أين بر الوالدين

[أبو عبدالعزيز]

أين بر الوالدين أين بر الوالدين أين بر الوالدين أين بر الوالدين أين بر الوالدين

يـا ليتنـي خدامـة بيـن اياديـك
‏ من ‏شان اشوفك كل يوم برضايـا

هذي قصيدة ام بعد ان وداها ولدها .. للمصحه ( دار العجزة ( ..او كما يقااال ( دار النسيان ( ..

‏ اترككم مع القصيدة

وين انت ‏يا حمدان امـك تناديـك
‏ وراك مـا تسمـع شكايـا وندايـا
‏ يا مسندي قلبي على ‏الدوم يطريـك
‏ ما غبت عن عيني وطيفك سمايـا
‏ هذي ثلاث سنين والعيـن تبكيـك
‏ ما شفت زولك زايـر يـا ضنايـا
‏ تذكر حياتي يـوم اشيلـك واداريك
‏ والاعبـك ‏دايـم وتمشـي ورايـا
‏ ترقد على صوتي وحضني يدفيـك
‏ ما غيرك احدٍ ساكن فـي ‏حشايـا
‏ واليا مرضت اسهر بقربك واداريك
‏ ما ذوق طعم النوم صبـح ومسايـا
‏ ياما عطيتك من حنانـي وبعطيـك
‏ تكبـر وتكبـر بالأمـل يـا منايـا
‏ لكن ‏خساره بعتني اليـوم وشفيـك
‏ واخلصت للزوجه وانا لي شقايـا
‏ انا ادري انها ‏قاسيـه مـا تخليـك
‏ قالت عجـوزك مـا ابيهـا معايـا
‏ خليتني وسط المصحه وانا ‏ارجيك
‏ هذا جزا المعروف وهـذا جزايـا
‏ يـا ليتنـي خدامـة بيـن اياديـك
‏ من ‏شان اشوفك كل يوم برضايـا
‏ مشكور يا ولدي وتشكر مساعيـك
‏ وادعـي لـك الله ‏دايـم بالهدايـا
‏ حمدان يا حمـدان امـك توصيـك
‏ اخاف ما تلحق تشـوف الوصايـا
‏ اوصيت دكتور المصحه بيعطيـك
‏ رسالتـي واحروفهـا مـن بكايـا
‏ وان مت لا ‏تبخل علـي بدعاويـك
‏ واطلب لي الغفران وهـذا رجايـا
‏ وامطر تراب القبر بدموع ‏عينيـك
‏ ما عـاد ينفعـك النـدم والنعايـا

[أبو علي]

يبا الله يسالك يا حمدان صرفت الوالده وتب تهنى في الدنيا ما دريت ان مصير ولدك يوديك في نفس المكان ،

[أبو عبدالرحمن]

يعيطك العافية ـ أبو عبدالعزيز ـ على هذه المشاركة الموفقة

[ابو فهد]

مشكوووووووووووووووووووووووووووور

[أبو عبيدة]

مشكوووووووووووووووووووووووووووور

[خلف بن عبدالعزيز الثمالي]

وفقك الله يا ابا عبدالعزيز على هذه المشاركة المؤثره