اغتيال حقيقي

[الخنساء]

اغتيال حقيقي اغتيال حقيقي اغتيال حقيقي اغتيال حقيقي اغتيال حقيقي

بصراحة انا عندي خبر عاجل جدا

بس ماني متاكدة مية مية

يقولون ان مشتاق اغتاله اثنين من ربعنا وانا ماني متاكدة بس اوجه الاتهام لكل من :

1/ بن داخل .............

2/ بن سلمان .......

بالله عليكم اللي يعرف خبر عن مشتاق يدلني على مكانه بسرعة .


[poem=font="Simplified Arabic,4,#000000,normal,normal" bkcolor="" bkImage="image/backgrounds/9.gif" sdImage="sides/18.gif" border="ridge,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break="breaklines/7.gif"]
يامن يجبلي خبر مشتاق وياخذ مني احلى هدية
القلب به زاد احتراق والعين بالنوم ماهي هنية [/poem]

[بن داخل]

يابنت الناس مشتاق مسكته الجوازات
وجلس في الترحيل اسبوع وبعدين سفروه
وجاني خبر ان زهور ارسلت له فيزة سائق خاص
ورايح يرجع بس بإسم جديد لأنه سجل من مخالفي
العمل والإقامة والنظام يمنع دخوله مره ثانية
وبعدين تورطيناأنا والوديع بن سلمان اللي ماقد
ذبح دجاجة (أحلف عليها )
وترين بلدنا مافيه الا مسط روس السيف الله يخارجنا منه
خافي الله يامسلمة
توبي عن هذي الفعول الشينه
الله ماأقوى كيدكن ياشريحات
s65.gif

[الخنساء]

الله يصلحك انا لي واسطة بالجوازات
وسالت عنه قالوا ما سمعنا له طاري
وبعدين انا قدمت طلب قبل زهور على نقل كفالته
بس انت وبن سلمان اخفيتوه
والسبب ما ادري عنه ؟؟؟؟

بس انه فيه خبر من شان مشتاق بينك انته وبن سلمان والطرف الثالث زهور ما احد يدري عنه

والظاهر انه عارف عنكم شي وخايفين انه يبينه ويبديه للناس ولكذا اخفيتوه

بس راح يجي اليوم اللي يطلع الخبر وتنكشفون

وانا اطلب من اخوي اقزوز واخوي مصرقع يساعدوني ويطلعون فضايح الله عالم بها ..

[@ بن سلمان @]

خنيسه /
العفو بس تريه اسم الدلع اللي احب انك تاخذينه
اما عن المشتاق فهو حي يرزق واخر علمي فيه زي ما قال بن داخل كان جاي على فيزا راعي وضبطته الجوازات يبيع برشومي مقرش امام منشية الشهداء الجنوبية
والله العالم ان كفيله ما هو بعيد عن اعضاء المنتدى واقرب ما يكون ابو عبدالرحمن وانه ان شاء الله راجع بعد تصحيح وضعه وبيجي على كفالتي انا
وبشتري الاعرج من ابي عبدالرحمن وبسورة واحطه حارس عليه

بعدين عن التهجم على خلق الله لا اصكك بين عيونك بكلمتين من اللي ماتتمنينها لعدوك

[بنك المعلومات]

خنيسه
اشم فيك ريحة وحده واعرفها
خلي بس اتاكد
والله لعلم ابوك
وش جايبك هنا

[الخنساء]

ابن سلمان انت اكبر من اسم دلعي اللي ذكرته

بس انت وبن داخل لكم مأرب من اللي مسوينه مع مشتاق وابتعاد مشتاق ما هو سبب الجوازات لان الجوازات اذا سفرت واحد تعلن عنه بس ابسالك سؤال وين زهور عن العلم ما لها مبدا وما تتكلم بشي ...

لكن العلم اللي جاني ان فيه والله اعلم طعه مع زهور ومشتاق وايو عبد الرحمن يدري بها بس ما وده بالفضايح

والله يجزاه بالخير

واخي بنك الله يعطيك العافية ما ببعيده عن معرفتك وتسلم

ومشتاق راح يرجع يعني يرجع

[واقعي جدا]

اعجبتني كلمة مشتاق راح يرجع يعني راح يرجع
سامعها في فيلم مصري ( هريدي راح يرجع البلد يعني راح يرجع )
وانتي وش تبين في مشتاق راح والا رجع
لايكون شرا من بسطتك ولا حاسبك
معك حق الريالين ماهي بسهله مصروف شهر

[@ بن سلمان @]

خنيساء /
مدري وش مصبره ابوعبدالرحمن والا وش علاقة موضوعك بالمجالس الادبيه
لو انا كان شايتك انت وموضوعك لتجارب الكتابه
بس على الاقل ابدي لك بكم كلمة تحسسينه انك تتكلمين في شعر والا ادب
خذي مثال /
كان يا ما كان في سالف العصر والاوان, كان هناك في الباكستان
كان هناك رجلا طويل القامة , عظيم الهامة , أوصافه كلها دمامة
أستوفدته بعض الايادي , وجاءت به الى احدى البوادي
جاءت به على فيزة راعي اغنام , فاصبح يرعى عنها الاوهام
جيء به للزراعة , بعد ان بدل متاعه , اعطي مسحاة يفلح ويزرع بطن الوادي حتى تلاعه .
تين وفجل ورمان , حتى وقع في يد الضابط خلفان , ورحل الى باكستان , هكذا كان الاعلان .
الا اني اشتم رائحة جريمة , وقصة محبوكة قديمة , بن داخل وبن سلمان وتلك السقيمة .
قتل وربما اعتداء وسلب , بعد فقده من لي أحب , اابقى وحيدة عرضة للنهب؟
بعد ان كان مفتولة ازناده , اصبح هشيما لا تجد غير رفاته

بهذه تجدين مدخلا الى عالم الادب ويحق لك التواجد بيننا
اوعبتي مقالتي خنيساء
رحم الله مشتاقك

[بن داخل]

يابن سلمان استر خنيسة
الله يسترك دنياوآخره
تراها يكفيها اللي فيها

[أبو انس]

أثرك يا بن عمي متهم بجريمة قتل وتجالسني أنت وابن سلمان
تريدون تودونا في داهية
لا عاد تكلمني ولا عاد تتصل علية لين تثبت براءتكما أنت وابن سلمان
والله يعوض علينا في القرص والسمن والعسل