@ بن سلمان @]

يعني نقدر نقول انك العريس 101 وهي ما زالت بنت
اهم شي ما تبقى بنت
االلي اخافه انك قاعد تقدم السبت يالفحل

[المشتاق]

العم منقاش
المعذرة الجبان ابو تركي لطش جوازي وحطه تحت اسمه
وهذه صورة من الحظ كانت عند عمتي زهور

تكفى يا عم انك ترجع لي جوازي

[أبو عبدالرحمن]

رائع يا عم منقاش...أقصد ياعريس غزاله..

عملت خير كبير جدا لأرحام العمدة..حيث كان يجبرهم بالزواج من غزاله..

نحن ننتظر وليمة زواجك في الطائف..

[منقاش]

يا مشرفين نصف السالفه ألأخير محذوف ,,, وش ألحاصل عندكم ؟؟.

[الشيهان]

ما للغزاله الا الغزال

عزالله ان هذا العمده مثل هوامير سواء

اجر حمارك في الكرنيش واخذ الفلوس
وحطك في السيرك محل واحد من المهرجين واخذ الفلوس
واخرتها زوجك بنته المصلبه اللى تزوجوها 100 ومازالت بنت
شكل حمارك احلى منها والعياذ بالله
عموما مبروك وتستاهل كل ما جرىلك هذي نهاية اللى يترك ربعه ويهايط مع الحضران
ياما نصحناك يامنقاش وقلنا لك خلك مع راعي السواني تراه رجال طيب ورويعي الغنم ماهو لاش على مافيه لكنك اصوك

[أبو عبدالرحمن]

القصة قرأتها ...لكن يبدو أن غزالة زعلت من القصة

والشكر لابن سلمان ...احتفظ بالقصة ..وأستطاع أن يعيدها!!!!

[أبوخالد]

يامنقاش يقولون من علم بذنبه غفر الله له
هات علومك

[منقاش]

وجيه الرفاقه , أبن سلمان , مشتاق , أبو عبد الرحمن , أبو أمجد , أبو خالد : هو من اللي سمح لكم تدخلون على موضوعي ؟؟.
وليش ما تسيرون جبناء وتندسون عني مثل المشيلحي ورويعي الغنم وما فيه فرامل وابن عزاب وابن داخل وابو عادل وابن عواض وابو تركي وخلف عبدالعزيز وحسن عابد والنتيف وباقي الشله؟؟ ...
بعدين يبو خالد وراك تورط مع أبو تركي في مشكلة ألمكانس , وانت كنت في البروح وسلامة الروح ؟؟.

[أبو علي]

منقاش بكاش ، منقـــــــــــــــــــــــــــــــــــــــــــاش بكـــــــــــــــــــــــــــــــــاش

بس يا منقاش دقق دقق ، الكبار كبار ، خليك من البكش .


امس ابوتركي ماسحبك الجبال وداقك القنابل والصواريخ واليوم رايح يم العمده يا عمده
شكلك بتسوي علينا عمدة اح من حركاتك اش اللي خلاك تقول ان العمدة زوجك بنته علشان لا يقولو الاعضاء ذيك الهرجه