سحور منقاش؟؟؟؟؟؟؟

[مخاوي منقاش]

سحور منقاش؟؟؟؟؟؟؟ سحور منقاش؟؟؟؟؟؟؟ سحور منقاش؟؟؟؟؟؟؟ سحور منقاش؟؟؟؟؟؟؟ سحور منقاش؟؟؟؟؟؟؟

تذكرون ياجماعة الخير يوم اعطيت المقرود انذار بانني سوف اتسحر عندة يوم 11 رمضان ويوم 10 اتصلت عليه قلت له هاه قريت الرسالة وانكر انه قراها قلت يالله لك عشر دقايق اقرها قال لا انا قريتها وبس يمكن مااكون بالطايف 0 قلت والله لا افضحك عند ربعك المهم كلمت جابر وجابر ضغط علية وهو ما يخرس معه 0000الزبده جيت زي ماعترف لكم وسمرنا والرجال كان متوتر ورايح وجاي وبعد ساعة جاب تمر ( من التمر اللي جبته معي) والدلة ويوم صب اول فنجال وذقت القهوه الا طعمها غريب وش هذه يامنقاش؟ قال قهوه شعير وانا الحقيقة فقدت اعصابي وكبيت الفنجال بوجهه قال ليه ؟قلت ليه حنا حمير تكرمنا بشعير وتدخل ابو اشرفوجابر وهدو الموضوع وقام ابو اشرف ونقز لم بيته وجاب قهوه وبكل برود يقوله منقاش خوش قهوه بس ليتك ماكلفت نفسك وبعد شوي راح يجيب الشاهي ويوم جابه الا شاهي اصفر ما فيه سكر و بارد وبغى يقوم ابو اشرف يجيب شاهي وعييت عليه وقبل الاذان بربع ساعة بعد مانتف منقاش بلحيته وتمتم بكلمات الظاهر انها سب قام وجاب السفرة وجاب 3علب ببسي (دايت) وصحن صغير فيه بصل وحطة بوسط السفرة وقال سمو على سحوركم (والله العظيم ان السالفه صحيحه 100%) واللي يعرف جابر وابو اشرف يسالهم ان كان ماحصلت لثمالةكلها علي حق
والمشكله الوقت خلاص يادوب الواحد يلحق يشرب ما وانا ماتكلمت لاني ضيف ومؤدب واستحي بس ابو اشرف قاله ايش هذا ياجار تقدم لضيوفك بصل قال ايش فيه البصل حماري وهو حماري اوكله بصل وماشي زي الحمار المسكين ابو اشرف عنده السكر الله يشفيه كاد ان يغمى علية وصمنا على بصل وسلامتكم

[admin]

زين حصل منه هذه السالفة
الرجال حصل مع جماعته أشياء أكثر وأكثر.مرة أكل جماعته ـ أكرمك الله ـ جحش ـ من الجحوش اللي عنده
لكن ابشر بالحق .

[سنا الهجرة]

خخخخخخخخخخخخخخخخخخخخخخخخخخخخخخخخخ


الناس تصوم تصوم تصوم وتفطر على بطله

وانت الحين تسحرت على بصله >>>>> حلوه صراحه

ومنقاش الحين أبتدع لنا مثل جديد راح يتداولونه الناس من بعدنا

وهو :[blink] متسحر بصله[/blink]

يمكن الرجال ما عجبه المثل الاول حب يغيره

ويمكن انت يا خويه لك سوابق ما ندري عنها

لكن الامر بسيط

حط معدالك وأفرش فراشك وان طلع لك شي عند منقاش تبي تاخذه وان كان تتبلى على منقاش

الله يعينك يروح معدالك وتتحمل الفراش
وتطلع من المولد بلا حمص


وان كان تبي الصدق

منقاش أخبره رجال عاقل ما يسوي هذي العلوم

الا ان كان فيه أشياء بينك وبينه وحب يمزح معاك

وانت جيت الحين تفضح بالرجال فــ هذي مالك حق فيها مره ويا ويلك لو يثبت عليك منقاش شي من هذا القبيل

عز الله انك بلشت

[@ بن سلمان @]

هلا والله بالغايب التايب ان شاء الله
ابو اشرف رجال طيب وقد صدفناه اكثر من مرة وانا ادري ان ما يدرأ هفوات النقيصة منقاش الا جار مثل ابو اشرف وصديق مثل جابر
لكن تبي الحق وما يلحق حنا والله ما عرفنا قهوة الشعير الا منكم يا هل الشمال
طول عمرنا شعيرنا لحميرنا لين عرفناكم وصرنا نخاشرهم

[الشيهان]

الحقيقه يامخاوي منقاش ماودي اقول لك حقك وماجاك

انت اصلا وش وداك لمنقاش

من تعرض للبلاوي لايقول الله بلاني

بعدين ان كان ودك تعلمنا عن فعاليل منقاش ترانا نعرفها وماتخفى علينا

وان كان ودك تطلب حق فلا تدور عندنا شي يخص منقاش لان كل القبيله متبريه منه ومن فعايله لانعبطه ولانشبطه خذ حقك بيدك لن كنت فاعل

لاوالله نسيت فيه واحد رجال عاقل يحب الخير وممكن يجلد منقاش على فعلته وهو راعي السواني روح تسحر عنده ليله وعلم له

اني صائم

[منقاش]

يا الله صباح خير , أعوذ بالله من عيال الحرام ومن بنات الحرام .
يا جماعه الجود من الماجود , والليله اللي داهمني فيها قلال الخاتمه كان سور حماري من الشعير أحسن ما عندي أقهويهم به .
وبعدين , ضيوف آخر زمن , وضيوف قلال أدب ما يلفون ألا بعد ما يهود الليل .
صحيح سحرتهم بصل حتى ما عاد يعيدونها ,, ويش يدورون عند منقاش ؟.
وطلبوا مويه وحطيت لهم فيها مسهل وبلغني أنهم ما شافوا بعده الراحه الا في بيت الراحه , واظن بعضعهم سواها على نفسه في الطريق .
واللي يجيني يستاهل اللي يجيه . سمعنم والا لا ؟؟.

[أبو عبدالرحمن]

حسبي الله عليك يا منقاش اللي تنحاش..

ليش تفشلنا ..حركاتك هذه معروفة بين جماعتك ..لكن أخذنا عهد عليك أنك تكون مع أي ضيف نعم الرجل!

ليتك أخبرتني ..كان سدينا عنك..

المرة القادمة إن هجم عليك مخاويك ..عطني خبر..

ومعليش يا مخاوي منقاش..هذه المرة عندنا..
ونعرف ما حصل لك ولضيوفك ما ينفعه اعتذار!! لكن برضه الشرهة عليكم ليش ماخبرتمونا!!

[مخاوي منقاش]

اخوي ابو عبد الرحمن تراني طلبت منه يقول لك وللاخ ابو امجد ورداد بس يقول كلهم اخذين عمرة ولا هم اهل سحور لانهم مثل الاعرابي يوم قالوله اتى رمضان قال والله لاقطعنة بالاسفار وبعدين يوم كتبت موضوع سحور منفاش اتصل معاتبا وقال انا بست راسك قدام جابر وابو اشرف علشان ما تعلم احد قلتله ياراعي الحمير لو عشيتنا خيال كان ماعلمت احد وانا ماقلتلهم سالفة حبة الرمانه الي حلفت اخذها افرح فيها عيالي حسب مفهومك والامارية انه اعطى ابو اشرف حبتين وانا وحده واسالو جابر اللهم اني صائم

[سنا الهجرة]

شكل خوي منقاش هذا يستاهل ما جاه وأكثر
والا وش بلاه ينقز عن علوم الرجال كلهم هذولا ويروح لـ أبو عبدالرحمن آخر واحد تكلم

والا علشان حس انه قايم معاه

والحقيقة أني الوم أبو عبد الرمن يوم يختم لخوي منقاش

يبدوا ان منقاش عارف خويه زين

ولا فض فوك يا بن سلمان

عز الله انك جبت الغايبه
بعدي والله يابن سلمان
وبيض الله وجهك يامنقاش
وفيت وكفيت
وخل خويك علشان يفتح عيونه مرة ثانيه ولا يستهين بالرجال

[منقاش]

يقول المثل أذا أكلت بصل أشبع بصل . والقشران قشروا كيس بصل واكلوه مع السفن حتى شبعوا وظلى لهم كريع وطقيع مع كل ريع .
وعلى فكره , ترونهم ما قاموا ألا بعد شديت حزامي وشافوا العين الحمراء.
أخويه سنا الهجره : صدقت الرجال طنشكم وراح لبو عبدالرحمن نفاق لأنه مدير الكنفيوتر , ونسي أن ابن سلمان مراقب وان ابو أمجد مزيت والمشاكس نفاح .